மும்பையில்..

மகாராஷ்டிரா மாநிலம் மும்பையிலுள்ள பொவாய் என்ற பகுதியில் ஸொரா ஷா (வயது 32) என்ற இளம்பெண்ணும், ஆட்டோ ஓட்டுநராக இருக்கும் ரம்ஜான் ஷேக் என்ற நபரும் காதலித்து வந்துள்ளனர். இதனால் கடந்த ஓராண்டு காலமாக இவர்கள் இருவரும் ஒன்றாக வாழ்ந்து வந்துள்ளனர்.

இந்த நிலையில், கடந்த சில மாதங்களாக ஸொரா ஷா, ஷேக்கிடம் தன்னை திருமணம் செய்துகொள்ளுமாறு கூறி வந்துள்ளார். ஆனால் கொஞ்சம் நாட்கள் கழியட்டும் என்று கூறியுள்ளார். இப்படி பல மாதங்கள் செல்ல ஸொரா ஷா கேட்கும்போதெல்லாம் கால தாமதம் செய்து வந்துள்ளார் ஷேக்.

இதனால் பொறுமை இழந்த ஸொரா ஷா, தனது காதலன் மீது மோசடி புகார் கொடுக்கவுள்ளதாக மிரட்டி வந்துள்ளார். இதனால் இருவருக்குள்ளும் கடும் வாக்குவாதம் சண்டை ஏற்பட இதில் ஆத்திரமடைந்த ஸொரா ஷா, தனது காதலன் கழுத்தை தனது துப்பட்டாவால் இறுக்க நெரித்துள்ளார்.

இதில் மூச்சு திணறி ஷேக், சம்பவ இடத்திலேயே பரிதாபமாக உயிரிழந்தார். இதில் அதிர்ச்சியடைந்த ஸொரா ஷா கதறி அழுதுள்ளார். பின்னர் அந்த பகுதியிலுள்ள காவல்நிலையத்திற்கு சென்று சரணடைந்துள்ளார். பின்னர் தகவலறிந்து வந்த காவல்துறையினர், ஷேக்கின் உடலை கைப்பற்றி உடற்கூறாய்வுக்கு அனுப்பி வைத்துள்ளனர்.

காவல்நிலையத்தில் சரணடைந்த காதலி மீது காவல்துறையினர் வழக்குப்பதிவு செய்து சிறையில் அடைத்துள்ளனர். தன்னை திருமணம் செய்துகொள்ள காதலன் தாமதாக்கியதால் ஆத்திரமடைந்த காதலி அவரை கழுத்தை நெரித்து கொலை செய்துள்ள சம்பவம் அந்த பகுதியில் அதிர்ச்சியை ஏற்படுத்தியுள்ளது.

ஆந்திராவில்..

ஆந்திர மாநிலம், நெல்லூர் மாவட்டம், பாடூர் பள்ளி, அசோக் நகரை சேர்ந்தவர் கிருஷ்ணாராவ் (54). இவரது மனைவி சுனிதா (50). தம்பதிக்கு சாய் சந்த், கோபி சந்த் என 2 மகன்கள் உள்ளனர்.

இவர்களுக்கு திருமணமாகி வெவ்வேறு பகுதியில் வசித்து வருகின்றனர். கிருஷ்ணா ராவ் மின்சார வாரிய அலுவலகம் அருகே ஓட்டல் நடத்தி வந்தார். நேற்று முன்தினம் இரவு ஓட்டலில் வழக்கம் போல் வியாபாரம் முடித்துவிட்டு வீட்டிற்கு சென்று கணவன், மனைவி இருவரும் தூங்கி கொண்டிருந்தனர்.

அப்போது வீட்டிற்குள் புகுந்த கொள்ளையர்கள் அறையில் இருந்த பீரோவை உடைத்தனர். கொள்ளையர்கள் பீரோவை உடைப்பதை கண்டு அதிர்ச்சியடைந்த தம்பதி கத்தி கூச்சலிட்டனர்.

