வர்த்தக வங்கிகளில் கணக்கு உரிமையாளர்களுக்கு தெரியப்படுத்தாமல் பணம் அறவிடப்படுவதற்கு எதிராக கடுமையான நடவடிக்கை எடுக்கவுள்ளதாக இராஜாங்க அமைச்சர் அஜித் நிவாட் கப்ரால் தெரிவித்துள்ளார்.
சில வங்கிகள் தவறாக எடுக்கும் தீர்மானங்களுக்கு ஆதரவளிக்காமல் புதிய சட்டத்திட்டங்கள் சிலவற்றை முன்னெடுப்பதற்கு எதிர்பார்ப்பதாக அவர் குறிப்பிட்டுள்ளார்.
வங்கிகளில் வைப்பு வைத்துள்ள கணக்கு உரிமையாளர்களுக்கு அறிவிக்காமல் பணம் அறவிடும் நடவடிக்கை இடம்பெறும் என்றால் அது முழுமையாக தவறான விடயமாகும். எந்தவொரு வங்கிகளாலும் கணக்கு உரிமையாளர்களுக்கு தெரியப்படுத்தாமல் ஒரு சதமேனும் எடுக்க முடியாது.
சில இடங்களில் அவ்வாறான சம்பவங்கள் இடம்பெறுவவாக எனக்கு தெரியும். அந்த விடயங்கள் தவறானவைகளாகும். கடந்த வாரம் 3 வீதம் வட்டி அதிகரித்துள்ளதாக தகவல் வெளியாகி உள்ளது.
எனினும் அப்படி ஒன்றும் இல்லை. இதனால் புதிய சட்டத்திட்டங்களை அறிமுகப்படுத்த நாங்கள் எதிர்பார்க்கின்றோம் என இராஜாங்க அமைச்சர் அஜித் நிவாட் கப்ரால் மேலும் தெரிவித்துள்ளார்.
கொழும்பு குற்ற விசாரணை பிரிவு அதிகாரிகள் என கூறி வீடுகளுக்குள் நுழைந்து 5 லட்சம் ரூபாய் பணம் கொள்ளையடித்த சம்பவம் ஒன்று இடம்பெற்றுள்ளது.
கட்டுகஸ்தோட்டை பொலிஸ் பிரிவில் உள்ள வர்த்தகரின் வீட்டிற்குள் மோசடியான முறையில் புகுந்த நான்கு பேர் கொள்ளையடித்த நிலையில், தப்பிச் சென்றுள்ளனர்.
சந்தேக நபர்களை தேடி பொலிஸார் விசாரணைகளை முன்னெடுத்துள்ளதாக பிரதி பொலிஸ் மா அதிபர் அஜித் ரோஹன தெரிவித்துள்ளார்.
இந்த முறையில் கொள்ளையர்கள் வீடுகள் அல்லது வர்த்தக நிலையங்களுக்கு வர கூடும் என்பதனால் இது தொடர்பில் அவதானமாக இருக்குமாறு பொது மக்களிடம் அவர் கேட்டுக்கொண்டுள்ளார்.
பொலிஸ் அதிகாரிகள் அவ்வாறு விசாரணைக்கு வந்தால் அடையாள அட்டைகளை காண்பிப்பார்கள். விசேட சந்தர்ப்பங்களை தவிர ஏனைய அனைத்து சந்தர்ப்பங்களிலும் பொலிஸ் அதிகாரிகள் பொலிஸ் உத்தியோகபூர்வ வாகனங்களில் வருவார்கள்.
ஏதாவது ஒரு சந்தர்ப்பத்தில் தாம் சிவில் உடையில் வந்திருக்கும் பொலிஸ் அதிகாரிகள் என கூறினாால் அடையாள அட்டைகளை பெற்றுக்கொள்வது பொது மக்களிடம் கடமையாகும் என பிரதி பொலிஸ் மா அதிபர் மேலும் தெரிவித்துள்ளார்.
வவுனியா தெற்கிலுப்பைக்குளம் பகுதியில் தீயில் எரிந்து படுகாயமடைந்த பெண் ஒருவர் வவுனியா வைத்தியசாலையில் அனுமதிக்கப்பட்ட நிலையில் நேற்று (06.02.2021) மரணமடைந்துள்ளார்.
