காத்திருந்த அதிர்ச்சி

பிரான்ஸில் இருந்து இலங்கை வந்த தமிழர் ஒருவர் கட்டுநாயக்க விமான நிலையத்தில் வைத்து கைது செய்யப்பட்டுள்ளார். ஒரு கிலோ தங்கத்துடன் வந்த நபரே இவ்வாறு நேற்று கைது செய்யப்பட்டிருப்பதாக இலங்கை சுங்க பிரிவு தெரிவித்துள்ளது.

இலங்கை தமிழரான இவர் பிரான்ஸ் பிரஜாவுரிமை கொண்டிருப்பதாக சுங்க பிரிவு தெரிவித்துள்ளது. சந்தேக நபரிடமிருந்து மீட்கப்பட்ட தங்கம் அரச உடமையாக்கப்பட்டுள்ளது. குறித்த தங்கத்தின் பெறுமதி 80 இலட்சம் ரூபா என மதிப்பிடப்பட்டுள்ளது.

பிஸ்கட் பக்கட் ஒன்றினுள் வைத்து தங்கம் மறைத்து கொண்டு வரப்பட்டுள்ளதாக சுங்க பிரிவு தெரிவித்துள்ளது. கைது செய்யப்பட்ட சந்தேக நபர் 48 வயதுடைய என தெரிய வந்துள்ளது. அவர் பிரான்சில் இருந்து ஓமான் சென்று, அங்கிருந்து விமானம் ஊடாக நேற்று மாலை 3.20 மணியளவில் கட்டுநாயக்க விமான நிலையத்தை வந்தடைந்தார்.  அவர் விமான நிலையத்தில் இருந்து வெளியேறும் போது ஒரு கிலோ கிராம் பெறுமதியான தங்க பிஸ்கட் ஒன்று மறைத்து வைத்திருந்தமை கண்டுபிடிக்கப்பட்டுள்ளது.

பலாலி விமான நிலையம்

போர் நடைபெற்ற காலத்தில் இலங்கை இராணுவத்திடம் ஒப்படைக்கப்பட்ட யாழ், பலாலி விமான நிலையம் இன்று மீண்டும் சிவில் விமான போக்குவரத்து அதிகார சபையிடம் கையளிக்கப்பட்டுள்ளது.

இந்த நிகழ்வு போக்குவரத்து மற்றும் சிவில் விமான சேவைகள் அமைச்சர் அர்ஜூன ரணதுங்க தலைமையில் நடைபெற்றதுடன் யாழ் மாவட்ட நாடாளுமன்ற உறுப்பினர் மாவை சேனாதிராஜாவும் அதில் கலந்துக்கொண்டார்.

பலாலி விமான நிலையத்தை சர்வதேச விமான நிலையமாக அபிவிருத்தி செய்யும் தேசிய வைபவம் என இந்த நிகழ்ச்சி பெயரிடப்பட்டிருந்த போதிலும் நிகழ்வில் தேசிய கீதம் இசைக்கப்படவில்லை. இந்த நிகழ்வில் தேசிய கீதம் இசைப்பது நிகழ்ச்சி நிரலில் நீக்கப்பட்டுள்ளதாக கூறப்படுகிறது.

பலாலி விமான நிலையத்தில் இருந்து எதிர்வரும் ஆகஸ்ட் மாதம் முதல் வாரத்தில் இந்தியாவுக்கான விமான போக்குவரத்து ஆரம்பிக்கப்பட உள்ளதாக கூறப்படுகிறது. சென்னை, ஹைத்ராபாத், கொச்சின், பெங்களூர், மும்பாய் போன்ற இந்திய நகரங்களுக்கு விமான சேவைகள் ஆரம்பிக்கப்பட உள்ளதாக ஏற்கனவே அறிவிக்கப்பட்டிருந்தது.

நெகிழ்ச்சியான செயல்

உயிர்த்த ஞாயிறு த ற்கொலை குண் டுத்தாக்கு தலில் உயிரிழந்த தனது சகோதரர் மற்றும் சகோதரியின் பெயரில் தர்ம ஸ்தாபனம் ஒன்றை உருவாக்கியுள்ளதாக பிரித்தானியாவில் வாழும் சகோதரர் தெரிவித்துள்ளார்.

