புனைவில்..

புனைவில் மனைவி மற்றும் மகனை கொன்று விட்டு ஐடி ஊழியர் தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது. புனைவிலுள்ள அயுந்த் எனும் பகுதியில் சுடிப்டோ கங்குலி(44) என்றவர் தனது மனைவி மற்றும் மகனை பாலித்தீன் பைகள் மூலம் அடைத்துக் கொன்று விட்டு தானும் தற்கொலை செய்து கொண்டுள்ளார்.

இதில் அவரது மனைவி பிரியங்கா மற்றும் மகன் தனிஷ்கா ஆகிய இருவரோடு சுதிப்தோ கங்குலியும் உயிரழந்த நிலையில் காணப்பட்டுள்ளனர். சுதிப்தோ மற்றும் பிரியங்கா ஆகிய இருவருக்கும் போன் போட்டு எடுக்காததால் சந்தேகத்தின் பேரில் சுகிப்தோவின் சகோதரர் ஒரு நண்பரை வீட்டிற்குச் செல்ல சொல்லியிருக்கிறார்.

வீடு பூட்டியிருப்பதைக் கண்டு, குடும்பத்தினரை காணவில்லை என புனேவின் சதுஷ்ரிங்கி காவல் நிலையத்தில் புகார் அளித்துள்ளார். காவல்துறையினர் இருவரது போன் நெட்வொர்க்கை கண்காணித்து அவர்கள் வீட்டிற்குள் இருப்பதைக் கண்டுபிடித்துள்ளனர்.

அதன் பின் மாதிரி சாவியைப் பயன்படுத்தி வீட்டிற்குச் சென்றிருக்கின்றனர். வீட்டில் சுகிப்தோ தூக்கில் தொங்கிய நிலையிலும், அவரது மனைவி மற்றும் மகள் ஆகியோரது முகத்தில் பாலித்தீன் பை சுற்றப்பட்டு இறந்த நிலையில் கிடந்திருப்பதையும் பார்த்திருக்கின்றனர்.

அவர்களது தற்கொலைக்கான காரணத்தைப் பற்றிய தகவல்கள் எதுவும் கிடைக்கவில்லை எனத் தெரிய வந்துள்ளது. மென்பொருள் நிறுவனத்தில் பணிபுரிந்து கொண்டிருந்த சுதிப்தோ அந்த பணியிலிருந்து விலகி புதிதாக தொழில் தொடங்கியுள்ளார். மேலும் விசாரணையில் உண்மைகள் தெரியவரும் என புனைவின் சதுஷ்ரிங்கி காவல்துறை தெரிவித்துள்ளது.

அரியலூரில்..

அரியலூர் மாவட்டம் கீழப்பழுவூர் அருகே கருப்பிலாக்கட்டளை கிராமத்தில் அர்ச்சுனன் (48) என்பவர் வசித்து வந்தார். விவசாயியான இவரது மனைவி இறந்து விட்டதால், 2 மகன்கள், 3 மகள்களுடன் வசித்து வந்தார்.

இதில் இளைய மகன் அருண் (24) திருப்பூரில் வேலை பார்த்தபோது கடந்த ஆண்டு அங்கு வேலை பார்த்த ஒரு பெண்ணை காதலித்து வந்தார். பின்னர் குடும்பத்துக்கு தெரியாமல் திருமணம் செய்து கொண்டார். இந்த நிலையில் அருண் தனது காதல் மனைவியை வீட்டுக்கு அழைத்து வந்தார்.

இவர்களது காதல் திருமணம் அர்ச்சுனனுக்கு பிடிக்கவில்லை. ஒரு அக்கா, அண்ணன் திருமணம் ஆகாமல் இருக்கும் நிலையில் நீ எப்படி திருமணம் செய்து கொண்டாய் என கேட்டு மகனிடம் கேட்டு தகராறு செய்தார்.

பின்னர் நேற்று முன்தினம் இரவு போதையில் வந்து மகனிடம் காதல் திருமணத்தை தட்டிக்கேட்டு தகராறில் ஈடுபட்டார். இதனால் அவர்களுக்குள் தகராறு ஏற்பட்டது. அப்போது கோபமடைந்த அருண் வீட்டில் இருந்த கத்தியால் தந்தையை சரமாரி குத்தினார்.

