சீனாவில் சிறுவனை கடத்தி கண்ணை தோண்டி எடுத்து விழி வெண்படலத்தை மட்டும் வெட்டி எடுத்துச் சென்ற மனித உடல் உறுப்புகளைக் கடத்தும் கும்பலின் கோரச்செயல் அதிரவைத்திருக்கிறது.

சீனாவின் சான்ஜி மாகாணத்தில் லின்பென் என்ற பகுதியில் வசித்து வந்த பின்பின் என்ற சிறுவன் வீட்டுக்கு அருகே விளையாடிக் கொண்டிருந்தான். திடீரென அவனைக் காணவில்லை.

அவன் காணாமல் போய் சில மணி நேரங்கள் கழித்து அவன் முகம் முழுவதும் ரத்தம் தோய்ந்த நிலையில் குற்றுயிராய் அலறித் துடித்துக் கொண்டிருந்ததை பெற்றோர் பார்த்திருக்கின்றனர்.

இதைக் கண்டு அலறிய பெற்றோர் அவனைத் தூக்கிப் பார்த்த போது திடுக்கிட்டுப் போயினர். அவனது இரண்டு கண்களும் தோண்டி எடுக்கப்பட்டிருந்தது தெரியவந்தது.

இதைத் தொடர்ந்து சிறுவனை மருத்துவமனைக்கு அனுப்பிய கையோடு அந்த இடத்தை சுற்றிப் பார்த்திருக்கின்றனர். அந்த பெற்றொருக்கு மேலும் அதிர்ச்சி காத்திருந்தது.

சிறுவனின் இரண்டு கண்களும் தோண்டி வீசப்பட்டிருந்தது தெரியவந்தது. சிறுவனின் தோண்டி எடுக்கப்பட்ட கண்களுடன் மருத்துவமனைக்குப் பதறிப் போன பெற்றோர்களுக்கு மருத்துவர்கள் சொன்ன விஷயம் இன்னொரு பயங்கரம்..

அதாவது சிறுவனை கடத்தி கண்ணை தோண்டி எடுத்த கும்பல், சிறுவனின் விழி வெண்படலத்தை மட்டும் வெட்டி எடுத்து தப்பியிருக்கிறது.

சீனாவில் உடல் உறுப்பு தானங்களுக்காக 3 லட்சம் நோயாளிகள் காத்திருந்தாலும் இவர்களில் ஆண்டுக்கு 10 ஆயிரம் பேருக்குத்தான் சரியான உடல் உறுப்புகள் கிடைக்கின்றனவாம்.

இதனால் சட்டவிரோதமாக இப்படி கடத்தலில் ஈடுபட்டு மனித உறுப்புகளை வேட்டையாடி கள்ளச் சந்தையில் விற்பனை செய்யும் கொடூரமும் அரங்கேறி வருகிறதாம்..

கனடாவில் மூட்டைப் பூச்சி விவகாரம் நீதிமன்றத்துக்கு செல்ல உள்ளது.
கனடாவின் கியூபெக்கில் உள்ள ஹோட்டல் ஒன்றில் லாரென்ட் அசோலாய் என்பவர் அறை எடுத்து தங்கினார்.

அந்த அறையில் மூட்டைப் பூச்சிகள் அதிகம் இருந்ததால் நிர்வாகியிடம் காண்பித்துள்ளார். உடனே அவர் 40 டொலர்கள் தருகிறோம் வேறு ஹோட்டல் சென்று தங்கி கொள்ளுங்கள் என்று தெரிவித்துள்ளனர்.

இருப்பினும் அதனை ஏற்காதவர் இரவு முழுவதும் அதே அறையிலேயே தங்கியுள்ளார். இதன் பின்பு இணையதள சுற்றுலா வலைத்தளத்தில் ஹோட்டல் பற்றி கிண்டல் செய்து விமர்சனம் எழுதியுள்ளார்.

இதனை நீக்கும்படி நிர்வாகம் கேட்டுக் கொண்டும் அதனை மறுத்துள்ளார். இதனையடுத்து தங்கள் வர்த்தகத்திற்கு நஷ்டம் ஏற்படுத்தியதாக இழப்பீடு கேட்டு நீதிமன்றத்தில் வழக்கு போட்டுள்ளது.

தென் ஆபிரிக்காவில் 7 வயது சிறுமி ஒருவர் தனது 6 வயது தோழியை துப்பாக்கியால் சுட்டுக்கொன்ற சம்பவம் பெரும் அதிர்ச்சியை ஏற்படுத்தியுள்ளது.

தென் ஆபிரிக்காவில் உள்ள பிரயோரியா பகுதியை சேர்ந்த 7 வயது சிறுமி லிம்போபோ மாகாணத்தின் பேலா பேலா என்ற கிராமத்தில் உள்ள தனது தாத்தா வீட்டிற்கு சென்றிருந்தப்போது அங்கு அவளது தோழியான 6 வயது சிறுமியுடன் விளையாடிக்கொண்டிருந்தாள்.

இந்த இரண்டு சிறுமிகளும் விளையாடிக்கொண்டிருந்தப்போது, 7 வயது சிறுமி தன்னுடைய தாத்தாவின் கைத்துப்பாக்கியை வைத்து மற்றொரு சிறுமியை பயமுறுத்தியிருக்கிறார்.

