தலிபான்களுக்கு எதிராக போராடும் மலாலாவுக்கு பேய் என்றால் பயம் என தெரிவித்துள்ளார். பாகிஸ்தானில் பெண்களின் கல்விக்காக குரல் கொடுத்த மலாலாவை தலிபான்கள் சுட்டனர்.

இதில் பலத்த காயமடைந்து உயிருக்கு போராடிய மலாலாவுக்கு லண்டன் மருத்துவமனையில் தீவிர சிகிச்சை அளிக்கப்பட்டது.

தற்போது பூரணமாக குணமடைந்துள்ளவர் பிர்மிங்காமில் உள்ள எட்க்பாஸ்டன் என்ற பள்ளியில் சேர்ந்து படித்து வருகிறார்.
இந்நிலையில் மலாலா ஆங்கில நாளிதழ் ஒன்றிற்கு அளித்துள்ள பேட்டியில் பேய் என்றால் தனக்கு பயம் என தெரிவித்துள்ளார்.

அவர் மேலும் கூறுகையில் பேய் என்றால் சிறிது பயம் தான். நாங்கள் பேயை பீடியான் என்றே அழைப்போம். அது இருட்டான இடங்களில் வரும் என அஞ்சுபவள் நான். தலிபான்கள் எங்களைப் பார்த்துப் பயப்படுகிறார்கள் பெண்களைப் பார்த்து அஞ்சுகிறார்கள். பெண் என்பவள் மாபெரும் சக்தி.

அத்தகைய பெண்கள் கல்வியறிவு பெற்றால் அவளது சக்தி இன்னும் பலமடங்கு அதிகமாகும் என அஞ்சுகிறார்கள். எனவே தான் சமூகத்தில் பெண்கள் அங்கம் வகிப்பதையோ, சமூக முன்னேற்றத்தில் பங்கு பெறுவதையோ அவர்கள் விரும்புவதில்லை.

பெண்களின் பணி சமையல் செய்வது, குடும்பத்திற்கு உணவு பரிமாறுவது, குழந்தைகள் பெறுவது, அவர்களை வளர்ப்பது என்பது மட்டும் தான் என நினைக்கிறார்கள் தலிபான்கள்.

எதிர்காலத்தில் பாகிஸ்தானின் பிரதமராக ஆசைப்படுகிறேன், நாட்டின் கல்வி, ஆரோக்கியம் போன்ற வளங்களை அதிகப்படுத்த விரும்புகிறேன். நான் இப்போது அதே பழைய மலாலா தான், பெண் கல்விக்காகப் போராடும் அதே மலாலா தான் எனத் தெரிவித்துள்ளார்.

இதற்கிடையே மலாலாவை கொல்லாமல் விடமாட்டோம் என தலிபான்கள் தொடர்ந்து மிரட்டி விடுத்து வருவது குறிப்பிடத்தக்கது.

ஜேர்மனியில் ஆசிரியர் மற்றும் மாணவர்களுக்கு இடையே எந்தவித பேஸ்புக் தொடர்புகளும் இருக்க கூடாது என அந்நாட்டு கல்வி அமைச்சர் அறிவித்துள்ளார்.

மேற்கு ஜேர்மனியில் ஆசிரியர் மற்றும் மாணவர்களுக்கு இடையே எந்தவித பேஸ்புக் தொடர்பும் இருக்க கூடாது என கல்வி அமைச்சர் ரீன்லாண்ட் பாலடினேட் புதிய சட்டமொன்றை அறிவித்துள்ளார்.

இதுகுறித்து மாநில தரவு கமிஷனர் எட்கர் வாக்னர் பள்ளிகளில் பேஸ்புக் பயன்படுத்துவது என்பது வணிக ரீதியில் பொருந்தும் என்றும் பள்ளிகளில் ஆசிரியர் மற்றும் மாணவர்களுக்கிடையே இந்த தொடர்புகள் வேறு வழிகளில் உள்ளது எனவும் கூறியுள்ளார்.

மேலும் மற்ற ஜேர்மன் மாநிலங்களில் இந்த தொடர்பானது நிறுத்தப்பட்டுள்ளது என்றும் கூறியுள்ளார். ஜேர்மனில் ரீன்லாண்ட் ஆட்சியில் தான் ஆசிரியர் மற்றும் மாணவர்களுக்கிடையே நட்பு தடை செய்யப்பட்டுள்ளது என்பது குறிப்பிடத்தக்கது.

அமெரிக்காவில் ஆசிரியரை சுட்டுக் கொன்ற மாணவன் தானும் தற்கொலை செய்து கொண்டது பரபரப்பை ஏற்படுத்தியுள்ளது.

