மாணவியின் வரலாற்று சாதனை

சப்ரகமுவா மாகாணம் – இரத்தினபுரி, பலாங்கொடையில் அமைந்துள்ள இந்துக் கல்லூரியைச் சேர்ந்த மாணவி ஒருவர் வரலாற்றுச் சாதனை படைத்துள்ளார்.

பாடசாலையின் வரலாற்றில் முதல் தடவையாக யாழ்.பல்கலைக்கழகத்தின் சட்ட பீடத்திற்கு அந்த மாணவி தெரிவாகியுள்ளார். இவ்வாறு பல்கலைக்கழகத்திற்கு தெரிவாகிய மாணவி தனுஜா மாலதி என தெரியவந்துள்ளது.

2018ஆம் ஆண்டு இடம்பெற்ற க.பொ.த உயர்தரப் பரீட்சையின் பெறுபேறுகளுக்கு அமைய, பல்கலைக்கழக நுழைவிற்கான வெட்டுப்புள்ளிகள் நேற்று வெளியாகியிருந்தமை குறிப்பிடத்தக்கது.

ஏற்பட்ட விபரீதம்

திருகோணமலை – கந்தளாயில் இரண்டு முச்சக்கர வண்டிகள் ஒன்றொடு ஒன்று மோதி விபத்துக்குள்ளானதில் நால்வர் படுகாயமடைந்த நிலையில் கந்தளாய் தள வைத்தியசாலையில் அனுமதிக்கப்பட்டுள்ளனர் என பொலிஸார் தெரிவித்துள்ளனர்.

குறித்த விபத்து கந்தளாய் பகுதியில் இன்றைய தினம் இடம்பெற்றுள்ளது. இரண்டு முச்சக்கர வண்டிகளும் வேகக் கட்டுப்பாட்டை இழந்ததமையே இவ்விபத்து இடம்பெற காரணம் என பொலிஸார் தெரிவித்துள்ளனர்.

விபத்துக்குள்ளான இரண்டு முச்சக்கர வண்டிகளும் கந்தளாய் பொலிஸ் நிலையத்தில் வைக்கப்பட்டுள்ளதாகவும், மேலதிக விசாரணைகளை கந்தளாய் பொலிஸார் தெரிவித்துள்ளனர்.

மலிங்க உருக்கம்

முன்னாள் ஜனாதிபதி மகிந்த ராஜபக்ச அவர்களுக்கு எனது மனமார்ந்த நன்றிகள், அவர் வழங்கிய ஆதரவினால் தான் எதிர்பார்த்ததை விட அதிக காலம் விளையாட முடிந்தது” என இலங்கை கிரிக்கெட் அணியின் நட்சத்திர வீரர் லசித் மலிங்க தெரிவித்துள்ளார்.

நேற்று தனது இறுதி ஒருநாள் சர்வதேச போட்டியில் விளையாடிய அவர், பிரியாவிடை உரையின் போது, இவ்வாறு கூறியுள்ளார். தொடர்ந்தும் கருத்து வெளியிட்ட அவர், “சில ஆண்டுகளுக்கு முன்பு தனக்கு பலத்த காயம் ஏற்பட்டபோது, ​​ராஜபக்ஷ அவர்கள் வைத்தியர் எலியந்தா வைட் என்பவரை அறிமுகப்படுத்தினார். அவர் தான் குணமடைய பெரிதும் உதவினார்.

ராஜபக்ச மற்றும் வைத்தியர் எலியந்தா வைட் இல்லையென்றால் தன்னால் தொடர்ந்து விளையாட முடிந்திருக்காது எனவும் லசித்த மலிங்க கூறினார். மேலும், ஐ.பி.எல் விளையாடுவதற்காக டெஸ்ட் கிரிக்கெட்டில் இருந்து ஓய்வு பெற்றேன் என்ற கூற்றை அவர் நிராகரித்தார்.

டெஸ்ட் கிரிக்கெட்டில் இருந்து ஓய்வு பெற்ற காரணத்தினாலேயே ஒருநாள் மற்றும் டி -20 கிரிக்கெட்டில் சிறப்பாக விளையாட தகுதியுடையதாக இருந்தது என்று மலிங்க கூறினார்.

இதேவேளை, ஒரு நாள் போட்டியில் இருந்து ஓய்வு பெற்றுள்ள தான், டி -20 கிரிக்கெட்டில் தொடர்ந்தும் விளையாடுவேன் என லசித் மலிங்க மேலும் தெரிவித்துள்ளார்.

விடுதலைப் புலிகளின் தலைவர் பிரபாகரன் உயிருடன் இருந்திருந்தால் தமிழ் தரகு அரசியல் கட்சிகளின் தகிடு தத்தி தாளங்கள் எவையும் இங்கு நடந்திருக்காது என நாடாளுமன்ற டக்ளஸ் தேவானந்தா தெரிவித்துள்ளார்.