இதனால் ஆத்திரமடைந்த கொள்ளையர்கள் கணவன், மனைவி இருவரையும் பிடித்து வாயில் துணியை அடைத்து சரமாரியாக தாக்கினார். பின்னர் கத்தியால் 2 பேரின் கழுத்தை அறுத்துள்ளனர். இதில் கணவன் மனைவி இருவரும் ரத்த வெள்ளத்தில் இறந்தனர்.

இதையடுத்து,கொள்ளையர்கள் பீரோவில் இருந்த நகை பணத்தை கொள்ளையடித்துவிட்டு சென்றனர். இந்நிலையில், நேற்று காலை ரமணம்மா என்பவர் கிருஷ்ணா ராவ் வீட்டில் பால் ஊற்றுவதற்காக வந்தார்.

அப்போது கணவன், மனைவி இருவரும் கழுத்து அறுக்கப்பட்டு ரத்த வெள்ளத்தில் கிடப்பதைக் கண்டு அதிர்ச்சி அடைந்தார். இது குறித்து பாடூர் பள்ளி போலீசாருக்கு தகவல் தெரிவித்தார். சம்பவ இடத்திற்கு வந்த போலீசார் 2 பேரின் பிணைத்தை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.

மேலும் அப்பகுதியில் பொருத்தப்பட்டுள்ள சிசிடிவி காட்சிகளை ஆய்வு செய்தபோது 3 பேர் முகத்தை துணியால் கட்டிக்கொண்டு செல்லும் காட்சி பதிவாகி இருந்தது. இதுகுறித்து போலீசார் வழக்கு பதிவு செய்து மர்ம நபர்கள் குறித்து விசாரணை நடத்தி வருகின்றனர்.

வந்தவாசி..

வந்தவாசி அடுத்த கீழ்சீசமங்கலம் கிராமத்தைச் சேர்ந்தவர் கோதையான்(76). இவரது மனைவி ராணியம்மாள்(72). இவர்களுக்கு 2 ஆண் பிள்ளைகளும், ஒரு பெண் பிள்ளையும் உள்ளனர்.

அனைவருக்கும் திருமணமாகிவிட்டது. கடந்த 40 ஆண்டுகளுக்கு முன் அதே கிராமத்தில் உள்ள தங்களது விவசாய நிலத்தில் கோதையான்-ராணியம்மாள் தம்பதியினர் வீடு கட்டி குடும்பத்துடன் அங்கு வசிக்க சென்றனர்.

அப்போதிலிருந்தே இவர்கள் குடிக்கவும், சமையல் செய்யவும் மழைநீரையே பயன்படுத்தி வருவது வியப்பை ஏற்படுத்தியுள்ளது. இதுகுறித்து அவர்கள் கூறியதாவது, “நாங்கள் இந்த வீட்டுக்கு வந்ததில் இருந்து கிணற்று நீரையோ, ஆழ்துளைக் குழாய் நீரையோ பயன்படுத்தியது இல்லை.

மழைநீரை மட்டுமே சேமித்து உபயோகிக்க தொடங்கினோம். மழை பெய்யும் போதெல்லாம் பேரல்கள், அண்டாக்கள், சிறுசிறு பாத்திரங்கள் என அனைத்திலும் மழைநீரை சேமித்து வைப்போம். மழை பெய்யத் தொடங்கியதும் வீட்டுக் கூரை மேல் உள்ள அழுக்கு அனைத்தும் சில நிமிடங்களில் போய்விடும்.

இதன் பின்னர் கூரையிலிருந்து வழியும் சுத்தமான நீரை பிடித்து சேமித்து வைத்துக் கொள்வோம். பின்னர் அந்த நீரை வடிகட்டி காய்ச்சி பயன்படுத்துவோம். மழைநீரை எவ்வளவு நாள் சேமித்து வைத்தாலும் அதில் புழு, பூச்சிகள் அண்டாது.

