கிளிநொச்சி, உருத்திரபுரம் எள்ளுக்காடு கிராமத்தைச் சேர்ந்த ப.கிருசாந் என்ற மாணவன் கழிவுப் பொருட்களைக் கொண்டு உந்துருளி ஒன்றை வடிவமைத்துள்ளார்.
வடிவமைத்த உந்துருளியை நாடாளுமன்ற உறுப்பினர் சிவஞானம் சிறீதரன் அவர்களின் காரியாலயமான அறிவகத்தில் வைத்து செயற்படுத்திக்காட்டினார்.
உருத்திரபுரம் எள்ளுக்காடு கிராமத்தைச் சேர்ந்த கிளிநொச்சி இந்துக்கல்லூரியில் பொறியியல் தொழில்நுட்பப்பிரிவில் குறித்தமாணவன் கல்விகற்கின்றமை குறிப்பிடத்தக்கது.
தேசிய அடையாள அட்டைகளை பெற்றுக்கொள்ள வருபவர்கள் தமது நேரத்தை மீதப்படுத்திக் கொள்ளும் வகையில் புதிய நடைமுறையொன்று கொண்டு வரப்படவுள்ளது.
அந்த வகையில் தேசிய அடையாள அட்டைகள் தயாரிக்கும் பணிகள் முழுமைப்படுத்தப்பட்டதன் பின் இது குறித்து உரியவர்களுக்கு குறுந்தகவல் சேவை மூலம் தெரியப்படுத்த தீர்மானம் எடுக்கப்பட்டுள்ளது.
இது குறித்து தொலைபேசிகளூடாக அறிவிப்பதற்காக குறுந்தகவல் சேவை அறிமுகப்படுத்தப்படவுள்ளதாக ஆட்பதிவு திணைக்களத்தின் ஆணையாளர் நாயகம் வியானி குணத்திலக்க தெரிவித்துள்ளார்.
எதிர்வரும் சில வாரங்களில் இந்த குறுந்தகவல் சேவையை அறிமுகப்படுத்துவதற்கான நடவடிக்கைகள் முன்னெடுக்கப்படும் எனவும் கூறியுள்ளார்.
துரைராசா தனலட்சுமி பிறப்பு – 1939.08.20 || இறப்பு – 2020.01.15
யாழ்ப்பாணம் மாசியப்பிட்டி பகுதியினை பிறப்பிடமாகவும் வவுனியா தாண்டிக்குளத்தினை வதிவிடமாக கொண்ட துரைராசா தனலட்சுமி அவர்கள் இன்றையதினம் (15.01.2020) இறைவனடி சேர்ந்தார்.
இவர் தினேஸ் ரவல்ஸ் உரிமையாளர் திரு துரைராசா தில்லைநாதனின் தாயாராவார். அன்னாரின் பூதவுடல் 16.01.2020 அன்று வியாழக்கிழமை பிற்பகல் 2:30 மணியளவில் அவரது இல்லத்தில் இறுதிக்கிரியை நடைபெற்று பின்னர் பத்தினியார் மகிளங்குளம் இந்து மயானத்தில் தகனம் செய்யப்படும்.
இவ் அறிவித்தலை உற்றார், உறவினர், நண்பர்கள் அனைவரும் ஏற்றுக்கொள்ளுமாறு கேட்டுக்கொள்கின்றோம்.
தகவல்
ஆறுமுகம் கிருபாகரன்
T&K டிஸ்டிபியூட்டர் உரிமையாளர்
வவுனியாவில் பொங்கல் நிகழ்வுகள் சிறப்பாக இடம்பெற்று வருகின்றது. அந்தவகையில் தமிழர்களின் தை திருநாளாம் பொங்கல் தினமான இன்று மக்கள் தங்கள் வீடுகள் வர்த்தக நிலையங்களை அலங்கரித்து புத்தாடை அணிந்து தைப் பொங்கல் கொண்டாட்டங்களில் ஈடுபட்டு வருகின்றனர்.
வவுனியா கந்தசாமி ஆலயத்தில் பொங்கல் பூஜை நிகழ்வுகள் இடம்பெற்றதுடன், வவுனியா இறம்பைக்குளம் புனித அந்தோனியார் ஆலயத்திலும் பொங்கல் விசேட பூஜை ஆராதனை நடத்தப்பட்டது.
