1990 களில் தமிழ் சினிமாவில் காமெடியில் கொடிகட்டிப் பறந்தவர் கவுண்டமணி. இவரும் செந்திலும் இணைந்து நடித்த படங்கள் காமெடியில் களைகட்டின.
இந்நிலையில் உடல்நிலை காரணமாக கடந்த 8 வருடங்களாக படங்கள் எதிலும் நடிக்காமல் ஒதுங்கி இருந்தார். தற்போது முழு ஆரோக்கியத்துடன் இருப்பதால் மீண்டும் நடிக்க வந்திருக்கிறார்.
தற்போது சாந்தனு நடிக்கும் வாய்மை என்ற படத்தில் காமெடி வேடத்தில் நடித்து வருகிறார். இதைத் தொடர்ந்து கதாநாயகனாகவும் ஒரு படத்தில் நடிக்க இருக்கிறார்.
இயக்குனர் கவுதம் மேனனின் உதவியாளர் ஆரோக்கியதாஸ் இயக்கும் புதிய படத்தில் கதாநாயகான நடிக்கவிருக்கிறார். இந்த படத்திற்கு 49ஓ என்று தலைப்பு வைத்திருக்கிறார்கள்.
49ஓ என்பது தேர்தலில் வாக்களிக்க விரும்பாதவர்கள் பூர்த்தி செய்து கொடுக்கவேண்டிய படிவம். அதைத்தான் படத்தின் தலைப்பாக வைத்திருக்கிறார்கள். அதற்காக, இது அரசியல் படம் என்று கூறமுடியாது. இந்த படத்தில் கவுண்டமணி விவசாயியாக நடிக்கிறாராம்.
இதுதவிர இயக்குனர் வெற்றிமாறன் தயாரிக்கும் ஒரு படத்திலும் கவுண்டமணி நாயகனாக நடிக்கவிருக்கிறார் என்பது குறிப்பிடத்தக்கது.
ஜெய்ஹிந்த் ஹிட் அலைவரிசையைத் தக்கவைப்பதற்காக ஜெய்ஹிந்த்-2 படத்தை இயக்கி வருகிறார் அர்ஜுன். மூன்று பேர் மூன்று காதல் படத்தில் நடித்த சுர்வீன் சாவ்லா இதிலும் அர்ஜுனுடன் ஜோடி சேர்கிறார்.
விஜய் நடிப்பில் உருவான தலைவா’படம் நேற்று வெளியாவதாக இருந்தது. ஆனால், படத்திற்கு தணிக்கை சான்றிதழ் மற்றும் படம் வெளியாகும் தியேட்டர்களுக்கு வெடிகுண்டு மிரட்டல் என அடுத்தடுத்து பிரச்சினை கிளம்பியுள்ளதால் படம் வெளியாவதில் தாமதம் ஏற்பட்டுள்ளது.