மழைநீரை மட்டுமே உபயோகிப்பதால் உடல்நல பாதிப்பு எதுவும் இல்லாமல், மருத்துவர்களை அணுகாமல் வாழ்ந்து வருகிறோம். எங்களை பார்த்து அருகிலுள்ள வீட்டினர் மழைநீரை சேமித்து உபயோகப்படுத்த தொடங்கியுள்ளனர். இது எங்களுக்கு பெரும் மகிழ்ச்சியளிக்கிறது”

மதுரையில்..

பழைய விளாங்குடி பகுதியைச் சேர்ந்த தனசேகரன்- உமாமகேஸ்வரி தம்பதிக்கு பிரபாகரன், ரோகித் என்ற 2 மகன்கள் உள்ளனர். மூத்த மகன் பிரபாகரன் ஆரப்பாளையம் பகுதியில் அரசு உதவி பெறும் பள்ளியான பிரிட்டோ பள்ளியில் 9ஆம் வகுப்பு பயின்று வருகிறார்.

இன்று காலை பள்ளிக்கு புறப்பட்ட அவர் கூட்டமாக இருந்த அரசுப்பேருந்தில் ஏறியுள்ளனர். மேலும் சக மாணவர்களுடன் படிக்கட்டில் தொங்கியபடி பயணித்துள்ளார்.

அப்போது குரு தியேட்டர் அருகே பேருந்து வந்தபோது பிரபாகரன் தவறி கீழே விழுந்ததில், பேருந்தின் டயர், மாணவர் மீது ஏறி இறங்கியது. இதில் படுகாயம் அடைந்த மாணவர் மருத்துவமனைக்கு செல்லும் வழியிலேயே உயிரிழந்தார். இது குறித்து போலீசார் விசாரணை மேற்கொண்டு வருகின்றனர்.

ஜபல்பூரில்..

காதலித்த மனைவி வேறொருவருடன் சென்றுவிட்டதால் தனது கைக்குழந்தையுடன் தந்தை ஒருவர் ரிக்ஷா ஓட்டும் காட்சி இணையத்தில் வெளியாகி கலங்க வைத்துள்ளது.

மத்திய பிரதேசத்தில் ஜபல்பூரில் ரிக்‌ஷா ஓட்டும் ராஜேஷ் என்ற இளைஞருக்கு 2 குழந்தைகள் உள்ளனர். வீட்டில் கவனிக்க யாரும் இல்லாததால் தனது மூத்த குழந்தையை மட்டும் வீட்டில் விட்டு விட்டு, இளைய குழந்தையை அவர் தன்னுடன் அழைத்து வந்துள்ளார்.

ஒரு பக்க தோளில் வறுமையையும் மறு பக்க தோளில் குழந்தையையும் சுமந்து கொண்டு ஒரு கையால் ராஜேஷ் ரிக்‌ஷா ஓட்டுவதைப் பார்க்கும் போதே நெஞ்சம் பதைபதைக்கிறது.

காதல் திருமணம் செய்து கொண்ட மனைவி வேறொருவருடன் சென்றுவிட்டதால், தாய் ஸ்தானத்தில் இருந்து கவனித்து வருகின்றார். ஒரு கையில் குழந்தையைத் தூக்கிக் கொண்டு மறு கையால் ரிக்‌ஷா ஓட்டிச் செல்லும் காட்சி கண்கலங்க வைத்துள்ளது.

கேரளாவில்..

இடுக்கி மாவட்டத்தில் நிலச்சரிவில் ஒரே குடும்பத்தை சேர்ந்த ஐந்து பேர் மண்ணுக்குள் புரிந்து உயிர் இழந்த சம்பவம் அப்பகுதியில் மிகுந்த சோகத்தை ஏற்படுத்தியுள்ளது.