வவுனியா மாவட்டத்தில் கடந்த வருடம் மழை வீழ்ச்சி சிறப்பாக காணப்பட்டதினால் விவசாய பொருட்களின் விளைச்சல் சிறப்பாக இருந்தபடியால் பொங்கல் திருநாளை மக்கள் சிறப்பாக கொண்டாடி வருகின்றனர்.
சிங்கள மொழியில் மாத்திரம் தேசிய கீதம் பாடுவதற்கு அரசாங்கம் தீர்மானிக்கவில்லை என பிரதமர் மஹிந்த ராஜபக்ஷ தெரிவித்துள்ளார்.
சில கருத்துக்களில் உள்ள அரசியல்வாதிகள் தேசிய கீதத்தை சிங்கள மொழியில் பாடுவது தொடர்பில் பல்வேறு கருத்துக்கள் வெளியிட்ட போதிலும் அது அரசாங்கத்தின் தீர்மானமாக கருத முடியாதென அவர் குறிப்பிட்டுள்ளார்.
தமிழ் ஊடக பிரதானிகளுடன் அலரி மாளிகையில்ல இடம்பெற்ற கலந்துரையாடலில் கலந்து கொண்டு பிரதமர் இதனை குறிப்பிட்டுள்ளார். தமிழ் நிகழ்வுகளின் போது தமிழ் மொழியில் தேசிய கீதம் பாடுவதற்கு தடை விதிக்கப்படவில்லை என அவர் கூறியுள்ளார்.
ஒரு நாட்டில் ஒரு தேசிய கீதம் மாத்திரமே பாட வேண்டும் என கூறிய பிரதமர், பல மொழிகள் பேசப்படும் இந்தியாவிலேயே தேசிய கீதம் ஒரு மொழியில் தான் பாடப்படுவதாக பிரதமர் குறிப்பிட்டுள்ளார்.
இந்த பிரச்சினை தொடர்பில் பேசுவதில் இனங்களுக்கு இடையில் பேதம் அதிகரிக்கும் என கூறிய பிரதமர் தேசிய கீதம் தொடர்பில் பிரச்சினை ஏற்பட்டுள்ளதாக தான் பத்திரிகைகளிலேயே பார்ப்பதாக தெரிவித்துள்ளார்.
வவுனியா நகரசபைக்குட்பட்ட பகுதிகளில் வீதியோரங்களில் வியாபாரம் செய்ய தடை விதிக்கப்பட்டுள்ளதாக நகரசபை தலைவர் அறிவித்துள்ளதாக தெரிவித்து இன்றையதினம் (14.01.2020) மாலை நகரசபை வாகனத்தின் மூலம் ஒலிபெருக்கியினால் அறிவித்தல் விடுக்கப்பட்டுள்ளது.
வவுனியா நகரசபைக்குட்பட்ட சந்தை சுற்றுவட்ட வீதி, இலுப்பையடி சந்தி, ஹொரவப்பொத்தானை வீதி போன்றவற்றில் முன்னெடுக்கப்படும் நடைபாதை வியாபாரத்தினால் வீதி விபத்துக்கள் ஏற்படுவதுடன் பாதசாரிகள் வீதியில் நடந்து செல்ல முடியாத நிலையும் ஏற்பட்டுள்ளது.
அத்துடன் காலை மற்றும் மாலை நேரங்களில் நடைபாதை வியாபாரத்தினால் வாகன நெரிசல்களும் ஏற்படுகின்றன. இவ்விடயம் கடந்த நகரசபை சபைக் கூட்டத்தில் எடுத்துக்கொள்ளப்பட்டது. இதன் போது தைப்பொங்கல் வரை வியாபாரம் செய்வதற்கு நடைபாதை வியாபாரிகளுக்கு அனுமதி வழங்கியதுடன்,
எதிர்வரும் 16.01.2020 (வியாழக்கிழமை) இலிருந்து நகரசபைக்குட்பட்ட பகுதியில் நடைபாதை வியாபாரம் மேற்கொள்ள தடை விதிக்கப்படுவதாக மேற்கொள்ளப்பட்ட தீர்மானத்திற்கமைய இன்று ஒலிபெருக்கி மூலம் அறிவித்தல் வழங்கப்பட்டது.
