கொழும்பு நோக்கி புறப்பட்ட ரயிலுக்காக ஏற்பட்ட கு ழப்பநிலை!!

ரயிலுக்காக..

ரயிலில் பயணிப்பதற்கு முன்னர் ரயில் ஆசனம் ஒதுக்கிக் கொள்ளாத பயணிகளை திருப்பி அனுப்பியமையினால் பெலியத்த ரயில் நிலையத்தில் குழப்ப நிலை ஒன்று ஏற்பட்டுள்ளது.

ஊரடங்கு சட்டத்தை தளர்வுபடுத்திய மூன்றாவது நாளான இன்றும் பெலியத்த ரயில் நிலையத்தில் இருந்து அதிகாலை 5.10 மணியளவில் கொழும்பு நோக்கி ரயில் ஒன்று பயணித்துள்ளது.

இன்று முதல் ரயில் ஆசனங்களுக்கு சமமான அளவிற்கு ரயிலில் பயணிப்பதற்கு அனுமதி வழங்கப்படுவதாக நேற்று ஊடகங்களில் செய்தி வெளியாகியது. இதன் காணரமாக பாரிய அளவிலான மக்கள் கூட்டம் ஒன்று பெலியத்த ரயில் நிலையத்திற்கு சென்றுள்ளது.

எப்படியிருப்பினும் 4 பயணிகள் மாத்திரம் முன்னரே ஆசனம் ஒதுக்கி கொண்டுள்ளனர். ஒதுக்கிக் கொண்டவர் நால்வரையும், சரியான அனுமதி பத்திரங்கள் வைத்திருந்த 7 பேரும் ரயிலில் செல்ல அனுமதி வழங்கப்பட்டுள்ளது.

முன்னரே ஒதுக்கிக் கொள்ளாதவர்களுக்கு ரயில்ல செல்ல சந்தர்ப்பம் வழங்காமையினால் அவர்கள் மீண்டும் வீடு நோக்கி செல்ல நேரிட்டுள்ளது.

இதனால் கோபமடைந்த பயணிகள் ரயில்வே திணைக்கள அதிகாரிகளை கடுமையாக திட்டி சென்றுள்ளதாக குறிப்பிடப்படுகின்றது. எப்படியிருப்பினும் ரயில் பெட்டிகள் மக்கள் கூட்டமின்றி பயணித்துள்ளதனை காண முடிந்துள்ளது.

ஆட்பதிவுத் திணைக்களம் விடுத்துள்ள அறிவிப்பு!!

ஆட்பதிவுத் திணைக்களம்..

தேசிய அடையாள அட்டைகளை வழங்கும் ஒரு நாள் சேவை தொடர்ந்தும் தற்காலிகமாக ஒத்திவைக்கப்பட்டுள்ளதாக ஆட்பதிவுத் திணைக்களம் அறிவித்துள்ளது.

கொரோனா வைரஸ் பரவலுக்கு மத்தியில் திணைக்களத்தின் பணிகளை ஆரம்பித்துள்ள போதிலும் பெரும் எண்ணிக்கையில் மக்கள் கூடுவதால் இந்த தீர்மானத்தை எடுத்துள்ளதாகவும் திணைக்களம் கூறியுள்ளது.

தேசிய அடையாள அட்டைகளை வழங்கும் ஒரு நாள் சேவை கடந்த மார்ச் மாதம் 16ஆம் திகதி தற்காலிகமாக இடைநிறுத்தப்பட்டது. எனினும் பரீட்சைகள், நேர்முகப் பரீட்சைகள், சாரதி அனுமதிப் பத்திரத்தை பெற்றுக்கொள்ளுதல்,

கடவுச்சீட்டு விண்ணப்பம் ஆகிய தேவைகள் காரணமாக பிரதேச செயலாளர் அலுவலகங்கள் ஊடாக தேசிய அடையாள அட்டைகளை வழங்கும் நடவடிக்கைகள் தொடர்ந்தும் முன்னெடுக்கப்பட்டு வருவதாகவும் திணைக்களம் கூறியுள்ளது.

வவுனியா மாவட்ட விவசாயிகளுக்கு முக்கிய அறிவித்தல்!!

2020ம் ஆண்டிற்கான சிறுபோகச்செய்கை விதை மானியம் வழங்கல் திட்டத்திற்கு வவுனியா மாவட்ட விவசாயிகளை எதிர்வரும் 20.05.2020ம் திகதிக்கு முன்னாராக விண்ணப்பிக்குமாறு வவுனியா மாவட்ட பிரதி மாகாண விவசாய பணிப்பாளர் அருந்ததி வேல்சிவானந்தன் அறிவித்தல் ஒன்றினை விடுத்துள்ளார்.

சிறுபோகச்செய்கை விதை மானியம் வழங்கல் திட்டம் வழங்கல் தொடர்பில் ஊடகவியலாளர்கள் வினாவிய போதே அவர் மேற்கண்டவாறு தெரிவித்தார். தொடர்ந்து கருத்து தெரிவித்த அவர்,

சோளம், எள்ளு, நிலக்கடலை, குரக்கன், பெரிய வெங்காயம், சின்ன வெங்காயம், மிளகாய், உருளைக்கிழங்கு, மஞ்சள், இஞ்சி, வெள்ளைப்பூடு ஆகிய 16வகையிலான பயிர்களுக்கு அரசாங்கத்தினால் மானியம் வழங்கப்படவுள்ளமையினால் விவசாயிகளை உடனடியாக தங்களது பகுதி விவசாயப் போதனாசிரியரிடம் பதிவுகளை மேற்கொள்ளவும்.