கேரள மாநிலம் இடுக்கி மாவட்டத்தில் கடந்த சில தினங்களாகவே கனமழை பெய்து வந்தது. இந்த நிலையில் தொடுபுழா அடுத்துள்ள குடையாத்தூர் எனும் பகுதியில் இன்று அதிகாலை இரண்டரை மணி அளவில் மிகப்பெரிய அளவிலான நிலச்சரிவு ஏற்பட்டது.

நிலச்சரிவில் சோமன் என்பவரது வீடு முற்றிலுமாக அடித்துச் செல்லப்பட்டது. இதில் வீட்டில் உறங்கி இருந்த சோமன் குடும்பத்தைச் சேர்ந்த சோமன் அவரது மனைவி ஷிஜி, அவரது மகள் சீமா, சீமாவின் குழந்தை தேவானந், மற்றும் சோமனின் தாயார் தங்கம்மா என ஐந்து பேரும் மண்ணில் புதைந்தனர்.

நிலச்சரிவில் சிக்கிய இவர்களை மீட்கும் பணியில் அப்பகுதி பொதுமக்களும் மற்றும் தீயணைப்புத் துறையினரும் தீவிரமாக ஈடுபட்டு வந்தனர். அப்பகுதியில் மழை தீவிரமாக பெய்து வரும் நிலையில் மீட்பு பணியில் தொய்வு ஏற்பட்டது.

எனினும் இதை பொருட்படுத்தாமல் தீயணைப்புத் துறை ,காவல்துறையினர் மற்றும் அப்பகுதி மக்களும் மண்ணில் புதைந்தவர்களை தேடும் பணியில் தீவிரமாக ஈடுபட்டு வந்தனர் . இந்த நிலையில் சோமன் அவரது மனைவி சிஜி, தங்கம்மாள் சீமா மற்றும் அவரது குழந்தை தேவானந்த், ஆகியோர் சடலமாக மீட்கக்கப்பட்டனர்.

மீட்கப்பட்ட உடல்கள் தொடுபுழா அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டுள்ளன. உடற்கூறு பரிசோதனைக்கு பின் உறவினர்களிடம் உடல்கள் ஒப்படைக்கப்பட உள்ளன.

தற்போதும் அப்பகுதிகளில் மழை தொடர்ந்து பெய்து வருவதால் இடுக்கி மாவட்டத்தில் மலையோர பகுதிகளில் வசிப்பவர்கள் மிக எச்சரிக்கையுடன் இருக்குமாறு மாவட்ட ஆட்சியர் வீபா ஜார்ஜ் தெரிவித்துள்ளார்.

சென்னையில்..

சென்னை, தி நகர், ராமசாமி தெருவை சேர்ந்த தொழிலதிபர் சரவணன்(46). இவர், கடந்த 20ம் தேதி அன்று, மதியம் வீட்டில் இருந்தார். அப்போது ஒரு கும்பல் வீட்டுக்குள் புகுந்து, கத்தி முனையில், சரவணனை கடத்தியது. விலையுர்ந்த கார்களையும் எடுத்து சென்றனர். இதையடுத்து, மாம்பலம் போலீசுக்கு தகவல் கிடைத்து, சிசிடிவி கேமராவை ஆய்வு செய்து, உடனடியாக , கடத்தப்பட்ட சரவணனை மீட்டனர்.

அத்துடன், கடத்தலில் ஈடுபட்ட மயிலாடுத்துறை, மாதா கோயில் தெருவை சேர்ந்த ஆரோக்கியராஜ் (42), கரூர், அரவக்குறிச்சியை சேர்ந்த அரவிந்தகுரு(23), திருப்பூர், முத்தனம்பாளையத்தை சேர்ந்த அப்ரோஸ் (23), மதுரை, மீனாம்பாள் புரத்தை சேர்ந்த அஜய் (24), கே.புதூரை சேர்ந்த விஜயபாண்டி (25) மற்றும் கோயம்புத்தூர், காந்திபுரத்தைச் சேர்ந்த சிறைக்காவலர் நாகேந்திரன் (31) ஆகியோரை கைது செய்தனர்.