இவ் அறிவித்தலில் நகரசபை சபைக் கூட்டத்தில் மேற்கொள்ளப்பட்ட தீர்மானத்திற்கமைய நாளை மறுதினம் (16.01.2020) தொடக்கம் நடைபாதை வியாபாரம் மேற்கொள்ள தடை விதிக்கப்படுவதுடன்,
தடையுத்தரவினை மீறி வியாபாரம் மேற்கொள்ளுபவர்கள் மீது சட்டநடவடிக்கை மேற்கொள்ளப்படும் எனவும் வவுனியா நகரசபைக்கு முன்பாக அங்காடி வியாபாரத்திற்கென ஒதுக்கப்பட்ட இடத்தில் வியாபாரத்தினை மேற்கொள்ளுமாறு தெரிவிக்கப்பட்டது.
நடைபாதை வியாபாரத்தினால் சந்தை சுற்றுவட்ட வீதி மற்றும் இலுப்பையடி சந்தியில் பாரிய வாகன நெரிசல் ஏற்படுவதுடன் பொதுமக்கள், பாதசாரிகள் நடைபாதையினை உபயோகப்படுத்த முடியாத நிலையும் ஏற்பட்டுள்ளது.
அத்துடன் தினசரி அப்பகுதியில் வீதி விபத்துக்கும் இடம்பெறுகின்றது என்பதை கருத்தில் கொண்டு வீதி அபிவிருத்தி அதிகார சபையினரினால் இவ்விடத்தில் வியாபாரம் மேற்கொள்ள தடை விதித்து விளம்பரப்பலகை வைக்கப்பட்டுள்ளது.
வவுனியா தமிழ் மத்திய மகா வித்தியாலத்திற்கு முன்பாக பா துகாப்பற்ற முறையில் விற்பனை செய்யப்பட்டு வந்த பட்டாசு விற்பனை நிலையம் வவுனியா நகர சபையினரின் தலையீட்டை அடுத்து அகற்றப்பட்டுள்ளது.
குறித்த பகுதியில் இன்று மதியம் தைப்பொங்கல் தினத்தை முன்னிட்டு நபர் ஒருவர் பட்டாசுகளை விற்பனை செய்து வந்துள்ளார்.
பாடசாலை முடிவடைந்ததும் அவ்விடத்திற்கு வந்த மாணவர்கள் பட்டாசுகளை வாங்குவதற்காக குழுமியிருந்துள்ளனர்.
இதனை அவதானித்த வவுனியா சிரேஸ்ட சட்டதரணி இ.தயாபரன் பட்டாசு விற்பனை செய்யும் நபரிடம் சென்று, இப்பகுதியில் பட்டாசுகளை விற்பனை செய்தல் மாணவர்களுக்கு அ ச்சுறுத்தலாக இருக்கும் என தெரிவித்துள்ளார்.
அத்துடன் இவ்விடயம் தொடர்பாக வவுனியா நகரசபை தலைவருக்கும் தெரியப்படுத்தியிருந்தார்.
இந்நிலையில் நகரசபை தலைவரின் நடவடிக்கையை அடுத்து குறித்த விற்பனை நிலையம் அகற்றப்பட்டுள்ளது.
மதுரை மாவட்டம் மேலூர் அருகே இருக்கும் நாவினிப்படியைச் சேர்ந்தவர் பிரேம்குமார். இவரது மனைவி ஜீவா(30). இவர்களுக்கு பாண்டீஸ்வரி (8), முனீஷ் (6), மகாவிஷ்ணு (4), அஜிஸ்ரீ (2½) என நான்கு குழந்தைகள் உள்ளனர்.
கணவன்-மனைவி இடையே குடும்பத் த கராறு காரணமாக பிரேம்குமாரை விட்டு பிரிந்து தனது தந்தை செல்லத்துரையின் வீட்டில் குழந்தைகளுடன் ஜீவா வசித்து வந்துள்ளார்.
நேற்று காலையில் குழந்தைகள் அனைவரும் வீட்டின் அருகே விளையாடிக் கொண்டிருந்தனர். மகாவிஷ்ணுவும், அஜிஸ்ரீயும் அங்கிருக்கும் ஒரு சுவரின் அருகே அமர்ந்திருந்தனர். அப்போது எதிர் பாராதவிதமாக சுவர் இடிந்து 4 குழந்தைகள் மேலே விழுந்து அ முக்கியது.