குறித்த பெண் கடந்தவாரம் தனது வீட்டில் இருந்த சமயம் தீயில் எரிவதை அவதானித்த அயலவர்கள் அவரை மீட்டு வைத்தியசாலையில் அனுமதித்தனர்.
சம்பவத்தில் அதே பகுதியை சேர்ந்த அமல உட்பவும் (வயது 37) என்ற இரண்டு பிள்ளைகளின் தாயே படுகாயமடைந்த நிலையில் வவுனியா வைத்தியசாலையில் சிகிச்சைக்காக அனுமதிக்கப்பட்டிருந்தார்.
இந்நிலையில் நேற்று (06.02) அவர் சிகிச்சை பலனின்றி மரணமடைந்துள்ளார். அவரது மரணம் தொடர்பாக வவுனியா நகர திடீர் மரண விசாரணை அதிகாரியான சிவநாதன் கிசோரால் விசாரணைகள் ஆரம்பிக்கப்பட்டுள்ளது.
கொரோனா தொற்றினால் உயிரிழந்த இலங்கையின் முதலாவது வைத்தியரான கயான் டந்தநாராயணவிற்கு வவுனியா மக்களினால் அஞ்சலி செலுத்தப்பட்டது. குறித்த அஞ்சலி நிகழ்வு வவுனியா நகரசபை கலாச்சார மண்டபத்தில் இன்று (07.02.2021) காலை 9.30 மணியளவில் இடம்பெற்றது.
கொரோனா தொற்றினால் பாதிக்கப்பட்ட மக்களை காப்பாற்ற போராடி தனது உயிரினையும் துறந்த ராகம வைத்தியசாலை வைத்தியர் கயான் டந்தநாராயணவின் திருவுருவப் படத்திற்கு மாலை அணிவிக்கப்பட்டு மலரஞ்சலி செலுத்தப்பட்டதுடன் அஞ்சலி உரைகளும் இடம்பெற்றதன.
குறித்த அஞ்சலி நிகழ்வில் அரச அதிபர் சமன் பந்துலசேன, நகரசபை உறுப்பினர்கள், வைத்தியர்கள், பொது அமைப்புக்களின் பிரதிநிதிகள், பொதுமக்கள் என பலரும் கலந்து கொண்டிருந்தனர்.
இலங்கையில் மேலும் எட்டு பேர் கோவிட் – 19 தொற்றுக்கு பலியாகியுள்ளதாக அரசாங்க தகவல் திணைக்களம் தெரிவித்துள்ளது. இதன்படி, இலங்கையில் கோவிட் – 19 தொற்றினால் உயிரிழந்தவர்களின் மொத்த எண்ணிக்கை 351 ஆக உயர்ந்துள்ளதாக அறிவிக்கப்பட்டுள்ளது.
இதேவேளை, இலங்கைக்குள் இன்று மாத்திரம் 726 கொரோனா தொற்றாளிகள் கண்டறியப்பட்டனர். இதனையடுத்து நாட்டில் மொத்த கொரோனா தொற்றாளிகளின் எண்ணிக்கை 68ஆயிரத்து 576 ஆக உயர்ந்துள்ளது.
மருத்துவமனைகளில் சிகிச்சை பெறுவோரின் எண்ணிக்கை 5639 ஆக உயர்ந்துள்ளது. இதேவேளை கொரோனாவில் இருந்து குணமானோரின் மொத்த எண்ணிக்கை 62ஆயிரத்து 594 ஆக அதிகரித்துள்ளது.
வவுனியாவைச் சேர்ந்த 3 பேருக்கு இன்று (06.02.2021) கொரோனா தொற்று உறுதி செய்யப்பட்டுள்ளது. இன்று வெளியான முடிவுகளில் இவ் விடயம் தெரிவிக்கப்பட்டுள்ளது.
யாழ் போதனா வைத்தியசாலை மற்றும் மருத்துவபீட ஆய்வுகூடத்தில் இன்று வடமாகாணத்தைச் சேர்ந்த 727 பேருக்கு கொரோனா பரிசோதனை செய்யப்பட்டு பரிசோதனை முடிவுகள் வெளியானது. முடிவுகளின்படி வவுனியாவைச் சேர்ந்த 3 பேருக்கு தொற்று உறுதி செய்யப்பட்டுள்ளது.
ஜனவரி முதலாம் திகதியில் இருந்து இன்றுவரை வவுனியாவில் 370க்கும் மேற்பட்ட கொரோனா தொற்றாளர்கள் அடையாளம் காணப்பட்டுள்ளார்.
