மும்பையில்..

வருங்கால மனைவி பயணித்த அதே விமானத்தில் டிக்கெட் புக் செய்த நபர் ஒருவர், நடுவானில் திருமண முன்மொழிவை செய்து இன்ப அதிர்ச்சியை கொடுத்துள்ளார். சமீபத்தில் ஏர் இந்தியா விமானத்தில் நடந்த இந்த சம்பவத்தின் வீடியோ சமூக வலைதளங்களில் வைரலானது.

நடுவானில் விமானத்தில் பறந்துகொண்டிருக்கும்போது, திருமண முன்மொழிவை செய்ய அந்த நபர் மண்டியிட்டதைக் கண்டு அவரது வருங்கால மனைவி திகைத்துப் போனார்.

மும்பை சென்றுகொண்டிருந்த அந்த விமானத்தில், அவர் தனது வருங்கால மனைவிக்கு பணியாளர்களின் உதவியுடன் சர்ப்ரைஸ் கொடுக்க திட்டமிட்டார். அவரது நண்பருக்கு கேபின் குழு உறுப்பினர்களில் ஒருவரைத் தெரியும் என்பதால் இது எளிமையாக நடந்தது.

ஏர் இந்தியா அதிகாரிகளின் கூற்றுப்படி, ஜனவரி 2 அன்று அந்த பெண் லண்டனில் இருந்து ஹைதராபாத் வழியாக மும்பைக்கு பறந்து கொண்டிருந்தபோது இந்த சம்பவம் நிகழ்ந்தது. அப்பெண்ணின் வருங்கால கணவன் அவரை ஆச்சரியப்படுத்த விரும்பினார், எனவே அவர் அதே விமானத்தில் தனது டிக்கெட்டை பதிவு செய்தார்.

ஆச்சரியத்தை ஏற்பாடு செய்த அந்த நபர், தனது வருங்கால மனைவி சென்ற அதே விமானத்தில் ஏறி, “நான் எப்போதும் உங்களுடன் ஒரு மைல் நடக்க முடியும். நீங்கள் என்னுடன் நடக்க விரும்புகிறீர்களா?” என்று எழுதப்பட்ட ஒரு பெரிய இளஞ்சிவப்பு சுவரொட்டியுடன் பயணிகளுக்கு இடையில் நடந்து சென்று அப்பெனிடம் நின்றார்.

அதனைப் பார்த்து திகைத்துப்போன அப்பெண் முகத்தில் பரந்த புன்னகையுடன் இருக்கையில் இருந்து எழுந்தபோது, ​​​​அந்த நபர் மண்டியிட்டு தன்னை திருமணம் செய்து கொள்ளுமாறு கேட்டார்.

லிங்க்ட்இன் பயனர் ஒருவர் இந்த காதல் முன்மொழிவின் வீடியோவை பதிவிட்டார், அதில் “சொர்க்கத்தில் நடந்த திருமண முன்மொழிவு., லவ் இஸ் இன் தி ஏர்..” என்று எழுதினார். விமானத்தில் இருந்த மற்ற பயணிகள் இந்த ஜோடியை ஆரவாரம் செய்வதையும் பாராட்டுவதையும் காண முடிந்தது.

கன்னியாகுமரியில்..

கன்னியாகுமரி மாவட்டம், வில்லுக்குறியை அடுத்த மாடத்தட்டுவிளை அருகேயுள்ள குதிரைபந்திவிளை என்னும் பகுதியை சேர்ந்தவர் செல்வ ஜார்ஜ் (வயது 77). இவர் சித்த வைத்தியராக இருந்துள்ளார். இவர் ஊர் ஊராக சென்று சித்த வைத்தியம் செய்து வந்ததாகவும் தகவல்கள் கூறுகின்றது. இவரது மனைவி பெயர் மரிய தங்கம் (72).

இதனிடையே, கடந்த சில தினங்கள் முன்பாக திடீரென மரிய தங்கத்திற்கு உடல்நலக்குறைவு ஏற்பட்டதாக தகவல்கள் கூறுகின்றது. இதன் காரணமாக, உடல்நிலை சரியில்லாமல் அவர் இறந்தும் போயுள்ளார்.

மரிய தங்கம் இழப்பு, கணவர் செல்வ ஜார்ஜ் மற்றும் குடும்பத்தினரை கடும் வேதனையிலும், அதிர்ச்சியிலும் ஆழ்த்தி உள்ளது. அதிலும் கடந்த 50 ஆண்டுகளாக தன்னுடன் இணைந்து வாழ்ந்து வந்த மனைவி மரிய தங்கத்தின் இழப்பை கொஞ்சம் கூட தாங்கிக் கொள்ள முடியாமல் செல்வ ஜார்ஜ் அவதிப்பட்டதாக தகவல்கள் கூறுகின்றது.