இதில் அர்ச்சுணனின் கழுத்து, தலையின் பின்புறம் மற்றும் முகத்தில் சரமாரி கத்திக்குத்து விழுந்தது. இதனால் அதிக ரத்தம் வெளியேறி அவர் சம்பவ இடத்திலேயே உயிரிழந்தார். இது குறித்து கீழப்பழுவூர் போலீசார் விசாரணை நடத்தி அருணை கைது செய்தனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

வடஇந்தியாவில்..

வடஇந்தியாவில் கொண்டாடப்படும் முக்கியமான பண்டிகைகளில் ஒன்றான ஹோலி பண்டிகை சில நாட்களுக்கு முன்பு கோலாகலமாகக் கொண்டாடப்பட்டது. வண்ணங்களின் திருவிழாவான ஹோலியை சிறுவர்கள் முதல் பெரியவர்கள் வரை அனைவரும் கொண்டாடித் தீர்த்தனர்.

இதனிடையே ஹோலி கொண்டாடித் திரும்பிய தம்பதி மர்மமான முறையில் வீட்டில் உயிரிழந்த கிடந்த சம்பவம் பெரும் பரபரப்பைக் கிளப்பியுள்ளது. மகாராஷ்டிரா மாநிலம் மும்பை காட்கோபர் கிழக்குப் பகுதியிலுள்ள பந்த் நகரில் அடுக்குமாடிக் குடியிருப்பில் தீபக் ஷா, தீனா தம்பதி வசித்து வந்தனர்.

ஹோலி கொண்டாடிவிட்டு இரவில் வீடு திரும்பினார். காலையில் பணிப் பெண் வந்து பார்த்த போது வீட்டின் கதவு திறக்கவில்லை. வீட்டு வேலைக்காரப் பெண் வந்து பார்த்த போது கதவு பூட்டப்பட்டிருந்தது.

உடனே அந்தப் பெண் தீனாவுக்கு போன் செய்து பார்த்தார். ஆனால், போன் எடுக்கப்படவில்லை. அதே சமயம் போன் சத்தம் வீட்டுக்குள்ளிருந்து வந்தது. உடனே சந்தேகமடைந்த வேலைக்காரப் பெண், தீபக்கின் தாயாருக்கு போன் செய்து தகவல் கொடுத்தார்.

தீபக்கின் தாயார் அதே கட்டடத்தில் வசிக்கும் தன்னுடைய உறவினருக்கு இது குறித்து தகவல் கொடுத்தார். உடனே அந்த உறவினர் தன்னிடமிருந்த மாற்றுச் சாவியை எடுத்து வந்து கதவைத் திறந்து வீட்டில் தேடினர்.

அப்போது பாத்ரூமில் கணவன், மனைவி இருவரும் நிர்வாணமான நிலையில் மயங்கி கிடந்தனர். உடனே குடும்ப டாக்டர் வரவழைக்கப்பட்டு, அவர்களைப் பரிசோதித்து பார்த்து போது, இருவரும் இறந்து விட்டது தெரிய வந்தது.

இதையடுத்து இருவரின் உடல்களும் ராஜாவாடி மருத்துவமனைக்குக் கொண்டு செல்லப்பட்டு, பிரேத பரிசோதனைக்கு உட்படுத்தப்பட்டன. ஆனால் என்ன காரணத்தால் இருவரும் இறந்தனர் என்பது குறித்து டாக்டர்கள் அறிக்கையில் குறிப்பிடவில்லை.

உடல் மாதிரிகள் தடயவியல் ஆய்வுக்காக அனுப்பிவைக்கப்பட்டிருக்கின்றன. பாத்ரூமிலிருந்த தண்ணீரைச் சுடவைக்கப் பயன்படும் கைஸரிலிருந்து வெளியான வாயு காரணமாக இறந்தார்களா அல்லது இருவரும் வயாகரா அல்லது ஹோலி பண்டிகைக்காகத் தயாரிக்கப்படும் பாங் எனப்படும் ஒரு வகை பானம் குடித்ததால் இறந்தார்களா என்ற குழப்பம் இருந்து வருகிறது.

போலீசார் இந்தச் சம்பவம் தொடர்பாக வழக்கு பதிவுசெய்து விசாரணை மேற்கொண்டு வருகின்றனர். போலீசாரின் விசாரணையில், கைஸரில் இருந்து வெளியான வாயு காரணமாக இறந்திருக்கவே அதிக வாய்ப்பிருப்பதாக தெரிவித்துள்ளனர்.

கடலூரில்..