அப்போது எதிர்பாராத விதமாக அச்சிறுமி மற்றொருவரை சுட்டுவிட முகத்தில் குண்டு பாய்ந்த நிலையில் அவர் அங்கேயே பரிதாபமாக உயிரிழந்தார்.

தகவல் அறிந்ததும் பொலிசார் விரைந்து வந்து சிறுமியின் சடலத்தை கைப்பற்றி விசாரணை நடத்தினர். கவனக்குறைவாக துப்பாக்கியை வைத்திருந்ததாக சிறுமியின் தாத்தா மீது வழக்குப்பதிவு செய்யப்பட்டுள்ளது.

10 வயதுக்குட்பட்ட சிறுமிகள் விளையாடிக்கொண்டிருந்தப்போது எதிர்பாராத விதமாக ஒருவர் 0.38 ரக துப்பாக்கியை கொண்டு மற்றொருவரை சுட்டதால் ஏற்பட்ட இந்த விபரீதம் மக்களிடையே பெரும் அதிர்ச்சியை ஏற்படுத்தியுள்ளது.

இந்தோனேசியாவில் அடுத்த வருடம் நடத்தப்படவுள்ள உலக அழகிப்போட்டிக்கு எதிர்ப்பு கிளம்பியுள்ளது. இந்த மாத தொடக்கத்தில் இந்தோனேசியாவின் மிகவும் செல்வாக்கு உள்ள உலமா சபையின் இஸ்லாமிய மதக்குருக்களின் உயர் மட்டம் கூட்டம் நடந்தது.

அந்த கூட்டத்தில் பெண்கள் தங்களின் தோலை காட்டி நடந்து வரும் இப்போட்டியானது இஸ்லாமிய மதக்கோட்பாடுகளுக்கு எதிரானது என்பதால், இப்போட்டியை இந்தோனேசியாவில் நடத்தக்கூடாது என்று முடிவெடுக்கப்பட்டது.

இதனையடுத்து இஸ்லாமிய மதக்குருக்கள் இப்போட்டியை இந்தோனேசியாவில் நடத்த எதிர்ப்பு தெரிவித்துள்ளனர். மேலும் அரசு இப்போட்டியை இரத்து செய்ய நடவடிக்கை எடுக்குமாறும் கேட்டுக்கொண்டுள்ளனர்.

மேலும் புகைப்பிடித்தல் மற்றும் யோகாவிற்கு எதிராக பல முரண்பாடான உத்தரவுகளை உலமா சபை பிறப்பித்துள்ளதும் குறிப்பிடத்தக்கது. உலமா சபை விதித்துள்ள இந்த உத்தரவை மீறுவது பாவம் என்று இந்தோனேசிய மக்களில் பெரும்பாலானோர் கருதுகின்றனர்.

சீனாவின் குவாங்க்சி மாகாணத்தில் உள்ள குய்பிங் ஆஸ்பத்திரியில் கடந்த ஜூன் மாதம் 14ம் திகதி யுவே ஜூக்சிங் என்ற பெண்ணுக்கு பிரசவம் நடந்தது.

இந்த பிரசவத்தில் அவருக்கு அழகான 2 பெண் குழந்தைகள் பிறந்தன. ஒன்றன்பின் ஒன்றாக பிறக்காமல் 2 குந்தைகளும் ஒட்டிப் பிறந்ததால் அவை எத்தனை நாள் உயிருடன் இருக்குமோ…? என்ற கவலை யுவே ஜூக்சிங்கின் இதயத்தை ஆக்கிரமிக்கத் தொடங்கியது.

2 குழந்தைகளையும் சத்திரசிகிச்சை மூலம் பிரித்தெடுக்கலாம். ஆனால்,அதற்கு நிறைய செலவாகும் என வைத்தியர்கள் தெரிவித்தனர்.

இதற்காக தெரிந்தவர்களின் மூலம் இணையதளங்களில் குழந்தைகளின் புகைப்படங்களை வெளியிட்டு நிதியுதவி செய்யுமாறு யுவே ஜூக்சிங் வேண்டுகோள் விடுத்திருந்தார்.

மளமளவென 1லட்சம் யுவான் வரை நிதி குவிந்தது. சத்திரசிகிச்சையை இலவசமாக செய்ய குவாங்க்சி மருத்துவ பல்கலைக்கழக வைத்தியசாலையும் முன்வந்தது.

இதனையடுத்து, ஈரலின் மூலன் ஒட்டிப் பிறந்த அந்த குழந்தைகளை பிரித்தெடுக்க கடந்த 8ம் தேதி சத்திரசிகிச்சை நடைபெற்றது. 20 வைத்தியர்கள் உழைப்பில் சுமார் 10 மணி நேரம் நீடித்த இந்த சத்திரசிகிச்சையி ல் 2குழந்தைகளும் வெற்றிகரமாக தனித்தனியாக பிரித்தெடுக்கப்பட்டன.

சத்திரசிகிச்சைக்கு பிந்தைய 3 வார சிகிச்சைக்கு பின்னர் நேற்று தாயுடன் சேய்களும் நலமாக வீட்டை சென்றடைந்தனர்.