விமான நிலையத்தில் கணவரை வழியனுப்ப வந்த மனைவியின் செயல் சிறிது நேரம் அங்கு ப.ரபரப்பை ஏற்படுத்தியுள்ளது. சென்னை சர்வதேச விமானநிலையத்தில் இருந்து இன்று சார்ஜா செல்லும் இண்டிகோ ஏா்லைன்ஸ் விமானம் புறப்பட தயாராக இருந்தது.
அந்த விமானத்தில் பயணம் செய்யும் பயணிகளின் டிக்கெட் மற்றும் ஆவணங்களைப் பரிசோதித்து விமானநிலையத்தின் உள்பகுதிக்குள் பாதுகாப்பு அதிகாரிகள் அனுப்பி வைத்தனர்.
அப்போது ஆந்திரா மாநிலம் நெல்லூரை சேர்ந்த நவாஸ் சேக் என்பவரும், அவருடைய மனைவி சனா என்பவரும் பயணிகளுக்கான இ டிக்கெட்டை காட்டிவிட்டு உள்ளே சென்றனர்.
பின்னர் ஒரு மணி நேரம் கழித்து இளம்பெண் சனா மட்டும் வெளியே வந்தார். இதை கவனித்த கேட்டில் நின்ற பாதுகாப்பு படை அதிகாரிகள், சனாவை நிறுத்தி விசாரித்த போது, தான் பயணத்தை ரத்து செய்து விட்டதாகவும் எனது கணவர் மட்டுமே பயணிக்கின்றார் என்றும் கூறியுள்ளார்.
அதோடு உள்ளே போகும்போது கேட்டில் காட்டிவிட்டு சென்ற இ டிக்கெட்டையும் காட்டினார். ஆனால் அந்த டிக்கெட்டில் பயணி ஆப்லோடு செய்யப்பட்டதற்கான எந்த முத்திரையும் குத்தப்படவில்லை.
இது பாதுகாப்பு அதிகாரிகளுக்குச் சந்தேகத்தை ஏற்படுத்தியதால், குறித்த பெண்ணை வெளியில் விடாமல் நிறுத்திவைத்து தீவிர வி.சாரணை நடத்தினர்.
அப்போது, நாங்கள் இருவரும் சமீபத்தில் தான் திருமணம் செய்து கொண்டோம். இந்த சூழ்நிலையில் எனது கணவர் சார்ஜாவிற்கு வேலைக்காகச் செல்ல தயாரானார்.
இதனால் அவரை வழியனுப்ப நானும் அவருடன் சென்னை விமானநிலையம் வந்தேன். ஆனால் சென்னை விமான நிலையத்தில் பார்வையாளர்களுக்கு அனுமதியில்லை. ஆனால் கடைசி வரை சென்று கணவரை வழியனுப்ப வேண்டும் என எனக்கு ஆசையாக இருந்தது.
இதனால், நான் எனது கணவரின் உண்மையான டிக்கெட்டை கலா் ஜெராக்ஸ் எடுத்து அந்த ஜெராக்ஸ் டிக்கெட்டில் எனது பெயரையும் இணைத்து போலியான இ டிக்கெட் தயார் செய்து கொண்டு வந்தோம்.
அந்த போலி இ டிக்கெட்டை காட்டிதான் விமானநிலையத்திற்குள் பாதுகாப்பு சோதனை நடக்கும் பகுதி வரை ஒன்றாகவே சென்றோம். அதன்பின்பு நானும் கணவரும் சிறிது நேரம் பேசிக்கொண்டு அமர்ந்திருந்தோம்.
பின்பு அவர் தனது உண்மையான டிக்கெட் மூலம் விமானத்தில் ஷார்ஜாவிற்கு புறப்பட்டு சென்றார். நானும் அவரை வழியனுப்பி விட்டு அதே போலி இ டிக்கெட் மூலம் வெளியே வந்தேன். நான் செய்தது தவறு தான். மன்னித்துவிட்டுவிடுங்கள் என்று அழுதுள்ளார்.