கடலூர் மாவட்டம் விருத்தாச்சலம் பகுதியில் மருமகள் மீது ஆசிட் ஊற்றி கொலை செய்ய முயற்சித்த மாமியாரை போலிஸார் கைது செய்து சிறையில் அடைத்துள்ளனர்.

கடலூர் மாவட்டம் விருத்தாச்சலம் பகுதியில் வசித்து வருபவர் முகேஷ்ராஜ். இவருக்கு கடந்த 7 வருடங்களுக்கு முன்பு கிருத்திகா (23) என்ற பெண்ணுடன் திருமணமாகியுள்ளது. இவர்கள் இருவருக்கும் இரண்டு பெண் குழந்தைகள் உள்ளனர். முகேஷ் அவிநாசி பகுதியில் வேலை செய்து வருகிறார் .

மேலும் முகேஷுடன் அவரது தயார் ஆண்டாள் (55) ஒரே வீட்டில் தங்கியுள்ளார். ஆண்டாளுக்கும் முகேஷின் மனைவி கிருத்திகா இருவருக்கும் இடையே அடிக்கடி சண்டை வருவதாகவும், மருமகள் கிருத்திகா மீது சந்தேகப்பட்டு ஆண்டாள் கொடுமைப்படுத்தி வந்ததாகவும் அக்கம் பக்கத்தினர் மூலம் தெரியவந்துள்ளது.

இந்நிலையில், இன்று அதிகாலை கிருத்திகா தனது அறையில் உறங்கிக் கொண்டிருந்தார். அப்போது, வீட்டின் கழிவறைக்கு பயன்படுத்தும் ஆசிட்டை எடுத்து வந்த மாமியார் ஆண்டாள், கிருத்திகா முகத்தில் ஊற்றியுள்ளார்.

ஆசிட் பட்டத்தில் வலியால் துடித்தக்கொண்டிருந்த போது, கிருத்திகா வாயில் கொசு விரட்டி மருத்தையும் ஊற்றி கொலை செய்ய முயன்றுள்ளார். கிருத்திகாவின் அலறல் சத்தம் கேட்டு, குடும்பத்தினர் மற்றும் அக்கம் பக்கத்தினர் ஓடி வந்து கிருத்திகாவை மீட்டுள்ளனர்.

இதில், முகம், கண், காது மற்றும் உடல் மீது ஆசிட் பட்டத்தில் பலத்தக் காயமடைந்த கிருத்திகாவை 108 ஆம்புலன்ஸ் மூலம் அப்பகுதி மக்கள் அரசு மருத்துவமனைக்கு அனுப்பி வைத்தனர். இதனிடையே சம்பவம் அறிந்து வந்த கடலூர் போலிஸார் மாமியார் ஆண்டாளை கைது செய்தனர்.

மேலும் மருத்துவமனைக்குச் சென்ற கிருத்திகாவை பரிசோதித்த மருத்துவர்கள், ஆசிட் ஊற்றப்பட்டதால் கண் பார்வை கிருத்திகா இழந்ததாக தெரிவித்துள்ளனர். இதனையடுத்து மேல் சிகிச்சைக்காக புதுச்சேரி அரசு மருத்துவமனைக்கு அனுப்பி வைக்கப்பட்டு, அங்கு அவருக்கு தீவிர சிகிச்சை அளிக்கப்பட்டு வருகிறது.

இதனையடுத்து கிருத்திகாவின் பெற்றோர் கொடுத்த புகாரின் அடிப்படையில் மாமியார் ஆண்டாள் மீது கொலை முயற்சி உள்ளிட்ட வழக்குகளை பதிவு செய்து, அவரது மகன் உட்பட குடும்பத்தினரை விசாரணை நடத்தி வருகின்றனர்.

கைது செய்யப்பட்ட ஆண்டாளை நீதிமன்றத்தில் ஆஜர்ப்படுத்திய பின்னர் போலிஸார் சிறையில் அடைத்துள்ளனர். இந்த சம்பவ அப்பகுதி மக்களிடையே பெரும் அதிர்ச்சியை ஏற்படுத்தியுள்ளது,

தெலுங்கானாவில்..

அவ்வப்போது இணையத்தில் நாம் வலம் வரும் போது நம்மை சுற்றி நடக்கும் ஏராளமான விஷயங்கள் குறித்து நம்மால் தெரிந்து கொள்ள முடியும். அதிலும் இயல்பாக நடக்கும் விஷயத்தில் இருந்து சற்று மாறுபட்டு வினோதமாக அல்லது எமோஷனல் கலந்து என வித விதமாக நடக்கும் போது அவை வைரல் ஆகி, பலர் மத்தியில் ஒரு தாக்கத்தை ஏற்படுத்தியும் கடந்து செல்லும்.

