கார்த்தி நடிக்கும் பிரியாணி படத்தின் எட்டுப் பாடல்களும் இணையதளத்தில் வெளியாகி உள்ளதால் அதிர்ச்சி அடைந்துள்ளார் படத்தின் இசையமைப்பாளர் யுவன் சங்கர் ராஜா.

யுவனின் இசையில் உருவாகும் 100வது படம் பிரியாணி. யுவனின் சகோதரர் வெங்கட் பிரபு இயக்கியுள்ளார். படத்தின் பாடல்கள் மிகச் சிறப்பாக வந்துள்ளதாகவும், பிரமாண்ட விழாவில் இசைத் தட்டு வெளியிடப்படும் என்றும் கூறப்பட்டு வந்த நிலையில், அனைத்துப் பாடல்களும் இணையதளத்தில் வெளியாகியுள்ளது.

இசையமைப்பாளர் யுவனுக்கு இது மிகுந்த அதிர்ச்சி அளித்துள்ளது. “முழுப் பாடல்களும் இணையத்தில் வெளியாகியுள்ளது அதிர்ச்சியாக உள்ளது. பைரசியை ஒழித்தே தீர வேண்டிய கட்டாயத்தில் உள்ள”தாக அவர் கருத்து தெரிவித்துள்ளார்.

பிரியாணி படத்தில் கார்த்தி – ஹன்சிகா – பிரேம்ஜி நடித்துள்ளனர். ஸ்டுடியோ கிரீன் நிறுவனம் தயாரித்துள்ளது. பாடல்கள் உரிமையை சொனி நிறுவனம் பெற்றுள்ளது.

முன்பெல்லாம் படத்தின் ஒரு பாடல் அல்லது ஓரிரு காட்சிகளைத்தான் திருட்டுத்தனமாக வெளியிடுவார்கள். ஆனால் முதல்முறையாக இப்போதோ அனைத்துப் பாடல்களையும் இணையதளத்தில் வெளியிட்டுள்ளனர்.

தலைவா படம் ரிலீசாகாததால் தமிழக அரசுக்கு எதிராக விஜய் தரப்பில் வழக்குத் தொடரப் போவதாக பரபரப்பாக செய்திகள் கிளம்பியுள்ளன.

தலைவா படம் பழசாகிவிட்டாலும், அதைச் சுற்றியுள்ள பிரச்சினைகள், அதற்கு விஜய் தரப்பு எதிர்த்தும் எதிர்க்காமலும் காட்டும் எதிர்வினைகள்தான் சுவாரஸ்யமான செய்திகளாக உலா வருகின்றன.

நாளை இந்தப் பிரச்சினைக்காக உண்ணாவிரதம் இருக்கப் போவதாக விஜய் தரப்பு அறிவித்து, அரசிடம் அனுமதியும் கோரியது. ஆனால் கேட்ட சில மணி நேரங்களில அனுமதி மறுத்துவிட்டது தமிழக அரசு.

இப்போது புதிய திருப்பமாக, கமல்ஹாஸன் ஸ்டைலில் தமிழக அரசுக்கு எதிராக வழக்குத் தொடரப் போகிறார் என செய்திகள் கிளம்பியுள்ளன.

நாளை உண்ணாவிரதம் கைவிடப்பட்ட நிலையில், படத்தை வெளியிடும் சூழலை உருவாக்க அரசுக்கு உத்தரவிடக் கோரி வழக்குத் தொடரப் போகிறார்களாம் விஜய் தரப்பில். இதுகுறித்து வழக்கறிஞர்களுடன் விஜய் விவாதித்து வருகிறாராம்.

சமீபத்தில் தனது 50வது பிறந்தநாளை கொண்டாடியுள்ளார் ஸ்ரீதேவி.

அழகிய இரு மகள்கள், அன்பான கணவர் என பொறுப்பான குடும்பத் தலைவியாக மாறிவிட்ட ஸ்ரீதேவி, கடந்த 15 ஆண்டுகளுக்குப் பின்பு மீண்டும் ‘இங்கிலீஷ், விங்கிலீஷ்’ படத்தின் மூலம் மீண்டும் திரை உலகில் அடி எடுத்து வைத்தார்.

சமீபத்தில் நடந்த விழா ஒன்றில் பிரபு தேவாவுடன் நடனமாடி ரசிகர்களுக்கு இன்ப அதிர்ச்சி கொடுத்தார் ஸ்ரீதேவி.

தன் மகள்களின் விருப்பத்திற்காகவே அந்த நடன அரங்கேற்றம் என தெரிவித்துள்ளார் ஸ்ரீதேவி.

மேலும், நடனம் குறித்து அவர் கூறுகையில், நான் பொதுவாக விருது வழங்கும் விழாக்களில் நடனமாடுவது கிடையாது. எனக்கு அது வசதியான ஒன்றாக இருக்காது.

சமீபத்தில் பிரபுதேவாவுடன் நடனமாடியது கூட என் மகள்களின் கட்டாயத்தால் தான்.

அதிலும் எனது இளைய மகள் நான் நடனமாடுவது குறித்து அதிக ஆர்வமாக இருந்தாள்.

நானும் பிரமாதமாக ஆடினால் போயிற்று என்று பிரபு தேவாவுடன் நடனம் ஆடினேன்.

நான் இதுபோன்று மேடைகளில் நடனமாடுவதை பார்ப்பது இது தான் அவர்களுக்கு முதல் முறை.