மேலும் இம்மாதம் 20ம் திகதி பதிவுகளை மேற்கொள்வதற்கு இறுதித்திகதியாக அறிவிக்கப்பட்டுள்ளமையினால் அதற்கு முன்னர் பதிவுகளை மேற்கொண்டு அரசாங்கத்தின் விதை மானியம் வழங்கும் திட்டத்தின் இணைந்து பயன் பெறவும்.

மேலதிக விபரங்களுக்கு 024 – 2222 324 என்ற தொலைபேசி இலக்கத்திற்கு அழைப்பினை ஏற்படுத்தவும் அல்லது புகையிரத நிலைய வீதியில் அமைந்துள்ள வவுனியா மாவட்ட பிரதி மாகாண விவசாய பணிப்பாளர் காரியாலயத்தினை தொடர்பு கொள்ளவும் எனவும் அவர் மேலும் தெரிவித்தார்.

வவுனியா நகரசபை பொது மலசல கூடத்தினால் கொரோனா வைரஸ் பரவும் அபாயம்?

பொது மலசல கூடத்தினால்..

வவுனியா பொலிஸ் நிலையத்திற்கு முன்பாக அமைந்துள்ள நகரசபை பொது மலசல கூடத்தினால் கோவிட்-19 வைரஸ் பரவும் அபாயம் ஏற்பட்டுள்ளது.

குறித்த மலசல கூடம் எச்சில் துப்பல்கள், குப்பைகள் , புகையிலை மிகுதி துண்டுகள் போன்றவற்றினால் அசுத்தமான முறையில் காணப்படுவதினால் குறித்த மலசல கூடத்தினை உபயோகப்படுத்துபவர்களினால் கோவிட்-19 வைரஸ் தொற்று ஏற்படுவதுற்குரிய சாத்தியக்கூறுகள் காணப்படுகின்றன.

அண்மையில் வீதியில் எச்சில் துப்புபவர்கள் மீது நடவடிக்கை எடுக்கப்படும் என வவுனியா நகரசபை தவிசாளர் இ.கௌதமன் தெரிவித்திருந்த போதிலும் அத்திட்டம் நடைமுறைப்படுத்தப்படவில்லை.

இந் நிலையில் இவ்வாறு எச்சில் துப்பல்கள், அழுக்காக காணப்படும் குறித்த நகரசபை பொது மலசலம் கூடம் தொடர்பில் நகரசபை கவனம் செலுத்துமா என பொதுமக்கள் விசனம் தெரிவித்துள்ளனர்.

கோவிட் -19 வைரஸ் தாக்கம் எச்சில் மூலம் பரவும் என வைத்தியர்கள் தெரிவிக்கும் நிலையில் வவுனியா நகரசபை பொது மலசல கூடத்தினால் கோவிட்-19 வைரஸ் மக்களிடையே பரவுமா?

குறித்த நகரசபை மலசல கூடத்தில் அங்கவீனர்களுக்கு என ஒதுக்கப்பட்ட மலசலகூடமும் பாவனைக்கு ஒவ்வாத வகையில் பழுதடைந்து காணப்படுகின்றமை குறிப்பிடத்தக்கது.

வவுனியாவில் சுகாதார நடைமுறைகளை பின்பற்றி திறக்கப்பட்ட சிகையலங்கார நிலையங்கள்!!

சிகையலங்கார நிலையங்கள்..

கொரோனா வைரஸ் தாக்கம் காரணமாக வவுனியாவில் பூட்டப்பட்டிருந்த சிகையலங்கார நிலையங்கள் சுகாதார நடைமுறைகளை பின்பற்றி இன்று திறக்கப்பட்டுள்ளன.

பிராந்திய சுகாதார சேவைகள் திணைக்களத்தின் ஏற்பாட்டில் சிகையலங்கார நிலையங்களின் உரிமையாளர்களிடையில் நேற்று முன்தினம் (11.05.2020) இடம்பெற்ற கலந்துரையாடல் இடம்பெற்றதுடன் சில விதிமுறைகளும் விதிக்கப்பட்டன.

இதன் போது சிகையலங்கரிப்பு நிலையத்தை நடாத்துவதற்கான சான்றிதழ் சுகாதார வைத்திய அதிகாரியிடம் பெறப்பட்டு காட்சிப்படுத்த வேண்டும்,

முடிவெட்டுதல், முடிக்கு டை பூசுவதல் மட்டுமே செய்ய வேண்டும், பணியாளர்களும்- வாடிக்கையாளர்களும் சவர்காரமிட்டு கை கழுவுவதற்கான ஏற்பாட்டினை நிலையத்திற்கு உள்ளேயும், வெளியேயும் செய்தல் வேண்டும்,

பணியாளர்கள் கட்டாயமாக முகக்கவசம் மற்றும் பாதுகாப்பு கண்ணாடி அணிந்திருக்க வேண்டும், காலினால் செயற்படுத்தப்படும் கழிவகற்றல் கூடை இருக்க வேண்டும் உள்ளிட்ட பல்வேறு நிபந்தனைகள் விதிக்கப்பட்டன.

