இசைஞானி இளையராஜா சுகயீனம் காரணமாக சென்னையில் உள்ள தனியார் வைத்தியசாலையில் அனுமதிக்கப்பட்டுள்ளார்.

இன்று காலை பிரசாத் ஸ்டுடியோவிற்கு வந்த இளையராஜா தனது புதிய படத்திற்கான பாடல் இசையமைப்பில் ஈடுபட்டிருந்தார்.
அதன் பின் டிசம்பர் 28ம் திகதி நடைபெற உள்ள விழாவிற்காக பாடல் கம்போசிங்கில் ஈடுபட்டுக் கொண்டிருந்தார்.

அப்போது அவருக்கு லேசான நெஞ்சு வலி ஏற்பட்டது. இதனையடுத்து அவர் தனியார் மருத்துவமனையில் அனுமதிக்கப்பட்டார். அவருக்கு வைத்தியர்கள் சிகிச்சை அளித்து வருகின்றனர்.

தனுஷின் வுண்டர்பார் நிறுவனம் வேலையில்லா பட்டதாரி படத்தை தயாரித்து வருகிறது. தனுஷ்தான் நாயகன் பொல்லாதவன், ஆடுகளம் படங்களின் ஒளிப்பதிவாளர் வேல்ராஜ் படத்தின் இயக்குனர்.

படப்பிடிப்பு தளத்தில் வேல்ராஜை ஓரமாக உட்கார வைத்து தனுஷ்தான் படத்தை இயக்கிக் கொண்டிருக்கிறார். இந்தப் படத்தில் உதவி இயக்குனர்களாக இருப்பவர்களை தனுஷ் வேலை வாங்கும்விதம் பட யூனிட்டை முகம் சுழிக்க வைத்திருப்பதாக தகவல்கள் தெரிவிக்கின்றன.

மரியாதைக் குறைவான வார்த்தைகளை பயன்படுத்துவதும், சமயத்தில் கெட்ட வார்த்தைகளில் திட்டுவதுமாக தனது ஸ்டார் அந்தஸ்தை சாக்கடை தரத்திற்கு கீழிறக்கி நடந்து வருகிறார் தனுஷ்.

மற்ற தொழிலாளிகளை இப்படி கேவலமான வார்த்தைகளில் திட்டினாலோ, மரியாதைக் குறைவாக நடத்தினாலோ அவர்களின் சங்கங்கள் துணைக்கு வரும்.

ஆனால் உதவி இயக்குனர்கள், இயக்குனர்களின் தயவு இருந்தால் மட்டுமே ஒரு படத்தில் பணிபுரிய முடியும். இயக்குனர் நிராகரித்தால் அந்தப் படத்தில் பணிபுரிய இயலாது.

மற்ற உடலுழைப்பு தொழிலாளர்களைப் பொறுத்தவரை ஒருவர் எந்தப் படத்தில் பணிபுரிவது என்பதை பெரும்பாலும் சங்கங்களே தீர்மானிக்கின்றன.

உதவி இயக்குனர்கள் உறுப்பினர்களாக இருப்பதே இயக்குனர்கள் சங்கத்தில்தான். இப்படியொரு கையறு நிலையில் உதவி இயக்குனர்கள் இருப்பதால் நாயகன், நாயகி, இயக்குனர் என்று எல்லோரின் கோபத்தின் வடிகாலாக இருக்க வேண்டிய நிலைக்கு தள்ளப்படுகிறார்கள்.

மும்பையில் நிகழ்ச்சி ஒன்றில் செய்தியாளர்களை சந்தித்த நடிகர் அபிஷேக் பச்சன் முன்னாள் உலக அழகியும், தனது மனைவியுமான ஐஸ்வர்யா ராய் குறித்து கூறியதாவது..

