இளம் வீரர்களுக்கு எடுத்துக்காட்டாக விளங்கும் சச்சின் : டிராவிட் புகழாரம்!!

Rahul-Dravidகிரிக்கெட்டில் எனது வளர்ச்சிக்கு தூண்டுகோலாக இருந்தவர் சச்சின் என முன்னாள் அணித்தலைவர் ராகுல் டிராவிட் தெரிவித்துள்ளார்.

இந்திய அணியின் நட்சத்திர துடுப்பாட்ட வீரர் சச்சின் தனது 200வது டெஸ்ட் போட்டியுடன் ஓய்வு பெற உள்ளார்.

இந்நிலையில் இந்திய கிரிக்கெட்டுக்கு அவரது பங்களிப்பு குறித்து முன்னாள் அணித்தலைவர் டிராவிட் கூறுகையில், சச்சின் தனக்கென தனி தர முத்திரையை நிர்ணயித்துக் கொண்டு அதில் இருந்து கொஞ்சமும் கீழே இறங்கிவிடாமல் சிறப்பான விளையாட்டை வெளிப்படுத்தியவர்.

கடந்த 24 ஆண்டுகளாக பல கோடி இளம் வீரர்களுக்கு முன்னுதாரண நாயகனாக விளங்கி வருகிறார். நாமும் சிறப்பாக விளையாட வேண்டும் என்ற உத்வேகத்தை என்னுள் விதைத்து தூண்டுகோலாக இருந்தவர்.

அவர் இன்னும் பல ஆண்டுகள் தொடர்ந்து விளையாட வேண்டும் என்பதே எனது விருப்பம். ஆனால் இயற்கை அதற்கு ஒத்துழைக்காது என்பதையும் உணர்ந்துள்ளேன் இதுதான் வாழ்க்கை.

அவரது சாதனைகளைக் கொண்டாடுவதற்கு இதுதான் சரியான தருணம். கிரிக்கெட்டில் இருந்து ஓய்வு பெற்ற பிறகும் அவருக்கு சிறப்பான வாழ்க்கை அமைய வாழ்த்துகிறேன்.

எஞ்சியுள்ள இரண்டு டெஸ்ட் போட்டிகளிலும் அவர் எந்தவித நெருக்கடியும் இல்லாமல் அனுபவித்து விளையாட வேண்டும்.
அவரது குடும்பத்தினருக்கும் இது அற்புதமான அனுபவமாக இருக்கும் என்று தெரிவித்துள்ளார்.

நியூயோர்க்கின் பரபரப்பான வீதிகளில் 100 இளம்பெண்களை மேலாடையின்றி புகைப்படம் எடுத்த புகைப்படக்கலைஞர்!!

top lessஅமெரிக்காவில் உள்ள நியூயோர்க் நகரத்தின் பரபரப்பான வீதிகளில் 100 இளம்பெண்களை மேலாடையின்றி நிற்க வைத்து புகைப்படம் எடுத்து சாதனை புரிந்திருக்கின்றார் பிரபல புகைப்படக்கலைஞர் ஒருவர்.

நியூயோர்க்கின் பிரபல புகைப்படக்கலைஞர் ஜோர்டன் மட்டேர் என்பவருக்கு நியுயோர்க் நகரத்தின் பல பரபரப்பான வீதிகளில் மேலாடையின்றி பெண்களை நிற்க வைத்து புகைப்படம் எடுக்கும் வேலை ஒன்று அவருடைய விளம்பரக்கம்பெனியில் இருந்து கொடுத்திருந்தனர்.

இந்த வேலையை வேறு யாரும் ஏற்காத நிலையில் இதை ஒரு சவாலாக எடுத்து இணையதளங்களில் விளம்பரங்கள் கொடுத்து 100 இளம்பெண்களை வரவழைத்து அவர்களை நியூயோர்க்கின் பிஸியான வீதிகளில் மேலாடையின்றி நிற்க வைத்து விதவிதமாக புகைப்படம் எடுத்து சாதனை புரிந்துள்ளார். இந்த திட்டத்துக்கு அவர் வைத்த பெயர் அன்கவர்ட் . (UNCOVERED) என்பதாகும்.

மேலும் நியூயோர்க்கில் பெண்கள் மேலாடையின்றி வெளியே வரலாம் என்று சட்டப்படி இருப்பதால் அவர் சட்டரீதியாக எவ்வித சிக்கலையும் சந்திக்கவில்லை. ஆனால் சில இடங்களில் பொதுமக்கள் வேடிக்கை பார்க்கும் அளவுக்கு கூடிவிட்டதால் போக்குவரத்து தடைபட்டதாக அவர் மீது குற்றம் சாட்டப்பட்டது.

