இலங்கையில் கொரோனா வைரஸ் நோயாளிகளின் எண்ணிக்கை 43 ஆக அதிகரிப்பு!!

கொரோனா வைரஸ்

பிந்திய செய்தி : இலங்கையில் கொரோனா வைரஸ் காரணமாக பாதிக்கப்பட்டவர்களின் எண்ணிக்கை 43 ஆக அதிகரித்துள்ளதாக சுகாதார சேவைகள் பணிப்பாளர் நாயகம் தெரிவித்துள்ளார்.

இன்றைய தினம் 9 பேர் கொரோனா நோயாளிகளாக அடையாளம் காணப்பட்டுள்ளதாக சுகாதார சேவைகள் பணிப்பாளர் நாயகம் அனில் ஜாசிங்க தெரிவித்துள்ளார்.

முதலாம் இணைப்பு : இலங்கையில் கொரோனா வைரஸ் தொற்றுக்குள்ளானவர்களின் எண்ணிக்கை 35 ஆக அதிகரித்துள்ளதாக சுகாதார அமைச்சர் பவித்ரா வன்னிஆராச்சி தெரிவித்தார்.

இன்று மட்டும் 7 நோயாளர்கள் அடையாளம் காணப்பட்டுள்ளதாக அமைச்சர் தெரிவித்துள்ளார். கொழும்பில் இன்று இடம்பெற்ற செய்தியாளர் சந்திப்பின் போது அமைச்சர் இந்தத் தகவலை வெளியிட்டார்.

இத்தாலி, தென் கொரியா ஆகிய நாடுகளிலிருந்து நாடு திரும்பியவர்கள் 2258 பல்வேறு தனிமைப்படுத்தல் முகாம்களில் தங்க வைக்கப்பட்டுள்ளதாக தெரிவிக்கப்பட்டுள்ளது.

வவுனியாவில் காதர் மஸ்தான் தலைமையில் பொதுஜன பெரமுன வேட்புமனுத்தாக்கல்!!

பொதுஜன பெரமுன

வவுனியா, மன்னார், முல்லைத்தீவு ஆகிய மாவட்டங்களை உள்ளடக்கிய வன்னித் தேர்தல் தொகுதியில் போட்டியிடுவதற்காக பொதுஜன பெரமுன கட்சி இன்று (17.03.2020) மாலை வவுனியா மாவட்ட செயலகத்தில் வேட்பு மனுத் தாக்கல் செய்தது.

குறித்த வேட்புமனுவை கட்சியின் வன்னித் தேர்தல் தொகுதி முதன்மை வேட்பாளரும், முன்னாள் பிரதி அமைச்சருமான காதர் மஸ்தான், சிவில் பாதுகாப்பு திணைக்களத்தின் முன்னாள் பணிப்பாளரும் வேட்பாளருமான கேணல் ரட்ணப்பிரிய பந்து மற்றும் சட்டத்தரணி ஆகியோர் வேட்புமனுவை கையளித்தனர்.

அத்துடன், மாவட்ட செயலகத்தில் வேட்புமனுத் தாக்கல் செய்வதற்காக வவுனியா மாவட்ட அபிவிருத்திக் குழுத் தலைவரும், முன்னாள் வடமாகாண சபை உறுப்பினரும், வேட்பாளருமான தர்மபால செனவிரட்ண மற்றும் ஆதரவாளர்களும் இதன்போது உடன் வந்திருந்தனர்.

இதேவேளை, பொதுஜன பெரமுன சார்பில் வன்னித் தேர்தல் தொகுதியில் காதர் மஸ்தான், தர்மபால செனவிரட்ண, ரட்ணப்பிரிய பந்து, சதாசிவம் கனகரட்ணம், ஜனக நந்தகுமார, பஸிர் ஆமது ஜசார், வெள்ளைச்சாமி மகேந்திரன், செல்வராசா செல்வகுமரன், எஸ்.எம்.பிறேமரட்ண சுமதிபால ஆகியோர் போட்டியிடவுள்ளமை குறிப்பிடத்தக்கது.