ஐஸ்வர்யாவின் தொழில் பக்தி மற்றும் அர்ப்பணிப்பு குறித்து கேள்விக்கு இடமில்லை. 2 வயது மகள் ஆராத்யாவை மிகுந்த அக்கறையுடன் கவனித்துக்கொண்டு அன்புடன் வளர்த்துவரும் ஐஸ்வர்யா, ஒரு மிகச் சிறந்த தாயாக விளங்குகிறார். ஒரு இணை நடிகராக, அவருடன் பணியாற்றுவதை மிகவும் விரும்புகிறேன். இது எனக்கு மிகுந்த சந்தோஷமே.

திரை உலகத்திலிருந்து மகள் ஆராத்யாவை பாதுகாக்கவே நானும், ஐஸ்வர்யாவும் விரும்புகிறோம். குழந்தையின் பெற்றோராக மகள் ஆராத்யா, ஆரோக்கியமாகவும் மகிழ்ச்சியாகவும் இருக்கவே நாங்கள் இருவரும் விரும்புகிறோம்.

ஊடகங்கள் மற்றும் திரை பத்திரிக்கைகளில் இருந்து நான் பாதுகாக்கப்பட்டேன். எனக்கு 18 வயது இருக்கும்போது, முதலாவதாக திரைப்பத்திரிக்கை ஒன்றில் வந்தேன். எனவே நட்சத்திரங்களின் குழந்தைகளை புகைப்படம் எடுப்பதிலிருந்து ஊடகங்கள் கட்டுப்பாடு காட்ட வேண்டிக்கொள்கிறேன் என்று அவர் கூறினார்.

இந்தியாவின் கிரிக்கெட் நட்சத்திரமான சச்சின் டெண்டுல்கர் திரையுலக நட்சத்திரங்கள் பங்குபெறும் செலிபிரிட்டி கிரிக்கெட் லீக்கின் (சிசிஎல்) நான்காம் சீசனை கடந்த வெள்ளிக்கிழமை துவக்கி வைத்தார்.

மும்பையின் புறநகர்ப்பகுதியின் உள்ள கிரான்ட் ஹயாத் நட்சத்திர ஹோட்டலில் நடைபெற்ற இந்த நிகழ்ச்சிக்கு அவர் தனது மனைவியுடன் வந்திருந்தார். இந்த நிகழ்ச்சிக்கு தமிழ், தெலுங்கு, இந்தி, பெங்காலி, மராத்தி, போஜ்புரி, கன்னடம் மற்றும் மலையாளத் திரையுலகில் இருந்து ஏராளமான திரையுலக நட்சத்திரங்களும் வந்திருந்தனர்.

தமிழ்த் திரையுலகிலிருந்து வந்திருந்த நடிகர் தனுஷ் சச்சினுக்காக ஒரு பாடலை சமர்ப்பித்து அவரை சிலிர்க்க வைத்தார். இதற்காக சச்சின் அவருக்கு நன்றி தெரிவித்தார். பிறரைக் கவரக்கூடிய வகையில் பாடல் வரிகளை எழுதும் திறமை கொண்ட நடிகர் தனுஷ் தனது வைய் திஸ் கொலை வெறி சூப்பர் ஹிட் பாடலுக்குப் பிறகு சச்சின் கீதம் என்ற தலைப்பில் ஒரு மியூசிக் வீடியோவும் செய்திருந்தது இங்கு குறிப்பிடத்தக்கது.

கேரளா ஸ்ட்ரைக்கர்ஸ், சென்னை ரைனோஸ், தெலுங்கு வாரியர்ஸ், மும்பை ஹீரோஸ், கர்நாடகா புல்டோசர்ஸ், பெங்கால் டைகர்ஸ், போஜ்புரி டபாங்ஸ் மற்றும் வீர் மராத்தி ஆகிய எட்டு குழுவினர் இந்தப் போட்டியில் பங்கு பெறுகின்றனர். மும்பை ஹீரோசின் கேப்டனான சுனில் ஷெட்டி நாங்கள் அனைவரும் விளையாட்டு வீரர்கள் அல்ல.