ஒருசிலர் மேலாடையின்றி போஸ் கொடுத்த பெண்களிடம் அத்துமீறி நடந்ததாகவும், அவர்களை அவர் கண்டித்து அனுப்பியதாகவும் தெரிவித்தார்.

நடிகை ஷில்பா ஷெட்டியின் வீட்டில் கணணி திருட்டு : மர்ம நபர்கள் கைவரிசை!!

chilbaபொலிவுட்டில் முன்னணி நடிகையான ஷில்பா ஷெட்டி மும்பையின் ஜூஹூ பகுதியில் தனது கணவர் ராஜ்குந்த்ராவுடன் அடுக்குமாடி குடியிருப்பில் வசித்து வருகிறார்.

இவர்கள் தங்கியிருக்கும் அடுக்கு மாடி குடியிருப்பில் இரண்டு தளங்கள் இவர்களுக்கு சொந்தமானது. கீழ் தளத்தை உடற்பயிற்சி கூடமாகவும், மேல் தளத்தை வீடாகவும் உபயோகித்து வருகின்றனர்.

இந்நிலையில் கீழ்தள உடற்பயிற்சி கூடத்தில் வைத்திருந்த ஐபாட் இசைக்கருவி மற்றும் ஐபேட் கம்ப்யூட்டரும் திடீரென காணாமல் போய்விட்டது. அதில் முக்கியமான தகவல்கள் அடங்கியிருப்பதால் அந்த பொருட்கள் காணாமல் போனதது குறித்து ஷில்பா ஷெட்டியின் முகாமையாளர் பொலிசில் புகார் செய்தார்.

இதனையடுத்து சம்பவ இடத்திற்கு வந்த பொலிசார் அங்கிருந்த கண்காணிப்பு கமராவின் மூலம் பொருட்களை திருடிய மர்ம நபர்களை கண்டுபிடிக்க முயற்சி செய்தனர். ஆனால், அதன்மூலம் திருடியவர்கள் யார் என்பதை அறிய முடியவில்லை. குற்றவாளிகள் யார் என்பதை கண்டுபிடிக்க பொலிசார் தொடர்ந்து விசாரணை மேற்கொண்டு வருகின்றனர்.

நடிகை ஷில்பா ஷெட்டி ஐ.பி.எல். கிரிக்கெட் போட்டிகளில் விளையாடும் ராஜஸ்தான் அணியின் உரிமையாளர் என்பது குறிப்பிடத்தக்கது.

1 கோடிக்கு ஆசைப்பட்டு 50 லட்சம் ரூபாயை இழந்த நடிகர்!!

Akshaye Khannaபொலிவுட் உலகின் முன்னணி நடிகரான அக்ஷய் கண்ணா ஒரு 1 கோடிக்கு ஆசைப்பட்டு 50 லட்சத்தை இழந்துள்ளார்.

மும்பை அந்தேரியில் இன்டேஜ் இமேஜஸ் என்று ஒரு நிறுவனம் உள்ளது.

சக்கரவர்த்தி என்பவர் தன் மனைவி சோனாவுடன் இந்த நிறுவனத்தை நடத்தி வருகிறார். கடந்த 2010ம் ஆண்டு இவர் இன்டேக் இமேஜஸ் நிறுவனத்தில் 50 லட்சம் முதலீடு செய்பவர்களுக்கு 45 நாட்களில் 1 கோடியாக திருப்பித் தரப்படும் என்ற தகவலை வெளியிட்டுள்ளார்.

இதனை நம்பி சில பணக்காரர்கள் 50 லட்சம் கொடுத்தனர். பிரபல நடிகர் அக்ஷய் கண்ணாவையும், சக்கரவர்த்தி– சோனா தம்பதி அணுகி 50 லட்சம் முதலீடு செய்யும்படி ஆசை காட்டியுள்ளார்கள்.

45 நாட்களில் பணம் இரட்டிப்பாக கிடைக்கிறதே என்ற எண்ணத்தில் அக்ஷய் கண்ணாவும் 50 லட்சம் கொடுத்து ஒப்பந்தம் செய்துள்ளார்.