இனி மேல் தனது வாழ்க்கையில் மனைவி இல்லை என்பதை அவரால் நினைத்து கூட பார்க்க முடியவில்லை என்றும் தெரிகிறது. இதனிடையே, மரிய தங்கத்தின் இறுதிச் சடங்கு நடைபெற்று கொண்டிருந்த போது, தனது குடும்பத்தினரிடம் இன்னொரு குழியையும் தோண்டி தயாராக வைத்திருங்கள் என செல்வ ஜார்ஜ் கூறி உள்ளதாக தகவல்கள் தெரிவிக்கின்றது.

ஆரம்பத்தில் அவரது குடும்பத்தினர் மன வேதனை காரணமாக அப்படி கூறுவதாக கருதி உள்ளனர். ஆனால், சில நேரம் கழித்து தான் செல்வ ஜார்ஜ் விபரீத முடிவை எடுத்து உயிரை மாய்த்துக் கொள்ளவும் முடிவு செய்தது தெரிய வந்ததாக சொல்லப்படுகிறது.

இதனிடையே, திடீரென மயங்கி விழுந்த செல்வ ஜார்ஜை அவரது குடும்பத்தினர் மீட்டு மருத்துவமனையில் சேர்த்துள்ளனர். அங்கே அவருக்கு தீவிர சிகிச்சையும் அளிக்கப்பட்டு வந்துள்ளது.

ஆனாலும் சிகிச்சை பலனளிக்காமல் செல்வ ஜார்ஜ் உயிரிழந்துள்ளார். இத்தனை ஆண்டுகள் ஒன்றாக இருந்த மனைவி, திடீரென உயிரிழந்ததால் கடும் வேதனையில் இருந்த கணவரும் விபரீத முடிவை எடுத்து உயிரை மாய்த்துக் கொண்ட விஷயம், பலரையும் கண் கலங்க வைத்துள்ளது.

மேற்கு வங்கத்தில்..

பொதுவாக ஒரு நபருக்கு வாழ்க்கையில் எந்த நிமிடத்தில் அதிர்ஷ்டம் அடிக்கும் என்பதே சொல்ல முடியாது. திடீரென வாழ்க்கையில் நிறைய கஷ்டங்கள் என சென்று கொண்டிருக்கும் போது அப்படியே மொத்த வாழ்க்கையையே திருப்பி போடுவது போல ஏதேனும் சம்பவங்கள் அரங்கேறலாம், அதனை கொஞ்சம் கூட அந்த நபர் எதிர்பார்த்திருக்கவே மாட்டார்கள்.

அப்படி ஒரு சம்பவம் தான், தற்போது பெண் ஒருவருக்கு அரங்கேறி அவரை உச்சகட்ட ஆச்சரியத்தில் ஆழ்த்தி உள்ளது. மேற்கு வங்க மாநிலத்தை சேர்ந்தவர் புதுல் ஹரி. நடுத்தர வயது பெண்ணான இவரது கணவர் கூலி வேலைக்கு சென்று வருவதாக தகவல்கள் தெரிவிக்கின்றது.

பெரிய அளவில் அவருக்கு வருமானமும் இல்லாத காரணத்தினால், குடும்ப சூழல் வறுமை நிறைந்தும் இருந்ததாக தெரிகிறது. இதற்கு மத்தியில் புதுலின் மகனுக்கு உடல்நிலை சரியில்லை என்ற சூழலில், மருத்துவ செலவுக்கும் பணமில்லாமல் தவித்து வந்துள்ளார்.

மறுபக்கம், மகளின் திருமண செலவுக்கும் பணம் இல்லாத நிலை இருக்க, கடுமையாக அவர்கள் அவதிப்பட்டு வந்துள்ளனர். இதன் காரணமாக, நிறைய இடங்களில் புதுல் ஹரி மற்றும் அவரது கணவர் ஆகியோர் கடன் வாங்கி இருந்தததாகவும் சொல்லப்படுகிறது.

மேலும், குடும்ப சூழ்நிலை காரணமாக சில வீடுகளிலும் புதுல் ஹரி வேலை பார்த்து வந்துள்ளார். இந்த நிலையில் தான், தங்களின் குடும்ப நிலையை மாற்றும் ஒரு சம்பவம் நடைபெற்றுள்ளது.