கொரோனா வைரஸின் பிடியில் சிக்கியுள்ள இலங்கை : வெளியான மகிழ்ச்சியான தகவல்!!

கொரோனா

இலங்கையில் கொரோனா வைரஸினால் பாதிக்கப்பட்டவர்கள் ஆபத்தான கட்டத்தை கடந்துள்ளதாக சுகாதார சேவைகள் பணிப்பாளர் அனில் ஜாசிங்க தெரிவித்தார்.

வைரஸ் தொற்றினால் சிகிச்சை பெற்று வருபவர்கள் தேக ஆரோக்கியத்துடன் காணப்படுகின்றனர் என அவர் மேலும் தெரிவித்தார்.

கொரோனா வைரஸை கட்டுப்படுத்துவதற்காக அமைக்கப்பட்டுள்ள விசேட மத்திய நிலையத்தின் ஊடக சந்திப்பின் போதே பணிப்பாளர் இதனை தெரிவித்தார்.

உலகளாவிய ரீதியில் கொரோனா வைரஸ் தீவிரம் அடைந்து வருகிறது. தற்போது இலங்கையிலும் வைரஸ் தொற்று அதிகரித்து வரும் நிலையில் மக்கள் மத்தியில் பீதி நிலை ஏற்பட்டுள்ளது.

இந்நிலையில் வைரஸ் தாக்கத்தினால் பாதிக்கப்பட்டவர்கள் குணமடைந்து வருவதாக உத்தியோகபூர்வமாக அறிவிக்கப்பட்ட நிலையில் மக்கள் மகிழ்ச்சி அடைந்துள்ளனர்.

கொரோனா வைரஸ் தாக்கம் : நாட்டின் நிலை தொடர்பில் ஜனாதிபதியின் முக்கிய அறிவிப்பு வெளியானது!!

ஜனாதிபதியின் முக்கிய அறிவிப்பு

கொரோனா வைரஸ் தாக்கத்தின் அ ச்சம் காரணமாக ஒருபோதும் நாட்டை முடக்கமாட்டேன். பொருளாதாரம், சமூக ரீதியில் ஏற்படும் பிரச்சினைகளுக்கு எவரும் பிறகு பொறுப்பு கூற மாட்டார்கள் என ஜனாதிபதி கோத்தாபய ராஜபக்ஷ தெரிவித்தார்.

அத்துடன் கொரோனா வைரஸ் பரவலை கட்டுப்படுத்துவதற்கு 14 நாட்களுக்கு விமான நிலையத்தை மூடுவதற்கு தீர்மானம் எடுக்கப்பட்டுள்ளது. பொது மக்களை பா துகாக்க முப்படையினரும், சுகாதார அமைச்சும் அர்ப்பணிப்புடன் செயற்பட வேண்டும். மக்களும் பொறுப்புடன் செயற்பட வேண்டும்.

மேலும் மார்ச் முதலாம் திகதியில் இருந்து 10 ஆம் திகதி வரையில் இத்தாலி மற்றும் தென்கொரியாவில் இருந்து வந்த மூவாயிரம் பேரில் 1500 பேர் இதுவரையில் அடையாளம் காணப்பட்டுள்ளார்கள்.

இவர்கள் தேசிய பிரச்சினையினை கருத்திற் கொண்டு காலத்தை வீணடிக்காமல் சுயமாகவே வைரஸ் தொற்று தொடர்பான பரிசோதனையினை செய்துகொள்ள முன்வந்து அரசாங்கத்திற்கு ஒத்துழைப்பு வழங்க வேண்டும்.

கொரேனா வைரஸ் கட்டுப்பாட்டுக்கு அரசாங்கம் முன்னெடுக்கும் செயற்பாடுகளுக்கு ஒத்துழைப்பு வழங்காமல் தடையேற்படுத்துபவர்களுக்கு எ திராக க டுமையான சட்ட நடவடிக்கைகளை முன்னெடுக்குமாறு அறிவுறுத்தியுள்ளேன் .