45 நாட்கள் கழித்து 1 கோடி வாங்கலாம் என்ற ஆசையில் நடிகர் அக்ஷய் கன்னா இன்டெக் இமேஜஸ் உரிமையாளர் சக்கரவர்த்திக்கு போன் செய்துள்ளார்.

ஆனால் சக்கரவர்த்தி இப்போது 1 கோடி தர முடியாது என்றும் கொஞ்சம் பொறுங்கள் உங்கள் பணத்தை மீண்டும் முதலீடு செய்துள்ளோம். விரைவில் 1.5 கோடியாக தருகிறோம் என 3 வருடங்களாக கூறி வந்துள்ளார்.

இதனால் சக்கரவர்த்தி– சோனாவின் பேச்சில் சந்தேகம் ஏற்பட்டதைத் தொடர்ந்து மலபார் ஹில் பொலிஸ் நிலையத்தில் அக்ஷ்ய் கண்ணா புகார் அளித்துள்ளார். புகாரின் பேரில் தம்பதியினரை அழைத்து பொலிசார் விசாரணை நடத்தி வருகிறார்கள்.

உலகில் மோசமான விமான நிலையங்களின் வரிசையில் கொல்கத்தா, சென்னை, மும்பை விமான நிலையங்கள்!!

Chennai2013ம் ஆண்டின் உலக அளவில் மிகமோசமான விமான நிலையங்ளின் வரிசையில் கொல்கத்தா, சென்னை, மும்பை விமான நிலையங்கள் உள்ளதாக ஒரு கணக்கெடுப்பு தெரிவிக்கிறது.

இதுகுறித்து சமீபத்தில் ஒன்லைன் கணக்கெடுப்பு ஒன்று நடத்தப்பட்டது. இந்த கணக்கெடுப்பில் இஸ்லாமாபாத் விமான நிலையத்தையும் சேர்த்து மிக மோசமான விமான நிலையங்களாக கொல்கத்தா, சென்னை, மும்பை விமான நிலையங்களும் இடம்பெற்றுள்ளது.

மேலும் கொல்கத்தாவின் நேதாஜி சுபாஷ் சந்திரபோஸ் விமான நிலையம் 3வது இடத்திலும் இஸ்லாமாபாத் விமான நிலையம் 4 வது இடத்திலும் மும்பை சத்ரபதி சர்வதேச விமான நிலையம் 8வது இடத்திலும் சென்னை சர்வதேச விமான நிலையம் 6வது இடத்திலும் உள்ளன.

இணையதளம் நடத்திய கணக்கெடுப்பில் விமான நிலையத்தின் வசதி, தூய்மை, வாடிக்கையாளர் சேவை,மகிழ்ச்சி போன்ற கேள்விகள் முன்வைக்கப்பட்டு அதன் அடிப்படையில் இந்த கணக்கெடுப்பு வெளியிடப்பட்டுள்ளது.

விஷ ஊசி ஏற்றிக் கொண்டு காதலர்கள் ஒன்றாக தற்கொலை!!

sucideகாதலனும் காதலியும் தமக்குத் தாமே விஷ ஊசி ஏற்றி தற்கொலை செய்து கொண்டுள்ள சம்பவம் வெள்ளவாய பிரதான பாதையின் காட்டுப் பகுதியில் இடம்பெற்றுள்ளது.

வெள்ளவாய பொலிஸாருக்கு கிடைக்கப் பெற்ற தகவலையடுத்து, விரைந்த பொலிஸார் மேற்படி இருவரது சடலங்களை மீட்டனர்.

அத்துடன் விஷக் குப்பியொன்றும் ஊசியொன்றையும், அடையாளங்களை உறுதிப்படுத்தும் ஆவணமொன்றையும் பொலிஸார் கைப்பற்றியுள்ளனர்.

மருத்துவமனையில் சேவையாற்றும் தாதி ஒருவரும் கடற்படையில் கடமயாற்றும் கடற்படை வீரர் ஒருவருமே தற்கொலை செய்துகொண்டவர்களென்று ஆரம்ப விசாரணையின் போது தெரிய வந்துள்ளது

தற்கொலை செய்து கொண்ட தாதி சூரியகமை என்ற இடத்தைச் சேர்ந்தவரென்றும், கடற்படை வீரர் பதுளையைச் சேர்ந்த வாசனாகம என்ற இடத்தைச் சேர்ந்தவராவார்.

இவ்விருவரும் தத்தமது வீட்டாருக்கு தாம் தற்கொலை செய்து கொள்வதாக கடிதங்களையும் அனுப்பியுள்ளனர். அதன் பிறகே விஷ மருந்துடனான ஊசியை ஏற்றிக்கொண்டு தற்கொலை செய்து கொண்டுள்ளனர்.

