பாகிஸ்தானில் 2வது திருமணம் செய்த தாயை கோடாரியால் வெட்டி கொன்ற மகனின் செயல் அதிர்ச்சியை ஏற்படுத்தியுள்ளது.

பாகிஸ்தானில் உள்ள ஸ்வாத் மாவட்டத்தில் குலாம் பாத்திமா என்ற பெண் வசித்து வந்துள்ளார். தன் கணவரை இழந்து, விதவையாக வாழ்ந்த வந்த இப்பெண் கடந்த 55 ஆண்டுகளுக்கு முன்பு தனது குடும்பத்தாரின் பலத்த எதிர்ப்புக்கிடையே ஃபசல் ரசாக் என்பவரை காதலித்து திருமணம் செய்து கொண்டார்.

இதன்பின் அதே மாவட்டத்தில் உள்ள மல்கானா மோர் பகுதியில் கணவர் மற்றும் அவர் மூலம் பெற்றெடுத்த 9 குழந்தைகளுடன் வாழ்ந்து வந்துள்ளார்.

இந்நிலையில் இவரது முதலாவது கணவனின் மகன் ஒருவர், சில நாட்களுக்கு முன்பு தாய் பாசத்தில் பாத்திமாவை காண வந்தாக கூறி, அவரது வீட்டில் தங்கியுள்ளான்.

இதற்கிடையே கடந்த 8ம் திகதி உணவில் மருந்து கலந்து பாத்திமா, அவரது கணவர் மற்றும் குழந்தைகள் உட்பட 6 பேரை ஒரு கும்பலின் உதவியுடன் கோடாரியால் வெட்டி கொன்றுள்ளான்.

இச்சம்பவத்தில் பாத்திமா மற்றும் அவரது கணவர் மற்றும் 4 குழந்தைகள் பரிதாபமாய் உயிரிழந்துள்ளனர். மேலும் படுகாயமடைந்த 5 குழந்தைகளும் மருத்துவமனையில் சிகிச்சை பெற்று வருகின்றனர்.

தற்போது தலைமறைவாகியுள்ள குற்றவாளியையும், அவனது கூட்டாளிகளையும் பிடிக்க ஸ்வாத் மாவட்ட பொலிசார் தீவிர தேடுதல் வேட்டையில் ஈடுபட்டுள்ளனர்.

சவுதியில் பணிப்பெண் ஒருவருக்கு வாளால் தலை துண்டித்து மரண தண்டனை நிறைவேற்றப்பட்டுள்ளது. எதியோப்பியாவை சேர்ந்த கடிஜா பின்ட் மொஹமட் இஸா என்ற பெண்ணை தம்பதியினர் ஒருவர் தங்களது குழந்தையை பார்த்துக் கொள்ள பணிப்பெண்ணாய் அமர்த்தியிருந்தனர்.

இந்நிலையில் இவர் தான் பார்த்துக் கொள்ளும் அல்ஜாஸி பின்ட் மொஹமட் பின் பஹ்ட் அல்–ஹர்பி (3) என்ற குழந்தை தூங்கி கொண்டிருக்கும் வேளையில், அதை 30 முறை கத்தியால் குத்தியுள்ளார்.

இந்தப் படுகொலை செய்ததையடுத்து தப்பி சென்ற கடிஜா, பொலிசாரின் தீவிர தேடுதலில் பிடிப்பட்டுள்ளார். இதனையடுத்து நீதிமன்றத்தில் ஆஜர்ப்படுத்திய கடிஜாவுக்கு, வாளால் தலையை துண்டித்து மரண தண்டனை நிறைவேற்ற நீதிபதி உத்தரவிட்டுள்ளார்.

இறுதியில் சவுதி அரேபியாவின் வடகிழக்கு நகரான, ஹபார் அல்– பாதினில் இவருக்கு மரண தண்டனை நிறைவேற்றப்பட்டது.

இவருடன் சேர்த்து இந்த வருடம் சவூதியில் மரணதண்டனை நிறைவேற்றப்பட்டவர்களின் எண்ணிக்கை 78 ஆக உயர்ந்துள்ளதாக கூறப்படுகிறது.

கனடாவில் பிரிட்டிஷ் கொலம்பியா மாகாணத்தின் தெற்கு கரையோரப்பகுதியை தாக்கிய சக்திவாய்ந்த புயலால் ஆயிரக்கணக்கான மக்கள் மின்சாரத்தை இழந்துள்ளனர்.

பிரிட்டிஷ் கொலம்பியாவில் செவ்வாய் கிழமையன்று காலை, பிரிட்டிஷ் கொலம்பியா மாகாணத்தின் தெற்கு கரையோரப்பகுதியை சக்திவாய்ந்த மித வெப்பமண்டல புயல் தாக்கி்யுள்ளது.