தனது சகோதரங்கள் குண் டுத் தாக் குதலில் சிக்கி சிகிச்சை பெற்ற வைத்தியசாலைக்கு உதவி செய்யும் நோக்கில் அறக்கட்டளை ஆரம்பிக்கப்பட்டுள்ளதாக டேவிட் லின்சே என்ற பிரித்தானிய இளைஞன் தெரிவித்துள்ளார்.

உயிரி ழந்த தனது சகோதரர்கள் தங்கியிருந்த கொழும்பு ஷங்கிரிலா ஹோட்டலுக்கு சென்று பார்வையிடவுள்ளதாக அவர் தெரிவித்துள்ளனர். அங்கு சென்று அவர்களுக்கு அஞ்சலி செலுத்தினால் தான் தனக்கு அமைதி கிடைக்கும் என குறிப்பிட்டுள்ளார்.

தற்போதைய நிலையில் இலங்கைக்கு செல்வதற்கு பெற்றோர் முதலில் மறுப்பு தெரிவித்தனர். எனினும் அனுமதி கொடுத்துள்ளனர் என டேவிட் லின்சே தெரிவித்தார்.

தனது தந்தையும் சகோதரர்களும் இலங்கை சென்றதாகவும் எனினும் பல்கலைகழக பரீட்சை காரணமாக தான் இலங்கை செல்லவில்லை எனவும் அவர் தெரிவித்துள்ளார். குண் டுத்தாக் குதலில் சகோதரன் டானியல் லின்சேயையும் சகோதரி அமெலியையும் உயிரிழந்தனர். அந்த நேரத்தில் அப்பா தொலைவில் இருந்தமையினால் உயிர் தப்பினார்.

அவர்கள் கொல் லப்பட்ட இடத்தில் அஞ்சலி செலுத்த வேண்டும் என நினைக்கின்றேன், அப்படி செய்யாவிட்டால் எனது மனோநிலையில் அது பாதிப்பை ஏற்படுத்தும். எனது மன அழுத்தத்தை குறைப்பதற்காக நான் இலங்கை செல்லப்போகின்றேன் எனவும் அவர் குறிப்பிட்டுள்ளார்.

சகோதரங்கள் கொல் லப்பட்ட அடுத்த சில நாட்களில் அவர்களின் பெயரால் தான் அறக்கட்டளை ஒன்று ஏற்படுத்தியுள்ளேன். இலங்கையில் பாதிக்கப்பட்டவர்கள் மற்றும் தனது சகோதரங்களிற்கு மருத்துவ சிகிச்சை அளித்த வைத்தியசாலைக்கு உதவுவதே நோக்கமாகும்.

குறிப்பிட்ட வைத்தியசாலை குண் டுவெடி ப்பின் பின்னர் சிகிச்சை அளிப்பதில் சிரமத்தை எதிர்கொண்டது. அந்த வைத்தியசாலையின் தேவை குறித்து மதிப்பிடுவதற்கு ஏற்கனவே அமெரிக்காவிலிருந்து நிபுணர்கள் குழுவை அமர்த்தியுள்ளதாக டேவிட் லின்சே குறிப்பிட்டுள்ளார்.

வைத்தியசாலையில் ஒரே குழப்பநிலை காணப்பட்டதாக எனது அப்பா தெரிவித்தார். அங்கு குண்டுவெடிப்பிற்கு சிகிச்சை அளிப்பதற்கான திறன் இருக்கவில்லை எனவும் லின்சே தெரிவித்துள்ளார்.

உயிர்த்த ஞாயிறு குண் டுவெடி ப்பில் கொல் லப்பட்டவர்களின் குடும்பத்தவர்களை சந்திக்க விரும்புவதாகவும் அவர் தெரிவித்துள்ளார். அவர்கள் நிச்சயமாக துயரத்தில் சிக்குண்டுள்ளனர். நான் அவர்களிற்கு வாழ்வதற்கான இடமும் கல்வியும் உளவியல் ஆற்றுகையும் கிடைப்பதை உறுதி செய்யப் போகின்றேன் என பிரித்தானியாவில் வாழும் உயிரிழந்தவர்களின் சகோதரான டேவிட் லின்சே தெரிவித்துள்ளார்.