ஆனால் உயர் பாதுகாப்பு கொண்ட சென்னை விமான நிலையத்தில் நடந்த இந்த மோ.சடி காரணமாக, இளம் பெண்ணை கைது செய்த பாதுகாப்புப் படை அதிகாரிகள், அவரை சென்னை விமானநிலைய பொலிசில் ஒப்படைத்தனர். அவரிடம் பொலிசார் தீவிர விசாரணை மேற்கொண்டு வருகின்றனர்.
இந்தியாவின் தெலுங்கானா மாநிலத்தில், பேஸ்புக் உள்ளிட்ட சமூக ஊடகங்களில் அதிக நேரம் செலவிட்ட மனைவியை திருமணம் முடிந்த சில மாதங்களிலேயே கணவன் கொ.லை செ.ய்.து.ள்.ள ச ம்பவம் அ.தி.ர்.ச்.சி.யை ஏற்படுத்தியுள்ளது.
தெலுங்கானாவில் கம்மம் மாவட்டம் யெரபாலம் கிராமத்திலேயே குறித்த அ.தி.ர்.ச்.சி ச ம்பவம் அரங்கேறியுள்ளது. சில மாதங்களுக்கு முன்னர் எர்ரமல்ல நவ்யா என்பவருக்கும் நாகா ஷேஷு ரெட்டி என்பவருக்கும் பெற்றோர் முன்னிலையில் திருமணம் நடந்தது.
ஆனால் திருமணம் முடிந்த நாள் முதலே, நவ்யா பேஸ்புக் உள்ளிட்ட சமூக ஊடகங்களில் அதிக நாட்டம் காட்டி வந்துள்ளதுடன், அதிக நேரம் அதில் செலவிட்டுள்ளார்.
பல முறை இந்த விவகாரம் தொடர்பில் ஷேஷு ரெட்டி தமது மனைவியை க.ண்.டி.த்.து.ம், அவரது நடவடிக்கைகளில் எந்த மாற்றமும் ஏற்படவில்லை என்றே கூறப்படுகிறது.
இதனால் இருவருக்கும் இடையே அ.டி.க்.க.டி வா.க்.கு.வா.த.மு.ம் ஏற்பட்டு வந்துள்ளது. ஒரு கட்டத்தில் தமது மனைவிக்கு வேறு நபருடன் தொ.டர்பு இருக்கலாம் என முடிவு செய்த ஷேஷு ரெட்டி, அ.வரை கொ.லை செ.ய்.ய.வே தி.ட்டமிட்டுள்ளார்.
இதனையடுத்து விருந்துக்கு என மனைவி நவ்யாவை அழைத்து சென்ற ஷேஷு ரெட்டி, கோத்தப்பள்ளி குட்டா என்ற பகுதியில் வைத்து கொ.டூ.ர.மா.க கொ.லை செ.ய்.து.ள்.ளா.ர்.
இச் ச.ம்பவம் தொடர்பில் தகவல் அறிந்த பொலிசார், ஷேஷு ரெட்டியை கை.து செ.ய்ததுடன், இந்த கொ.லை ச.ம்.ப.வ.த்.தி.ன் உ.ண்மையான பி.ன்னணியையும் வி.சாரித்து வ.ருகின்றனர்.
இந்தியாவில் இருட்டான இடத்தில் இயற்கை உபாதைகள் கழிக்க சென்ற இரண்டு மகள்கள் மற்றும் தாயார் மீது புகையிரதம் மோதியதில் அவர்கள் உயிரிழந்துள்ளனர்.
பரிதாபாத்தை சேர்ந்தவர் ராஜீவ். இவர் மனைவி சுனிதா. தம்பதிக்கு சிப்பி (18) மற்றும் இந்து (16) என இரு மகள்கள் இருந்தனர். இந்த நிலையில் நேற்று முன் தினம் இரவு சுனிதா, சிப்பி, இந்து ஆகிய மூவரும் கடைக்கு சென்றனர்.
பின்னர் இரவு 8 மணியளவில் அங்குள்ள இருட்டான பகுதிக்கு இயற்கை உபாதைகளை கழிக்க சென்றனர். பின்னர் அருகில் இருந்த இரயில் தண்டவாளத்தை கடக்க முயன்ற போது மூவர் மீதும் புகையிரதம் மோதியது.
இந்த பயங்கர சம்பவத்தில் மூவரும் இரத்த வெள்ளத்தில் உயிரிழந்தனர். சம்பவம் குறித்து தகவலறிந்த பொலிசார் மூவரின் சடலங்களையும் கைப்பற்றினார்கள்.