இதனால் ஏற்பட்ட பலத்த காற்றினால் படகுச் சேவைகள் ரத்துச்செய்யப்பட்டது. ஆயிரக்கணக்கான மக்கள் மின்சாரத்தை இழந்துள்ளனர். பலத்த மழையினால் வீதிகள் மற்றும் ஆறுகளில் வெள்ளம் கரைபுரண்டு ஓடுகின்றது.

பிற்பகல் அளவில் புயலின் வேகம் சற்று தளரந்திருந்த போதும் பல இடங்களில் செவ்வாய்கிழமை மீண்டும் திரும்பி புதன்கிழமை காலை வரை நீடிக்கும் என தெரிவிக்கப்பட்டுள்ளது.

வன்கூவர் ஐலன்ட் கிழக்கு கரை, கோட்டெனி நகர் பகுதிகளில் ஒரு அவசர கால நிலை பிரகடனப்படுத்தப்பட்டு நகரின் பல வீதிகள் மூடப்பட்டது.

மேலும், ஆறுகளும் சிற்றோடைகளும் தொடர்ந்தும் உயரும் என எதிர்பார்க்கப்படுவதால் வன்கூவர் பணிக்குழவினர் வெள்ளப்பெருக்கை தடுக்க மணல் மூட்டைகளை அடுக்கும் பணியில் ஈடுப்பட்டுள்ளனர்.

அமெரிக்க உளவுத்துறை சிஐஏ தீவிரவாத சந்தேக நபர்களை விசாரணையில் என்ற பெயரில் சித்ரவதை செய்திருப்பதாக யு.எஸ். செனட் புலனாய்வு குழு குற்றம்சாட்டியுள்ளது.

அமெரிக்காவின் இரட்டை கோபுர தாக்குதல் விவகாரம் தொடர்பாக அல்கொய்தா இயக்கத்தினர் என்று சந்தேகிக்கப்பட்ட நபர்களை கைது செய்து கியூபாவின் குவாண்டனாமோ ரகசிய சிறையில் சிஐஏ அடைத்தது.

அவர்களிடமிருந்து அல்கொய்தாவில் எதிர்கால திட்டங்களை அறிந்து கொள்வதாக கூறிய சிஐஏ மோசமான சித்திரவதைகளை கையாண்டது அவ்வப்போது சர்ச்சையாக வெளிவந்து கொண்டிருந்தது.

இந்நிலையில் சிஐஏவின் இந்த சித்திரவதைகள் குறித்து விசாரணை நடத்திய அமெரிக்காவின் செனட் புலனாய்வுக் குழு தற்போது சுமார் 500 பக்க அறிக்கையை வெளியிட்டுள்ளது.

இதனை இக்குழுவின் தலைவர் டையான் பெயின்ஸ்டைன் நேற்று இந்த அறிக்கையை வெளியிட்டுள்ளார். இந்த அறிக்கையில் கூறியிருப்பதாவது, விசாரணை கைதிகளை மாதக் கணக்கில் தூங்கவிடாமல் நிர்வாணப்படுத்தி அடித்து துன்புறுத்தியுள்ளனர்.

குறுகிய சங்கிலி ஒன்றின் மீது நிற்க வைத்து பல மணிநேரம் குனிந்தே நிற்கும் படி செய்தும் உள்ளனர்.
பல கைதிகளை சங்கிலிகளால் கட்டிப் போட்டு மலத் துவாரம் வழியே நீர் மற்றும் உணவை செலுத்தி மனிதாபிமானமற்ற முறையில் சித்திரவதை செய்துள்ளனர்.

இதில் ஒரு விசாரணைக் கைதி மரணமடைந்தும் போயுள்ளார்.
உண்மையை வரவழைக்க நாய்களை காது அருகே குரைக்க விடுவது, பாடல்களை மிக அதிக சப்தமாக பாடவிடுவது.
இப்படி கைதிகளை சங்கிலிகளால் கட்டிப் போட்டு நிர்வாணப்படுத்தி சித்ரவதை செய்தும் அவர்களிடம் இருந்து எந்த ஒரு உருப்படியான தகவலையும் பெறவும் இல்லை என கூறப்பட்டுள்ளது.

ஆனால் சிஐஏவின் இயக்குநர் ஜான் ப்ரென்னன், தாங்கள் கடைபிடித்த விசாரணை முறை சரியானதே, விசாரணை கைதிகளிடம் இருந்து தேவையான தகவல்களைப் பெற்றோம் என கூறியுள்ளார்.

மேலும், சிஐஏவின் இந்த சித்திரவதை நடவடிக்கைகள் அமெரிக்காவுக்கு பாதிப்பை ஏற்படுத்தியுள்ளது என அமெரிக்க ஜனாதிபதி ஒபாமா தெரிவித்துள்ளார்.