இந்தப் போட்டியை அனுபவிக்கவே இங்கு வந்துள்ளோம் என்றார். இவர் தவிர ஜெனிலியா, ரிதேஷ் தேஷ்முக் மற்றும் போனிகபூர் போன்றோர் வந்திருந்தவர்களுள் குறிப்பிடத்தக்கவர்கள் ஆவர்.

அமீர்கானின் தூம் 3 படம் ஒரே நாளில் 35 கோடி வசூலித்து சாதனை படைத்துள்ளது. நடிகர் அமீர்கான் இரட்டை வேடத்தில் நடித்துள்ள இந்திப் படம் தூம் 3 முழுக்க முழுக்க அமெரிக்காவின் சிகாகோ நகரிலேயே படமாக்கப்பட்டுள்ளது. இதில் அவருடன் அபிஷேக்பச்சன், ஜாக்கிசெராப், நடிகை கத்ரினாகைப், உதய் சோப்ரா ஆகியோர் நடித்துள்ளனர்.

சிகாகோவில் தனது 2 மகன்களுடன் இந்தியன் சர்க்கஸ் நடத்தும் ஜாக்கி செராப் தொழில் நஷ்டப்படவே சிகாகோ வங்கியில் கடன் கேட்கிறார். வங்கி உரிமையாளர்கள் சர்க்கஸ் காட்சியை பார்த்து விட்டு கடன் தர மறுத்து விடு கிறார்கள். இதனால் ஏற்பட்ட வேதனையில் தன்னைத் தானே சுட்டு தற்கொலை செய்கிறார். சிறுவர்களான 2 மகன்களும் வளர்ந்து சிகாகோ வங்கியில் கொள்ளையடித்து கடைசியில் வங்கியையே தகர்த்து உரிமையாளர்களை பழி வாங்குவதே கதை.

ஜீன்ஸ் படத்தில் பிரசாந்த் இரட்டையர்களாக நடித்தது போல் தூம் 3 படத்தில் அமீர்கான் கிராபிக்ஸ் மூலம் இரட்டையர்களாக நடித்துள்ளார். அவரது சர்க்கசுக்கு வேலை கேட்டு வந்து பின்னர் காதலியாக மாறும் கரக்டரில் கத்ரினாகைப், அமீர்கானை பிடிக்க அமெரிக்கா போலீசுக்கு உதவி செய்ய வரும் மும்பை போலீஸ் அதிகாரியாக அபிஷேக்பச்சன் நடித்துள்ளார்.

250 கோடி பட்ஜெட்டில் பிரமாண்டமாக தயாரிக்கப்பட்ட இந்த படம் கடந்த வெள்ளிக்கிழமை உலகம் முழுவதும் வெளியானது. இந்தியாவில் மட்டும் 4000 தியேட்டர்களில் திரையிடப்பட்டது. சென்னையில் இந்தி மற்றும் தமிழில் வெளியாகியுள்ளது. இதே போல் ஆந்திராவில் தெலுங்கு மொழியில் ரிலீசானது.

படம் வெளியான முதல் நாளில் மட்டும் 36 கோடி வசூல் செய்து சாதனை படைத்துள்ளது. இதில் இந்தியில் மட்டும் 33.42 கோடிக்கும் தமிழ், தெலுங்கில் 2.80 கோடிக்கும் வசூலாகியுள்ளதாக கூறப்பட்டுள்ளது.

இது இந்திப் பட உலகில் புதிய சாதனை என்றும் தெரிவிக்கப்பட்டுள்ளது. இந்தப் படம் ரூ.300 கோடி வரை வசூலித்துக் கொடுக்கும் என்று எதிர்பார்ப்பதாக அதன் தயாரிப்பாளர் தெரிவித்தார். தூம் 3 படம் வெளியான அதே நாளில்தான் கார்த்தி நடித்த பிரியாணி படமும் ரிலீசானது என்றாலும் தூம் 3 படத்தின் வசூல் பாதிக்கப்படவில்லை என்று சினிமா வர்த்தக பிரமுகர் ஒருவர் தெரிவித்துள்ளார்.