10 அடி உயர சுவர் விழுந்ததால் கு ழந்தைகள் அனைவரும் இ டிபாடுகளில் சிக்கிக்கொண்டனர். குழந்தைகளின் கூ ச்சல் ச த்தத்தை கேட்ட அக்கம்பக்கத்தினர் உடனடியாக அவர்களை மீ ட்கும் பணியில் ஈடுபட்டனர்.
பாண்டீஸ்வரியும், முனீசும் பத்திரமாக மீ ட்கப்பட்டனர். ஆனால் மஹாவிஷ்ணுவும், அஜிஸ்ரீயும் கற்களுக்கு இடையில் மாட்டிக் கொண்டதால் அவர்களை மீ ட்பதில் தா மதம் ஏற்பட்டது. நீண்ட போ ராட்டத்திற்கு பின்பு இருவரையும் உ யிரற்ற நி லையில் மீ ட்கப்பட்டுள்ளனர்.
உறவினர்களின் க தறலுக்கு மத்தியில் தகவலறிந்து வந்த காவல்துறை கு ழந்தைகளின் உ டல்களை மீ ட்டு பி ரேத பரிசோதனைக்கு கொண்டு சென்று வழக்கு பதிவு செய்து வி சாரணை நடந்து வருகின்றது.
மன்னார் பொலிஸ் நிலையத்தில் கடமையாற்றி வந்த பொலிஸ் உத்தியோகத்தர் ஒருவர் டெங்கு காய்ச்சல் காரணமாக இன்று உ யிரிழந்துள்ளார்.
மன்னார் வைத்தியசாலையில் சிகிச்சை பெற்று வந்த பொலிஸ் உத்தியோகத்தரான பி.சீ.பியரத்தின கடந்த ஞாயிற்றுக்கிழமை சிகிச்சை பலனின்றி உ யிரிழந்தார்.
இதேவேளை மன்னார் பொலிஸ் நிலையத்தில் கடமையாற்றி விடுமுறையில் வீட்டிற்கு சென்ற எஸ்.ரத்னாயக்க டெங்கு காய்ச்சல் காரணமாக அனுராதபுரம் வைத்தியசாலையில் சிகிச்சை பெற்றுவந்த நிலையில் நேற்று உ யிரிழந்துள்ளார்.
இவர் அனுராதபுரம் தளாவ பகுதியைச் சேர்ந்த 28 வயதுடைய பொலிஸ் அதிகாரி எனத் தெரியவருகின்றது. இதேவேளை மன்னார் மாவட்டத்தில் கடமையாற்றுகின்ற மேலும் 4 பொலிஸ் அதிகாரிகள் காய்ச்சல் காரணமாக மன்னார் வைத்தியசாலையில் அனுமதிக்கப்பட்டு சிகிச்சை பெற்று வருகின்றனர்.
இவர்கள் டெங்கு நோய்க்கு உள்ளாகியுள்ளனரா என பரிசோ தனை மேற்கொள்ளப்பட்டுள்ளதாகவும் தெரிவிக்கப்படுகின்றது.
வவுனியா புதிய பேருந்து நிலையத்தில் வைத்து நேற்று மாலை நபர் ஒருவர் கைது செய்யப்பட்டுள்ளார். வவுனியா பொலிஸ் நிலைய போ தை தடுப்பு பிரிவினர் மேற்கொண்ட சோ தனை நடவடிக்கையின் போது, குறித்தநபரிடமிருந்து கேரள க ஞ்சா கைப்பற்றப்பட்டுள்ளது.
இந்நிலையில், 1 கிலோ 600 கிராம் நிறையுடைய கேரள க ஞ்சாவினை பொலிஸார் அவரிடமிருந்து மீட்டுள்ளனர். கைதுசெய்யப்பட்டவர் பொலன்னறுவை பகுதியைச் சேர்ந்தவர் எனத் தெரியவருகின்றது.
இது தொடர்பான மேலதிக வி சாரணைகளின் பின்னர், வவுனியா மாவட்ட நீதவான் நீதிமன்றில் இன்று இவரை முற்படுத்தவுள்ளதாக பொலிஸார் தெரிவித்தனர்.