இந்நியாவிற்கு மதயாத்திரை சென்றுள்ள இலங்கையர்களை நாட்டுக்கு கொண்டு வருதற்கான நடவடிக்கைகள் துரிதப்படுத்தப்பட்டுள்ளதாகவும் கூறினார்.

கொரோனா வைரஸ் தொடர்பான ஜனாதிபதி செயலணியின் உறுப்பினர்களுடனான கலந்துரையாடல் இன்று ஜனாதிபதி செயலகத்தில் இடம் பெற்றது.

இக்கலந்துரையாடலில் பிரதமர், இராணுவத்தளபதி, பாதுகாப்பு செயலாளர், பதில் பொலிஸ்மா அதிபர், சுகாதார அமைச்சர், மற்றும் விசேட வைத்திய நிபுணர்கள், மற்றும் தொழிந்துறை வல்லுணர்கள் உட்பட பலர் கலந்துக் கொண்டார்கள். இதன் போதே ஜனாதிபதி மேற்கண்ட தனது தீர்மானங்களை அறிவித்தார்.

ஆகஸ்ட் மாதம்வரை கொரோனா வைரஸ் நீடிக்கலாம் : அமெரிக்கா வெளியிட்ட தகவல்!!

கொரோனா வைரஸ்

அமெரிக்காவில் ஆகஸ்ட் மாதம் வரை கொரோனாவின் தாக்கம் இருக்கலாம் என ஜனாதிபதி டொனால்டு டிரம்ப் தெரிவித்துள்ளார்.

சீனாவின் ஹூபேய் மாகாணம் வுகான் நகரில் கண்டுபிடிக்கப்பட்ட கொரோனா வைரஸ் தற்போது உலகின் 150-க்கும் அதிகமான நாடுகளுக்கு பரவியுள்ளது.

இந்த வைரஸ் தாக்கத்திற்கு உலகம் முழுவதும் இதுவரை 7 ஆயிரத்துக்கும் அதிகமானோர் உ யிரிழந்துள்ளனர். மேலும் 1 லட்சத்து 82 ஆயிரத்துக்கும் அதிகமானோர் இந்த வைரசால் பாதிக்கப்பட்டுள்ளனர்.

இதற்கிடையில், அமெரிக்காவில் கொரோனா வைரஸ் காரணமாக இதுவரை 86 பேர் உ யிரிழந்துள்ளனர். மேலும் 4 ஆயிரத்து 400-க்கும் அதிகமானோர் வைரசால் பாதிக்கப்பட்டுள்ளனர்.

இந்நிலையில், அமெரிக்க ஜனாதிபதி டொனால்டு டிரம்ப் இன்று செய்தியாளர்களை சந்தித்தார். அப்போது அவரிடம் அமெரிக்காவில் கொரோனாவின் தாக்கம் எப்போது முடிவுக்குவரும் என கேள்வி எழுப்பப்பட்டது.

அதற்கு பதிலளித்த டிரம்ப், நாம் மிகவும் சிறப்பாக செயற்பட்டு அனைத்து நடவடிக்கைகளையும் மேற்கொண்டால் வரும் ஜூலை அல்லது ஆகஸ்ட் மாதங்களில் இந்த வைரஸ் தாக்கம் அமெரிக்காவில் முடிவுக்கு வரலாம்’ என்றார்.

இலங்கையில் கொரோனா வைரஸ் நோயாளிகளின் எண்ணிக்கை 35 ஆக அதிகரிப்பு!!

கொரோனா வைரஸ்

இலங்கையில் கொரோனா வைரஸ் தொற்றுக்குள்ளானவர்களின் எண்ணிக்கை 35 ஆக அதிகரித்துள்ளதாக சுகாதார அமைச்சர் பவித்ரா வன்னிஆராச்சி தெரிவித்தார். இன்று மட்டும் 7 நோயாளர்கள் அடையாளம் காணப்பட்டுள்ளதாக அமைச்சர் தெரிவித்துள்ளார்.