இதனை பின்பற்றி சுகாதார வைத்திய அதிகாரிகளின் சிபாரிசினை பெற்று வவுனியாவில் பெரும்பாலான சிகையலங்கார நிலையங்கள் திறக்கப்பட்டுள்ளன.

வவுனியா பம்பைமடு தனிமைப்படுத்தல் முகாமில் இருந்த 129 பேர் விடுவிப்பு!!

129 பேர் விடுவிப்பு..

வவுனியா, பம்பைமடு இராணுவ முகாமில் அமைந்துள்ள தனிமைப்படுத்தல் முகாமில் தங்கவைக்கப்பட்டிருந்த 129 பேர் இன்று விடுவிக்கப்பட்டனர்.

வெலிசறை கடற்படை முகாமைச் சேர்ந்த கடற்படை வீரர்களுக்கு கொரோனா தொற்று ஏற்பட்டதையடுத்து அவர்களுடன் தொடர்புகளைப் பேணிய அவர்களது குடும்பத்தினர், உறவினர்கள் எனப் பலர் தனிமைப்படுத்தப்பட்டிருந்தனர்.

அந்தவகையில், வெலிசறை கடற்படையினருடன் தொடர்புகளைப் பேணிய நிலையில் வவுனியா பம்பைமடு இராணுவ முகாமில் தனிமைப்படுத்தப்பட்டிருந்த,

அவிசாவளை, குருநாகல், நாவலம்பிட்டி, கொழும்பு, கண்டி ஆகிய பகுதிகளைச் சோந்த 129 பேரிடம் மேற்கொள்ளப்பட்ட பீசிஆர் பரிசோதனையில் கொரோனா தொற்று இல்லை என உறுதிப்படுத்தப்பட்டிருந்த நிலையில்,

அவர்களது தனிமைப்படுத்தல் காலம் நிறைவடைந்து விடுவிக்கப்பட்பட்டனர். இதன்போது தனிமைப்படுத்தலில் இருந்து விடுவிக்கப்பட்டமைக்கான சான்றிதழ்களும் இராணுவத்தினரால் வழங்கி வைக்கப்பட்டது.

இதேவேளை, குறித்த 129 பேரையும் இராணுவத்தின் பாதுகாப்புடன் 6 பேரூந்துகளில் அழைத்து செல்லப்பட்டு அவர்களது சொந்த இடங்களில் கொண்டு சென்று விடுவிக்கப்பட்டனர்.

ஆபத்தான இரு வாரங்கள் : மக்களின் பொறுப்பற்ற செயல் : CCTV மூலம் கண்காணிப்பு!!

CCTV மூலம் கண்காணிப்பு…

கொரோனா வைரஸிற்க்கு எதிரான போராட்டத்தில் அடுத்து வரும் இரண்டு வாரங்கள் தீர்மானமிக்கதென இராணுவ தளபதி ஷவேந்திர சில்வா தெரிவித்துள்ளார்.

அதற்கமைய இந்த இரண்டு வாரங்களில் பொது மக்கள் சுகாதார ஆலோசனைகளை பின்பற்றி செயற்பட வேண்டும் என அவர் குறிபபிட்டுள்ளார்.

இதேவேளை தொடரந்து ஊரடங்கு சட்டம் அமுல்படுத்தப்பட்டுள்ள கொழும்பு மற்றும் கம்பஹா ஆகிய மாவட்டங்களில் பொது மக்களின் செயற்பாடு திருப்தி அளிக்கவில்லை என பொலிஸார் தெரிவித்துள்ளனர்.

அதற்கமைய தனிமைப்படுத்தல் சட்டங்களை மீறுபவர்களை கண்டுபிடிக்கப்பதற்காக இன்று முதல் சிசிடீவி மற்றும் புலனாய்வு பிரிவு செயற்பாடு ஆரம்பிக்கப்படவுள்ளதாக பிரதி பொலிஸ் மா அதிபர் அஜித் ரோஹன தெரிவித்துள்ளார்.

இயல்பு வாழ்க்கைக்கு திரும்புவதற்காக திறக்கப்பட்டுள்ள அரச மற்றும் தனியார் நிறுவனங்களில் சுகாதார ஆலோசனைகள் பின்பற்றப்படுகின்றதா என இன்று முதல் சோதனையிடவுள்ளதாக குறிப்பிடப்படுகின்றது.

வவுனியாவில் 6 நாட்களில் மாத்திரம் 168.4 மில்லி மீற்றர் மழை வீழ்ச்சி பதிவு!!

மழை வீழ்ச்சி..

வவுனியாவில் 6 நாட்களில் மாத்திரம் 168.4 மில்லி மீற்றர் அளவு மழை வீழ்ச்சி பதிவாகியுள்ளதுடன் மேலும் இரண்டு நாட்களுக்கு மழை தொடரும் என வளிமண்டலவியல் திணைக்களத்தின் வவுனியா நிலைய பொறுப்பதிகாரி தா.சதானந்தன் தெரிவித்துள்ளார்.