இரவு நேரங்களில் இது போல இரயில் வரும் இடங்கள் அருகில் இயற்கை உபாதைகள் கழிக்க செல்ல வேண்டாம் என பொலிசார் எச்சரித்துள்ளனர்.
பொத்துவில் தொடங்கி பொலிகண்டி வரையான அகிம்சை வழி பேரணியின் போராட்டக்காரர்கள் தற்போது கிளிநொச்சி நகரப்பகுதியை சென்றடைந்துள்ளனர்.
தமிழர் தாயகமான வடக்கு கிழக்கின் பொத்துவில் முதல் பொலிகண்டி வரையான போராட்டத்தின் நான்காவது நாளான இன்று வவுனியாவில் ஆரம்பித்து பேரணி கிளிநொச்சி நோக்கி நகர்ந்துள்ளது.
இதன்போது குறித்த பேரணியை ஆதரிக்கும் வகையில் கிளிநொச்சியில் பல்லாயிரக்கணக்கான மக்கள் வீதியின் இரு மருங்கிலும் திரண்டு நிற்பதாக கூறப்படுகிறது.
இந்தப் போராட்டத்திற்கு சிவில் சமூக அமைப்புக்களின் பிரதிநிதிகள், அரசியல் தலைவர்கள், மதத் தலைவர்கள் எனப் பெரும் திரளான மக்கள் தமது ஆதரவினை வழங்கி வருகின்றமை குறிப்பிடத்தக்கதாகும்.
திருகோணமலை – கந்தளாய் தலைமையக பொலிஸ் பிரிவுக்குட்பட்ட பகுதியில் வீதியால் சென்றுகொண்டிருந்த நபரொருவருடன் லொறியொன்று மோதி விபத்துக்குள்ளானதில் நபரொருவர் உயிரிழந்துள்ளார்.
இச்சம்பவம் இன்று இடம் பெற்றுள்ளது. அதே பகுதியை சேர்ந்த 34 வயதுடைய ஒருவரே இவ்வாறு உயிரிழந்துள்ளதாக அறிவிக்கப்பட்டுள்ளது. உயிரிழந்தவரின் சடலம் தற்போது கந்தளாய் வைத்தியசாலை பிரேத அறையில் வைக்கப்பட்டுள்ளது.
இந்நிலையில், சாரதியை கைது செய்துள்ளதாகவும், விபத்து தொடர்பான விசாரணைகளை கந்தளாய் தலைமையக பொலிஸார் மேற்கொண்டு வருவதாகவும் தெரிவிக்கப்பட்டுள்ளது.
முல்லைத்தீவு மாவட்டத்தின் மாங்குளம் பொலிஸ் பிரிவிற்குட்பட்ட செல்வபுரம் பகுதியில் ஏ9 வீதியில் விபத்து சம்பவமொன்று பதிவாகியுள்ளது. காலியிலிருந்து யாழ்ப்பாணம் நோக்கிப் பயணித்த பேருந்து கட்டுப்பாட்டை இழந்து வீதியை விட்டு விலகி விபத்துக்குள்ளாகியுள்ளது.
குறித்த விபத்து அதிகாலை 3.30 மணியளவில் பதிவாகியுள்ளது. விபத்துக்குள்ளான பேருந்து வீதி அருகில் உள்ள தனியார் காணி ஊடாக பயணித்துள்ளது.
எனினும் அவ்விபத்தின் போது பயணித்த பயணிகள் எவருக்கும் பாதிப்பு ஏதும் ஏற்படவில்லை என பொலிஸார் தெரிவிக்கின்றனர். விபத்து தொடர்பான விசாரணைகளை மாங்குளம் பொலிஸார் முன்னெடுத்து வருகின்றனர்.
வவுனியா- திருகோணமலை பிரதான வீதியான ஹொரவப்பொத்தானை வீதியினை வழிமறித்து இன்று (06.02.2021) அதிகாலை 4.30 தொடக்கம் காலை 10.00 மணி வரை வவுனியா மொத்த வியாபாரிகள் சங்கத்தினர் போராட்டத்தில் ஈடுபட்டனர்.