அவர்களிடம் இருந்து கார்கள், இரு சக்கர வாகனம், 7 மொபைல்போன்கள், ஆப்பிள் லேப் டாப், பொம்மை துப்பாக்கி, கத்தி ஆகியவற்றை பறிமுதல் செய்தனர். இந்த வழக்கில், கிழக்கு கடற்கரையை சேர்ந்த மற்றொருவர் தலைமறைவாகி விட்டார்.

மேலும், கைதான ஆரோக்கியராஜிக்கு, சவுடு மணல் அள்ளுவதற்கான ஒப்பந்தம் வாங்கி தருவதாக கூறி, சரவணன், நான்கரை கோடி ரூபாய் வாங்கி ஏமாற்றி வந்ததால் அவரை கடத்தியது தெரியவந்தது.

இந்த நிலையில், நேற்று, அமிர்தா என்ற மருத்துவரை கைது செய்தனர். விசாரனையில், சரவணன், ஆரோக்கியராஜ் இருவரும் அடிக்கடி பப்புக்கு சென்று வந்தபோது அமிர்தா பழக்கமாகியுள்ளார்.

சரவணனிடம் தந்த பணத்தை எப்படி வாங்குவது என ஆரோக்கியராஜ் கேட்டபோது, அமிர்தாதான் பிளான் போட்டு கொடுத்துள்ளார். மேலும், கடத்தலுக்கு மூளையாக அமிர்தா செயல்பட்டதும் தெரிந்தது. அவரை கைது செய்துள்ள போலீசார் மேற்கொண்டு விசாரித்து வருகின்றனர்.

இந்தியாவில்..

ஒருதலை காதலால் மாணவியை எரித்து கொன்ற இளைஞர் எந்தவித குற்ற உணர்ச்சியும் இன்றி கூலாக சிரித்து கொண்டே நடந்து சென்றது அதிர்ச்சியை ஏற்படுத்தியுள்ளது.

இந்தியாவின் ஜார்க்கண்ட் மாநிலம் தும்சா மாவட்டத்தில் உள்ள பள்ளியில் படித்து வரும் பிளஸ்-2 மாணவியை ஜார்க்கண்ட் வாலிபர் ஷாருக் என்பவர் ஒருதலையாக காதலித்து வந்தார்.

இந்த காதலை ஏற்க மாணவி மறுத்து விட்டார். இதனால் ஆத்திரம் அடைந்த ஷாருக் சம்பவத்தன்று மாணவி மீது பெட்ரோல் ஊற்றி தீ வைத்தார். தீ மளமளவென உடல் முழுவதும் பரவியதால் மாணவி அலறினார்.

உடல் கருகிய நிலையில் அவர் ஆஸ்பத்திரியில் அனுமதிக்கப்பட்டார். ஆனால் அங்கு அவர் சிகிச்சை பலனின்றி பரிதாபமாக இறந்தார். இதுபற்றி அறிந்த மாணவியின் உறவினர்கள் ஆத்திரம் அடைந்தனர்.

சம்பந்தப்பட்ட வாலிபர் மீது கடும் நடவடிக்கை எடுக்க வேண்டும் என்று கூறி தும்ஷா நகரில் மாணவியின் உறவினர்கள் மற்றும் பொதுமக்கள் மறியல் போராட்டத்தில் ஈடுபட்டனர்.

பொலிசார் அங்கு விரைந்து சென்று மறியலில் ஈடுபட்டவர்களுடன் பேச்சுவார்த்தை நடத்தினார்கள். இச்சம்பவம் தொடர்பாக ஷாருக்கை பொலிசார் கைது செய்து விசாரணை நடத்தி வருகின்றனர்.

