நடிகை அமலா பாலின் கால் சீட் டைரி தற்போது பக்கம் இல்லாமல் நிரம்பி வழிகிறது.

இவர் இளையதளபதி விஜயுடன் முதல் தடவையாக ஜோடி சேர்ந்துள்ள தலைவா திரைப்படம் இம்மாதம் 9ம் திகதி ரம்ஜான் விருந்தாக வெளிவரவுள்ளது.

இதனைத் தொடர்ந்து ஒளிப்பதிவாளர் வேல்ராஜ் இயக்கும் படத்தில் தனுசுடன் ஜோடி சேரவுள்ளார்.

இப்படத்தின் படப்பிடிப்பு வருகிற 23ம் திகதி தொடங்கவிருக்கிறது.

பின்பு மலையாளத்தில் சத்யன் அணித்காத் இயக்கத்தில் பஹத் பாசிலுடன் இணைந்து ஒரு படத்தில் நடிக்கவுள்ளார்.

ஏற்கனவே ராம்சரணின் புதிய படம் ஒன்றிலும் நடிப்பதற்கு ஒப்பந்தமாகியுள்ளாராம்.

மேலும், அமலா பாலுக்கு தமிழில் வாய்ப்புகள் குவிந்த வண்ணம் உள்ளதாம்.

சுவாமி விவேகானந்தர் வாழ்க்கை சினிமா படமாகியுள்ளது.இதில் விவேகானந்தர் வேடத்தில் தீப்பட்டாச்சார்யா நடித்துள்ளார். இந்தியா முழுவதும் நிறைய நடிகர்களை பார்த்து இறுதியில் தீப்பட்டாச்சார்யாவை தேர்வு செய்தனர்.

நரேந்திரநாத் ஆக இருந்த இளமை பருவத்தில் இருந்து சுவாமி விவேகானந்தராக மாறியது வரை அனைத்தும் காட்சிப்படுத்தப்பட்டு உள்ளது. விவேகானந்தரின் ஆன்மீக பயணங்கள், வெளிநாடுகளில் ஆற்றிய சொற்பொழிவுகள் அனைத்தும் இதில் இடம் பெற்றுள்ளது.

ஜெகதீஷ் மிஸ்ரா இப்படத்தை தயாரித்து உள்ளார். படம் பற்றி அவர் கூறும்போது நான் சிறு வயதில் இருந்தே சுவாமி விவேகானந்தரின் கொள்கைகளில் ஈர்க்கப்பட்டேன். எனவேதான் அவர் வாழ்க்கையை படமாக எடுத்தேன். இளைய தலைமுறையினருக்கு விவேகானந்தரின் வாழ்க்கை பற்றி தெரிந்து கொள்ள இப்படம் உதவும் என்றார்.

பிரபல இந்தி டி.வி தொடர்களில் நடித்து வரும் நடிகை சாக்ஷி பரிக் இன்று மும்பையில் உள்ள கண்டிவாலி பகுதியில் காரை ஓட்டிச் சென்றார்.
அதிக வேகத்தில் சென்ற அவரது கார் ஒரு ஆட்டோ ரிக்ஷா ஒரு கார் மற்றும் ஒரு மோட்டார் சைக்கிள் மீது மோதியதில் 4 பேர் படுகாயமடைந்தனர்.

காயமடைந்த அனைவரும் பகவதி ஆஸ்பத்திரியில் அனுமதிக்கப்பட்டனர். அவர்களில் மோட்டார் சைக்கிளில் பயணித்தவர் இறந்து விட்டதாக கூறப்படுகிறது. இதனையடுத்து, சாக்ஷி பரிக்கை மும்பை போலீசார் கைது செய்து விசாரணை நடத்தி வருகின்றனர்.

விபத்து நிகழ்ந்த போது அவர் குடிபோதையில் இருந்தாரா என்ற நிருபர்களின் கேள்விக்கு பதிலளிக்க போலீசார் மறுத்து விட்டனர்.

ஷூட்டிங் ஸ்பொட்டில் சக நடிகர், நடிகைகளை கலாய்க்கும் ஆர்யா ஆரம்பம் படத்தில் நடித்தபோது அஜித்திடம் சிக்கிக் கொண்டாராம். ஹீரோக்களில் ஆர்யாவும் சரி, சிவாவும் சரி ஷூட்டிங் ஸ்பொட்டில் நடிகைகளை கலாய்ப்பதில் வல்லவர்கள்.

அதிலும் ஆர்யா கலாய்ப்பு மன்னன் என்று பெயர் எடுத்தவர். பிற ஹீரோக்கள் கூட ஆர்யாவை கலாய்ப்பு மன்னன் என்றே அழைக்கிறார்களாம்.

