இருவர் பரிதாபமாக பலி

மன்னார் – முருங்கன் பகுதியில் நேற்று முன்தினம் இடம்பெற்ற வாகன விபத்தில் இரு இளைஞர்கள் சம்பவ இடத்திலேயே பலியாகியுள்ளனர்.

அளவக்கையில் இருந்து முருங்கன் நோக்கி சென்ற போது வேக கட்டுப்பாட்டினை இழந்த மோட்டார் சைக்கிள் மின் கம்பத்துடன் மோதி விபத்துக்குள்ளாகியதில் குறித்த இரண்டு இளைஞர்களும் சம்பவ இடத்தில் பலியாகியுள்ளனர்.

இதன்போது அளவக்கை, புதுக்குடியிருப்பை சேர்ந்த இராசதுரை பிரசாந்த் (வயது 24) , கணேஸ் தயாளன்(வயது19) ஆகிய இரண்டு இளைஞர்களே விபத்தில் பலியாகியுள்ளனர். இந்நிலையில் உயிரிழந்தவர்களின் சடலம் உடல் கூறு பரிசோதனைக்காக மன்னார் மாவட்ட பொது வைத்தியசாலையில் வைக்கப்பட்டுள்ளது.

குறித்த விபத்து நடைபெற்ற இடத்தில் சிறிய வளைவு, வீதியோரத்தில் பற்றைகள் நிறைந்திருப்பதால் எதிரே வரும் வாகனங்கள் சாரதிகளுக்கு தென்படுவதில்லையெனவும்,குறித்த இடத்தில் மேலும் ஒருவர் பலியாகியுள்ளமையும் குறிப்பிடத்தக்கது.

இலங்கை கு டியேறிகளை ஏற்றிச்சென்ற படகு ஒன்று தீ விபத்தில் எரிந்து அ ழிந்துபோயுள்ளதாக சர்வதேச ஊடகம் ஒன்று வெளியிட்டுள்ள செய்தியில் தெரிவிக்கப்பட்டுள்ளது.

ரியூனியன் தீவிற்கு இலங்கை குடியேறிகளை ஏற்றிச்சென்ற படகு ஒன்றே இவ்வாறு தீக்கிரையாகியுள்ளதாக ரியூனியன் தீவின் ஊடகங்கள் செய்தி வெளியிட்டுள்ளன.

கடந்த 2018ம் ஆண்டு டிசம்பர் மாதம் 26ம் திகதி இலங்கை கு டியேறிகளை அழைத்துக்கொண்டு குறித்த படகு ரியூனியன் தீவை சென்றடைந்துள்ளது.

மீன்பிடி உபகரணங்களுடன் “ரோஷன்” என்று பெயரிடப்பட்ட குறித்த படகு ரீயூனியன் தீவில் உள்ள ஒரு துறைமுகத்தில் நிறுத்தி வைக்கப்பட்டிருந்தது.

இந்நிலையில், குறித்த படகு நேற்று முன்தினம் தீ க்கிரையாகியுள்ளதாக அந்த செய்தியில் கூறப்பட்டுள்ளது.

இதனையடுத்து, அந்நாட்டு பொலிஸார் சம்பவம் குறித்து விசாரணைகளை முன்னெடுத்துள்ளதாக” அந்த செய்தியில் மேலும் கூறப்பட்டுள்ளது.

பிரான்ஸில் வாழும் சகோதரர்கள் இருவர் இலங்கையிலுள்ள தமது பெற்ற தாயை தேடி வருகின்றனர். இலங்கையில் பிறந்து சில மாதங்களில் பிரான்ஸ் தம்பதிக்கு தத்துக் கொடுக்கப்பட்ட இரு பிள்ளைகளே இவ்வாறு தமது தாயை தேடுகின்றனர்.

இரு தாய்மாருக்கு பிறந்த பிள்ளைகள் இருவர், பிரான்ஸ் தம்பதிக்கு தத்துகொடுக்கப்பட்ட நிலையில் இருவரும் சகோதரன், சகோதரிகளாக வாழ்ந்து வருகின்றனர்.

இரத்தினபுரி வைத்தியசாலையில் 1986ஆம் ஆண்டு பெப்ரவரி மாதம் 19ஆம் திகதி பிறந்த நிலந்திகே என்ற குழந்தை பிறந்த ஒரு மாதத்திலேயே பிரான்ஸ் தம்பதிக்கு தத்து கொடுக்கப்பட்டார். குறித்த பெண் தற்போது பிரான்ஸில் நடன கலைஞராக பணியாற்றி வருகின்றார்.

1987ஆம் ஆண்டு மற்றுமொரு குழந்தையை அதே பிரான்ஸ் தம்பதியர், இலங்கையில் தத்து எடுத்துள்ளனர். 1987ஆம் ஆண்டு ஜுன் மாதம் 20ஆம் திகதி சிறிவர்தன என்ற ஆண் குழந்தையே இவ்வாறு தத்து கொடுக்கப்பட்டுள்ளார்.