இவ் விருவருக்கும் ஏற்கனவே திருமணம் முடித்து இரு குழந்தைகள் இருப்பதும் தெரிய வந்துள்ளது. இந்நிலையிலேயே இருவரும் புறம்பாக காதல் வலையில் சிக்கியிருந்தனர்.

தற்கொலை செய்து கொண்ட தாதி தனது கணவனுக்கும் தற்கொலை செய்து கொண்ட கடற்படை வீரர் தனது மனைவிக்கும் இரு குழந்தைகளுக்கும் தனித்தனியாக கடிதங்களை தபாலில் சேர்த்துவிட்டே இவ்விருவரும் விஷ ஊசி ஏற்றி தற்கொலை செய்து கொண்டுள்ளனர்.

அசாரம் பாபுவின் ஆசிரமத்திற்குள் கருக்கலைப்பு மையம்!!

asaram bapuஇந்தியாவின் ஜோத்பூரில் சிறுமி ஒருவரை பாலியல் வன்கொடுமைக்கு ஆளாக்கிய குற்றத்திற்காக கைது செய்யப்பட்ட அசாரம் பாபுவின் ஆசிரமத்திற்குள் கருக்கலைப்பு மையம் செயலபட்டுவந்ததாக பொலிஸார் தெரிவித்துள்ளனர்.

சிறுமி பாலியல் வன்கொடுமை செய்யப்பட்ட வழக்கில் கைது செய்யப்பட்டு சிறையில் இருக்கும் அசாரம் பாபு மீது தொடர்ந்து பல பாலியல் புகார்கள் வந்த வண்ணம் உள்ளன.

இவர் அவரது ஆசிரமத்தில் தங்கியிருந்த பல பெண்களை வற்புறுத்தி பலாத்காரம் செய்ததாக தகவல்கள் வெளியான நிலையில், அசாரமின் ஆசிரமத்தில் கருக்கலைப்பு மையம் செயல்பட்டதாக குஜராத் பொலிசார் தெரிவித்துள்ளனர்.

இதுகுறித்து அசாரமின் சூரத் ஆசிரமத்தில் தங்கியிருந்த பெண் ஒருவர் கூறுகையில் நான் அசாரமின் ஆசிரமத்தில் 1997 ஆம் ஆண்டு முதல் 2007 ஆம் ஆண்டு வரை தங்கியிருந்தேன்.

என்னை அசாரம் 2001 ஆம் ஆண்டு பாலியல் வன்கொடுமைக்கு ஆளாக்கினார். அதிலிருந்து என்னை அடிக்கடி உடல் ரீதியாக அவர் துன்புறுத்தியுள்ளார்.

அவரின் ஆசிரமத்தில் கருக்கலைப்பு மையம் இருந்தது. அசாரமால் கர்ப்பமாகும் பெண்களுக்கு அங்கு கட்டாய கருக்கலைப்பு செய்யப்படும் இதனை ஆசிரமத்தின் மேற்பார்வையாளரான துருவ்பென் கவனித்துக்கொள்வார் எனக் கூறியுள்ளார்.

இந்திய அணியில் எவ்வித மாற்றமும் இல்லை: பிசிசிஐ!!

BCCI-Indiaஅவுஸ்திரேலியாவுக்கு எதிரான மீதமுள்ள ஒருநாள் போட்டியில் பங்கேற்கும் இந்திய அணியில் மாற்றம் எதுவும் செய்யப்படவில்லை.

இந்தியா வந்துள்ள அவுஸ்திரேலிய அணி ஏழு போட்டிகள் கொண்ட ஒருநாள் தொடரில் பங்கேற்கிறது. முதல் மூன்று போட்டிகளின் முடிவில் அவுஸ்திரேலியா 2-1 என முன்னிலை வகிக்கிறது.

மீதமுள்ள நான்கு போட்டிகள் ராஞ்சி, கட்டாக், நாக்பூர் மற்றும் பெங்களூரு மைதானங்களில் நடக்கிறது. இப்போட்டிகளில் பங்கேற்கும் இந்திய அணி வீரர்கள் நேற்று அறிவிக்கப்பட்டனர்.