இந்நிலையில் ஆரம்படம் ஷூட்டிங்கிற்கு ஆர்யா வந்துள்ளார். முதலில் சில நாட்கள் அஜித் சமத்துப் பிள்ளையாக இருந்துள்ளார். பின்னர் ஆர்யாவை நயன்தாரா, டாப்ஸி முன்பு கலாய்க்க ஆரம்பித்துவிட்டாராம்.

அஜித்தின் கலாய்ப்பை தாங்க முடியாமல் ஆர்யா தெறித்து ஓடினாராம். ஷூட்டிங் முடிந்து ஊர் திரும்பிய ஆர்யா தனது நண்பர்களிடம் தான் அஜித்திடம் பட்ட பாட்டை கூறினாராம்.

வழக்கமாக நான் தான் யாரையாவது கலாய்த்து ஓட வைப்பேன் இப்பொழுது என்னவென்றால் அஜித் என்னை ஓடவிட்டுவிட்டார் என்று புலம்பினாராம்.

தன்னை தன் காதலனிடம் இருந்து பிரிக்கவும், காதலனை கொலை செய்யவும் தனது தந்தை முயற்சி செய்வதாக இயக்குனர் சேரனின் மகள் சென்னை போலீஸ் கமிஷனர் அலுவலகத்தில் புகார் கொடுத்துள்ளார்.

குடும்பப் பாங்கான படங்கள் எடுப்பதில் வல்லவர் சேரன். அவரது மனைவி செல்வராணி. அவர்களுக்கு நிவேதா மற்றும் தாமினி(20) ஆகிய 2 மகள்கள் உள்ளனர்.

சேரன் சேத்துப்பட்டு ஹாரிங்டனில் உள்ள வீட்டில் குடும்பத்துடன் வசித்து வருகிறார். சேரனின் 2வது மகள் சென்னை எம்.ஓ.பி. வைஷ்ணவா கல்லூரியில் எலக்ற்ரோனிக்ஸ் மீடியா 3ம் ஆண்டு படித்து வருகிறார்.

அவர் இன்று காலை 11 மணிக்கு சென்னை போலீஸ் கமிஷனர் அலுவலகத்திற்கு வந்தார். தனது தந்தை தன்னையும் தனது காதலன் சந்துருவையும் பிரிக்க முயற்சிப்பதாக புகார் அளித்தார். அதன் பிறகு அவர் செய்தியாளர்களிடம் கூறுகையில் சூளைமேட்டைச் சேர்ந்த சந்துரு என்பவரை நான் கடந்த 3 ஆண்டுகளாக காதலித்து வருகிறேன்.

அவர் சினிமாவில் உதவி இயக்குனராகவும், டான்சராகவும் உள்ளார். சினிமா விழா ஒன்றுக்கு என் தந்தையுடன் சென்றபோது தான் சந்துரு அறிமுகமானார். பிறகு நாங்கள் காதலிக்க ஆரம்பித்தோம். எங்கள் காதல் பற்றி என் தந்தைக்கு தெரிய வந்தது. முதலில் அவர் எங்கள் காதலை எதிர்க்கவில்லை.

படிப்பு முடிந்த பிறகு நீ சந்துருவையே திருமணம் செய்து கொள்ளலாம் என்றார். ஆனால் கடந்த 2 மாதங்களாக எங்கள் வீட்டில் என் காதலுக்கு கடும் எதிர்ப்பு தெரிவித்து வருகின்றனர். என் தந்தையும், அவருக்கு நெருக்கமான திரைத்துறையினரும் சேர்ந்து சந்துருவை மறந்துவிடும்படி என்னை மிரட்டி வருகின்றனர்.

சந்துருவை கொலை செய்ய பல முறை முயற்சி நடந்துள்ளது. கடந்த ஒரு வாரத்திற்கு முன்பு என் உடல் நலம் பாதிக்கப்பட்டபோது என் தந்தை வெள்ளைத் தாளில் என்னிடம் கையெழுத்து வாங்கினார். எங்கள் காதலை பிரித்து சந்துருவை கொன்றுவிடுவதாக அவர் மிரட்டுகிறார்.

என்னை வீட்டில் அடைத்து வைத்திருந்தனர். இன்று காலையில் கல்லூரிக்கு செல்வதாகக் கூறிவிட்டு வந்து சந்துருவின் வீட்டில் தஞ்சம் அடைந்தேன். என் தந்தை எங்கள் காதலை பிரிக்க முயற்சிக்கிறார் என்று சந்துருவின் தாய் மற்றும் அக்காவிடம் கூறினேன். அவர்களுடன் வந்து கமிஷனர் அலுவலகத்தில் புகார் கொடுத்துள்ளேன். என்னை என் காதலனுடன் சேர்த்து வைக்க வேண்டும் என்றார்.