வவுனியா நகரில் அதிகரித்துள்ள கொரோனா தொற்றாளர்களின் எண்ணிக்கை காரணமாகவும் வவுனியா மொத்த மரக்கறி வியாபாரிகள் சந்தையில் சமூக இடைவெளியினை பேணுவதில் கடினமான சூழல் காணப்பட்டதினையடுத்து,
வவுனியா அரசாங்க அதிபரின் உத்தரவின் அடிப்படையில் 291 மில்லியன் ரூபாய் செலவில் வவுனியா கண்டி வீதியில் அமைக்கப்பட்டு பயன்பாடற்ற நிலையில் காணப்பட்ட பொருளாதார மத்திய நிலையத்தினை,
தற்காலிகமாக மரக்கறி மொத்த கொள்வனவு மற்றும் விற்பனையினை மேற்கொள்ள அனுமதி வழங்கப்பட்டு மூன்று வாரங்களுக்கு மேலாக குறித்த பொருளாதார மத்திய நிலையத்தில் மரக்கறி மொத்த கொள்வனவு மற்றும் விற்பனை என்பன இடம்பெற்று வந்தன.
இந்நிலையில் பொருளாதார மத்திய நிலையத்தில் தமக்கு பொதுமான வசதிகள் இல்லை என தெரிவித்து மரக்கறி மொத்த வியாபாரிகள் இன்று (06.02.2021) வழமையாக மரக்கறி விற்பனை மேற்கொண்டு வந்த மொத்த மரக்கறி விற்பனை நிலையத்தினை திறந்து வியாபார நடவடிக்கையினை முன்னெடுக்க முற்பட்ட சமயத்தில் மரக்கறி மொத்த விற்பனை நிலையத்தினை திறப்பதற்கு பொலிஸார் தடை விதித்தனர்.
அதனையடுத்து அதிகாலை 4.30 மணி தொடக்கம் மரக்கறி மொத்த வியாபாரிகள் வவுனியா- திருகோணமலை பிரதான வீதியான ஹொரவப்பொத்தானை வீதியினை வழிமறித்து கவனயீர்ப்பு போராட்டத்தில் ஈடுபட்டனர்.
போராட்டத்தில் ஈடுபட்டிருந்தவர்கள் திறக்க விடு திறக்க விடு சந்தையினை திறக்க விடு, வாழ விடு வாழ விடு விவசாயிகளை வாழ விடு, விவசாயத்தினை வைத்து சுயலாபம் காணதே, சந்தையினை மட்டும் திறக்க விடாதது ஏன்?,
அடிக்காதே அடிக்காதே விவசாயிகளின் வயிற்றில் அடிக்காதே, வேண்டும் வேண்டும் நீதி வேண்டும், சுகாதார பிரிவினர் பரிசோதனை செய்தும் திறக்க விடாதது ஏன் போன்ற பல்வேறு வாசகங்களை தாங்கிய பதாதைகளை தாங்கிய வண்ணம் போராட்டத்தில் ஈடுபட்டனர்.
போராட்ட இடத்திற்கு வன்னி மாவட்ட பாராளுமன்ற உறுப்பினர்களான காதார் மஸ்தான், செல்வம் அடைக்கலநாதன், குலசிங்கம் திலிபன், வினோ நோகராதலிங்கம் மற்றும் முன்னாள் வடமாகாண சபை உறுப்பினர் செந்தில்நாதன் மயூரன் ஆகியோர் வருகைதந்து போராட்டத்திலிருந்தவர்களுடன் கலந்துரையாடியதுடன் அதிகாரிகளுடன் கலந்துரையாடி தீர்வினை பெற்றுத்தருவதாக வாக்குறுதி வழங்கிச் சென்றனர். எனினும் குறித்த கவனயீர்ப்பு போராட்டம் தொடந்து கொண்டிருந்தது.
அதன் பின்னர் உரிய அதிகாரிகளுடன் கலந்துரையாடிய பின்னர் காலை 10 மணியளவில் போராட்ட இடத்திற்கு வன்னி மாவட்ட பாராளுமன்ற உறுப்பினர் வினோ நோகராதலிங்கம் மற்றும் முன்னாள் வடமாகாண சபை உறுப்பினர் செந்தில்நாதன் மயூரன் சகிதம் வருகை தந்த வவுனியா , மன்னார் மாவட்ட பிரதி பொலிஸ் மா அதிபர் செனவிரத்ன போராட்டத்தில் ஈடுபட்டவர்களுடன் கலந்துரையாடி,
திங்கட்கிழமை மரக்கறி மொத்த விற்பனை நிலையத்தினை திறப்பதற்குறிய நடவடிக்கையினை மேற்கொள்ளுவதாகவும் இன்று மற்றும் நாளை ஆகிய இரு தினங்களுக்கு காமினி மாகா வித்தியாலய மைதானம் அல்லது வீதியோரங்களில் விற்பனை நடவடிக்கையினை முன்னெடுக்குமாறு வழங்கிய வாக்குறுதியினையடுத்து போராட்டம் முடிவுக்கு கொண்டு வரப்பட்டது.