32 வருடங்களில் தமது சொந்த தாய்மாரை தேடி அக்காவும் தம்பியும் பிரான்ஸிலிருந்து இலங்கை வந்துள்ளனர். தாய்மாரை அடையாளம் காண டி.என்.ஏ சோதனை செய்வதற்கு அவர்கள் திட்டமிட்டுள்ளனர்.

குறைந்த கட்டணத்தில் விமான சேவை

உக்ரைனை தளமாக கொண்ட SkyUp LLC நிறுவனத்திற்கு சொந்தமான SkyUp Airlines விமான சேவை குறைந்த கட்டணத்தில் விமான சேவையை முன்னெடுப்பதற்கு தீர்மானித்துள்ளது. உக்ரைன் நாட்டு தலைநகரான Kyivவில் இருந்து கொழும்பு மற்றும் ஆஸ்திரியா ஆகிய இடங்களுக்கு குறைந்த கட்டனத்தில் விமான சேவையினை முன்னெடுப்பதற்கு தீர்மானிக்கப்பட்டுள்ளது.

சர்வதேச ஊடகங்கள் வெளியிட்டுள்ள செய்தியில் இந்த விடயம் தெரிவிக்கப்பட்டுள்ளது. இதற்கான விண்ணப்பம், தாக்கல் செய்யப்பட்டுள்ளதாகவும் தகவல்கள் வெளியாகியுள்ளன. குறிப்பாக, எதிர்வரும் ஒக்டோபர் முதலாம் வாரத்தில் Kyivவில் இருந்து கொழும்புக்கு சேவையினை ஆரம்பிப்பதற்கு அனுமதி கோரியுள்ளதாகவும் தெரிவிக்கப்பட்டுள்ளது.

அதேநேரம், Kyiv-Salzburgக்குமான விமானங்களையும் அதே விதிமுறைகளில் தொடங்குவதற்கு திட்டமிடப்பட்டுள்ளது. தற்போது, உக்ரைனில் இருந்து கொழும்பு மற்றும் Salzburgக்கு நேரடி விமான சேவைகள் இல்லை.

முன்னதாக, Kyiv மற்றும் கொழும்புக்கு இடையில், உக்ரைனின் மிகப்பெரிய விமான நிறுவனமான உக்ரைன் இன்டர்நேஷனல் ஏர்லைன்ஸ் (யுஐஏ) ஆல் இயக்கப்பட்டது, எனினும், திறமையின்மை காரணமாக மூடப்பட்டமை குறிப்பிடத்தக்கது!

ரூபாயின் பெறுமதி

அமெரிக்க டொலருடன் ஒப்பிடும் போது இலங்கை ரூபாயின் பெறுமதி பாரிய வீழ்ச்சியடைந்துள்ளது. இலங்கை மத்திய வங்கியினால் வட்டி வீதத்தை குறைப்பதற்கு நடவடிக்கை மேற்கொண்டமையினால் இந்த நிலைமை ஏற்பட்டுள்ளது.

மத்திய வங்கி வெளியிட்ட புதிய அறிக்கைக்கமைய இந்த தகவல் வெளியாகியுள்ளது.  அதற்கமைய மத்திய வங்கியினால் வெளியிடப்பட்ட நாணய மாற்று வீதத்திற்கமைய, வார இறுதியில் டொலர் ஒன்றின் விற்பனை விலை 181.24 ரூபாயாக பதிவாகியுள்ளது.

ரூபாயின் பெறுமதி பாரிய வீழ்ச்சியடைந்துள்ளது.இலங்கை மத்திய வங்கியினால் வட்டி வீதத்தை குறைப்பதற்கு நடவடிக்கை மேற்கொண்டமையினால் இந்த நிலைமை ஏற்பட்டுள்ளது.

திருகோணமலையில் இடம்பெற்ற விபத்தில்..

திருகோணமலை – ஹொரவ்பொத்தான பிரதான வீதியின் கம்பகொட்ட பகுதியில் இடம்பெற்ற விபத்தில் இளைஞர் ஒருவர் படுகாயமடைந்துள்ளார்.

குறித்த விபத்து நேற்றைய தினம் இடம்பெற்றுள்ளதுடன், இதன்போது படுகாயமடைந்த இளைஞர் திருகோணமலை பொது வைத்தியசாலையில் அனுமதிக்கப்பட்டுள்ளார்.

சம்பவத்தில் திருகோணமலை – கேணியடி பகுதியை சேர்ந்த 28 வயதுடைய இளைஞரே காயமடைந்துள்ளதாக தெரியவருகிறது.

திருகோணமலையிலிருந்து அநுராதபுரம் நோக்கி பயணித்த காரின் சாரதி வீதியின் குறுக்கே வந்த நாயை காப்பாற்ற முற்பட்ட போது கார் வீதியை விட்டு விலகி மின்கம்பத்துடன் மோதி விபத்து நேர்ந்துள்ளதாக ஆரம்ப கட்ட விசாரணைகளில் இருந்து தெரியவருகிறது.

