வட மாகாண பிரதம செயலாளர் திருமதி விஜயலட்சுமி ரமேஸுக்கு தொலைபேசி ஊடாக கொலை அச்சுறுத்தல் விடுக்கப்பட்டதை அடுத்து அவருக்கு பொலிஸ் பாதுகாப்பு வழங்கப்பட்டுள்ளதாக பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் அஜித் ரோஹண தெரிவித்தார்.
இதற்கமைய பிரதம செயலாளரின் வீட்டிற்கும் தனிப்பட்ட முறையிலும் வெவ்வேறாக பொலிஸ் பாதுகாப்பு வழங்கப்பட்டுள்ளதாக அவர் மேலும் தெரிவித்தார்.
அவரது கையடக்க தொலைபேசிக்கு வந்த அழைப்பு மற்றும் வெளிநாட்டிலிருந்து வந்துள்ள குறுஞ்செய்தி தொடர்பிலும் விசேட விசாரணைகளை பொலிஸார் ஆரம்பித்துள்ளதாக அவர் மேலும் தெரிவித்தார்.
இந்த தொலைபேசி அச்சுறுத்தல் தொடர்பில் பிரதம செயலாளர் யாழ்ப்பாணம் தலைமையக பொலிஸ் நிலையத்தில் நேற்று முன்தினம் முறைப்பாட்டையும் பதிவு செய்துள்ளதாகவும் அவர் சுட்டிக்காட்டினார்.
இந்தச் சம்பவம் தொடர்பாக மேலும் தெரிய வருவதாவது ..
வட மாகாண பிரதம செயலாளர் திருமதி விஜயலட்சுமி ரமேஷின் கையடக்க தொலைபேசிக்கு கடந்த ஞாயிற்றுக்கிழமை இரவு 8.30 மணிக்கு இலக்கம் தெரியாத அழைப்பு ஒன்று வந்துள்ளதுடன் நாங்கள் இல்லை என்று நினைத்துக் கொண்டா செயற்படுகின்றீர்கள், கவனமாக இருங்கள், பதவி விலகுங்கள் என்று கடுமையான தொனியில் அச்சுறுத்தியுள்ளனர்.
இது தன்னை அச்சுறுத்துவதற்காக எடுக்கப்பட்ட அழைப்பு என்பதை உணர்ந்து கொண்ட அவர், அந்த அழைப்பை உடனடியாக துண்டித்துள்ளார். அதன் பின்னர் தொடர்ந்து அழைப்பு வந்துள்ள போதிலும் அவர் அதற்கு பதில் கொடுக்கவில்லை.
இந்நிலையில், சுமார் ஒரு மணித்தியாலத்திற்கு பின்னர் வெளிநாட்டு தொலைபேசி இலக்கமொன்றிலிருந்து குறுஞ்செய்தி வந்துள்ளது.
நீங்கள் கவனமாக இருங்கள் இது அதிகார போட்டிக்குரிய காலம் அல்ல. நீ அழித்தொழிக்கப்படுவாய் என்று அந்த எஸ். எம். எஸ். மூலம் அச்சுறுத்தல் விடுக்கப்பட்டுள்ளது.
இதனையடுத்து பிரதம செயலாளர், அமைச்சர்களான டக்ளஸ் தேவானந்தா, ரிஷாட் பதியுதீன் மற்றும் வட மாகாண ஆளுநர் ஜீ. ஏ. சந்திரசிறி ஆகியோரின் கவனத்திற்கு கொண்டு வந்துள்ளதுடன், யாழ்ப்பாணம் பொலிஸாரிடமும் முறைப்பாடு செய்துள்ளார்.
நேற்று முன்தினம் பதிவு செய்யப்பட்ட முறைப்பாட்டை அடுத்து யாழ். தலைமையக பொலிஸ் நிலைய பொறுப்பதிகாரியும், யாழ். மாவட்ட பிரதிப் பொலிஸ் மா அதிபரும் நேரில் சென்று பிரதம செயலாளரிடம் விசாரணைகளை மேற்கொண்டுள்ளனர்.
இந்த அச்சுறுத்தல் தொடர்பில் வடமாகாண ஆளுநர் ஜீ. ஏ. சந்திரசிறி தெரிவிக்கையில்..
தனது மாகாண பிரதம செயலாளர் மீது விடுக்கப்பட்டுள்ள கொலை அச்சுறுத்தலை அடுத்து தேவையான பாதுகாப்பை வழங்க ஆளுநர் என்ற வகையில் சம்பந்தப்பட்ட பொலிஸ் உயர் அதிகாரிகளுடன் பேசி நடவடிக்கை எடுத்துள்ளேன்.
திருமதி விஜயலட்சுமி ஒரு சிறந்த அரசாங்க அதிகாரியாவார். தமது பணிகளை சிறந்த முறையில் செய்யக்கூடியவர். இந்நிலை வெளிநாட்டிலிருந்து செயற்படும் சில தீயசக்திகள், புலம்பெயர்ந்தவர்கள் அவரை அச்சுறுத்தி அவரது செயற்பாடுகளை முடக்க முயற்சிக்கின்றனர்.
அவ்வாறான செயற்பாடுகளை நாம் ஒரு போதும் அனுமதிக்க மாட்டோம். இவ்வாறான அச்சுறுத்தல்களுக்கு நாங்கள் அடிபணியவோ, பயப்படவோ, போவதில்லை. எனது மாகாணத்தில் சேவையாற்றும் சிறந்த அதிகாரிகளை பாதுகாக்க தேவையான நடவடிக்கைகளை நாம் எடுப்போம் என்றார்.