இதில் மொகாலியில் நடந்த மூன்றாவது போட்டியில் ஒரே ஓவரில் 30 ஓட்டங்கள் வழங்கி தோல்விக்கு வித்திட்ட வேகப்பந்துவீச்சாளர் இஷாந்த் சர்மாவுக்கு இடம் கிடைக்காது என எதிர்பார்க்கப்பட்டது.

ஆனால் முதல் மூன்று போட்டிக்கு தெரிவு செய்யப்பட்ட அதே வீரர்கள் மீதமுள்ள நான்கு போட்டியிலும் விளையாடுவார்கள் என பி.சி.சி.ஐ தெரிவுக்குழு அறிவித்துள்ளது.

 

யாழில் இடம்பெற்ற வாகன விபத்தில் ஒருவர் பலி!!

ACCIDENT_logoயாழ். பொலிஸ் பிரிவுக்குட்பட்ட பிரதான வீதி நீதிமன்றத்திற்கு அருகில் இடம்பெற்ற விபத்தில் ஒருவர் பலியாகியுள்ளார். நேற்று இடம்பெற்ற இந்த விபத்தில் வட்டுக்கோட்டையைச் சேர்ந்த 45 வயதான ஒருவர் உயிரிழந்துள்ளதாக பொலிஸார் தெரிவித்தனர்.

பஸ் ஒன்றும் துவிச்சக்கரவண்டி ஒன்றும் மோதியதில் இவ் விபத்து நேர்ந்துள்ளது. விபத்தில் காயமடைந்த நபர் யாழ். போதனா வைத்தியசாலையின் அவசர சிகிச்சைப் பிரிவில் அனுமதிக்கப்பட்டதன் பின்னர் உயிரிழந்துள்ளார்.

இவரது சடலம் பிரேத பரிசோதனைகளின் பின்னர் உறவினர்களிடம் ஒப்படைக்கப்பட்டுள்ளது. விபத்துடன் தொடர்புடைய வாகன சாரதி கைது செய்யப்பட்டுள்ளார்.

ராஜா ராணி 25வது நாள் : கமலஹாசனை நேரில் சந்தித்து ஆசி பெற்றார் அட்லி!!

Adlyஆர்யா, நயன்தாரா, ஜெய், நஸ்ரியா நடிப்பில் இயக்குனர் அட்லி இயக்கிய படம் ராஜா ராணி. இப்படம் சமீபத்தில் வெளியாகி தியேட்டர்களில் வெற்றிகரமாக ஓடிக்கொண்டிருக்கிறது.

தன்னுடைய முதல் படத்திலேயே நல்ல தரமான காதல் படங்களை இயக்குவதில் ஒரு நிபுணர் என்பதை நிரூபணம் செய்துள்ளார் அட்லி. இந்த அறிய வாய்ப்பு எல்லா அறிமுக இயக்குனர்களுக்கும் அமைந்துவிடுவதில்லை. அவர் மீதான இருந்த எதிர்பார்ப்பையும் மீறி மாபெரும் வெற்றியடைந்துள்ளார் அட்லி.

நேற்று படத்தின் 25வது நாளை முன்னிட்டு நடிகர் கமலஹாசனை நேரில் சந்தித்து ஆசி பெற்றார் அட்லி. இதுகுறித்து அட்லி கூறும்போது,

ராஜா ராணி படத்தை கமல் சார் தான் துவக்கி வைத்தார். வெற்றி பெற்றதும் அவரிடமே ஆசி பெறவேண்டும், அவருக்கு இந்த வெற்றியை சமர்பிக்க வேண்டும் என்று முடிவெடுத்தேன். என்னுடைய உழைப்பு மற்றும் அதன் பிரதிபலனாக கிடைத்த வெற்றி ஆகியவை பற்றி விவரமாக கேட்டு அறிந்தவர். படத்தின் சிறு நுணுக்கத்தை விசாரித்த அந்த பொது மனிதரின் திரை உலக ஞானம் எவ்வளவு பெரியது என புரிந்தது.

இந்த உன்னதமான, உற்சாகமான நேரத்தில் எனது தயாரிப்பாளர்கள் பாக்ஸ் ஸ்டார் ஸ்டுடியோஸ், ஏ.ஆர்.முருகதாஸ், நெக்ஸ்ட் பிக் பிலிம்ஸ் ஆகிய நிறுவனத்தினருக்கு என் மனமார்ந்த நன்றிகள். என்னுடைய படத்தில் பணியாற்றிய நடிக, நடிகையர் ஆகியோருக்கும் மனமார்ந்த நன்றி என்று அவர் கூறினார்.