வடக்கு கிழக்கு சிவில் அமைப்புகளால் முன்னெடுக்கப்பட்டு வரும் நீதிக்கான கவனயீர்ப்பு பேரணிக்கு எதிர்ப்பு தெரிவித்து வன்னி மக்கள் அமைப்பு, வவுனியா மாவட்ட மக்கள் காப்பகம் ஆகியவற்றினால் கவனயீர்ப்பு போராட்டம் இடம்பெற்றது.
குறித்த கவனயீர்ப்பு போராட்டம் வவுனியா பழைய பேரூந்து நிலைய முன்றலில் இன்று (06.02.2021) காலை 9.30 மணி தொடக்கம் 10.00 மணி வரை முன்னெடுக்கப்பட்டிருந்தது.
போராட்டத்தில் ஈடுபட்டவர்கள் சாணக்கியனே நீ நேற்று அரச விருந்தில் இன்றோ பி2பி இல் எமாற்றாதே தமிழினத்தை , ஏசி அறையில் உல்லாசமாய் இருப்பவரே இளைஞர்களின் இரத்தத்தை வசனங்களால் சூடாக்காதே இழந்தது போதும்,
யுத்தம் முடிந்த பின்பும் பித்தாலட்டம் எதற்கு, இல்லாமல் போன எங்கள் உறவுகளுக்காக இருக்கின்றவர்களை சாகடிக்காதே வாழ வழி செய் போன்ற பல்வேறு வாசகங்கள் தாங்கிய பதாதைகளை எந்திய வண்ணம் போராட்டத்தில் ஈடுபட்டிருந்தனர்.
குறித்த போராட்டத்தில் 10க்கு மேற்பட்டவர்கள் கலந்து கொண்டதுடன் போராட்டத்திற்கு பொலிஸ் பாதுகாப்பும் வழங்கப்பட்டிருந்தது.
பொத்துவில் தொடக்கம் பொலிகண்டி வரை வடக்கு கிழக்கு சிவில் அமைப்புகளால் முன்னெடுக்கப்பட்டு வரும் நீதிக்கான கவனயீர்ப்பு பேரணியின் 4ஆம் நாள் பேரணி இன்று (06.02) காலை 7.30 மணியளவில் வவுனியா புதிய பேரூந்து நிலைய முன்றலிருந்து ஆரம்பமாகியது.
வடக்கு மற்றும் கிழக்கில் நடைபெறும் பௌத்த மயமாக்கல் நிலங்கள் அபகரிப்பு, கொரோனாவினால் மரணமடையும் முஸ்லிம்களின் உடல்கள் தகனம் செய்வதற்கு எதிர்ப்பு, தமிழ் அரசியல் கைதிகளை விடுதலை செய்தல், காணாமல் ஆக்கப்பட்டோர் விடயம்,
மலையக மக்களின் ஆயிரம் ரூபாய் சம்பளப் பிரச்சினை அடங்கலாக அரச அடக்குமுறைகள் போன்ற விடயங்களை முன்னிறுத்தி அவற்றை கண்டித்தும் நீதி கோரியும் தீர்வு கேட்டும் இந்த போராட்டம் முன்னெடுக்கப்பட்டு வருகின்றது.
வவுனியா புதிய பேரூந்து நிலையத்திற்கு முன்பாக ஆரம்பமாகிய பேரணியானது வவுனியா நகரை வலம் வந்து வவுனியா- மன்னார் பிரதான வீதியுடாக மன்னாரை சென்றடைந்து மன்னார் – யாழ்ப்பாணம் பிரதான வீதியுடாக துணுக்காய் சென்று மாங்குளம் ஊடாக கிளிநொச்சி நகரை சென்றடையவுள்ளது.