அரசாங்கத்தினால் வழங்கப்படும் வரி நிவாரணங்களை மக்களுக்கு வழங்காத வர்த்தகர்களுக்கு எதிராக க டுமையான நடவடிக்கை எடுக்குமாறு ஜனாதிபதி கோட்டாபய ராஜபக்ஷ உத்தரவிட்டுள்ளார். இது தொடர்பில் நுகர்வோர் விவகார ஆணையம் மற்றும் உள்நாட்டு வருவாய் திணைக்களத்திற்கு ஜனாதிபதி உத்தரவிட்டுள்ளார்.
சில்லறை, மொத்த மற்றும் இறக்குமதி செய்யப்பட்ட பொருட்களின் மீதான வற் வரி குறைப்பு நுகர்வோருக்கு கிடைக்கவில்லை என பொதுமக்கள் மேற்கொண்ட முறைப்பாட்டை அடுத்து ஜனாதிபதி இந்த உத்தரவை வெளியிட்டுள்ளதாக ஜனாதிபதி செயலகம் தெரிவித்துள்ளது.
அதற்கமைய, 2019ஆம் ஆண்டு டிசம்பர் முதலாம் திகதி முதல் நடைமுறைக்கு வந்த, மக்களுக்கு வழங்கப்படும் சலுகைகளை தொடர்ந்தும் வழங்குவதற்கு நடவடிக்கை மேற்கொள்ளுமாறு ஜனாதிபதி கூறியுள்ளார்.
மொத்த இறக்குமதியாளர்கள், உற்பத்தியாளர்கள், விநியோகத்தர்கள் மற்றும் சில்லறை விற்பனையாளர்கள் அதற்கமைய செயற்படுகிறார்களா என்பதை தொடர்ந்து க ண்காணிக்குமாறு துறைசார் அதிகாரிகளுக்கு ஜனாதிபதி பணிப்புரை விடுத்துள்ளார்.
பிரித்தானிய இளவரசர் ஹரி மற்றும் மேகன் ஆகியோர் அரச பொறுப்புகளில் இருந்து விலகிக்கொள்ளும் முடிவுக்கு பிரித்தானிய ராணி இரண்டாம் எலிசபெத் ஒப்புதல் வழங்கியுள்ளார்.
இந்நிலையில், இளவரசர் ஹரி மற்றும் அவரது மனைவி மேகன் தங்களின் எதிர்கால வாழ்க்கையை தனியே கட்டமைத்துக் கொள்ளவும் ராணி அனுமதி வழங்கியுள்ளார்.
இந்நிலையில், குறித்த விடயம் தொடர்பில் ஒப்பந்தம் ஒன்றை அமைத்துக் கொள்ளவும், அடுத்த சில நாட்களில் இந்த ஒப்பந்தம் இறுதி வடிவம் பெறும் எனவும் அரண்மனை தகவல் தெரிவிக்கின்றன.
அரண்மனை கடமைகளை விட்டு விலகுவதற்கான இளவரசர் ஹரி மற்றும் மேகன் தம்பதியரின் முடிவில் ராணி தமது ஆழ்ந்த ஏமாற்றத்தையும் பதிவு செய்துள்ளார்.
ராணி மற்றும் இளவரசர்கள் சார்லஸ், வில்லியம், ஹரி ஆகியோருக்கு இடையில் சாண்ட்ரிங்ஹாமில் நடந்த முக்கிய கலந்துரையாடலுக்கு பிறகு அறிக்கை ஒன்று வெளியிடப்பட்டது. இந்த கூட்டத்தில் இளவரசர் ஹரியின் மனைவி மேகன் மெர்க்கல் கனடாவிலிருந்து கலந்து கொண்டதாக கூறப்படுகின்றது.
இதேவேளை, பிரிட்டன் அரச குடும்பத்தின் உறுப்பினர்கள் பொறுப்பில் இருந்து விலகுவது தொடர்பாக இளவரசர் ஹரியும், அவருடைய மனைவியும் சமீபத்தில் அறிவிப்பு வெளியிட்டிருந்தனர்.
இந்த விவகாரம் பிரித்தானிய அரச குடும்பத்துக்கு பெரும் அதிர்ச்சியை ஏற்படுத்தியது. இதனையடுத்து, ஹரியை சமாதானப்படுத்தும் முயற்சிகள் முன்னெடுக்கப்பட்டு வந்தமை குறிப்பிடத்தக்கது.
