ஆரம்பம் படத்துக்கு பின் அஜித் வீரம் படத்தில் நடிக்கிறார். இதில் நாயகி தமன்னா. காமெடி வேடத்தில் சந்தானம் வருகிறார். சிவா இயக்குகிறார். இதில் அஜித் வேட்டி, சட்டையில் நடிக்கிறார். கிராமத்து கதையம்சத்தில் தயாராகிறது. இதன் படப்பிடிப்பு விறுவிறுப்பாக நடக்கிறது.

பொங்கலுக்கு ரிலீஸ் செய்ய திட்டமிட்டு உள்ளனர். இந்த படத்தின் முதல் டிரெய்லர் நேற்று தியேட்டர்களிலும் இணைய தளங்களிலும் வெளியானது. வில்லன்கள் கொலை வெறியோடு ஓடுவது போன்றும் அஜித் பார்ப்பது போன்றும் இந்த டிரெய்லர் இருந்தது. டிரெய்லர் தங்களை மிகவும் கவர்ந்ததாக அஜித் ரசிகர்கள் தெரிவித்தனர்.

கே.வி. ஆனந்த் இயக்கும் அனேகன் படத்தில் தனுஷ் ஜோடியாகியுள்ளார் இந்தி நடிகை அம்ரியா. தமிழ் தெரியாததால் படப்பிடிப்பில் சிரமப்படுகிறார். தனுஷ் தமிழ் கற்றுக் கொடுக்கிறார். இது குறித்து அம்ரியா கூறியதாவது..

எனக்கு தமிழ் தெரியாது. படப்படிப்பில் தினமும் வார்த்தைகள் கற்று வருகிறேன். சாப்பிட்டீங்களா எப்படி இருக்கீங்க போன்ற வார்த்தைகளை தெரிந்து வைத்துள்ளேன். தமிழில் நான் பேச வேண்டிய வசனங்களை மெதுவாக சொல்ல வைத்து பதிவு செய்து கொள்கிறேன். பிறகு அதை இந்தியில் எழுதி வைத்து படிக்கிறேன்.

தனுஷ் தமிழ் கற்று தருகிறார். தமிழ் வார்த்தைகளை எப்படி பேச வேண்டும் என்றும் சொல்லி தருகிறார். மொழி பிரச்சினையால் எனக்குள்ள சிரமங்கள் அவருக்கு புரிந்துள்ளது என தெரிவித்தார்.

கற்றது தமிழ் படத்தில் அறிமுகமான நடிகை அஞ்சலி, அங்காடித்தெரு படத்தின் மூலம் புகழ் பெற்றார். பல்வேறு படங்களில் நடித்து தமிழ் சினிமாவில் வேகமாக வளர்ந்து வந்த அவர் வளசரவாக்கத்தில் சித்தி பாரதிதேவியுடன் தங்கியிருந்து படப்பிடிப்புகளில் பங்கேற்றார்.

கடந்த ஏப்ரல் மாதம் வீட்டை விட்டு திடீரென வெளியேறிய அஞ்சலி, சென்னையில் உள்ள பத்திரிகை நிருபர்களை போனில் தொடர்பு கொண்டு பேசி டைரக்டர் களஞ்சியம், சித்தி பாரதிதேவி ஆகியோர் மீது பரபரப்பான குற்றச்சாட்டுகளை கூறினார்.

இருவரும் சேர்ந்து என்னை அவர்களது கட்டுப்பாட்டுக்குள் வைத்துக் கொள்ள நினைக்கிறார்கள். எனது உயிருக்கு ஆபத்து ஏற்பட்டால் அதற்கு களஞ்சியம்தான் பொறுப்பு என்றும் அஞ்சலி கூறியிருந்தார்.

இதற்கு கடும் ஆட்சேபம் தெரிவித்த களஞ்சியம், அஞ்சலி மீது நடவடிக்கை எடுக்க கோரி போலீஸ் கமிஷனர் அலுவலகத்தில் புகார் அளித்ததுடன், சைதாப்பேட்டை கோர்ட்டில் அவதூறு வழக்கும் தொடர்ந்தார். இந்த வழக்கில் கோர்ட்டில் ஆஜராகாத அஞ்சலிக்கு கடந்த மாதம் 29ம் திகதி ஜாமீனில் வெளிவர முடியாத பிடிவாரண்டு பிறப்பிக்கப்பட்டது. இதைதொடர்ந்து அவரை கைது செய்ய நடவடிக்கை எடுக்கப்பட்டு வருகிறது.