சமீபத்தில் அரசு லாட்டரி டிக்கெட் ஒன்றை 30 ரூபாய் கொடுத்து புதுல் ஹரி வாங்கியதாக தகவல்கள் கூறுகின்றது. அப்படி இருக்கையில், அவர் வாங்கிய லாட்டரிக்கு சுமார் 1 கோடி ரூபாய் பரிசு விழுந்ததாக தெரிகிறது.

இதனிடையே, இவ்வளவு பணம் வென்றதால் என்ன செய்வதென தெரியாமல் பயத்தில் போலீசையும் புதுல் அணுகி உள்ளதாக சொல்லப்படுகிறது. இது பற்றி பேசும் புதுல், லாட்டரியில் வென்ற பணத்தைக் கொண்டு கடனை அடைப்பதன் மூலம் நிம்மதி கிடைக்கும் என தெரிவித்துள்ளார்.

மேலும், மகனின் மருத்துவ செலவு அளிக்க வேண்டும் என்பதே தனது விருப்பம் என்றும், ஒரு வீட்டை கட்டவும் முடிவு செய்துள்ளதாக தெரிவித்துள்ளார். அதே வேளையில் தனது வேலையை விட மாட்டேன் என்றும் புதுல் கூறி உள்ளது குறிப்பிடத்தக்கது.

இந்தியாவில்..

இந்தியாவில் ஒரு குடும்பத்தை சேர்ந்த மொத்த பேரும் ரயில் முனால் தலை வைத்து பாய்ந்து தற்கொலை செய்து கொண்ட சம்பவம் சோகத்தை ஏற்படுத்தியுள்ளது.

கர்நாடக மாநிலத்தின் சிக்காபல்லாபூரில் கடந்த 3 நாட்களுக்கு முன்னர் ரயில்வே தண்டவாளத்தில் 2 பெண்கள் மற்றும் ஒரு ஆணின் சடலம் கண்டெடுக்கப்பட்டது.

மூவரும் ரயில் தண்டவாளத்தில் தலை வைத்து தற்கொலை செய்தது தெரிந்தது. இது குறித்து பொலிசார் விசாரித்து வந்த நிலையில் உயிரிழந்தவர்கள் மைலரப்பா – புஷ்பலதா தம்பதி மற்றும் அவர்களின் மகள் தாக்‌ஷாயினி என தெரியவந்துள்ளது.

இதில் மைலராப்பா கூலி வேலை செய்து வந்திருக்கிறார். இறப்பதற்கு முன் எழுதியிருந்த கடிதத்தில், ரேஷன் அரிசியில் எங்களுக்கு ப்ளாஸ்டிக் அரி தான் வழங்கப்பட்டது.

எங்கள் மீது எந்த தவறுமில்லை, எங்களின் மரணத்திற்கு யாரும் காரணமில்லை என எழுதப்பட்டுள்ளது. கடிதத்தில் இருந்த வார்த்தைகள் குழப்பதை ஏற்படுத்தி இருப்பதால் பொலிசார் தொடர்ந்து விசாரித்து வருகின்றனர்.

அவர்கள் மன உளைச்சல் காரணமாக தற்கொலை செய்து கொண்டனரா? அல்லது சிலருடன் தகராறு செய்து தற்கொலை செய்து கொண்டனரா? என்ற கோணத்திலும் விசாரணை நடத்தப்பட்டு வருகிறது.

நெல்லையில்..

நெல்லை அருகே ஆன்லைன் ரம்மி விளையாட்டில் ரூ. 15ம் பணத்தை இழந்த கார் ஓட்டுநர் தற்கொலை செய்து கொண்ட சம்பவம் பரபரப்பை ஏற்படுத்தியுள்ளது. நெல்லை மாவட்டம், பணகுடி பகுதியைச் சேர்ந்தவர் சிவன் ராஜ். இவர் வாடகை கார் ஓட்டுநராக பணியாற்றி வந்தார்.

மேலும் இவருக்கு ஆன்லைன் ரம்மி விளையாடும் பழக்கம் இருந்துள்ளது. இந்த விளையாட்டில் கடந்த ஒரு வருடத்தில் மட்டும் ரூ. 15 லட்சம் வரை இழந்துள்ளார். மேலும் இவரது தந்தை பாஸ்கரிடம் பணம் கேட்டு அடிக்கடி தொந்தரவு செய்து வந்துள்ளார். இதனால் தந்தை, மகனுக்கும் இடையே தகராறு ஏற்பட்டு வந்துள்ளது.