பிளஸ்-2 மாணவி எரித்துக்கொலை செய்யப்பட்ட சம்பவம் அப்பகுதியில் பதற்றத்தையும் பரபரப்பையும் ஏற்படுத்தி உள்ளது. அந்த பகுதியில் தற்போது 144 தடை உத்தரவு பிறப்பிக்கப்பட்டுள்ளது. இந்த சம்பவத்தில் தொடர்புடைய மற்றொருவரும் கைது செய்யப்பட்டுள்ளார்.

கேரளாவில்..

கேரளாவின் மல்லாபுரத்தை சேர்ந்தவர் ராஜேஷ். இவர் அங்குள்ள மார்க்கெட்டில் சுமைதூக்கும் கூலி வேலை செய்து வந்தார். இந்த நிலையில் ரூ 40 கொடுத்து லொட்டரி டிக்கெட்டை அவர் வாங்கியிருக்கிறார்.

அதற்கு ரூ. 3,57,86,502.26 (இலங்கை மதிப்பில்) பரிசு விழுந்துள்ளது. அந்த சமயத்தில் வீட்டில் ராஜேஷ் தூங்கி கொண்டிருந்தார். தூங்கி எழுந்து ரேஷன் கடைக்கு செல்ல தயாராக இருந்த போது லொட்டரிக்கு பரிசு விழுந்ததா என செல்போன் மூலம் பார்த்தார்.

அப்போது தான் இமாலய பரிசு விழுந்ததை உறுதி செய்து கொண்டார். இது குறித்து ராஜேஷ் கூறுகையில், ஏழ்மையில் வாடிய எனக்கு இந்த அதிர்ஷ்டம் மகிழ்ச்சியை அளிக்கிறது. இது எதிர்பாராத ஒரு மாபெரும் அதிர்ஷ்டம் என கூறியுள்ளார்.

சென்னையில்..

ஷேர் சாட் ஆப் மூலம் கல்லூரி பெண்களை குறி வைத்து பல பெண்களை திருமணம் செய்து ஏமாற்றி வரும் கணவர் மீது நடவடிக்கை எடுக்க கோரி அம்பத்தூர் அனைத்து மகளிர் காவல் நிலையத்தில் மனைவி புகார் அளித்த நிலையில் போலீசார் வழக்கு பதிவு செய்து குற்றவாளியை தீவிரமாக தேடி வருகின்றனர்.

சென்னை அடுத்த செங்குன்ற பகுதியை சேர்ந்தவர் வைதீஸ்வரி/26. இவருக்கும் ஸ்ரீதர் என்பவருக்கும் இரு விட்டார் சம்மதத்துடன் 2019 ஆம் ஆண்டு திருமணம் நடைபெற்று இரண்டு வயது மகன் உள்ளார்.

இந்த நிலையில் கணவர் ஸ்ரீதர் அடிக்கடி வேலை நிமித்தமாக வெளியூர் செல்வதை வழக்கமாகக் கொண்டுள்ளார். இதனால் அவரது நடத்தையில் சந்தேகம் அடைந்த மனைவி வைதீஸ்வரி இது குறித்து அவரிடம் கேட்டுள்ளார்.

மோசடி கணவர் இதனால் ஆத்திரம் அடைந்த ஶ்ரீதர் வைதீஸ்வரியை தாக்கியதுடன் செல்போனை உடைத்துவிட்டு கணவர் வீட்டைவிட்டு சென்று உள்ளார். இதன்பின்னர் சில நாட்கள் கழித்து மனைவி கணவர் ஶ்ரீதரின் செல்போனை ரிப்பேர் செய்து recovery செய்த போது அதில் சில ஆடியோ ஆதாரங்கள் கிடைத்துள்ளது.