அதிகம் தூங்கினால் மூளை சுத்தமாகும்!!

Sleepஅதிக நேரம் தூங்குவது உடல் நலத்துக்கு மிகவும் நல்லது என விஞ்ஞானிகள் தெரிவித்துள்ளனர். அமெரிக்காவில் ரோசெஸ்டர் பல்கலைக் கழகத்தை சேர்ந்த விஞ்ஞானி மைகென் நெதர்காட் தலைமையிலான குழுவினர் மனிதர்கள் தூங்குவது ஏன் என ஆய்வு மேற்கொண்டனர்.

அதில் நன்றாக தூங்கும் போது தான் மூளை சுத்தம் செய்யப்படுவது தெரியவந்தது. தூங்கும் போது பெருமூளையின் தண்டு வட திரவம் மூளையை சுற்றி பீச்சி அடிக்கப்படுகிறது.

அப்போது மூளைக்கு வெளிப்புறம் படிந்திருக்கும் மூலக்கூறுகளின் சிதைந்த பொருட்களும், நச்சு புரோன்டீன்களும் அப்புறப்படுத்தப்படுகின்றன. இதனால் உடல் நலத்திற்கு கெடுதல் ஏற்படாமல் பாதுகாக்கப்படுகிறது.

இந்த ஆய்வுக்கு விஞ்ஞானி மைகென் நெதர்காட் குழுவினர் சுண்டெலிகளை பயன்படுத்தினர். அப்போது தான் இந்த விஷயம் கண்டு பிடிக்கப்பட்டது.

அஜித்துடன் இணையும் கௌதம் மேனன்!

Ajithஸ்டைலிஷான இயக்குநர் என்று பெயர்பெற்ற கௌதம் மேனனுக்கு மறுபடியும் நல்ல நேரம் வந்திருக்கிறது.
அஜித், சூர்யா என்று ஒவ்வொருவராக கௌதம் படத்தில் நடிக்க முதலில் ஆர்வமாக இருந்து பின் கழன்று கொண்டனர். இப்போது மீண்டும் கௌதம் படத்தில் நடிக்க முன்வருகிறார்களாம்.

சூர்யா தான் வாங்கிய 5 கோடி அட்வான்ஸ் பணத்தைத் திருப்பித் தந்தார். ஆனால், இந்த உறவு பிரியாது. மீண்டும் கௌதமுடன் இணைவேன் என்று மறைமுகமாக சொல்லியிருக்கிறார்.

அடுத்த வருஷம் மீண்டும் ஒரு சிறந்த படத்தோட நான் வந்து உங்களை சந்திப்பேன். அதுக்காக எடுத்த ஒரு இடைவெளியுடன் கூடிய முடிவுதான் அது. ரெண்டு பேருக்குமே ஒருத்தக்கொருத்தர் மரியாதை இருக்கு என்று ஒரு இசை வெளியீட்டு விழாவில் சூர்யா பேசினார்.

கௌதம் மேனனை மனதில் வைத்துதான் சூர்யா இதைப் பேசினார் என்பது விஷயம் அறிந்தவர்கள் உணர்ந்துகொண்டார்கள். இப்போது அஜித் கௌதம் படத்தில் நடிக்க இருக்கிறார். வீரம் படத்துக்குப் பிறகு அஜித் நடிக்கும் புதிய படத்தை கௌதம் மேனன்தான் இயக்கப் போகிறார்.

பிரதமரது பங்கேற்பு குறித்து உரிய நேரத்தில் முடிவு செய்யப்படும் : நாராயணசாமி!!

NARAYANASAMYஇலங்கையில் நடைபெறும் பொதுநலவாய மாநாட்டில் பிரதமர் பங்கேற்பது பற்றி உரிய நேரத்தில் முடிவெடுக்கப்படும் என இந்திய பிரதமர் அலுவலக இணை அமைச்சர் நாராயணசாமி தெரிவித்துள்ளார்.

சென்னை விமான நிலையத்தில் செய்தியாளர்களை சந்தித்த அவர் இலங்கையில் உள்ள தமிழ் மக்களுக்கு மறுவாழ்வு, பாதுகாப்பு போன்றவற்றை கருத்தில் கொண்டு பொதுநலவாய மாநாட்டில் பிரதமர் பங்கேற்பது பற்றி முடிவு செய்யப்படும் என்றார்.

 

ஸ்பூனில் வைத்து வாயில் ஊட்டி விடத் தேவையில்லை : டோனி ஆவேசம்!!