வவுனியாவில் இம் மாதம் 7 ஆம் திகதி 62.4 மில்லி மீற்றர் , 8ஆம் திகதி 0.0 மில்லி மீற்றர் , 9ஆம் திகதி 73.4 மில்லி மீற்றர் , 10ஆம் திகதி 16.5 மில்லி மீற்றர் , 11ஆம் திகதி 13.8 மில்லி மீற்றர் , 12ஆம் திகதி 2.3 மில்லி மீற்றர் மழை வீழ்ச்சி பதிவாகியுள்ளது.

மழையினுடான காலப்பகுதியில் காற்றுடன் கூடிய இடிமின்னல்களும் நிகழக்கூடும் என எதிர்பார்க்கப்படுவதினால் மக்கள் அவதானத்துடன் செயற்படுமாறு மேலும் தெரிவித்தார்.

இலங்கையர்கள் அனைவருக்கும் விரைவில் டிஜிட்டல் அடையாள அட்டை!!

டிஜிட்டல் அடையாள அட்டை..

இலங்கையர்கள் அனைவருக்கும் டிஜிட்டல் அடையாள அட்டையினை வழங்க ஜனாதிபதி கோட்டாபய ராஜபக்ஷ தீர்மானித்துள்ளார்.

அனைத்து குடிமக்களின் தரவுகளையும் வாழ் நாளில் ஒரு முறை மாத்திரம் பெற்று வெளியிட எதிர்பார்க்கும் தனித்துவமான டிஜிட்டல் அடையாள அட்டையினை வழங்குவது தொடர்பில் ஜனாதிபதி ஆராய்ந்துள்ளார்.

புதிய அடையாள அட்டை மூலம் மக்கள் தங்கள் தனிப்பட்ட தரவை இணையம் ஊடாக பார்ப்பதற்கான அனுமதி வழங்குவதற்கும் நடவடிக்கை மேற்கொள்ள எதிர்பார்க்கப்படுகின்றது.

புதிய அடையாள அட்டையில், மிகவும் துல்லியமான தரவுகள் உள்ளடக்கப்படுவதுடன், பல்வேறு சட்டங்களால் நிர்வகிக்கப்படும் திணைக்களங்கள் மற்றும் நிறுவனங்கள் எதிர்பார்க்கும் தகவல்கள் இந்த அடையாள அட்டையல் உள்ளடக்கவும் நடவடிக்கை மேற்கொள்ளப்பட்டுள்ளது.

விமானப் பயணம் மற்றும் ஓட்டுநர் உரிமங்கள் பெறுதல் முதல் ஓய்வூதியங்கள், சமுர்த்தி சலுகைகள், வருமான வரி மற்றும் வாக்களிப்பு என பல சந்தர்ப்பங்களில் வழங்கப்பட வேண்டிய முக்கிய தகவல்கள் இதில் உள்ளடக்கப்படும்.

சமகால ஜனாதிபதி, பாதுகாப்பு செயலாளராக செயற்பட்ட காலப்பகுதியில் டிஜிட்டல் அடையாள அட்டையின் அத்தியாவசியத்தை தெரியப்படுத்தினார். அதன் ஆரம்ப திட்டமிடல் 2012ஆம் ஆண்டு ஆரம்பிக்கப்பட்டுள்ளது.

புதிய அடையாள நிபுணர்களின் குழுவின் கீழ், தகவல் தொழில்நுட்ப நிறுவனத்தின் முழு வழிகாட்டுதலுடன் மற்றும் ஜனாதிபதி பணிக்குழுவின் மேற்பார்வையில் மேற்கொள்ளப்படும்.

அனைத்து மக்களுக்கும் புதிய அடையாள அட்டையை விரைவில் பெற்றுக்கொள்ளும் வகையில் செயற்படுமாறு ஜனாதிபதி ஆலோசனை வழங்கியுள்ளார்.

வவுனியாவில் ஜப்பான் நாட்டை பின்பற்றி குழாய் மூலம் நெற்செய்கைக்கு நீர் வழங்கும் திட்டம் ஆரம்பித்து வைப்பு!!

குழாய் மூலம் நெற்செய்கைக்கு நீர்..

ஜப்பான் நாட்டை பின்பற்றி இலங்கையில் குழாய் மூலம் நெற்செய்கைக்கு நீர் வழங்கும் திட்டம் முதன் முதலாக வவுனியாவில் இன்று (12.05.2020 ஆரம்பித்து வைக்கப்பட்டது.

இதன் ஆரம்ப நிகழ்வு வவுனியா, சாம்பல்தோட்டம் குளப்பகுதியில் மாவட்ட கமநல அபிவிருத்தி திணைக்கள உதவி ஆணையாளர் இ.விஜயகுமார் தலைமையில் இடம்பெற்றது.

இதன்போது சாம்பல் தோட்டம் பிள்ளையார் ஆலயத்தில் இடம்பெற்ற விசேட பூஜை வழிபாடுகளின் பின் கமநல அபிவிருத்தி திணைக்களத்தின் ஆணையாளர் டபிள்யூ.எம்.எம்.பீ.வீரசேகர மற்றும் மாவட்ட அரச அதிபர் சமன் பந்துலசேன ஆகியோர் இணைந்து இத் திட்டத்தை பார்வையிட்டு ஆரம்பித்து வைத்தனர்.