அந்த வகையில் சுமார் 62 வயதாகும் பெண்மணி ஒருவர் முதல் முறையாக விமானத்தில் பயணம் செய்ததும் அதற்கு பின்னால் உள்ள காரணமும் தற்போது பலர் மத்தியில் பாராட்டுகளை பெற்றுக் கொடுத்து வருகிறது. தெலுங்கானா மாநிலத்தில் விவசாயியாக இருந்து பிரபல யூடியூபராக மாறி கலக்கி வருபவர் மில்குரி கங்கவ்வா என்ற பெண்மணி.

முன்னதாக விவசாய தொழிலாளியாக இருந்த இவர், யூடியூபில் கிராம பாங்கான வீடியோக்களை கலகலப்பாக வெளியிட்டு மக்கள் மனதில் பிரபலமாகவும் செய்திருந்தார். மேலும் தனக்கு கிடைத்த பிரபலம் காரணமாக தெலுங்கு பிக் பாஸ் நிகழ்ச்சியிலும் கடந்த 2020 ஆம் ஆண்டு போட்டியாளராக களமிறங்கி இருந்தார்.

62 வயதாகும் மில்குரி கங்கவ்வா, தனது youtube பக்கத்தில் பல்வேறு வீடியோக்களை வெளியிட்டு மக்கள் மத்தியில் தொடர்ந்து புகழ் பெற்று வரும் நிலையில், தனது நீண்ட நாள் கனவு ஒன்றை சமீபத்தில் நிறைவேற்றியது தொடர்பான வீடியோ தான் இணையத்தை ஒரு கலக்கு கலக்கி வருகிறது.

நீண்ட நாளாக விமானத்தில் பயணம் மேற்கொள்ள வேண்டும் என மில்குரி கங்கவ்வாவிற்கு ஆசை இருந்துள்ளது. அப்படி ஒரு சூழலில், சமீபத்தில் தனது கனவையும் நிறைவேற்றியுள்ளார். 62 வயதில் விமான பயணம் மேற்கொண்டுள்ள மில்குரி கங்கவ்வாவின் வீடியோ, தற்போது ட்ரெண்டிங் லிஸ்ட்டிலும் இடம் பிடித்துள்ளது.

விமான பயணத்தின் போது சில இடங்களில் பயப்படவும், தயக்கம் காட்டியும் இருந்த மில்குரி கங்கவ்வா, மிகவும் இயல்பாக முதல் முறை விமான பயணம் செய்யும் ஒருவர் எப்படி இயங்குவாரோ அதை அப்படியே பிரதிபலிக்கவும் செய்கிறார். டேக்-ஆஃப் செய்த போது சற்று பயம் ஏற்பட்டதாகவும் குறிப்பிடும் மில்குரி கங்கவ்வா தனது முதல் விமான அனுபவம் பற்றியும் பகிர்ந்துள்ளார்.

View this post on Instagram

A post shared by Milkuri Gangavva (@gangavva)

பெங்களூருவில்..

மனைவி எந்நேரமும் தூங்கிக் கொண்டே இருப்பதாக கணவர் ஒருவர் காவல் நிலையத்தில் புகார் அளித்துள்ளார். பெங்களூருவில் கணவர் ஒருவர், தனது மனைவி எந்நேரமும் உறங்கி கொண்டே இருந்து, தன்னை துன்புறுத்துவதாக பொலிஸில் புகார் அளித்துள்ளார்.

இது தொடர்பாக கணவர் கம்ரான் கான், கௌசர் பசவனகுடி காவல் நிலையத்தில் புகார் அளித்ததை தொடர்ந்து மனைவி ஆயிஷா ஃபர்ஹின் மீது எப்.ஐ.ஆர் பதிவு செய்யப்பட்டுள்ளது.

மேலும் மாமனார் அரிபுல்லா மற்றும் மாமியார் ஹீனா மீது கம்ரான் கான் புகார் அளித்துள்ளார். மாலை 5.30 மணியில் இருந்து இரவு 9.30 மணி வரை மனைவி ஆயிஷா தூங்குவதாகவும், பிறகு இரவு உணவுக்கு பின் மீண்டும் தூங்கும் மனைவி ஆயிஷா அடுத்த நாள் மதியம் 12.30 மணிக்கு தான் எழும்புவதாக கணவர் கம்ரான் கான் வேதனையை வெளிப்படுத்தியுள்ளார்.