கொழும்பில் இன்று இடம்பெற்ற செய்தியாளர் சந்திப்பின் போது அமைச்சர் இந்தத் தகவலை வெளியிட்டார்.

இத்தாலி, தென் கொரியா ஆகிய நாடுகளிலிருந்து நாடு திரும்பியவர்கள் 2258 பல்வேறு தனிமைப்படுத்தல் முகாம்களில் தங்க வைக்கப்பட்டுள்ளதாக தெரிவிக்கப்பட்டுள்ளது.

கொரோனா வைரஸ் தொற்று தனிமைப்படுத்தல் : 23 இராணுவ அதிகாரிகளின் இல்லங்களை ஒதுக்க தீர்மானம்!!

கொரோனா வைரஸ்

கொரோனா வைரஸ் தொற்று தனிமைப்படுத்தல் கண்காணிப்புக்காக தியத்தலாவ இராணுவ முகாமில் உள்ள 23 இராணுவ அதிகாரிகளின் இல்லங்களை ஒதுக்குவதற்கு தீர்மானிக்கப்பட்டுள்ளது.

இராணுவ தளபதி சவேந்திர சில்வா இதனை தெரிவித்துள்ளார். தற்போது வரை இலங்கையில் 12 தனிமைப்படுத்தல் கண்காணிப்பு நிலையங்கள் செயற்படுகின்றன.

இதற்கு மேலதிகமாகவே இந்த அதிகாரிகளின் இல்லங்களை ஒதுக்குவதற்கு தீர்மானிக்கப்பட்டுள்ளதாக இராணுவ தளபதி குறிப்பிட்டுள்ளார்.

ஏற்கனவே வவுனியா பம்பைமடு, பூனாணை, கண்டக்காடு, கஹகொல்ல, தியத்தலாவ, ரன்தெம்பே போன்ற இடங்களில் தனிமைப்படுத்தல் கண்காணிப்பு நிலையங்கள் இயங்கி வருகின்றன.

இந்த நிலையங்களில் படையினர் தமது சிறப்பான சேவைகளை செய்து வருவதாக இராணுவத்தளபதி குறிப்பிட்டுள்ளார்.

வவுனியாவில் வெ டிக்காத நிலையிலிருந்த கைக்கு ண்டொன்று மீட்பு!!

வவுனியாவில்..

வவுனியா – மாமடு பகுதியிலிருந்து வெ டிக்காத நிலையிலிருந்த கைக்கு ண்டொன்று மீட்கப்பட்டுள்ளது. குறித்த கைக்கு ண்டு இன்று காலை மீட்கப்பட்டுள்ளதாக மாமடு பொலிஸார் தெரிவித்துள்ளனர்.

மாமடு பொலிஸாருக்கு வழங்கப்பட்ட தகவலின் அடிப்படையில் ஸ்தலத்திற்கு விஷேட அதிரடி படையினரும் வரவழைக்கப்பட்டனர்.

இதையடுத்து மீட்கப்பட்ட கைக்கு ண்டை விஷேட அதிரடிப் படையினரின் உதவியுடன் செயலிழப்பதற்கான நடவடிக்கையை பொலிஸார் முன்னெடுத்துள்ளனர்.

இலங்கையில் சுமார் 80 புகையிரத சேவைகள் இன்று முதல் இடைநிறுத்தம்!!

புகையிரத சேவைகள்

இலங்கையில் சுமார் 80 தொடருந்து சேவைகள் இன்று முதல் 19ஆம் திகதி வரை இடைநிறுத்தப்பட்டுள்ளன. அரச மற்றும் தனியார் துறையினருக்கு விடுமுறை வழங்கப்பட்டுள்ள நிலையில் குறுகிய தூர தொடருந்துகளே இடைநிறுத்தப்பட்டுள்ளன.