தனது பாதுகாப்புக்கு அச்சுறுத்தல் உள்ளதாகவும் இது தொடர்பில் உரிய நடவடிக்கை எடுக்குமாறும் ஆளுநர், அமைச்சர்கள் மற்றும் பொலிஸாரிடம் கோரிக்கை விடுத்ததாக வட மாகாண பிரதம செயலாளர் திருமதி விஜயலட்சுமி தெரிவித்தார்.
சர்வதேச ரீதியாக தீவிரவாதத்தை கட்டுப்படுத்தும் வகையில், புதிய சட்டம் இயற்றுவது கடினமான செயல்திட்டம் என ஐக்கிய நாடுகள் சபையின் இலங்கைக்கான பிரதி நிரந்தர பிரதிநிதி பாலித்த கொஹன தெரிவித்துள்ளார்.
நாடு முழுவதிலும் 65 ஆயிரம் போலி தேசிய அடையாள அட்டைகள் உலவி வருவதாகத் தெரிவிக்கப்படுகிறது.
இலங்கை மற்றும் பாகிஸ்தான் அணிகளுக்கு இடையிலான நான்காவது ஒருநாள் போட்டியில் பாகிஸ்தான் அணி 8 விக்கெட்டுக்களால் வெற்றி பெற்றுள்ளது.
இரண்டு வருட காதலரை மணக்க உள்ளார் சமீரா ரெட்டி. வாரணம் ஆயிரம், அசல், வேட்டை, வெடி, நடுநிசி நாய்கள் உள்ளிட்ட படங்களில் நடித்திருப்பவர் சமீரா ரெட்டி.
கடந்த 2004 ஆம் ஆண்டு இடம்பெற்ற சுனாமியில் உயிர் நீத்த எம் உறவுகளை நினைவுகூறும் முகமாக நாளை காலை இறம்பைக்குளம் இராணி மில் வீதியுள்ள வைரவர் ஆலயத்தில் வவுனியா மாவட்ட மக்கள் ஒன்றியத்தால் விசேட நிகழ்வுகள் நடைபெறவுள்ளன.
வவுனியா ஓமந்தைப் பகுதியில் குடும்பத் தகறாரு காரணமாக கணவன் ஒருவர் மனைவியினால் தீயிட்டு கொலை செய்யப்பட்டுள்ளார். இச் சம்பவம் தொடர்பாக மேலும் தெரியவருவதாவது..
கமல் ஜோடியாக நடிக்க காஜல் அகர்வாலுக்கு 2 கோடி சம்பளம் பேசியுள்ளதாக தகவல் வெளியாகியுள்ளது. இதன் மூலம் நயன்தாராவுக்கு இணையாக உயர்ந்துள்ளார். காஜல் அகர்வால் 2004ல் இந்திப் படமொன்றில் அறிமுகமானார்.
நடிகைகள் புத்தாண்டு நடனத்துக்கு தயாராகிறார்கள். இதற்காக பல லட்சம் ரூபாய் சம்பளமாக பேசியுள்ளனர். புத்தாண்டு கொண்டாட்டங்களில் நட்சத்திர ஹோட்டல்களில் நடிகைகளை நடனமாட வைத்து விருந்து சாப்பிடுவது பேஷனாகி விட்டது.
கன்னட சினிமாவில் அறிமுகமாகியுள்ள த்ரிஷா, ஜீவாவுக்கு ஜோடியாக நடித்துள்ள என்றென்றும் புன்னகை படம் வெளியான பிறகு திடீரென்று உற்சாகமாக காணப்படுகிறார். காரணம், அப்படத்தைப் பார்த்த அவரது அபிமான இயக்குனர்கள், ஹீரோக்கள் என்று பலர் அவருக்கு போன் போட்டு அவரது நடிப்பை பாராட்டினார்களாம்.
நய்யாண்டி படத்தில் தனக்கு பதில் டூப் நடிகையை வைத்து ஆபாச காட்சிகளை படமாக்கி விட்டதாக எதிர்ப்பு தெரிவித்து பரபரப்பாக பேசப்பட்டவர் நஸ்ரியா. போலீஸ் கமிஷனர் அலுவலகத்திலும் சென்று இயக்குனர் மீது புகார் அளித்தார். பின்னர் அக்காட்சி நீக்கப்பட்டதால் சமரசமானார்.
ஜேர்மனி நகரத்தின் மத்தியில் நிர்வாணமாக நபர் ஒருவர் மோட்டர் சைக்கிள் ஓட்டி செல்வது போன்ற வீடியோ வெளியாகி பரபரப்பை ஏற்படுத்தியுள்ளது.
இங்கிலாந்தில் 300 அடி மலைபள்ளத்தில் விழுந்து அதிர்ஷ்டவசமாக உயிர் பிழைத்த நாயை மீட்பு படையினர் மீட்டனர்.
சீனாவை சேர்ந்தவர் ஷெங்ஹைலின். 60 வயதான இவருக்கு 20 வயதில் ஒரு மகள் இருந்தார். கடந்த 2009ம் ஆண்டில் நடந்த விஷவாயு தாக்குதலில் மரணம் அடைந்தார்.
அண்டார்டிக்கா கடற்கரையிலிருந்து தென் துருவத்திற்கு வேகமாகப் பயணித்துச் சென்று புதிய சாதனையை படைத்துள்ளார் லண்டனை சேர்ந்த பத்தொன்பது வயது இளைஞர்.