அத்துடன், பிரபாகரன் உயிருடன் இருந்திருந்தால் இன்று அது நடந்திருக்காது இது நடந்திருக்காது என்று இந்த சபையில் கூச்சலிடுகிறார்கள் எனவும் அவர் கூறியுள்ளார்.

அண்மையில் நாடாளுமன்றில் உரையாற்றிய அவர் இதனை குறிப்பிட்டுள்ளார். தொடர்ந்தும் பேசிய அவர்,

“அரசியல் பிழைப்பு இங்கு நடந்திருக்காது. அண்ணை எப்போது சாவான். திண்ணை எப்போது காலி என காத்திருந்த நீங்கள் புலிகளில் தலைமை இல்லாமல் போன போது நீங்கள் உள்ளுர மகிழ்ந்தீர்களா இல்லையா?

இதே நாடாளுமன்ற சபையில் புலிகளை வெற்றி கொண்ட மகிந்த மகிந்த ராஜபக்ச அவர்களுக்கு நன்றி கூறி நீங்கள் உரையாற்றியிருந்தீர்களா இல்லையா?..

அதைவிடவும், புலிகளின் தலைமை இல்லாதொழிந்த போது மனிதநாகரீக பண்புகளை அடகு வைத்து நீங்கள் விருந்து படைத்து வெற்றி விழா கொண்டாடியது உண்மையா இல்லையா என்று கேட்கிறேன்.

புலிகளின் தலைமையை அரசியல் ரீதியாக மட்டும் விமர்சித்து வந்த நாங்கள் கூட நீங்கள் செய்தது போல் ஒரு அசிங்கமான, அநாகரீகமான இது போன்ற செயல்களில் ஈடுபட்டதில்லை.

நீங்கள் நினைத்திருந்தால் புலிகளின் தலைவர் பிரபாகரனை காப்பாற்றியிருக்கலாம். ஆனாலும் அதை நீங்கள் விரும்பியிருக்கவில்லை. வன்னியை நோக்கிய படை நகர்வு நடந்த போது பணப்பெட்டி அரசியலும், சவப்பெட்டி அரசியலும் சேர்ந்து உங்களில் 22 நாடாளுமன்ற உறுப்பினர்கள் இருந்தீர்கள்.

அழிவு யுத்தத்தை நிறுத்தி மக்களை காப்போம் வாருங்கள் என்று நான் உங்களிடம் தனித்தனியாகவும், பகிரங்கமாகவும் கேட்டிருந்தேன். நீங்கள் வரவில்லை.

எனது அழைப்பை ஏற்று நீங்கள் வந்திருந்தால் அன்று முள்ளிவாய்க்காலில் புலி சிங்க யுத்தத்தின் நடுவே அகப்பட்டு எமது மக்கள் குருதியில் சரிந்து மடிந்திருக்க மாட்டார்கள்.

நீங்கள் உங்கள் சுலாபங்களுக்காக அடிக்கடி உச்சரிக்கும் புலிகளின் தலைவர் பிரபாகரன் கூட இன்று உயிருடன் இருந்திருப்பார்.

முள்ளி வாய்க்கால் அழிவுகள் நடந்த போது உங்களிடமிருந்த 22 நாடாளுமன்ற உறுப்பினர்களில் எவராவது உங்கள் நாடாளுமன்ற பதவிகளை துறந்து எதிர்ப்பை தெரிவித்தீர்களா? இல்லை.

அவ்வாறு நீங்கள் உங்கள் பதவிகளை துறந்திருந்தால் 23 வது நாடாளுமன்ற உறுப்பினராக நானும் ஒருவனாக எனது பதவியை துறந்திருப்பேன்.

ஆகவே புலிகளின் தலைவர் பிரபாகரனின் இழப்பிற்கு மட்டுமன்றி முள்ளிவாய்க்காலில் கொல்லப்பட்ட எமது மக்களின் இழப்பிற்கும் பொறுப்பு கூற வேண்டியவர்கள். சவப்பெட்டி அரசியல் வாதிகளும். பணப்பெட்டி அரசியல் வாதிகளுமே.

கூரையேறி கோழி பிடிக்க முடியாதவன் வானமேறி வைகுண்டம் போக நினைப்பது போல், ஒரு கல்முனை விவகாரத்திற்கு கூட தீர்வு காண முடியாதவர்கள் புதிய அரசியல் யாப்பு குறித்து இந்த சபையில் பேச விளைந்திருப்பது தமிழ் மக்களையும் ஏமாற்றி உங்களையே நீங்களும் ஏமாற்றும் செயல் என்றே தமிழ் மக்கள் இன்று பேச தொடங்கியுள்ளார்கள்.