நீண்ட தூர தொடருந்துகள் வழமைப்போல சேவையில் ஈடுபடுகின்றன. விடுமுறை நீடிக்கப்பட்டால் இந்த தொடருந்துகள் 23ஆம் திகதிவரை இடைநிறுத்தப்படும் என்று தொடருந்து திணைக்களம் தெரிவித்துள்ளது.

அரச (அத்தியாவசிய சேவை தவிர்ந்த) மற்றும் தனியார் ஊழியர்களுக்கு இன்று முதல் மூன்று நாட்களுக்கு பொது விடுமுறை அரசாங்கத்தால் வழங்கப்பட்டுள்ளமை குறிப்பிடத்தக்கது.

கட்டுநாயக்க விமான நிலையத்தை உடன் மூடுமாறு ஜனாதிபதி கோட்டாபய உத்தரவு!!

ஜனாதிபதி கோட்டாபய உத்தரவு

கட்டுநாயக்க சர்வதேச விமான நிலையத்தை உடன் மூடுமாறு ஜனாதிபதி கோட்டாபய ராஜபக்ஷ உத்தரவிட்டுள்ளார். கொரோனா தடுப்பு பிரிவுடன் இன்று இடம்பெற்ற விசேட கூட்டத்தில் இந்த தீர்மானம் எடுக்கப்பட்டுள்ளதாக குறிப்பிடப்படுகின்றது.

அதற்கமைய இன்று முதல் இரண்டு வாரங்கள் கட்டுநாயக்க விமான நிலையத்தில் எந்தவொரு விமானங்களையும் தரையிறங்குவதற்கு அனுமதி வழங்காமல் இருப்பதற்கு தீர்மானிக்கப்பட்டுள்ளது.

கடந்த சில நாட்களாக வெளிநாட்டிற்கு சென்றிருந்த பெருமளவு இலங்கையர்கள் நாடு திரும்பியுள்ளனர். இந்நிலையில் அவர்களை தனிமைப்படுத்தும் நடவடிக்கை காரணமாக அரசாங்கம் கடும் சிரமங்களை எதிர் கொண்டுள்ளதாக ஜனாதிபதி குறிப்பிட்டுள்ளார்.

இதுவரையில் இந்தியாவின் தம்பதிவ சுற்றுலா பயணம் மேற்கொண்ட இலங்கையர்கள் 1200 பேரை மீண்டும் நாட்டிற்கு அழைத்து வருவதற்கு விசேட வேலைத்திட்டம் முன்னெடுக்கப்பட்டுள்ளதாக ஜனாதிபதி குறிப்பிட்டுள்ளார்.

இந்தியாவில் கொரோனாவால் மூன்றாவது நபர் உ யிரிழப்பு!!

கொரோனாவால்

இந்தியாவில் கொரோனா வைராஸ் மூன்றாவது நபர் உ யிரிழந்துள்ளார். உலகை உலுக்கியுள்ள கொரோனா வைரஸால் உ யிரிழப்புகளின் எண்ணிக்கை அதிகரித்து வருகிறது. இந்தியாவில் இதுவரையில் 129 பேர் கொரோனாவால் பாதிக்கப்பட்டுள்ளனர்.

மேலும் கர்நாடகாவில் முதல் உ யிரிழப்பு ஏற்பட்ட நிலையில், டெல்லியில் இரண்டாவது உ யிரிழப்பு ஏற்பட்டது. இந்நிலையில் மும்பையை சேர்ந்த 64 வயது முதியவர் கொரோனாவால் பாதிக்கப்பட்டிருந்த நிலையில் உயிரிழந்துள்ளார்.

மும்பையின் கஸ்துர்பா மருத்துவமனையில் அனுமதிக்கப்பட்டிருந்த நிலையிலேயே அவர் மரணித்துள்ளார். இதன்மூலம் இந்தியாவில் கொரோனாவால் உ யிரிழந்தவர்களின் எண்ணிக்கை 3ஆக உயர்ந்துள்ளது.