ஜப்பான் நாட்டில் நீரை சிக்கனமாக பயன்படுத்தி சிறப்பான நீர் முகாமைத்துவத்தின் கீழ் விவசாய செய்கை முன்னெடுக்கப்பட்டு வருகின்றது.

இம் முறையைப் பின்பற்றி இலங்கையில் முதன்முதலாக வவுனியா சாம்பல்தோட்டம் குளத்தில் இருந்து குழாய் வழியாக விவசாய நடவடிக்கைளுக்கு நீர் வழங்கும் நடவடிக்கை ஆரம்பிக்கப்பட்டுள்ளது.

48 மில்லியன் ரூபாய் செலவில் ஆரம்பிக்கப்பட்டுள்ள இச் செயற்திட்டம் மூலம் 75 ஏக்கர் விவசாய நிலங்கள் பயன்பெற்றுக் கொள்ளக் கூடிய வாய்ப்பு ஏற்பட்டுள்ளது.

தற்போது காலபோகத்தில் 59.5 ஏக்கரும், சிறுபோகத்தில் 15 ஏக்கரும் செய்கை பண்ணப்பட்டு வரும் நிலையில் இத் திட்டத்தின் மூலம் 75 ஏக்கர் வரை கால போக்கத்திலும், 30 ஏக்கர் வரை சிறு போகத்திலும் நெற் செய்கை பண்ணக் கூடிய வாய்ப்பு ஏற்படுத்தப்பட்டுள்ளது.

சாம்பல் தோட்டம் குளத்தில் இருந்து கால்வாய்களைப் பயன்படுத்தாது குழாய் மூலம் நீர் வயல் நிலங்களுக்கு, விநியோகிப்பதால் நீர் வீண்விரயம் செய்யப்படுவது தடுக்கப்பட்டு விளைநிலப்பரப்பும் அதிகரிக்கப்பட்டுள்ளது.

இதேவேளை, குறித்த திட்டமானது வவுனியா மாவட்டத்தின் கோவில்குளம், வவுனியா வடக்கு நாகர்குளம் ஆகிய இடங்களிலும் ஆரம்பித்து வைக்கப்பட்டுள்ளது.

23 மாவட்டங்களில் வழமை நிலைக்கு திரும்பும் போக்குவரத்து சேவைகள்!!

போக்குவரத்து சேவைகள்..

ஊரடங்கு தளர்த்தப்பட்டுள்ள இடங்களில் பேருந்துகளின் ஆசனங்களுக்கு ஏற்ப பயணிகளை ஏற்றிச் செல்ல அனுமதி வழங்கப்பட்டுள்ளதாக போக்குவரத்துத்துறை அமைச்சு அறிவித்துள்ளது.

இலங்கை போக்குவரத்து சபை மற்றும் தனியார்துறை பேருந்துகளுக்கு இது பொருந்துமாகும். ஏற்கனவே 3 அடிக்கு ஒரு ஆள் என்ற அடிப்படையிலான சமூக இடைவெளியில் பயணிகளை ஏற்றிச்செல்ல வேண்டும் என்று பணிப்புரை விடுக்கப்பட்டிருந்தது.

எனினும் இதற்கு தனியார்துறை தரப்பில் இருந்து எதிர்ப்புகள் வலுப்பெற்றிருந்தமையும் குறிப்பிடத்தக்கது.

வவுனியாவில் கடற்படை வீரரினால் தனிமைப்படுத்தப்பட்ட குடும்பங்கள் விடுவிப்பு!!

தனிமைப்படுத்தப்பட்ட குடும்பங்கள்..

வெலிசறை இராணுவ முகாமில் இருந்து விடுமுறையில் வவுனியாவிற்கு வருகை தந்த கடற்படை சிப்பாய்க்கு கொரோனா தொற்று ஏற்பட்டதையடுத்து வவுனியாவில் 60க்கு மேற்பட்ட வீடுகள் தனிமைப்படுத்தப்பட்டன.

வெலிசறை கடற்படை முகாமில் கடமையாற்றி விடுமுறையில் வவுனியா மகாகச்சகொடி பிரதேசத்தில் உள்ள தனது வீட்டிற்கு வருகை தந்த கடற்படை வீரருக்கு கொரோனா தொற்று உறுதிப்படுத்தப்பட்டது.

இதனையடுத்து குறித்த கடற்படை வீரர் சென்ற இடங்கள் சுகாதார துறையினரால் வெளிப்படுத்தப்பட்டுள்ளதுடன் குறித்த நபர் சென்ற வர்த்தக நிலையங்கள், வாகன திருத்துமிடங்கள்,

தனியார் நிறுவனங்கள் என்பவற்றில் சம்பவ தினம் கடமையாற்றியவர்களை சுகாதார பரிசோதகர்களும் பொலிசாரும் இணைந்து 14 நாட்களிலிருந்து 21நாட்கள் என தனிமைப்படுத்தினார்.

