கோர விபத்தில்..

மட்டக்களப்பு – களுவாஞ்சிகுடி, செட்டிபாளையத்தில் இடம்பெற்ற விபத்தில் ஒருவர் உ யிரிழந்துள்ளார். இன்று அதிகாலை கல்முனை – மட்டக்களப்பு பிரதான வீதியில் பயணித்த லொறியும் சிறிய கன்டர் வாகனமும் நேருக்கு நேர் மோதி விபத்துக்குள்ளாகியுள்ளது.

இதன்போது, கன்டர் வாகனத்தின் சாரதி ஓட்டமாவடியைச் சேர்ந்த 41 வயதான இஸ்மாயில் நூர்ஜான் என்பவர் உயிரிழந்துள்ளார்.

குறித்த வாகனத்தில் பயணம்செய்த ஓட்டமாவடியைச் சேர்ந்த மற்றுமொரு நபர் படுகாயமடைந்துள்ள நிலையில் களுவாஞ்சிகுடி ஆதார வைத்தியசாலையில் அனுமதிக்கப்பட்டு மேலதிக சிகிச்சைகளுக்காக மட்டக்களப்பு போதனா வைத்தியசாலைக்கு மாற்றப்பட்டுள்ளார்.

இவ்விபத்து தொடர்பில் சாரதி கைதுசெய்யப்பட்டுள்ளதுடன், மேலதிக விசாரணைகளை களுவாஞ்சிகுடி பொலிஸ் நிலைய போக்குவரத்து பிரிவு பொலிஸார் மேற்கொண்டு வருகின்றனர்.

தனுஜா ஜெயக்குமார்

இந்தியாவில் உள்ள ஈழத்து சிறுமிக்கு அமெரிக்கா செல்வதற்கான அனுமதி வழங்க இந்திய அரசு மறுப்பு தெரிவித்துள்ளதாக தகவல்கள் வெளியாகியுள்ளது. தனுஜா ஜெயக்குமார் எனும் குறித்த சிறுமி தமது தாய் தந்தையருடன் தமிழ்நாட்டில் திருச்சியில் வாழ்ந்து வருகின்றார்.

சிறந்த நீச்சல் வீராங்கனையாக விளங்கி வரும் இவர், அண்மையில் பூனேவில் நடந்த அகில இந்திய நீச்சல் போட்டியில் முதலிடம் பெற்றுள்ளார். இவர் அமெரிக்காவில் அக்டோபர் 21ஆம் திகதி நடக்கவிருக்கும் உலக நீச்சல் போட்டிக்கு தெரிவாகியுள்ளார்.

ஈழத்து அகதியான இவருக்கு உரிய கடவுச்சீட்டு வழங்க இந்திய அரசு மறுக்கிறது. அத்துடன் இந்த சிறுமி தமிழ் அகதியாக இருப்பதால் இலங்கை அரசும் அக்கறை காட்ட மறுக்கிறது. இதன் காரணமாக குறித்த சிறுமி தமது உதவியை நாடியுள்ளார். இந்த சிறுமியின் கனவை நனவாக்க நல் உள்ளங்கள் உதவ முன்வர முடியும்.

இலங்கையைச் சேர்ந்த மாணவி

அவுஸ்திரேலியாவில் நேற்று முன்தினம் இடம்பெற்ற வாகன விபத்தில் இலங்கையைச் சேர்ந்த மாணவியொருவர் உ யிரிழந்த சம்பவம் தொடர்பான சில புதிய தகவல்கள் வெளியாகியுள்ளன. அந்த வகையில் குறித்த மாணவி மீது மோதி விபத்தை ஏற்படுத்திய வாகனம் கண்டுபிடிக்கப்பட்டுள்ளதாக தெரியவருகிறது.

அந்த வாகனமானது விபத்து நடந்த இடத்திலிருந்து 700 மீற்றர் தொலைவில் உள்ள தேவாலயத்திலிருந்து கண்டுபிடிக்கப்பட்டுள்ளதாக தெரிவிக்கப்படுகிறது. வெலிங்டன் பகுதியில் உள்ள வீதிக்கடவையில் குறித்த மாணவி பாதையை கடந்தவேளை வாகனம் வேக கட்டுப்பாட்டை இழந்ததால் இந்த விபத்து இடம்பெற்றிருக்கலாம் என பொலிஸார் தெரிவித்துள்ளனர்.

எனினும் இந்த சம்பவம் தொடர்பில் தெரிந்தவர்கள் 1800 333 000 என்ற இலக்கத்திற்கு தகவல் வழங்க முடியும். அல்லது www.crimestoppersvic.com.au என்ற பக்கத்தில் இரகசிய அறிக்கையை சமர்ப்பிக்க முடியும் என பொலிஸார் தெரிவித்துள்ளதாக செய்திகள் வெளியாகியுள்ளன.

மேலும், உ யிரிழந்த மாணவி இலங்கையை சேர்ந்த நிசாலி பெரேரா (20 வயது) எனவும், அவர் அவுஸ்ரேலியாவின் Monash பல்கலைக்கழகத்தில் கல்வி பயின்று வந்தவர் என்பதும் குறிப்பிடத்தக்கது.

உங்கள் பெயரும் வாக்காளர் பட்டியலில் உள்ளதா?

புதிய வாக்காளர்களை உள்ளடக்கிய புதிய வாக்காளர் இடாப்பு முடிவுறுத்தப்பட்டுள்ளதாக தேர்தல்கள் கண்காணிப்பு அமைப்பான பெப்ரல் தெரிவித்துள்ளது. 2019 ஆண்டுக்கான வாக்காளர் இடாப்பிலுள்ள உங்கள் தகவல்கள் சரியாக உள்ளதா என்பது தொடர்பில் சரி பார்த்துக் கொள்ளுமாறு மக்களிடம் கோரிக்கை விடுத்துள்ளது.