இலங்கை மக்களுக்கு மகிழ்ச்சியான தகவல் : முதலாவது நோயாளி தொடர்பில் வெளியான தகவல்!!

மகிழ்ச்சியான தகவல்

இலங்கையில் முதலாவதாக கொரோனா நோய் தொற்றுக்குள்ளான இலங்கையர் குணமடைந்துள்ளார் என வைத்தியசாலையின் உள்ளக தகவல்களை மேற்கோள் காட்டி தென்னிலங்கை ஊடகங்கள் தகவல் வெளியிட்டுள்ளன.

அங்கொடை தேசிய தொற்றுநோயியல் சிகிச்சை வைத்தியசாலையில் சிகிச்சை பெற்று வந்தவர் தற்போது குணமடைந்துள்ளார். சுற்றுலாத்துறை வழிகாட்டியாக பணியாற்றும் 50 வயதான ஒருவரே கடந்த வாரம் கொரோனா தொற்றுக்குள்ளாகிய நிலையில் வைத்தியசாலையில் அனுமதிக்கப்பட்டார்.

இத்தாலியை சேர்ந்த சுற்றுலா பயணிகள் சிலருடன் கடந்த சில நாட்களுக்கு முன் அவர் சேர்ந்து பயணித்துள்ளார். இதன்போதே, அவர் தொற்றிற்கு இலக்காகினார் என கூறப்பட்டது.

இந்த நிலையில் தனிமைப்படுத்தி சிகிச்சைக்குட்படுத்தப்பட்டிருந்த அவர் குணமடைந்துள்ளார் எனவும், தொடர்ந்து வைத்திய சிகிச்சைகள் முன்னெடுக்கப்பட்டு வருவதாகவும் வைத்தியசாலை வட்டாரங்கள் தெரிவித்துள்ளன.

எனினும் இது தொடர்பில் அரசாங்க தகவல் திணைக்களத்தினால் இதுவரை எந்தத் தகவலும் வெளியிடப்படவில்லை என்பது குறிப்பிடத்தக்கது.

இதேவேளை இலங்கையின் முதலாவது கொரோனா வைரஸ் தொற்றுக்குள்ளான நபரான சுற்றுலா வழிகாட்டியின் மகனுக்கு கொரோனா வைரஸ் தொற்று இல்லை என அறிவிக்கப்பட்டுள்ளது.

கடந்த 13ஆம் திகதி தொண்டை வலி மற்றும் தலைவலி காரணமாக அவரது மகன், அங்கொட வைத்தியசாலையில் அனுமதிக்கப்பட்டிருந்தார்.

எனினும் அவருக்கு கொரோனா தொற்று ஏற்படவில்லை என உறுதி செய்யப்பட்ட நிலையில் நேற்றைய தினம் வீடு திரும்பியதாக வைத்தியசாலைத் தகவல்கள் தெரிவிக்கின்றன.

வவுனியாவில் கொரனா மருத்துவ பரிசோதனைக்காக வெளிநாட்டில் இருந்து வருகை தந்த 448 பேர் தங்க வைப்பு : இன்றும் வருகை!!

கொரனா மருத்துவ பரிசோதனை

கொரனா தொற்று மருத்துவ பரிசோதனைக்காக மேலும் 100 பேர் இன்று வவுனியா பம்பைமடு இராணுவ முகாமிற்கு அழைத்து வரப்பட்டனர்.

கொரனா தொற்று மருத்துவ பரிசோதனைக்காக வெளிநாட்டில் இருந்து வருகை தந்த 213 பேர் கடந்த (13.06.2020) அன்று மாலை வவுனியாவிற்கு அழைத்து வரப்பட்டு பம்பைமடு பெண்கள் இராணுவ முகாமில் தங்க வைக்கப்பட்டுள்ளதுடன்,

இரண்டாம் கட்டமாக நேற்றையதினம் (16.03.2020) மதியம் 3.30 மணியளவில் வெளிநாட்டில் இருந்து வருகை தந்த 135 பேர் பம்மைமடு பகுதியில் அமைந்துள்ள 23வது பற்றாலியன் இராணுவ முகாமிலும் தங்க வைக்கப்பட்டுள்ளனர்.