கடற்படை சிப்பாய் காரணமாக சுய தனிமைப்படுத்தப்பட்டிருந்த 60க்கு மேற்பட்ட குடும்பத்தினர் அனைவரும் தனிமைப்படுத்தனை நிறைவு செய்து கொரோனா தொற்று இல்லை என்பதினை உறுதிப்படுத்தியதன் பின்னர் சுகாதார பரிசோதகர்களினால் விடுவிக்கப்பட்டனர்.

வீட்டு சுவற்றில் இருந்த இர த்தம் : ச டலமாக கிடந்த 8 மாத கர்ப்பிணிப் பெண் : நடந்த வி பரீதம்!!

கர்ப்பிணிப் பெண்..

இந்தியாவில் 8 மாத கர்ப்பிணி பெண் வீட்டில் இர த்த வெ ள்ளத்தில் ச டலமாக கி டந்த ச ம்பவத்தில் கொ லையாளி அ வரின் மை த்துனர் தான் என தெரியவந்துள்ளது. பெங்களூரை சேர்ந்தவர் ஜோதி. திருமணமான இவர் 8 மாதம் கர்ப்பிணியாக இருந்தார்.

நேற்று வீட்டில் இவர் த னியாக இ ருந்த நி லையில் குடும்பத்தார் வெளியில் சென்றுவிட்டு வீட்டுக்கு வந்தனர். அப்போது ஜோதி இர த்த வெ ள்ளத்தில் ச டலமாக கி டந்தார். வீ ட்டின் சு வற்றிலும் இர த்தம் படிந்திருந்த நிலையில் குடும்பத்தார் அ திர்ச்சியடை ந்தனர்.

ச ம்பவம் தொடர்பாக பொலிசார் வி சாரித்து வந்த நிலையில் ஜோதி கணவரின் தம்பி ஹரி பாபுவுக்கும், ஜோதிக்கும் பல நாட்களாக பி ரச்சனை இருந்தது தெரியவந்தது.

இதையடுத்து ஹரியிடம் பொலிசார் வி சாரித்த போதுஅண்ணியை க த்தியால் கு த்தி கொ ன்றதை ஒப்பு கொண்டார்.

மேலும் கு டிக்கு அ டிமையான ஹரி தொ டர்ந்து வீ ட்டில் இ ருப்பவர்களுடன் ச ண்டை போ ட்டுள்ளார். இதனால் அவரின் மனைவி கோ பித்துக்கொண்டு தாய் வீட்டுக்கு சென்றுவிட்டார்.

இந்த சூழலில் தான் அண்ணி ஜோதியிடம் அவர் வா க்குவா தம் செய்த நிலையில் அதில் ஏற்பட்ட ஆ த்திரத்தில் கொ லை செய்தது தெரியவந்தது. இதையடுத்து ஹரியை பொலிசார் கைது செய்து மேலும் வி சாரணை நடத்தி வருகின்றனர்.

500 ரூபாயை வைத்துக் கொண்டு லம்போர்கினி கார் வாங்கப் போன சிறுவனுக்கு அடித்த அதிர்ஷ்டம்!!

சிறுவனுக்கு அடித்த அதிர்ஷ்டம்..

கையில் வெறும் 500 ரூபாய் வைத்து கொண்டு, பல கோடி ரூபாய் மதிப்புள்ள லம்போர்கினி காரை வாங்க சென்ற 5 வயது சிறுவனுக்கு அதிர்ஷ்டம் அடித்துள்ளது.

லம்போர்கினி (Lamborghini) நிறுவனத்தின் விலை உயர்ந்த கார்களுக்கு, உலகின் பல்வேறு நாடுகளில், பல கோடிக்கணக்கான ரசிகர்கள் உள்ளனர். வாழ்க்கையில் ஒரு லம்போர்கினி காரையாவது வாங்க வேண்டும் என்பது அவர்களின் வாழ்நாள் லட்சியமாக இருந்து வருகிறது.

ஆனால் லம்போர்கினி கார்களின் அதிகப்படியான விலை காரணமாக அனைவராலும் அந்த கனவை நிறைவேற்ற முடிவதில்லை. ஆனால் வெறும் 3 அமெரிக்க டாலர்களை மட்டும் வைத்து கொண்டு லம்போர்கினி காரை வாங்க சென்ற 5 வயது சிறுவன்தான் கார் ஆர்வலர்கள் மத்தியில் இன்றைய ஹாட் டாபிக்.

3 அமெரிக்க டாலர்கள் என்பது இலங்கை மதிப்பில் 500 ரூபாய்தான். இந்த பணத்தை கையில் வைத்து கொண்டு, பல கோடி ரூபாய் மதிப்புள்ள லம்போர்கினி காரை வாங்க அந்த சிறுவன் புறப்பட்டுள்ளான்.

அமெரிக்காவின் உட்டா மாகாணத்தில் உள்ள ஆக்டன் நகரத்தில் இந்த வினோதமான சம்பவம் நடந்துள்ளது. இதில், ஆச்சரியப்பட வைக்கும் பல விஷயங்கள் இன்னும் அடங்கியுள்ளன. ஏனெனில் லம்போர்கினி காரை வாங்குவதற்கு, தனது அம்மாவின் மெர்சிடிஸ் பென்ஸ் காரை எடுத்து கொண்டு அந்த சிறுவன் புறப்பட்டுள்ளான்.