Dhoni pressநேற்று டெல்லியில் இடம்பெற்ற 3வது ஒரு நாள் போட்டியில் இஷாந்த் சர்மாவின் மோசமான பந்து வீச்சால், அவுஸ்திரேலியாவிடம் தோல்வியடைந்தது இந்தியா. இதனால் தலைவர் டோனி இந்திய பந்து வீச்சாளர்களை குறிப்பாக வேகப் பந்து வீச்சாளர்களை கடுமையாக சாடியுள்ளார்.

போட்டி முடிவில் செய்தியாளர்களிடம் பேசியபோது தனது கோபத்தை மறைமுகமாக வெளிக்காட்டினார் டோனி. வழக்கமாக வெற்றிகளையும் தோல்விகளையும் ஒரே மாதிரி எடுத்துக் கொள்ளும் டோனி இதற்காகவே கேப்டன் கூல் என செல்லமாக அழைக்கப்பட்டார்.

ஆனால் அவரையே ஆவேசப்பட வைக்குமளவுக்கு இருந்தது நேற்றைய இந்திய அணியின் பந்துவீச்சு. நேற்றுப் பகல் ஆரம்பமான இந்தப்போட்டியில் முதலில் துடுப்பெடுத்தாடிய இந்தியா டோனியின் அபார சதத்தால் 303 ஓட்டங்களை விலாசியது.

இதன்படி 304 என்ற கடினமான இலக்குடன் களமிறங்கிய அவுஸ்திரேலிய அணி ஒருகட்டத்தில் 213 ஓட்டங்களுக்கு 6 விக்கெட்டுகளை பறிகொடுத்து தடுமாறியது. இந்த இக்கட்டான நிலையில் களத்தில் இருந்த வோக்ஸ்-பாக்னர் ஜோடி விக்கெட் வீழ்ச்சியை கட்டுப்படுத்தி நிதானமாக விளையாடினர்.

வோக்ஸ் அரை சதம் கடந்து இரசிகர்களை உற்சாகப்படுத்தினார். ஆனாலும் இந்தியாவின் பக்கம்தான் வெற்றி வாய்ப்பு இருந்தது.
47 ஓவர்கள் முடிவில் வெற்றி பெற வேண்டுமாயின் 44 ஓட்டங்கள் தேவைப்பட்டன. அப்போதுதான் ஆஸி. அணிக்கு கைகொடுக்க வந்தார் இஷாந்த் சர்மா.

இவர் வீசிய 48வது ஓவரில் சிக்சர்களாக விளாசிய பாக்னர் 30 ஓட்டங்களை குவித்தார். இதனால் அவுஸ்திரேலியா வெற்றிப் பாதைக்கு திரும்பியது.

49வது ஓவரில் 5 ஓட்டங்களை எடுத்தனர். கடைசி ஓவரில் 9 ஓட்டங்கள் தேவை என்ற நிலையில் முதல் பந்தில் ஒற்றை ஓட்டமும் அடுத்த பந்தில் ஓட்டங்களும் அடித்த பாக்னர் 3வது பந்தில் அதிரடியாக சிக்சர் விளாசி வெற்றியை உறுதி செய்தார்.

இதனால் 3 பந்துகள் மீதமிருந்த நிலையில் 4 விக்கெட்டுக்கள் வித்தியாசத்தில் அவுஸ்திரேலியா வெற்றி பெற்றது.

இது குறித்து டோனி கூறுகையில் கடைசி ஓவர்கள் நமக்குப் பெரும் ஏமாற்றமாக அமைந்து விட்டது. அதுதான் கவலைக்குரியதாக ஆரம்பத்திலிருந்தே இருந்தது. நேற்று மோலும் மோசமடைந்து விட்டது.

நேற்று பனி இருந்தது. என்றாலும், கடைசிப் போட்டியில் இருந்தது போல அதிகம் இல்லை. பந்து வீச்சாளர்கள் பந்து வீச வரும்போது சிந்தனையுடனும் திட்டத்துடனும் வர வேண்டும். தங்களது பலத்தை உணர்ந்து பந்து வீச வேண்டும்.

இது சர்வதேசப் போட்டி. எப்படி நடந்து கொள்ள வேண்டும் என்பதை ஸ்பூனில் வைத்து வாயில் ஊட்டி விடத் தேவையில்லை. திட்டமிட்டு அவர்கள் செயல்பட்டிருக்க வேண்டும் என்றார் டோனி.