புதிய வாக்காளர் இடாப்பு நாடு முழுவதும் உள்ள கிராம சேவகர் அலுவலகம், பிரதேச செயலகம் மற்றும் மாவட்ட செயலகங்களில் காட்சிப்படுத்தப்பட்டுள்ளது. அதற்கமைய புதிய வாக்காளர் பெயர் பட்டியலில் உங்கள் பெயர் மற்றும் குடும்பத்தினரின் பெயர் சரியாக உள்ளதா என்பதைச் சரிப்பார்த்துக்கொள்ளுமாறு கோரிக்கை விடுக்கப்ப்ட்டுள்ளது.

எப்படியிருப்பினும் தேர்தல் செயலக அலுவலகத்தில் உள்ள இணையத்தளத்தில் இதுவரையில் வாக்காளர்களின் தரவுகள் உள்ளடக்கப்படவில்லை என்பது குறிப்பிடத்தக்கது. உங்களின் பெயர் விபரங்களை பரிசோதித்துப் பார்ப்பதற்கு இங்கே அழுத்தவும்.

நாய்க்கு இருக்கும் அன்பு

அனுராதபுரத்தில் அன்பு, பாசம், இரக்கம் மிருகங்கள் மத்தியில் உள்ளதை புலப்படுத்தும் சம்பவம் ஒன்று இடம்பெற்றுள்ளது.

சங்கமித்த மாவத்தையில் உள்ள வீடு ஒன்றில் நாய் ஒன்றின் அன்பு பார்ப்போரை நெகிழ வைத்துள்ளது. ஜயமுனி பிரேமாஞ்சலி டி சில்வா என்ற பெண், நாய் மற்றும் பூனை ஒன்றையும் வளர்த்து வருகிறார்.

ராணி என பெயரிடப்பட்டுள்ள நாய், தனது பாலை பூனைக்கு கொடுத்து பாசமாக பாதுகாத்து வருகிறது. இந்த நெகிழ்ச்சியான சம்பவம் பலரையும் வியப்பில் ஆழ்த்தியுள்ளது.

புதிய நடைமுறை

அனைத்து இலங்கையர்களினதும் கைரேகை அடையாளங்களை பெற்றுக் கொள்ளும் வேலைத்திட்டம் ஒன்றை முன்னெடுப்பதற்கு அரசாங்கம் நடவடிக்கை மேற்கொள்ள வேண்டும் என சட்ட வைத்தியர் சுட்டிக்காட்டியுள்ளார்.

நாடு முழுவதும் உள்ள வைத்தியசாலைகளுக்கு கிடைக்கும் அடையாளம் தெரியாத ச டலங்களை இனம் காண, கைரேகை உதவியாக இருக்கும் என கொழும்பு பிரதான சட்ட வைத்தியர் அஜித் தெரிவித்துள்ளார்.

கொழும்பு தேசிய வைத்தியசாலையின் பி ரேத அறைக்கு வருடத்திற்கு 150 அடையாளம் காண முடியாத ச டலங்கள் கிடைக்கின்றன. அவற்றினை அடையாளம் காண்பது சிக்கலாகியுள்ளதாக சட்ட வைத்தியர் குறிப்பிட்டுள்ளார்.

பி ரேத பரிசோதனையில் அடையாளம் காண முடியாத சடலங்களுக்கு அரச செலவில் இறுதி சடங்கு நடத்தப்படுகின்றது. பல சந்தர்ப்பங்களில் வாகன விபத்துக்களில் உ யிரிழப்போரின் சடலங்களை அடையாளம் காண்பதில் சிக்கல் நிலை ஏற்படுகிறது.

இவ்வாறான குழப்பமான நிலையை தவிர்ப்பதற்காக நாட்டிலுள்ள அனைத்து இலங்கையர்களின் கைவிரல் அடையாளங்களை பெறுவதன் மூலம் தீர்வு காண முடியும் என சட்ட வைத்தியர் மேலும் தெரிவித்துள்ளார்.

முகத்தை மறைத்தவாறு ஆடை

அவசரகால சட்டம் தற்போது தளர்த்தப்பட்டுள்ள நிலையில் முகத்தை மூடியவாறு ஆடை அணிந்திருந்த நான்கு பெண்கள் சந்தேகத்தின்பேரில் கைது செய்யப்பட்டனர். இச் சம்பவம் அண்மையில் காலிமுகத்திடலில் இடம்பெற்றுள்ளது.

வர்த்தகர் ஒருவரின் குடும்பத்தை சேர்ந்தவர்களே வான் படையினரால் கைதுசெய்யப்பட்டு பின்னர் பொலிஸாரிடம் கையளிக்கப்பட்டனர். இதன்பின்னர் முன்னாள் ஆளுநர் அசாத் சாலியின் தலையீட்டின் மூலம் அவர்கள் நான்கு பேரும் வாக்குமூலம் பெறப்பட்டு விடுவிக்கப்பட்டனர்.

இந்தநிலையில், முகத்தை மறைக்கும் ஆடைகள் தொடர்பில் உத்தியோகபூர்வ நிலைப்பாடு இல்லாவிட்டாலும் சட்டமா அதிபரின் ஆலோசனை கிடைக்கும் வரையில் அது தடைசெய்யப்பட்டுள்ளது. எனவே, சமூகத்தலைவர்கள் இதனை உறுதிப்படுத்திக்கொள்ள வேண்டும் என்று பொலிஸ் பேச்சாளர் ருவன் குணசேகர தெரிவித்துள்ளார்.