சரவணன் என்கிற சூர்யா என்ற பெயரில் புது படம் தயாராகிறது. இதை ராஜா சுப்பையா இயக்குகிறார். இப்படத்துக்கு நடிகர் சூர்யா தரப்பில் எதிர்ப்பு கிளம்பியுள்ளது. தலைப்பை மாற்ற வேண்டும் என்று வற்புறுத்தி உள்ளனர்.

சூர்யாவின் நிஜப்பெயர் சரவணன். சினிமாவுக்கு வருவதற்கு முன் இந்த பெயரில்தான் அழைக்கப்பட்டார். நடிகரான பிறகு சூர்யா என மாற்றிக் கொண்டார். எனவே சரவணன் என்கிற சூர்யா பெயரை விளம்பரத்துக்காக படத்தின் தலைப்பாக்கியுள்ளனர் என்று கண்டனங்கள் எழுந்துள்ளன.

சூர்யா ரசிகர்களும் தலைப்பை மாற்றும்படி நிர்ப்பந்தித்து வருகின்றனர். இது குறித்து சூர்யா தரப்பில் கூறும்போது தலைப்பை மாற்றும்படி வற்புறுத்தி நடிகர் சங்கத்தில் புகார் அளித்துள்ளோம். நடிகர் சங்கமும் இதனை தயாரிப்பாளர் சங்கத்துக்கு அனுப்பி நடவடிக்கை மேற்கொண்டு வருகிறது என்றனர்.

ஆனால் இயக்குனர் ராஜா சுப்பையா தலைப்பை மாற்ற முடியாது என மறுத்துவிட்டார். அவர் கூறும்போது எங்கள் படத்துக்கு சரவணன் என்கிற சூர்யா தலைப்பு பொருத்தமாக இருந்ததால் வைத்தோம். படத்தில் நடிகர் சூர்யாவை இழிவு படுத்துவது போல் காட்சிகள் இல்லை. இதே தலைப்பில் வசனங்கள் இடம் பெற்றுள்ளன. நிறைய செலவில் விளம்பரங்களும் செய்துவிட்டோம். தலைப்பை மாற்றினால் எல்லாம் வீணாகிவிடும் என்றார்.

கவர்ச்சியில் தாய் சரிகாவை சுருதிஹாசன் மிஞ்சி விட்டதாக மும்பை பத்திரிகைகளும், இணையதளங்களும் செய்தி வெளியிட்டு உள்ளன.

சுருதிஹாசன் முதன் முதல் அறிமுகமான லக் இந்தி படத்திலேயே நீச்சல் உடையில் வந்து பரபரப்பு ஏற்படுத்தினார். டிடே இந்தி படத்தில் விலை மாது கரக்டரில் நடித்தார். இப்படத்தில் அரைகுறை உடையில் படுக்கையில் இருப்பது போன்ற படங்கள் இணைய தளங்களில் பரவி திரையுலகத்தினரை ஆச்சரிய படவைத்தது.

கவர்ச்சியில் துணிச்சலாக நடித்து இருந்தார். பொது நிகழ்ச்சிகளுக்கும் கவர்ச்சியாக உடை அணிந்து வந்தார். எல்லாவற்றுக்கும் மேலாக தற்போது ஆங்கில பத்திரிகையொன்றுக்கு கவர்ச்சியாக போஸ் கொடுத்து ஆச்சரியப்பட வைத்துள்ளார்.

தமிழ், தெலுங்கில் எந்த நடிகையும் சுருதிஹாசன் போல் இந்த அளவு கவர்ச்சி காட்டியது இல்லை என்கின்றனர். சுருதிஹாசன் தாய் சரிகா நிறைய இந்திப் படங்களில் கவர்ச்சியாக நடித்தவர். அவரை சுருதிஹாசன் கவர்ச்சியில் பின்னுக்கு தள்ளிவிட்டார்.

சினிமாவை விட்டு நடிகை ரிச்சா விலகுவதாக தகவல் வெளியாகியுள்ளது. ரிச்சா தமிழில் தனுஷ் ஜோடியாக மயக்கம் என்ன சிம்புவுடன் ஒஸ்தி படங்களில் நடித்துள்ளார். தெலுங்கிலும் நிறைய படங்களில் நடித்துள்ளார். தற்போது ரிச்சாவுக்கு படவாய்ப்புகள் குறைந்துள்ளன. இதனால் நடிப்பதை நிறுத்தி விட்டு வெளிநாட்டுக்கு படிக்க செல்கிறார். இது குறித்து ரிச்சா அளித்த பேட்டி வருமாறு..

கடந்த ஒரு வருடமாக சினிமாவில் தொடர்ந்து நடிப்பதா, அல்லது அமெரிக்காவுக்கு படிக்கச் செல்வதா, என்று யோசித்து வந்தேன். தற்போது படிக்கச் செல்வதென முடிவு செய்துள்ளேன். பாய் என்ற தெலுங்கு படத்தில் கடைசியாக நடித்தேன். அப்படத்துக்கு பிறகு புதுப்படங்களில் நடிக்க ஒப்பந்தமாகவில்லை. படிக்க செல்வதால் சினிமாவில் நடிப்பதை நிறுத்துவிட்டேன்.

நிறைய படவாய்ப்புகள் வந்தும் ஏற்கவில்லை. படிப்பை முடித்து விட்டுதான் மற்றதெல்லாம். சினிமாவுக்கு முழுக்கு போட்டு அதில் இருந்து விலகி விட்டதாக கருத வேண்டாம் என்று ரிச்சா கூறினார்.

கும்கி படத்தின் மூலம் தமிழ் சினிமாவுக்கு அறிமுகமானவர் லட்சுமி மேனன். தொடர்ந்து சுந்தரபாண்டியன், குட்டிப்புலி ஆகிய படங்களில் நடித்தார். தற்போது விஷால் நடிப்பில் பாண்டிய நாடு என்ற படத்தில் நடித்து முடித்துள்ளார். இதுதவிர மஞ்சப்பை, சிப்பாய், ஜிகர்தண்டா உள்ளிட்ட படங்களிலும் நடித்து வருகிறார்.

விஷாலுடன் இவர் நடித்த பாண்டிய நாடு படம் வரும் தீபாவளிக்கு வெளிவர இருக்கிறது. இப்படத்திற்கு பிறகு விஷால் நடிக்கும் புதிய படத்திலும் லட்சுமி மேனனே நடிக்கவிருக்கிறாராம். விஷாலை வைத்து தீராத விளையாட்டுப் பிள்ளை, சமர் ஆகிய படங்களை எடுத்த திரு இப்படத்தை இயக்கவிருக்கிறார். இப்படத்தையும் விஷாலே தயாரிக்கிறார்.

இப்படத்தில் விஷாலுக்கு ஜோடியாக நடிக்க முதலில் ஹன்சிகாவைத்தான் ஒப்பந்தம் செய்ய முடிவெத்திருந்தார்கள். ஆனால் பாண்டிய நாடு படத்தில் லட்சுமி மேனனின் நடிப்பை பார்த்து வியந்து போன விஷால் தன்னுடைய அடுத்த படத்திலும் லட்சுமி மேனன்தான் நடிக்கவேண்டும் என்று விடாபிடியாக இருந்தாராம். இதையடுத்தே இப்படத்தில் லட்சுமி மேனனை ஒப்பந்தம் செய்துள்ளனர்.