அதில் கணவர் ஸ்ரீதர் பிரபல இணையதளமான ஷேர் சாட் ஆப் மூலமாக பல கல்லூரி பெண்கள்,திருநங்கைகள் உள்ளிட்ட பலரிடம் பழகி வந்தது தெரியவந்துள்ளது. தகாத உறவு மேலும் பெண்களிடம் நெருக்கமாக பழகி தகாத உறவில் இருந்து வந்தது தெரிய வந்துள்ளது.

இது தொடர்பாக பெண்களிடம் கொஞ்சி கொஞ்சி பேசும் ஆடியோக்கள் சிக்கி உள்ளது. மேலும் வைதீஸ்வரி உடனான திருமணத்தை மறைத்து மேட்டுப்பாளையத்தில் இரண்டாம் ஆண்டு பயிலும் கல்லூரி மாணவி உடன் ஆப்பில் பேசி நம்பவைத்து நெருக்கமாக பழகியுள்ளார்.

அப்பெண் ஶ்ரீதரிடம் திருமணம் செய்ய வற்புறுத்தி வந்துள்ளார். இதனையடுத்து பெண்னை வீட்டிலிருந்து பெற்றோருக்கு தெரியாமல் அழைத்துச் சென்று திருமணம் செய்துள்ளார். ஷேர் சாட் ஆப் பின்னர் அப்பெண்ணுடன் சில வாரங்கள் இருந்துவிட்டு தொழில் நிமித்தமாக செல்வதாக கூறி அங்கிருந்து சென்னை வந்து தங்கி இருந்துள்ளார்.

மேலும் இந்த ஆப் வாயிலாக கல்லூரி மாணவிகளை குறிவைத்து தொடர்ந்து ஏமாற்றி பாலியல் ரீதியான உறவில் ஈடுபட்டு வந்துள்ளார். இது அனைத்தும் தெரிந்து கணவரிடம் கேட்ட வைதீஸ்வரியை கர்ப்பிணி என்றும் பாராமல் கடுமையாக தாக்கி தலைமறைவாகியுள்ளார்.

எனவே முதல் திருமணத்தை மறைத்து இரண்டாவது திருமணம் செய்து கொண்டு பல பெண்களை ஏமாற்றி வரும் தனது கணவரை கைது செய்து நடவடிக்கை எடுக்க வேண்டுமென அம்பத்தூர் அனைத்து மகளிர் காவல் நிலையத்தில் கடந்த 11ம் தேதி பரபரப்பு புகார் அளித்தார். போலீஸ் மீது புகார் ஆனால் புகார் மீது காவல்துறை எந்த ஒரு நடவடிக்கை எடுக்கவில்லை என கூறப்படுகிறது.

இதுகுறித்து வைதீஸ்வரி கூறுகையில்,கடந்த 2019 ஆம் ஆண்டு இரு வீட்டார் சம்மதத்தின் பேரில் தங்களுக்கு திருமண நடைபெற்றதாகவும் திருமணம் நடைபெற்று சில காலம் சேர்ந்து வாழ்ந்ததாகும் தெரிவித்துள்ளார். மேலும் தன்னிடம் இருந்த 15 சவரன் நகைகளை அடகு வைத்து விற்பனை செய்து பல பெண்களிடம் உல்லாசமாக இருந்து வந்துள்ளார் என குற்றம் சாட்டியுள்ளார்.

எனவே அவரை கைது செய்ய வேண்டும். இல்லையெனில் பல பெண்களின் வாழ்க்கை கேள்விக்குறியாகும். எனக்கும் எனது குழந்தைக்கும் உரிய நீதி கிடைக்க வேண்டும் என கூறியுள்ளார்.. தற்போது அம்பத்தூர் அனைத்து போலீசார் பல்வேறு பிரிவுகளின் கீழ் வழக்கு பதிவு செய்து பெண்களை ஏமாற்றி வரும் ஸ்ரீதரை தீவிரமாக தேடி வருகின்றனர்.