இந்நிலையில் இன்றையதினம் (17.03.2020) காலை 7.50 மணியளவில் பொலிஸ் மற்றும் இராணுவத்தினரின் பாதுகாப்புடன் 2 பேரூந்துகளில் கொரோனா தொற்று ஆய்வுக்குட்படுத்தும் நடவடிக்கைக்கு 100 பேர் வவுனியா பம்மைமடு பகுதியில் அமைந்துள்ள 23வது பற்றாலியன் இராணுவ முகாமில் அமைக்கப்பட்டுள்ள தொற்றுநோய் ஆய்வு நிலையத்திற்கு அழைத்து வரப்பட்டனர்.

வெளிநாட்டிலிருந்து வருகை தந்த குறித்த நபர்களை இராணுவ முகாமில் தனிமைப்படுத்தப்பட்டு எதிர்வரும் 14 நாட்களுக்கு சிகிச்சை முன்னெடுக்கப்படவுள்ளது.

தற்போது வவுனியாவில் வெளிநாட்டிலிருந்து வருகை தந்த 448 பேர் தங்க வைக்கப்பட்டு கொரனா தொற்கு பரிசோதனைகள் முன்னேடுக்கபட்டு வருகின்றது.

வெளிநாட்டிலிருந்து இலங்கை வந்து வீடுகளில் தங்கியிருந்தர்கள் வைத்தியசாலையில் அனுமதி!!

வெளிநாட்டிலிருந்து..

தென் கொரியாவில் இருந்து இலங்கை திரும்பிய நிலையில் தங்கள் வீடு நோக்கி சென்றிருந்த நால்வர் தன்னார்வமாக தங்களை தனிமைப்படுத்தி கொண்டுள்ளனர். அவர்கள் நேற்று இரத்தினபுரி வைத்தியசாலையில் அனுமதியாகியுள்ளதாக பொலிஸார் தெரிவித்துள்ளார்.

இதேவேளை, கடந்த முதலாம் திகதி முதல் 9ஆம் திகதி வரை இலங்கை வந்தவர்கள் இதுவரையில் தனிமைப்படுத்திக் கொள்ளாதர்கள் தன்னார்வமாக முன்வருமாறு சுகாதார அமைச்சு கேட்டுக் கொண்டுள்ளது.

அவ்வாறு நாட்டிற்கு திரும்பிய நபர்கள் தொடர்பில் தகவல் அறிந்தால் 117 என்ற இலக்கத்திற்கு தொலைபேசி அழைப்பு மேற்கொள்ளுமாறு கோரிக்கை விடுக்கப்பட்டுள்ளது.

இந்நிலையில் குறித்த நால்ரும் தன்னாவர்கமாக முன்வந்து தம்மை தனிமைப்படுத்தியுள்ளனர். அத்துடன் எந்தவித சோதனை நடவடிக்கையும் இன்றி தமது வீடுகளுக்கு சென்றுவர்களை உடனடியாக தனிமைப்படுத்தலுக்கு உட்படுமாறு கோரப்பட்டுள்ளனர்.

இலங்கையில் கொரோனா வைரஸின் தாக்கத்தினால் பீடிக்கப்பட்டர்களின் எண்ணிக்கை 28 ஆக உயர்ந்துள்ளது. இதன் காரணமாக மூன்று தினங்களுக்கு அரச பொது விடுமுறை அறிவிக்கப்பட்டுள்ளமை குறிப்பிடத்தக்கது.

வேகமாக பரவும் கொரோனா வைரஸ் : உலக சுகாதார அமைப்பு விடுத்துள்ள எச்சரிக்கை!!

கொரோனா வைரஸ்

கொரோனா வைரஸ் தொடர்பில் உலக நாடுகள் முன்னெடுக்கும் நடவடிக்கை தொடர்பில் உலக சுகாதார அமைப்பு எச்சரிக்கை விடுத்துள்ளது.