நடுக்கள பந்து வீச்சாளர்கள் பரவாயில்லை. குறிப்பாக ஜடேஜா நன்றாக வீசினார். அதேசமயம், பகுதி நேர பந்து வீச்சாளர்களும் சற்று உதவிகரமாக இருந்திருக்கலாம்.

மொஹாலியில் நாம் சிறப்பாக செயல்பக் கூடியவர்கள். இந்தப் போட்டியிலும் நாம் இன்னும் சிறப்பாக விளையாடியிருக்கலாம். 300 ஓட்டங்களை நாம் எட்ட முடிந்ததே அதிர்ஷ்டம்தான்.
நாம் சுதாரித்து ஆடியிருக்காவிட்டால் 250 ஓட்டங்களைக் கூட எட்டியிருக்க முடியாது என்றார் டோனி.

இளம்பெண்ணை அசிட் குடிக்கவைத்து கடலில் தள்ளிக் கொலைசெய்ய முயன்ற வாலிபர்!!

murder-attemptஇந்தியாவின் மும்பையில் ஒரு இளம்பெண்ணை வற்புறுத்தி அசிட் குடிக்க செய்து பின்னர் அவரை கடலில் தள்ளிய நபரை பொலிசார் கைது செய்துள்ளனர்.

மும்பை டஹிசார் பகுதியில் வசித்து வரும் 18 வயது இளம்பெண்ணை கடந்த சில மாதங்களாக ஜிதேந்திர சக்பல் என்னும் 20 வயது நபர் பின்தொடர்ந்து வந்துள்ளார்.

இது தொடர்பாக இளம்பெண் அவளது பெற்றோரிடம் தெரிவித்ததை அடுத்து அவர்கள் அந்த நபர் மீது பொலிசில் புகார் அளித்தனர்.

அந்த நபரை விசாரித்த பொலிசார் இளம்பெண்ணை பின்தொடர்ந்து தொந்தரவு செய்யக்கூடாது என மிரட்டி எச்சரித்துள்ளனர்.

இந்நிலையில் அப்பெண் வீடு திரும்புவதை பார்த்த ஜிதேந்திர சக்பல், அவரை வழிமறித்து அசிடை குடிக்கசெய்து பின்னர் அவரை கடலில் தள்ளி கொலை செய்ய முயற்சித்துள்ளார்.

பொலிசாரால் மீட்கப்பட்ட அந்த பெண் தற்போது கவலைக்கிடமான நிலையில் மருத்துவமனையில் சிகிச்சை பெற்றுவருகிறார்.

இக்கொடூர சம்பவத்தில் ஈடுபட்ட நபரை கைது செய்துள்ள பொலிசார் அவர் மீது வழக்கு பதிவு செய்து விசாரணை மேற்கொண்டுள்ளனர்.

காதலை கைவிடுமாறு பெற்றோர் அறிவுறுத்தியதால் 14 வயது மாணவன் தற்கொலை!!

suicide hangingகாதல் தொடர்பு காரணமாக பெற்றோர்களது அறிவுறுத்தல்களினால் மன உளைச்லுக்குள்ளான 14 வயது சிறுவன் ஒருவர் தனது வீட்டில் தூக்கிட்டு தற்கொலை செய்து கொண்டுள்ளார்.

ஆணைமடு, திவுல்வெவ பிரதேசத்தைச் சேர்ந்த 14 வயதுடைய பாடசாலை மாணவன் ஒருவரே இவ்வாறு உயிரிழந்துள்ளார்.
இம்மாணவன் அப் பிரதேச பாடசாலை ஒன்றில் 9ஆம் தரத்தில் கல்வி பயின்று வருகிறார்.

அப் பிரதேசத்தில் வசிக்கும் மாணவி ஒருவருடன் இந்த மாணவனுக்கு காதல் தொடர்பு ஏற்பட்டுள்ளது. இதனை அறிந்து கொண்ட பெற்றோர் காதலை கைவிடுமாறு குறிப்பிட்டு அறிவுறுத்தியுள்ளனர்.

இதன் பின்னராக மாணவன் தூக்கிட்டு தற்கொலை செய்து கொண்டுள்ளார். வீட்டில் தூக்கிட்ட நிலையில் பெற்றோர்களால் வைத்தியசாலைக்கு மாணவன் எடுத்துச் செல்லப்பட்ட போதும் உயிரிழந்துள்ளார்.

1...4,5054,5064,507...4,739Page 4,506 of 4,739