நடிகை அஞ்சலி தற்போது ஆந்திர மாநிலம் கிழக்கு கோதாவரி மாவட்டத்தில் ஜெகனாப்பேட்டை என்ற இடத்தில் வசித்து வருகிறார். இந்த பகுதி, ராசுல் போலீஸ் நிலைய எல்லைக்குட்பட்டதாகும்.

இதையடுத்து, சைதாப்பேட்டை கோர்ட்டு பிறப்பித்த பிடிவாரண்டு நகல் ராசுல் போலீஸ் நிலையத்துக்கு நேற்று அனுப்பி வைக்கப்பட்டுள்ளது. டைரக்டர் களஞ்சியத்தின் வக்கீல் ஜெயபிரகாஷ் இதனை தெரிவித்தார்.

இதற்கிடையே கைது நடவடிக்கையில் இருந்து தப்புவதற்காக அஞ்சலி கோர்ட்டில் சரண் அடைய முடிவு செய்திருப்பதாகவும் தெரிகிறது. எனவே விரைவில் அவர் ஆந்திராவில் இருந்து சென்னைக்கு வருவார் என்று எதிர்பார்க்கப்படுகிறது. இதனால் கடந்த சில மாதங்களாக பரபரப்பின்றி காணப்பட்ட அஞ்சலி விவகாரம் மீண்டும் விஸ்வரூபம் எடுத்துள்ள

சிம்புவும், ஆண்ட்ரியாவும் நெருக்கமாக இருப்பது போன்ற படங்கள் சமீபத்தில் இணையதளங்களில் வெளியாகி பரபரப்பை ஏற்படுத்தின. படுக்கையில் ஓட்டி உராசியபடியும் கொஞ்சியபடியும் படங்களில் தெரிந்தார்கள்.

வி.டி.வி. கணேஷ், மீராஜாஸ்மின் ஜோடியாக நடிக்கும் இங்க என்ன சொல்லுது படத்தில் சிம்புவும் ஆண்ட்ரியாவும் கௌரவ தோற்றத்தில் வருகிறார்கள். அந்த படத் தில் நடித்தபோது இப்படங்கள் எடுக்கப்பட்டதாக கூறப்பட்டது.

படத்தில் நடித்தபோது இருவருக்கும் கெமஸ்ட்ரி நன்றாக இருந்தது என்று வி.டி.வி. கணேஷ் தெரிவித்தார். இதையடுத்து சிம்பு, ஆண்ட்ரியா இடையே காதல் துளிர்ந்துள்ளதாக கிசுகிசுக்கள் பரவின.

ஏற்கனவே சிம்புவும் ஹன்சிகாவும் காதலித்து வந்தனர். இதை இருவரும் பகிரங்கமாக அறிவிக்கவும் செய்தார்கள். உடனடியாக திருமணம் செய்து கொள்ள சிம்பு விரும்பினார். ஹன்சிகாவோ ஐந்து வருடம் கழித்துதான் திருமணம் என்றார். இதில் அவர்களுக்குள் கருத்து வேறுபாடு ஏற்பட்டதாகவும் தற்போது பிரிந்து இருப்பதாகவும் கூறப்பட்டது.

இந்த நிலையில்தான் சிம்பு ஆண்ட்ரியா நெருக்கமான படங்கள் வந்துள்ளன. சிம்புவை ஆண்ட்ரியா காதலிக்கவில்லை என்று ஆண்ட்ரியாவின் செய்தி தொடர்பாளர் மறுத்தார். அவர்கூறும் போது..

இங்க என்ன சொல்லுது’ படத்தில் இருவரும் கௌரவ தோற்றத்தில் ஐந்து மணி நேரம் மட்டுமே நடித்தனர். தொழில் ரீதியான தொடர்பே உள்ளது. அதை தாண்டி எந்த உறவும் இல்லை. ஆண்ட்ரியா யாரையும் காதலிக்கவில்லை என்று கூறினார்.

ஹன்சிகாவும் இப்பிரச்சினையில் நெருக்கமானவர்களிடம் விளக்கம் அளித்துள்ளார். அவர் கூறும்போது சிம்புவும் ஆண்ட்ரியாவும் நெருக்கமாக நடித்ததில் எனக்கு கோபம் இல்லை. காதல் காட்சிகளில் நானும் மற்ற ஹீரோக்களுடன் அப்படித்தான் நடிக்கிறேன். சிம்புவும் நானும் நடிகர்கள், எங்களுக்கு நெருக்கமாக நடிப்பது தவறாக தெரியவில்லை என்றார்.