காற்பந்து பயிற்சியின் போது விஷ எறும்பு கடித்ததில் அலர்ஜி ஏற்பட்டு 12 வயது சிறுவன் பலியானான். அமெரிக்காவில் நடந்த சம்பவம் பரபரப்பை ஏற்படுத்தி உள்ளது. அமெரிக்காவில் வருடத்திற்கு இதுபோன 40 பேர் விஷப்பூச்சிகளால் கடிக்கப்பட்டு உயிரிழப்பதாக தரவுகள் கூறுகிறது.

அமெரிக்காவின் டெக்சாஸ் மாகாணம் தென் பகுதியில் உள்ள பள்ளியில் படித்த மாணவன் கேமரூன் எஸ்பினோசா (12).கால் பந்தாட்ட வீரர். தினமும் பள்ளியில் உள்ள விளையாட்டு மைதானத்தில் பயிற்சி பெற்று வந்தான். கடந்த சில நாட்களுக்கு முன்பு மைதானத்தில் எஸ்பினோசா பயிற்சிக்கு போகும் போது தண்ணீர் போத்தல் எடுத்து சென்றான்.

அதை மறதியாக தரையில் வைத்து விட்டான். விளையாடும் போது தண்ணீர் தாகம் எடுத்ததும் தண்ணீர் போத்தலை எடுக்க வந்துள்ளான். அப்போது அதில் ஏராளமான எறும்புகள் இருந்தன. அவற்றை கையால் தட்டி விட்டு தண்ணீரை குடித்துள்ளான்.

அப்போது எபினேசரை எறும்பு கடித்தது. இதில் உடம்பில் பல இடங்களில் அவனுக்கு வீக்கம் ஏற்பட்டது. உடனடியாக குழந்தைகள் நல மருத்துவமனையில் சேர்க்கப்பட்டான். அங்கு சிகிச்சை பலனின்றி எஸ்பினோசா இறந்தான்.

இதுகுறித்து மாணவனுக்கு சிகிச்சை அளித்த வைத்தியர் கூறுகையில், எஸ்பினோசனை எறும்பு கடித்ததில் அலர்ஜி ஏற்பட்டு இறந்துவிட்டான் என்றார். இறந்த மாணவனின் தாய் ஜோஸ்பின் லிமோ கூறுகையில், கால்பந்து விளையாட்டில் சிறந்த வீரனாக வேண்டும் என்று கனவு கண்டான். இப்போது எங்களை விட்டு பிரிந்து சென்று விட்டான் என்று கண்ணீர் மல்க கூறினார்.

இதுகுறித்து பொலிசார் விசாரித்து வருகின்றனர். மைதானத்தில் உள்ள எறும்புகள் விஷத் தன்மை உள்ளவை என்று தெரிய வந்துள்ளது. இதையடுத்து மைதானத்தை சுத்தப்படுத்தும் பணி முடுக்கிவிடப்பட்டுள்ளது.

சீனாவில் கள்ளக்காதல் விவகாரத்தில் 2 வயது சிறுவன் ஒருவன் ஆறு மாடிக் கட்டிடம் மீதிருந்து தூக்கி வீசப்பட்டு கொலை செய்யப்பட்டுள்ளான். குற்றவாளியைப் பொலிசார் கைது செய்துள்ளனர்.

சீனாவின் தன்னாட்சி அதிகாரம் பெற்ற மாகாணமான குவாங்ஸி ஷுயாங்கில் உள்ள ஒரு அடுக்குமாடிக் கட்டிடத்தின் 6வது மாடியில் இருந்து நேற்று 2 வயது சிறுவன் ஒருவன் வெளியே தூக்கி வீசப்பட்டான்.

இதில் தலையில் பலத்த காயம் ஏற்பட்டு மருத்துவமனைக்கு கொண்டு செல்லும் வழியிலேயே அச்சிறுவன் பரிதாபமாக பலியானான். தகவல் அறிந்து சம்பவ இடத்திற்கு விரைந்து வந்த பொலிசார் குற்றவாளியைக் கைது செய்தனர்.

கைது செய்யப்பட்ட நபரின் பெயர் லூ என்பதும் கொலை செய்யப்பட்ட சிறுவனது தாய்க்கும் லூ வுக்கும் இடையே முன்பு கள்ளத்தொடர்பு இருந்து வந்ததும் விசாரணையில் தெரிய வந்துள்ளது. மேலும், லூவிற்கும் சிறுவனின் தாயாருக்கும் ஏற்பட்ட தகராறில் ஆத்திரமடைந்த லூ சிறுவனைத் தூக்கி 6 மாடியிலிருந்து வீசிக் கொலை செய்தது விசாரணையில் உறுதியாகியுள்ளது.

பாகிஸ்தானில் கிறிஸ்தவ தேவாலயத்தின் மீது நடத்தப்பட்ட தற்கொலை குண்டுத் தாக்குதலில் பெண்கள், குழந்தைகள் உட்பட 75 பேர் கொல்லப்பட்டுள்ளனர்.

பெஷாவர் நகரில் நடந்த இந்த தாக்குதலில் நூற்றுக்கும் அதிகமானோர் காயமடைந்ததாக மருத்துவர்கள் தெரிவித்துள்ளனர். சமீப ஆண்டுகளில் சிறுபான்மை கிறிஸ்தவர்கள் மீது நடத்தப்பட்ட மிக மோசமான தாக்குதலாக இது கருதப்படுகிறது.

பிரார்த்தனை முடிந்து தேவாலயத்தில் இருந்து மக்கள் திரும்பிச் செல்லுகையில் இரு தற்கொலை குண்டுதாரிகள் தாம் வைத்திருந்த குண்டுகளை வெடிக்கச் செய்தனர்.

பாகிஸ்தானில் கிறிஸ்தவர்கள் மீது இதற்கு முன்பு நடைபெற்ற பல தாக்குதல்களுக்கு இஸ்லாமியக் குழுக்கள் மீதே பழி போடப்பட்டிருந்தது.
அதே நேரம், அங்கே ஷியாக்கள் மீதும் தொடர்ந்து தாக்குதல்கள் நடைபெற்று வருகின்றன.