இதற்கு முன் நான் இது போன்று மேடைகளில் நடனமாடிய போது அவர்கள் மிகவும் சிறிய குழந்தைகள் என்கிறார் ஸ்ரீதேவி.

பிரபுதேவாவை விட்டு நயன்தாரா விலகி விட்டாலும் கூட அவரது கையிலிருந்து இன்னும் போகாமல் அடம் பிடிக்கிறாராம் பிரபுதேவா.

நடிகை நயன்தாரா பிரபுதேவாவை காதலிக்கும் போது அவருடைய பெயரை பச்சை குத்திக் கொண்டாராம்.

ஆனால் காதலில் பிரிந்துவிட்டாலும், அவருடைய பெயரை மட்டும் நயன்தாராவால் நீக்கமுடியவில்லையாம்.

கையில் குத்திய பச்சையுடன் சென்னையில் ஜெயா பாலாஜி ரியல் மீடியா நிறுவனத்தின் புதிய படத் தொடக்க விழாவுக்கு வந்திருந்தார் நயன்தாரா.

நீளமான கை உடைய ஆடையில் அவர் வந்திருந்தாலும் கூட பச்சை அவ்வப்போது எட்டிப் பார்த்தபடியே இருந்தது.

கோபிசந்த்துடன் இணைந்து நடிக்கும் புதிய படத்திற்கான பூஜை ஏவி.எம் பிள்ளையார் கோவிலில் நடந்தது. அதில் நயன்தாரா கலந்து கொண்டார்.

அதில் கலந்து கொண்டவர்கள் அத்தனை பேரும் நயன்தாராவின் கையில் பளிச்சென தெரிந்த பிரபு என்ற பச்சையையே பார்த்துக் கொண்டிருந்தனராம்.

நடிகை மல்லிகா ஷெராவத்தை ஆபாச நடனம் தொடர்பாக கைது செய்வதற்கு உச்ச நீதிமன்றம் தடைவிதித்து உத்தரவிட்டுள்ளது.

கடந்த 2006ம் ஆண்டு டிசம்பர் மாதம் 31ம் திகதி மும்பையில் 5 நட்சத்திர ஓட்டலில் நடந்த புத்தாண்டு கொண்டாட்டத்தில் பிரபல இந்தி நடிகை மல்லிகா ஷெராவத் பங்கேற்று நடனமாடினார்.

அவரது நடனம் பல்வேறு தொலைக்காட்சிகளில் நேரடியாக ஒளிபரப்பப்பட்டது.

இவரது நடனம் மிகுந்த ஆபாசமாக இருந்ததாக கூறி சட்டத்தரணி நரேந்திர திவாரி மற்றும் பரோடா சட்டத்தரணி சங்க முன்னாள் தலைவர் ஆகியோர் கடந்த 2007ம் ஆண்டு வதேரா நீதிமன்றத்தில் வழக்கு தொடர்ந்தனர்.

இந்த வழக்கில் மல்லிகா ஷெராவத்துக்கு நீதிமன்றம் சம்மன் அனுப்பியது.

நீதிமன்றத்தில் ஆஜராவதில் இருந்து தனக்கு விலக்கு அளிக்க வேண்டும் என்று மல்லிகாஷெராவத் குஜராத் நீதிமன்றத்தில் மனு தாக்கல் செய்தார். ஆனால் உச்சநீதிமன்றம் அவரது மனுவை தள்ளுபடி செய்தது.

இந்நிலையில் வதேரா நீதிமன்றம் கடந்த யூலை மாதம் 8ம் திகதி மல்லிகா ஷெராவத்தை கைது செய்ய வாரண்டு பிறப்பித்தது.

பிணையில் வெளிவரக்கூடிய வகையிலான இந்த கைது வாரண்டை எதிர்த்து மல்லிகா ஷெராவத் டெல்லி உச்சநீதிமன்றத்தில் வழக்கு தொடர்ந்தார்.

இந்த வழக்கினை விசாரித்த உச்சநீதிமன்ற நீதிபதி பி.எஸ். சவுகான் தலைமையிலான பெஞ்ச் வதேரா நீதிமன்றத்திற்கு பிறப்பித்த கைது வாரண்டுக்கு தடை விதித்து உத்தரவிட்டுள்ளது.

அனுஷ்கா – சர்மி இடையே மோதல் ஏற்பட்டுள்ளதாக தெலுங்கு பட உலகம் கிசுகிசுக்கிறது. வரலாற்று படங்களில் அனுஷ்காவுக்கு போகும் கரக்டர்களை பறிக்க சார்மி மல்லுக்கட்டுகிறார். ஏற்கனவே அருந்ததி என்ற படத்தில் நடித்து வரலாற்று படங்கள் கரக்டருக்கு பொருத்தமானவர் என பெயரெடுத்தார்.

தொடர்ந்து அதே மாதிரியான படம் வாய்ப்புகள் வந்தன. தற்போது ருத்ரமாதேவி என்ற வரலாற்று படத்தில் நடித்து வருகிறார். இதற்கிடையில் தனக்கும் வரலாற்று படங்கள் பொருத்தமாக இருக்கும் என்று தயாரிப்பாளர்களிடம் வாய்ப்பு கேட்க தொடங்கியுள்ளார் சர்மி.

இதற்கு வசதியாக ஏற்கனவே வரலாற்று கரக்டரில் தான் நடித்த பட ஸ்டில்களை பேஸ்புக்கில் வெளியிட்டுள்ளார். இது அனுஷ்காவுக்கு ஆத்திரத்தை ஏற்படுத்தியுள்ளது. இருவருக்கும் பனிப்போர் நடக்கிறது.