அத்துடன் வீட்டில் எந்த வேலையும் அவள் செய்வது இல்லை என்றும், தன்னுடைய அம்மா தான் சமைப்பது முதல் சுத்தம் செய்வது வரை பார்க்கிறார் என்று தெரிவித்துள்ளார். மேலும் கடந்த ஐந்து ஆண்டுகளாக இதையே மனைவி ஆயிஷா செய்து வருவதாக கம்ரான் கான் குற்றம்சாட்டியுள்ளார்.

கேரளாவில்..

கேரளாவில் 28 ஆண்டுகளாக ஒருவர் தேங்காயை மட்டுமே உணவாக உட்கொண்டுவருகிறார் என்றால் உங்களால் நம்பமுடிகிறதா? ஒரு சில நாட்களுக்கு ஒரே உணவை மீண்டும் மீண்டும் சாப்பிடுவது சலிப்பை ஏற்படுத்தும்.

ஆனால் 28 வருடங்கள் ஒரே உணவை சாப்பிடுவதை கற்பனை செய்து பாருங்கள். இது கிட்டத்தட்ட சாத்தியமற்றது போல் தெரிகிறது. ஆனால், இந்தியர் ஒருவர் தனது இரைப்பை உணவுக்குழாய் ரிஃப்ளக்ஸ் நோய்க்கு (GERD) சிகிச்சை அளிக்க கடந்த 28 ஆண்டுகளாக தேங்காயைத் தவிர வேறு எதையும் சாப்பிடவில்லை என கூறுகிறார்.

கேரளாவைச் சேர்ந்த பாலகிருஷ்ணன் பாலாயி (Balakrishnan Palayi) தனது உடல் வலிமையை இழந்து, அசைய முடியாத நிலையில் இருந்துள்ளார். ஆனால், அவர் தேங்காயை உண்ணத் தொடங்கினார், அது அவருக்கு நன்றாக இருப்பதாக உணர்ந்துள்ளார. அதிலிருந்து இனி தேங்காயை மட்டுமே உணவாக சாப்பிடுவது என்று முடிவு செய்தார்.

தேங்காயில் கால்சியம், மெக்னீசியம், சோடியம் மற்றும் பொட்டாசியம் போன்ற கனிமங்கள் உள்ளன. இது அவர் தனது வலிமையை மீட்டெடுக்க உதவியது, இப்போது அவர் ஆரோக்கியமாகவும் நன்றாகவும் இருக்கிறார். தொடந்து தேங்காய் மட்டுமே உணவாக எடுப்பதாக, அவரிடம் கேட்பவர்களிடம் அவர் கூறியுள்ளார்.

பாலாயிக்கு 35 வயதில் இரைப்பை உணவுக்குழாய் ரிஃப்ளக்ஸ் இருப்பது கண்டறியப்பட்டது. மேலும் அவர் ஒவ்வொரு முறையும் ஏதாவது சாப்பிடும் போது, ​​அவர் தனது உணவை வாந்தி எடுப்பார்.

அவர் தனது நோயைக் குணப்படுத்த பல உணவுமுறைகளை முயற்சித்தார், ஆனால், அவரை நன்றாக உணரவைத்த இரண்டு விடயங்கள் ஒன்று தேங்காய், மற்றொன்று தேங்காய் தண்ணீர்.

“நான் தினமும் தேங்காய் சாப்பிடுவேன். என் குடும்பமும் தென்னை சாகுபடிக்கு மாறியது”, கடந்த 28 வருடங்களாக இப்படித்தான் வாழ்ந்து வருவதாக பாலாயி கூறுகிறார். தற்போது 64 வயதாகும் பாலாயி, தனது வயதுடைய பலரை விட ஆரோக்கியமாக உள்ளார்.

அவர் தனது குடும்ப பண்ணையை நிர்வகித்து வருகிறார், உடற்பயிற்சிகள் மற்றும் நீச்சல் பயிற்சி செய்கிறார், அவருக்கு உடல்நலப் பிரச்சினைகள் எதுவும் இல்லை. அவரது தேங்காய் உணவு முறை முதலில் 2019-ல் வெளியுலகிற்கு தெரியவந்தது, ஆனால் அன்றிலிருந்து இணையத்தில் அவரைப் பற்றிய செய்தி உலாவருகிறது.