முப்பது வருடங்களாக போராடி எதை சாதித்தீர்கள் என்று கேட்டு எமது விடுதலை இயக்கங்களின் களமுனை தியாகங்களை கொசைப்படுத்தினார் உங்கள் தலைவர்களில் ஒருவர்.

அப்போதாவது நீங்கள் அது குறித்து உங்கள் தலமையை நோக்கி ஒரு கேள்வி எழுப்பியிருந்தால் அந்த முப்பது வருட போராட்டத்தில் ஈடுப்பட்ட புலிகளின் தலைவர் பிரபாகரனின் பெயரை நீங்கள் உச்சரிப்பதற்கு தகுதியானவர்கள் என்று அர்த்தப்படும்.” என அவர் மேலும் கூறியுள்ளார்.

-தமிழ்வின்-

ஒன்பது வயது சிறுமியை..

கண்டி – தல்வத்தை பகுதியில் 9 வயதான சிறுமியொருவரை க டத்திச் செல்ல முயற்சித்த நபரொருவர் கைது செய்யப்பட்டுள்ளார். கைது செய்யப்பட்டுள்ள சந்தேக நபர் உடதலவின்ன பகுதியை சேர்ந்த 39 வயதான ஒரு பிள்ளையின் தந்தை என காவல்துறை தெரிவித்துள்ளது.

கடந்த நான்காம் திகதி குறித்த சிறுமி பாடசாலை நிறைவடைந்து மீண்டும் வீடு திரும்பிக்கொண்டிருந்த வேளை, குறித்த நபர், சிறுமியின் தாய் நகரில் இருப்பதாகவும் தாம் அங்கு அழைத்து செல்வதாகவும கூறி அவரை உந்துருளியில் ஏற்றிச் சென்றுள்ளார்.

எனினும் சந்தேக நபர் சிறுமியை விக்டோரியா நீர்த்தேக்கத்திற்கு அருகில் உள்ள வனப்பகுதிக்கு அழைத்து செல்ல முற்பட்டுள்ளார். இதன்போது குறித்த நபருக்கு தொலைபேசி அழைப்பு வந்ததை அடுத்து அந்த வாய்ப்பை பயன்படுத்தி கொண்ட சிறுமி வீதியை நோக்கி ஓடியுள்ளார்.

பின்னர் வீதியில் பயணித்த முச்சக்கரவண்டியை நிறுத்தியுள்ள சிறுமி சம்பவம் தொடர்பில் அதன் சாரதிக்கு தெரிவித்துள்ளார். இந்நிலையில் சிறுமி தாயிடம் ஒப்படைக்கப்பட்டதன் பின்னர், தாய் சம்பவம் தொடர்பில் அதிக அவதானம் செலுத்தி அப்பகுதிகளில் உள்ள சி.சி.டி.வி காணொளிகளை பரிசோதனை செய்து சந்தேக நபரை இனங்கண்டுள்ளார்.

பின்னர் தனது வீட்டில் கூலி வேலை இருப்பதாக குறித்த நபரை ஏமாற்றி தமது வீட்டுக்கு அழைத்துள்ள சிறுமியின் தாய், அவரை பிரதேசவாசிகளுடன் இணைந்து மடக்கி பிடித்துள்ளார். இந்நிலையில் சம்பவம் தொடர்பில் பிரதேசவாசிகள் கண்டி காவல்துறைக்கு அறிவித்து சந்தேக நபரை ஒப்படைத்துள்ளனர்.

கர்ப்பிணியான தனது மனைவியை..

கர்ப்பிணியான தனது மனைவியின் கழுத்தை நெ ரித்து கொ லை செய்த சம்பவம் தொடர்பில் அவரது கணவர் காவல்துறையால் கைது செய்யப்பட்டுள்ளார். நேற்று முன்தினம் (24.07) அதிகாலை பதுளை – ஸ்பிரிவேலி தோட்டம், முதலாவது பகுதியில் உள்ள வீட்டில் இந்த கொ லைச் சம்பவம் இடம்பெற்றுள்ளது.

சந்தேக நபரான கணவர், கொழும்பில் பணிபுரிந்து வருவதோடு, அண்மையில் வீட்டுக்கு சென்றிருந்த போதே இந்த கொ லை இடம்பெற்றுள்ளதாக தெரிவிக்கப்பட்டுள்ளது. மனைவியின் தொலைபேசி இலக்கத்திற்கு சந்தேகத்திற்கிடமான குறுந்தகவல் கிடைத்ததுடன்,

அவர் யாழ்ப்பாணம் பகுதியில் நபரொருவருடன் தொடர்பை பேணி வருவதாக தகவல் கிடைத்தமையால் மனைவியை கொ லை செய்ததாக கணவர், காவல்துறைக்கு வாக்குமூலம் வழங்கியுள்ளார்.