சில நாடுகளில் கொரோனா ரைவஸ் தொடர்பில் அலட்சியமாக செயற்படுதாகவும், இது நெருப்புடன் விளையாடுவதற்கு சமன் என சுட்டிக்காட்டப்பட்டுள்ளது.

கொரோனா வைரஸ் பாதிப்பு இருப்பதாக சந்தேகிக்கப்படும் நோயாளிகளுக்கு நோயறிதல் பரிசோதனைகளை நடத்துவதை நிறுத்திய நாடுகளுக்கு உலக சுகாதார அமைப்பு தனது கடும் அதிருப்தியை வெளியிட்டுள்ளது.

பாதிக்கப்பட்ட நபர்கள் யார் என்று அந்தந்த நாடுகளின் அதிகாரிகளுக்கு தெரியாவிட்டால், அவர்களால் தொற்றுநோயைத் தடுக்க முடியாது என உலக சுகாதார அமைப்பின் இயக்குனர் நாயகம் Tedros Adhanom குறிப்பிட்டுள்ளார்.

வைத்தியசாலைக்கு வரும் நபர்களிடம் மாத்திரம் கொரோனா பரிசோதனை செய்வதற்கு பிரித்தானிய சுகாதார அதிகாரிகள் மேற்கொண்டுள்ள தீர்மானத்தை கருத்திற் கொண்டு அவர் இந்த எசச்ரிக்கையை விடுத்துள்ளார்.

உங்களால் நேரடியாக நெருப்புடன் போராட முடியாதென அவர் குறிப்பிட்டுள்ளார். இந்த தீயை மேலும் பற்றி எரிய இடமளிக்க வேண்டாம். பரிசோதனையின்றி இந்த நடவடிக்கை கட்டுப்படுத்த முடியாது. இதன் காரணமாக அனைத்து நாடுகளும் நோயாளிகளுக்கு நோயறிதல் பரிசோதனைகளை நடத்த நடவடிக்கை எடுக்க வேண்டும் என அவர் மேலும் தெரிவித்துள்ளார்.

இலங்கையில் பரவும் கொரோனா வைரஸ் : தென்னிலங்கையில் குவிந்த வெளிநாட்டவர்கள் குழப்பம்!!

வெளிநாட்டவர்கள்

தென்னிலங்கையில் குவிந்த பெருமளவு வெளிநாட்டவர்களால் மக்கள் மத்தியில் அச்ச நிலைமை ஏற்பட்டதாக தகவல் வெளியாகி உள்ளது. கொரோனா வைரஸ் அச்சுறுத்தல் காரணமாக இலங்கை வரும் சுற்றுலா பயணிகளின் எண்ணிக்கை மட்டுப்படுத்தப்பட்டுள்ளது.

இந்நிலையில் காலி கோட்டையில் சுற்றுலா பயணிகள் அதிகளவில் காண முடிந்துள்ளதாக மக்கள் தெரிவித்துள்ளனர். இவர்களில் அதிகமானோர் ஐரோப்பிய நாடுகளில் இருந்து இலங்கை வந்த சுற்றுலா பயணிகள் எனத் தெரிய வந்துள்ளது.

இலங்கையில் கொரோனா அச்சுறுத்தல் குறித்து பல்வேறு பாதுகாப்பு வழிமுறைகளை கடைப்பிடிக்குமாறு அறிவிக்கப்பட்டுள்ளது.

எனினும் குறித்த சுற்றுலா பயணிகள் எந்தவொரு பாதுகாப்பு ஏற்பாடுகளும் இன்றி நடமாடுவது குறித்து மக்கள் அச்சம் அடைந்துள்ளனர். ஐரோப்பிய நாடுகளிலிருந்து இலங்கை வந்தவர்களால் நாட்டில் கொரோனா வைரஸ் தொற்று தீவிரவமாக பரவி வருகின்றமை குறிப்பிடத்தக்கது.