அமெரிக்காவின் கலிபோர்னியா அருகே வடமேற்கு நிவாடாவில் ஸ்பார்கஸ் என்ற பாடசாலை அமைந்துள்ளது. நேற்று பாடசாலை தினவிழா என்பதால் மாணவர்கள் அனைவரும் நிகழ்ச்சியில் பங்கேற்பதற்காக பள்ளி வளாகத்தில் உள்ள கூடைப்பந்து மைதானத்திற்கு வந்து கொண்டிருந்தனர்.

அப்போது 7ம் வகுப்பு படிக்கும் 12 வயது மாணவன் ஒருவன் திடீரென தான் வைத்திருந்த கைத்துப்பாக்கியை எடுத்து அங்கிருந்த மற்ற மாணவர்களை நோக்கி சரமாரியாக சுடத்தொடங்கினான். இதனால் அதிர்ச்சி அடைந்த மாணவர்கள், அங்கும் இங்கும் ஓடத்தொடங்கினர். ஆனால் அவன் விடாமல் விரட்டி விரட்டி சுட்டுக்கொண்டிருந்தான்.

இதைக்கண்ட அப்பள்ளியை சேர்ந்த கணித ஆசிரியர் மைக்கல் லேண்ட் பெர்ரி(45) அம்மாணவனை தடுத்து நிறுத்த முயன்றார். அப்போது அவன் சுட்டதில் குண்டு பாய்ந்து அதே இடத்தில் அவர் உயிரிழந்தார்.

மேலும் இதில் 2 மாணவர்கள் காயம் அடைந்தனர். இவர்களில் ஒருவருக்கு தோளிலும், மற்றொருவருக்கு அடி வயிற்றிலும் குண்டு பாய்ந்து. இவர்களுக்கு மருத்துவனையில் தீவிர சிகிச்சை அளிக்கப்பட்டுவருகிறது.

இதற்கிடையே துப்பாகியால் சுட்ட மாணவன் தன்னை தானே சுட்டு தற்கொலை செய்து கொண்டான். சம்பவ இடத்துக்கு விரைந்து வந்த பொலிஸ் அதிகாரிகள் மாணவர்களிடம் விசாரணை நடத்தினர்.

அப்போது, துப்பாக்கி சூடு நடத்திய மாணவன் தனது பெற்றோரிடம் இருந்து துப்பாக்கியை எடுத்து வந்தது தெரியவந்தது. அவன் எதற்காக துப்பாக்கியால் சுட்டான் என்ற விவரங்கள் தெரியவில்லை.

இச்சம்பவம் காரணமாக நிவாடர் பகுதியில் உள்ள தொடக்க மற்றும் ஆரம்ப பாடசாலைகளுக்கு விடுமுறை விடப்பட்டது.
சமீபகாலமாக அமெரிக்காவில் துப்பாக்கி சூடு சம்பவங்கள் அதிக அளவில் நடந்து வருவது குறிப்படத்தக்கது.

அமெரிக்க விண்வெளி வீராங்கனை ஒருவர் விண்வெளியில் இருந்தபடியே அழகிய டைனோசர் ஒன்றை உருவாக்கியுள்ளார்.

அமெரிக்காவை சேர்ந்த விண்வெளி வீராங்கனை கேரன் நைபர்க்.

இவர் தற்போது சர்வதேச விண்வெளி நிலையத்தில் இருந்தபடி ஆராய்ச்சி செய்து வருகிறார். விண்வெளியில் இருந்தாலும் தனது மகனுக்காக கழிவுப் பொருட்களை பயன்படுத்தி டைனோசர் பொம்மை ஒன்றை உருவாக்கியுள்ளார்.

விண்வெளிக் கழிவுகளில் உருவான முதல் பொம்மை என்ற பெருமையை பெற்றிருக்கும் இந்த டைனோசர் ஸ்பேஸ் ஜங் எனப்படும் பொருட்களைக் கொண்டு உருவாக்கப்பட்டுள்ளது.

ரஷ்ய உணவு கொள்கலன்களில் ஒட்டப்பட்டு வரும் கொக்கி பட்டைத் துணி மாதிரியான துணி வகையைக் கொண்டு இந்த டைனோசரை உருவாக்கியிருக்கிறார் கேரன்.

பொம்மையின் உள்ளே பயன்படுத்திய பழைய டி-சேட்டின் கிழிசல்களை அடைத்துள்ளாராம். இந்த டைனோசர் பொம்மைக்கு பிளஸ்சி எனப் பெயரிட்டுள்ளார்.

வருகிற நவம்பர் மாதம் பூமி திரும்பும் போது இந்த டைனோசர் பொம்மையை தனது 3 வயது மகன் ஜாக்குக்கு கொடுக்கத் தீர்மானித்துள்ளார்.