5 வயது சிறுவன் கார் ஓட்டுவதே பெரிய ஆச்சரியம்தான். அந்த சிறுவனுக்கு லம்போர்கினி கார்கள் என்றால், மிகவும் பிடிக்கும். எனவே லம்போர்கினி கார் வாங்கி தரும்படி தனது பெற்றோரிடம் நீண்ட காலமாக அந்த சிறுவன் அடம்பிடித்து வருவதாக கூறப்படுகிறது.

இப்படிப்பட்ட சூழலில், கடந்த சில நாட்களுக்கு முன்பு மீண்டும் தனது பெற்றோரிடம் அடம்பிடித்துள்ளார். இம்முறையும் அவர்கள் லம்போர்கினி காருக்கு ‘நோ’ சொல்லவே, தனது அம்மாவின் பென்ஸ் காரை எடுத்து கொண்டு வீட்டில் இருந்து கிளம்பி விட்டான் அந்த சிறுவன்.

உட்டாவில் இருந்து கலிபோர்னியாவிற்கு சென்று லம்போர்கினி காரை வாங்க வேண்டும் என அந்த சிறுவன் திட்டமிட்டிருந்தான். ஆனால் வீட்டில் இருந்து புறப்பட்ட உடனேயே அந்த சிறுவனின் திட்டம் கலைந்து விட்டது.

ஏனெனில் வழியில் நெடுஞ்சாலை ரோந்து போலீசார் அந்த சிறுவனை மடக்கி பிடித்து விட்டனர். ஆனால் 5 வயது சிறுவன் கார் ஓட்டி வந்ததை பார்த்து, அவர்கள் அதிர்ச்சியும், ஆச்சரியமும் அடைந்தனர். அத்துடன் லம்போர்கினி கார் வாங்க செல்கிறேன் என அந்த சிறுவன் சொன்ன காரணமும், அவர்களை வியப்பில் ஆழ்த்தியது.

இதன்பின் இந்த செய்தி உலகம் முழுக்க காட்டு தீயாய் பரவியது. எனவே அந்த சிறுவனுக்கு எதிராக பலர் கருத்து தெரிவித்தனர். அந்த சிறுவன் தண்டிக்கப்பட வேண்டும் என ஒரு சிலர் வலியுறுத்தினர். ஆனால் லம்போர்கினி கார்கள் மீது காதல் கொண்ட அந்த சிறுவனுக்கு தற்போது பெரிய சர்ப்ரைஸ் ஒன்று கிடைத்துள்ளது.

ஆம், அவனது ட்ரீம் காரில் ரைடு சென்று வரும் அதிர்ஷ்டம் அவனுக்கு வாய்த்துள்ளது. உட்டா நகரை சேர்ந்த ஒருவர் அந்த சிறுவனுக்கு இப்படி ஒரு வாய்ப்பை கொடுத்துள்ளார். இந்த சிறுவனின் செயல்பாடு ஈர்க்கும் வகையில் இருப்பதாக அவர் கூறியுள்ளார்.

ஜெர்மி நெவ்ஸ் என்ற கார் ஆர்வலர்தான் அந்த சிறுவனுக்கு லம்போர்கினி காரில் ரைடு செல்லும் வாய்ப்பை வழங்கியுள்ளார். ஏராளமானோர் அந்த சிறுவனுக்கு எதிராக கருத்து தெரிவித்து வரும் நிலையில், ஜெர்மி நெவ்ஸ்ஸோ அந்த சிறுவனுக்கு ஆதரவு தெரிவித்துள்ளார்.

நமது இலக்கை அடைவது எவ்வளவு கடினமாக என்றாலும், நம்மை பற்றி மக்கள் என்ன பேசினாலும், நாம் நம் இலக்கை நோக்கி பயணிப்பதில் உறுதியாக இருக்க வேண்டும் என்பதை இந்த சிறுவனின் செயல்பாடு காட்டுவதாக அவர் கூறியுள்ளார்.

இதுகுறித்து பேஸ்புக் பதில் அவர் கூறியிருப்பதாவது.. ஒரு சில குழந்தைகள் எப்படி தங்கள் இலக்கை அடைய பயணிக்கின்றனர் என்பது எனக்கு இப்போது புரிகிறது. இது தொடர்பாக பல செய்தி நிறுவனங்கள் செய்தி வெளியிட்டுள்ளன.

ஆனால் இந்த மோசமான நடத்தைக்கு தண்டனை கிடைக்க வேண்டும், இந்த குழந்தை தண்டிக்கப்பட வேண்டும் என்பது போன்ற கருத்துக்கள் வருகின்றன. ஆனால் இந்த சிறுவன் மகிழ்ச்சியான மற்றும் வெற்றிகரமான வாழ்க்கையை வாழ போகிறான் என்பது என் எண்ணம்.

அதற்கான காரணங்களை பின்வருமாறு : 1. தனக்கு என்ன வேண்டும் என்பது அந்த சிறுவனுக்கு சரியாக தெரிகிறது. 2. தனது இலக்கை அடைவதற்கு அந்த சிறுவன் எதை வேண்டுமானாலும் செய்ய தயாராக உள்ளான். 3. ‘இது சாத்தியம் இல்லை’ எனக்கூறுபவர்களை அந்த சிறுவன் அனுமதிப்பதில்லை.