விநோத சம்பவம்

தென்னிந்தியத் தொலைக்காட்சி ஒன்றில் ஒளிபரப்பாகும் பிக்பாஸ் நிகழ்ச்சியால் யாழ்ப்பாணத்தில் விநோத சம்பவம் ஒன்று இடம்பெற்றுள்ளது. குறித்த நிகழ்ச்சியால் நவாலிப் பகுதியில் வீடொன்றில் நாள் முழுவதும் மின்சாரம் தடைப்பட்டுள்ளது.

அந்தப் பகுதியிலுள்ள வீடொன்றில் பழைய பாடல்கள் மீது ஈர்ப்பு கொண்ட தந்தை ஒருவர் வானொலியில் பாடல் கேட்டுக் கொண்டிருந்தார். அவரது மகளுக்கு பிக்பாஸ் நிகழ்ச்சியில் ஆர்வம். தந்தை பாடல் கேட்டுக்கொண்டிருந்த நேரம் பிக்பாஸ் பார்த்துக் கொண்டிருந்தார்.

தொலைக்காட்சி சத்தத்தில் தந்தைக்கு பாடல் கேட்கவில்லை. அவர் வானொலியின் சத்தத்தைக் கொஞ்சம் அதிகரித்துள்ளார். தொலைக்காட்சி பார்த்துக்கொண்டிருந்த மகளுக்கு பாடல் சத்தம் இடையூறாக இருந்ததால் கொலைக்காட்சி சத்தத்தைக் கொஞ்சம் அதிகரித்தார். இருவரும் மாறி மாறி சத்தத்தை அதிகரித்தமையினால் இருவருக்கும் இடையே தர்க்கம் வெடித்தது.

பொறுமை இழந்த தந்தை ஒரு கட்டத்தில் அதிரடி முடிவு எடுத்தார். வீட்டுக்கு வெளியே சென்றவர் வீட்டு மின்சார மானிக்கான பியூஸை பிடுங்கி எடுத்து சட்டைப்பையில் போட்டுக் கொண்டு வீட்டை விட்டு வெளியேறியுள்ளார்.

வீடு இருளில் மூழ்க, மகளின் பிக்பாஸ் நிகழ்ச்சியும் தடைப்பட்டது. வீட்டை விட்டு பியூஸ் கட்டையுடன் சென்ற தந்தை மறுநாள் மாலை வீட்டுக்கு வந்தார். அதுவரை வீட்டில் இருந்தவர்கள் மின்சாரம் இல்லாதே இருந்துள்ளனர்.

யாழ் இளைஞன்

கனடா செல்லும் போது இடைநடுவில் உ யிரிழந்த யாழ்ப்பாண இளைஞன் தொடர்பில் புதிய தகவல்கள் வெளியாகி உள்ளன. 30 வயதான சிறிஸ்கந்தராசா தர்மேந்திரன் என்ற இளைஞன் உ யிரிழந்துள்ளமை கைரேகை மூலம் உறுதி செய்யப்பட்டுள்ளதாக காணாமல் போனோருக்கான புலம்பெயர்ந்தோர் திட்டம் தொடர்பான அமைப்பு தெரிவித்துள்ளது.

எல்லை ரோந்து முகவர்களால் Rio Grande பள்ளத்தாக்கில் “காணாமல் போன புலம்பெயர்ந்தோர் திட்டம்” ஊடாக தேடும் நடவடிக்கை ஒன்று முன்னெடுக்கப்பட்டுள்ளது. குறித்த திட்டத்தின் மூலம் கைரேகை சேர்க்கும் நடவடிக்கை மேற்கொள்ளப்பட்டது. இதன்போது தர்மேந்திரனின் கைரேகையும் கண்டுபிடிக்கப்பட்டுள்ளது.

“இந்த சம்பவம் தொடர்பில் கனடா எல்லை ரோந்து முகவர்களாலும், விசாரணை நடத்தியவர்களாலும் சரியான முறையில் விசாரணை நடத்தப்பட்டுள்ளது. ஒரு மனிதாபிமான அடைப்படையிலேயே இந்த நடவடிக்கை முன்னெடுக்கப்பட்டுள்ளது. இலங்கை அரசாங்கம் இந்த உ யிரிழப்பு தொடர்பில் சட்ட நடவடிக்கை மேற்கொள்ள திட்டமிட்டிருந்தால் உரிய மற்றும் சொந்த அடையாள தகவல்களை பயன்படுத்த வேண்டும்” என எல்லை ரோந்து முகவர் நிலைய அதிகாரி தெரிவித்துள்ளார்.

கோப்பாய் பகுதியை சேர்ந்த சிறிஸ்கந்தராசா தர்மேந்திரன் நான்கு மாதங்களுக்கு முன்னர் கனடாவுக்கு சென்ற நிலையில் உயிரிழந்துள்ளார்.