கொ லை செய்யப்பட்டுள்ள பெண்ணின் கையடக்க தொலைபேசியை காவல்துறை கைப்பற்றியுள்ளதோடு, சம்பவம் தொடா்பில் பதுளை காவல்துறை மேலதிக விசாரணைகளை மேற்கொண்டு வருகிறது.

கொ டூரமான முறையில் கொ லை

கலேவெல, கலாவெவ சந்தியில் சிறிய பேருந்து தரிப்பிடத்தில் உறங்கிக்கொண்டிருந்த ஒருவர் கொ லை செய்யப்பட்டுள்ளதாக கலேவெல பொலிஸார் தெரிவித்துள்ளனர். இந்த நபர், இன்று அதிகாலை 2.30 அளவில் மிகவும் கொ டூரமான முறையில் கொ லை செய்யப்பட்டுள்ளதாகவும் கொ லை செய்யப்படுவதை இரண்டு பேர் அருகில் இருந்து பார்த்துக்கொண்டிருந்ததாகவும் விசாரணைகளில் தெரியவந்துள்ளது.

சம்பவம் தொடர்பான காட்சிகள் அருகில் உள்ள கடையொன்றில் பொருத்தப்பட்டிருந்த சீ.சீ.டி.வி கெமராவில் பதிவாகியுள்ளதாக கலேவெல பொலிஸ் நிலைய பொறுப்பதிகாரி தெரிவித்துள்ளார். கலேவெல நகரில், வர்த்தக நிலையங்களில் கூலி தொழில் செய்து, நகர மத்தியில் உள்ள கழிவறையை சுத்தம் செய்யும் பணியில் ஈடுபட்டு வந்த, ரத்தோட்டை பிரதேசத்தை சேர்ந்தவரே இவ்வாறு கொ லை செய்யப்பட்டுள்ளார்.

இந்த நபரை தாக்கியதாக கூறப்படும் மத்திய மாகாண பயணிகள் போக்குவரத்து அதிகார சபையின் தம்புள்ளை பேருந்து நிலையத்தின் நேர குறிப்பாளரை பொலிஸார் சந்தேகத்தின் பேரில் கைது செய்துள்ளனர்.

கைது செய்யப்பட்ட நபரின் தலையில் காயம் இருப்பதால், அவர் கலேவெல வைத்தியசாலையில் அனுமதிக்கப்பட்டுள்ளார். சம்பவம் குறித்து கலேவெல பொலிஸார் விசாரணைகளை மேற்கொண்டு வருகின்றனர்.

ஏற்பட்ட விபரீதம்

யாழ்ப்பாணத்தில் இன்று அதிகாலையில் மின்னல் தாக்கத்தினால் பல வாகனங்கள் முற்றாக எரிந்து நாசமாகி உள்ளது. மானிப்பாய், ஆணைக்கோட்டை பிரதேசத்தில் வீடு ஒன்றில் நிறுத்தி வைக்கப்பட்ட சொகுசு வான் ஒன்று முழுமையாக எரிந்துள்ளது.

இன்று அதிகாலை 1.20 மணியளவில் இந்த பகுதியில் பெய்த மழையின் போது மின்னல் தாக்கம் ஏற்பட்டுள்ளது. மின்னலினால் வேனில் இருந்த அனைத்து பொருட்களும் கருகியுள்ளது.

வீட்டு உரிமையாளர் தீயை அணைப்பதற்கு முயற்சித்த போதிலும் முடியாமல் போயுள்ளது.

வேனில் ஏற்பட்ட தீ பரவல் காரணமாக அருகில் நிறுத்தப்பட்டிருந்த லொறி மற்றும் முச்சக்கர வண்டிக்கும் பாதிப்பு ஏற்பட்டுள்ளது. சம்பவம் தொடர்பில் பொலிஸ் நிலையத்தில் முறைப்பாடு ஒன்றும் செய்யப்பட்டுள்ளது.

விமான நிலையத்தில் ஏற்பட்ட மாற்றம்

தெற்காசிய நாடுகளில் முதல் முறையாக கட்டுநாயக்க விமான நிலையத்தில் புதிய முயற்சி ஒன்று மேற்கொள்ளப்பட்டுள்ளது. கட்டுநாயக்க விமான நிலையத்தின் விமான ஓடு பாதையில் LED மின்குமிழ்கள் முதல் முறையாக பொருத்தப்பட்டுள்ளன.

LED மின்குமிழ்கள் பொருத்தப்பட்ட பின்னர் அதனை இரவில் ஒளிர செய்து விமான பயணங்கள் முன்னெடுக்கப்பட்டுள்ளது.

நேற்றைய தினம் இந்த முயற்சி பரீட்சை செய்து பார்க்கப்பட்டதாக விமான நிலையத் தகவல்கள் தெரிவிக்கின்றன.