உழவர் திருநாளாம் தைப்பொங்கல் தினத்தை கொண்டாடுவதற்கு மக்கள் தயாராகி வரும் நிலையில் வவுனியாவில் பொங்கல் வியாபாரம் களைகட்டியுள்ளது.
நாளைய தினம் உழவர் தினமான தை முதலாம் திகதி பிறக்கவுள்ள நிலையில் தை பிறந்தால் வழிபிறக்கும் என்ற வாக்கிற்கிணங்க தைப்பொங்கலை மக்கள் சிறப்பாக கொண்டாடவுள்ளனர்.
வவுனியா நகரப்பகுதியில் அதிக சன நெரிசல் காணப்படுவதுடன் பொங்கலுக்கு தேவையான பானை, அகப்பை, கரும்பு, பட்டாசு, பழவகை என்பவற்றின் விற்பனை சூடு பிடித்துள்ளது.
தைப்பொங்கல் திருநாள் நாளைய தினம் (15.01) உலகளாவிய ரீதியில் கொண்டாடப்படவுள்ள நிலையில் வவுனியாவில் தைப்பொங்கல் பண்டிகை களைக்கட்ட ஆரம்பித்துள்ளதை காணக்கூடியதாகவுள்ளது.
அத்துடன் கடந்த வருடத்தினைவிட இம்முறை மக்கள் அதிக ஆர்வத்துடன் பொங்கல் பொருட்களைக் கொள்வனவு செய்வதில் ஆர்வம் காட்டி வருவதாக வவுனியா வர்த்தகர்கள் தெரிவித்தனர்.
வவுனியா – ஓமந்தை பகுதியில் நேற்று இரவு இடம்பெற்ற வாகன விபத்தில் இருவர் காயமடைந்த நிலையில் வவுனியா மாவட்ட பொது வைத்தியசாலையில் அனுமதிக்கப்பட்டுள்ளனர்.
இவ் விபத்துச் சம்பவம் தொடர்பாக மேலும் தெரியவருகையில், யாழிலிருந்து வவுனியா நோக்கி, வங்கி ஒன்றிற்கு சொந்தமான வாகனம் ஓமந்தை – விளக்குவைத்தகுளம் பகுதியில் சென்று கொண்டிருந்த போது அதே திசையில் சென்றுகொண்டிருந்த மோட்டார் சைக்கிள் மோதி விபத்துக்குள்ளானது.
இவ்விபத்தில் மோட்டார் சைக்கிளில் பயணித்த ஓமந்தை பகுதியை இருவர் காயமடைந்த நிலையில் வவுனியா மாவட்ட பொது வைத்தியசாலையில் அனுமதிக்கப்பட்டுள்ளனர். விபத்து சம்பவம் தொடர்பான மேலதிக விசாரணைகளை ஓமந்தை பொலிஸார் மேற்கொண்டு வருகின்றனர்.
மன்னார் கடற்படுக்கையில் இயற்கை எரிவாயு இருப்பது உறுதி செய்யப்பட்டுள்ளதாக அமைச்சர் மஹிந்த அமரவீர தெரிவித்துள்ளார். அண்மையில் மேற்கொள்ளப்பட்ட ஆய்வு நடவடிக்கையின் போது இந்த விடயம் உறுதி செய்யப்பட்டதாக அவர் குறிப்பிட்டார்.
அதற்கமைய மன்னாரில் இயற்கை எரிவாயுவிற்கான அகழ்வு நடவடிக்கையை வெகு விரைவில் ஆரம்பிக்கப்படவுள்ளதாக அவர் குறிப்பிட்டுள்ளார். நிகழ்ச்சி ஒன்றில் கலந்து கொண்டு கருத்து வெளியிடும் போதே அமைச்சர் இவ்வாறு தெரிவித்துள்ளார்.
மன்னார் கடற்படுக்கையில் 5 பில்லியன் பரல் எண்ணெயும், 9 ரில்லியன் சதுர அடி இயற்கை எரிவாயுவும் இருப்பதாக முன்னர் தகவல்கள் வெளியாகி இருந்தமை குறிப்பிடத்தக்கது.