குறித்த போராட்டத்தில் சிவில் சமூக அமைப்புக்களின் பிரதிநிதிகள், அரசியல் தலைவர்கள், மதத் தலைவர்கள், இளைஞர்கள், பல்கலைக்கழக மாணவர்கள் என 1000க்கு மேற்பட்டவர்கள் அணி திரண்டு போராட்டத்தினை முன்னெடுத்திருந்தனர்.
வவுனியா- திருகோணமலை பிரதான வீதியான ஹொரவப்பொத்தானை வீதியினை வழிமறித்து இன்று (06.02.2021) அதிகாலை 4.30 தொடக்கம் தற்போது வரை வவுனியா மொத்த வியாபாரிகள் சங்கத்தினர் போராட்டத்தில் ஈடுபட்டு வருகின்றனர்.
வவுனியா நகரில் அதிகரித்துள்ள கொரோனா தொற்றாளர்களின் எண்ணிக்கை காரணமாகவும் வவுனியா மொத்த மரக்கறி வியாபாரிகள் சந்தையில் சமூக இடைவெளியினை பேணுவதில் கடினமான சூழல் காணப்பட்டதனையடுத்து வவுனியா அரசாங்க அதிபரின் உத்தரவின் அடிப்படையில்,
291 மில்லியன் ரூபாய் செலவில் வவுனியா கண்டி வீதியில் அமைக்கப்பட்டு பயன்பாடற்ற நிலையில் காணப்பட்ட பொருளாதார மத்திய நிலையத்தினை தற்காலிகமாக மரக்கறி மொத்த கொள்வனவு மற்றும் விற்பனையினை மேற்கொள்ள அனுமதி வழங்கப்பட்டு மூன்று வாரங்களுக்கு மேலாக குறித்த பொருளாதார மத்திய நிலையத்தில் மரக்கறி மொத்த கொள்வனவு மற்றும் விற்பனை என்பன இடம்பெற்று வந்தன.
இந்நிலையில் பொருளாதார மத்திய நிலையத்தில் தமக்கு பொதுமான வசதிகள் இல்லை என தெரிவித்து மரக்கறி மொத்த வியாபாரிகள் இன்று (06.02.2021) வழமையாக மரக்கறி விற்பனை மேற்கொண்டு வந்த மொத்த மரக்கறி விற்பனை நிலையத்தினை திறந்து வியாபார நடவடிக்கையினை முன்னெடுக்க முற்பட்ட சமயத்தில் மரக்கறி மொத்த விற்பனை நிலையத்தினை திறப்பதற்கு பொலிஸார் தடை விதித்தனர்.
அதனையடுத்து அதிகாலை 4.30 மணி தொடக்கம் மரக்கறி மொத்த வியாபாரிகள் வவுனியா- திருகோணமலை பிரதான வீதியான ஹொரவப்பொத்தானை வீதியினை வழிமறித்து கவனயீர்ப்பு போராட்டத்தில் ஈடுபட்டனர்.
போராட்டத்தில் ஈடுபட்டிருந்தவர்கள் திறக்க விடு திறக்க விடு சந்தையினை திறக்க விடு, வாழ விடு வாழ விடு விவசாயிகளை வாழ விடு, விவசாயத்தினை வைத்து சுயலாபம் காணதே, சந்தையினை மட்டும் திறக்க விடாதது ஏன்?,
அடிக்காதே அடிக்காதே விவசாயிகளின் வயிற்றில் அடிக்காதே , வேண்டும் வேண்டும் நீதி வேண்டும் , சுகாதார பிரிவினர் பரிசோதனை செய்தும் திறக்க விடாதது ஏன் போன்ற பல்வேறு வாசகங்களை தாங்கிய பதாதைகளை தாங்கிய வண்ணம் போராட்டத்தில் ஈடுபட்டனர்.
போராட்ட இடத்திற்கு வன்னி மாவட்ட பாராளுமன்ற உறுப்பினர்களான காதார் மஸ்தான், செல்வம் அடைக்கலநாதன், குலசிங்கம் திலிபன் ஆகியோர் சென்று போராட்டத்திலிருந்தவர்களுடன் கலந்துரையாடியதுடன் அதிகாரிகளுடன் கலந்துரையாடி தீர்வினை பெற்றுத்தருவதாக வாக்குறுதி வழங்கிச் சென்றனர்.
எனினும் குறித்த கவனயீர்ப்பு போராட்டம் தற்போது வரை தொடந்த வண்ணமேயுள்ளது.