இந்நிலையில் நேற்று முன்தினம் சித்தப்பா மகனின் மனைவி நகைகளை அடகுவைத்து ஆன்லைன் ரம்மி விளையாடியுள்ளார். இதில் ரூ.1 லட்சத்தை இழந்துள்ளார். இதனால் அவர் மிகுந்த மன வேதனை அடைந்துள்ளார்.

மேலும் உறவினரின் நகைகை அடகுவைத்துத் தோற்றுவிட்டோ எப்படி அதை மீட்பது என்று தெரியாமல் கவலையடைந்து விரக்தியில் இருந்துள்ளார். இதையடுத்து நேற்று இரவு விஷம் குடித்து தற்கொலை செய்து கொண்டுள்ளார். இந்த சம்பவம் குறித்து போலிஸார் வழக்குப் பதிவு செய்து விசாரணை நடத்தி வருகின்றனர்.

தமிழ்நாட்டில் ஆன்லைன் ரம்மியால் ஏற்படும் மரணங்களைத் தடுக்கும் விதமாக தி.மு.க அரசு சட்டப்பேரவையில் ஆன்லைன் சூதாட்டத் தடை மசோதாவை நிறை ஆளுநருக்கு அனுப்பியது.

ஆனால் அந்த மசோதாவுக்கு ஆளுநர் ஆர்.என்.ரவி ஒப்புதல் கொடுக்காமல் இருந்து வருவதால் ஆன்லைன் ரம்மியால் ஏற்படும் மரணங்கள் தொடர்கிறது என்பது குறிப்பிடத்தக்கது.

ரத்தன் டாடா..

கோடிக்கணக்கில் சொத்துக்கள் இருந்தும் சாதாரணமாக 2-BHK வீட்டில் எளிமையான வாழ்க்கை வாழும் ரத்தன் டாடாவின் சகோதரர். கோடீஸ்வர தொழிலதிபர் ரத்தன் டாடா,

செவ்வாயன்று (ஜனவரி 10) தனது இளைய சகோதரர் ஜிம்மி டாடாவுடனான தனது பிணைப்பைக் கொண்டாடும் வகையில் 1945-ல் எடுக்கப்பட்ட ஒரு கருப்பு வெள்ளை புகைப்படத்தை தனது இன்ஸ்டாகிராம் பக்கத்தில் பகிர்ந்துள்ளார்.

இப்பதிவில், “அது மகிழ்ச்சியான நாட்கள். எங்களுக்கு நடுவில் எதுவும் வந்ததில்லை. (1945 என் அண்ணன் ஜிம்மியுடன்),” என்று டாடா பதிவிட்டிருந்தார். 82 வயதான ஜிம்மி Tata Sons மற்றும் பிற டாடா குழும நிறுவனங்களில் பங்குதாரராக உள்ளார். அப்படியானால் அவர் பல கோடிகளுக்கு அதிபராவார், ஆனால் அவர் அண்ணனைவிட எளிமையாக வாழ விரும்புகிறார்.

ஜிம்மி இன்னும் மும்பையில் சாதாரணமாக ஓர் 2-BHK பிளாட்டில் வசிக்கிறார் என்பதும் அவருக்கு சொந்தமாக மொபைல் போன் கூட இல்லை என்பதும் ஆச்சரியமாக உள்ளது.

ஜிம்மி டாடா Tata Sons, TCS, டாடா மோட்டார்ஸ், டாடா ஸ்டீல், டாடா கெமிக்கல்ஸ், இந்தியன் ஹோட்டல்ஸ் மற்றும் டாடா பவர் ஆகியவற்றில் பங்குதாரர். ஜிம்மி டாடாவும் ரத்தன் டாடாவை போலவே திருமணமாகாதவர் மற்றும் அவர் தனது பெரும்பாலான நேரத்தை தனது வீட்டில் செலவிட விரும்புகிறார்.

ஜிம்மி Sir Ratan Tata Trust அறக்கட்டளையின் அறங்காவலர் ஆவார். ஜிம்மியை அவரது தந்தையின் மரணத்திற்குப் பிறகு ஒரு பார்சி குடும்பத்திலிருந்து சர் ரத்தன்ஜி டாடாவின் மனைவி நவாபாயால் தத்தெடுக்கப்பட்டவர் என்பது குறிப்பிடத்தக்கது.

View this post on Instagram

A post shared by Ratan Tata (@ratantata)