4. நேர்மை. போலீசாரிடம் அந்த சிறுவன் உண்மையை கூறியுள்ளான். வெற்றிக்கான பழக்க வழக்கங்களை ஊக்குவிக்கவும், அதற்கு வெகுமதி அளிக்கவும் நான் விரும்புகிறேன். எனவே முதல் முயற்சி தோல்வியடைந்திருந்தாலும், தனது இலக்கை துரத்தும் குழந்தைக்கு உதவி செய்ய ஆசைப்படுகிறேன். இவ்வாறு ஜெர்மி நெவ்ஸ் கூறியுள்ளார்.

தற்போது அந்த சிறுவன் சந்தோஷமாக இருப்பான் என நம்பலாம். ஆனால் அந்த சிறுவனின் பெற்றோர் மீது காவல் துறையினர் நடவடிக்கை எடுக்க வாய்ப்புகள் இருப்பதாக, இச்சம்பவம் நிகழ்ந்தபோது தகவல்கள் வெளியாயின. ஆனால் அவர்கள் மீது நடவடிக்கை எதுவும் எடுக்கப்பட்டதா? என்பது உறுதியாக தெரியவில்லை.

வான் – லொறி நேருக்கு நேர் மோதி விபத்து : மூவர் படுகாயம்!!

விபத்து..

ஹற்றன், நுவரெலியா பிரதான வீதியில் குடாகம பகுதியில் வைத்து இன்று மதியம் 2 மணியளவில் இடம்பெற்ற வாகன விபத்தில் மூவர் படுகாயமடைந்துள்ளனர்.

காயமடைந்தவர்கள் சிகிச்சைகளுக்காக டிக்கோயா ஆதார வைத்தியசாலையில் அனுமதிக்கப்பட்டுள்ளனர் என போக்குவரத்து பொலிஸார் தெரிவித்தனர்.

கம்பளையிலிருந்து நுவரெலியா நோக்கி பயணித்த வானும், தலவாக்கலையிலிருந்து ஹற்றன் நோக்கி சென்ற சிறிய ரக லொறியொன்றும் நேருக்கு நேர் மோதுண்டதாலேயே இவ்விபத்து இடம்பெற்றுள்ளது.

வான் சாரதியின் கவனயீம் காரணமாகவே விபத்து இடம்பெற்றுள்ளது என்றும் போக்குவரத்து பொலிஸார் தெரிவித்தனர்.

வான் சாரதியும் லொறியில் பயணித்த இருவருமே வைத்தியசாலையில் அனுமதிக்கப்பட்டுள்ளனர். விபத்து தொடர்பான மேலதிக பொலிஸ் விசாரணைகள் முன்னெடுக்கப்பட்டு வருகின்றன. வானும் லொறியும் பொலிஸ் கட்டுப்பாட்டின் கீழ் உள்ளன.

கட்டுப்பாடுகளை தளர்த்திய நாடுகளில் கொரோனா வைரஸ் தொற்று அதிகரிப்பு!!

கொரோனா வைரஸ்..

கொரோனா வைரஸ் ஆபத்து கா ரணமாக கடும் கட்டுப்பாடுகளை விதித்திருநத நாடுகள் அந்த கட்டுப்பாடுகளை தளர்த்திய பின்னர் வைரஸ் தொற்றியவர்கள் அடையாளம் காணப்படுவது அதிகரித்துள்ளதாக உலக சுகாதார அமைப்பு தெரிவித்துள்ளது.

உலக சுகாதார அமைப்பின் பணிப்பாளர் நேற்று நடைபெற்ற செய்தியாளர் சந்திப்பில் இதனை கூறியுள்ளார். இவ்வாறான ஆபத்து அதிகரித்துள்ள நாடுகளாக சீனா, தென் கொரியா மற்றும் ஜேர்மனி ஆகிய நாடுகள் கடந்த வாரம் அடையாளப்படுத்தப்பட்டன.

கடும் கட்டுப்பாடுகள் தளர்த்தப்பட்ட பின்னர் வழமையாக நடவடிக்கைகள் ஆரம்பிக்கப்பட்டதை அடுத்து, வார இறுதியில் வைரஸ் தொற்றாளர்கள் குறிப்பிடத்தளவில் அடையாளம் காணப்பட்டுள்ளனர்.

தென் கொரியாவில் மதுபான விற்பனை நிலையங்கள் மற்றும் களியாட்டு விடுதிகளில் கொரோனா வைரஸ் தொற்றியவர்கள் அடையாளம் காணப்பட்டதை அடுத்து, அவற்றை மூட அதிகாரிகள் நடவடிக்கை எடுத்துள்ளனர்.

சீனாவின் ஹூகான் நகரிலும் கொரோனா வைரஸ் தொற்றியவர்கள் அடையாளம் காணப்பட்டுள்ளனர். இந்த நாடுகளில் மீண்டும் வைரஸ் பரவிய போதிலும் அதனை கட்டுப்படுத்த அந்நாடுகள் நடவடிக்கை எடுத்தமை குறித்து உலக சுகாதார அமைப்பு மகிழ்ச்சியை வெளியிட்டுள்ளது.