நீதிமன்றம் விதித்த அதிரடி உத்தரவு

மரண தண்டனை கைதிகள் எவரையும் தூக்கிலிடவும், தூக்கிலிட வழங்கப்பட்ட அனுமதிக்கும் தடை உத்தரவு பிறப்பிக்கப்பட்டுள்ளது. உச்ச நீதிமன்றம் இன்று இந்த இடைக்கால தடை உத்தரவை பிறப்பித்துள்ளது. அதற்கமைய எதிர்வரும் ஒக்டோபர் மாதம் 30ஆம் திகதி வரை இந்த தடை உத்தரவு பிறப்பிக்கப்பட்டுள்ளது.

12 வழக்குகள் இது தொடர்பில் தாக்கல் செய்யப்பட்டிருந்த போதும் மரண தண்டனை கைதியான மொஹம்மட் ஹனீபா என்பவரின் வழக்கே இன்றைய தினம் விசாரணைக்கு எடுத்துக் கொள்ளப்பட்டது. ஜனாதிபதி சட்டத்தரணியான எம்.ஏ.சுமந்திரன் வழக்கு தொடர்பான தனது வாதத்தை தொடர்ந்த நிலையில் இதனை ஆராய்ந்த மூன்று நீதியரசர்கள் அடங்கிய நீதிபதிகள் குழாம் தடை உத்தரவை பிறப்பித்துள்ளது.

மரண தண்டணையை அமுல்படுத்த கடந்த 26ஆம் திகதி ஜனாதிபதி கையெழுத்திட்டதையடுத்து 12 அடிப்படை மனித உரிமை மீறல் வழக்குகளை உயர் நீதிமன்றில் திருமதி கௌரி சங்கர் தவராஜா தாக்கல் செய்திருந்தார். மரண தண்டணையை எதிர்நோக்கும் கைதிகளின் சார்பாக சிரேஸ்ட சட்டத்தரணிகள் எழுவரும், மனித உரிமை ஆர்வலர்கள், சமய பெரியார்கள் ஆகியோர் சார்பாக இந்த அடிப்படை மனித உரிமை மீறல் மனுக்கள் தாக்கல் செய்யப்பட்டன.

இந்த மனுக்களில் சட்டமா அதிபர், நீதி அமைச்சர், சிறைச்சாலை ஆணையாளர், வெலிக்கடை சிறைச்சாலை அத்தியட்சகர், ஜனாதிபதியின் செயளாளர், மனித உரிமை ஆணையாளர் சட்டத்தரணிகள் சங்க தலைவர் ஆகியோர் பிரதிவாதிகளாக குறிப்பிடப்பட்டிருந்தனர். இதேவேளை கடந்த வருடம் ஏற்பட்ட அரசியல் நெருக்கடியின் போதும் ஜனாதிபதிக்கு எதிராக உயர் நீதிமன்றம் தீர்ப்பளித்திருந்தது.

அரசியலமைப்பை மீறி நாடாளுமன்றத்தை கலைத்தார் என மனு தாக்கல் செய்யப்பட்டிருந்தது. இதற்கு ஆதரவாக உயர் நீதிமன்றம் தீர்ப்பளித்திருந்தது. இந்நிலையில் இன்றைய தினமும் ஜனாதிபதியால் அமுல்படுத்தப்பட்ட மரண தண்டனை நடைமுறைக்கும் உயர் நீதிமன்றம் இடைக்கால தடை உத்தரவு வழங்கியுள்ளமை குறிப்பிடத்தக்கது.

கதறி அழுத லசித் மலிங்க..

ஊறுபொக்க கின்னெலிய பகுதியில் ஒரு ஏழை குடும்பத்தில் பிறந்த சிறுவனே லசித் மாலிங்க. லசித் மாலிங்க எனும் சிறுவன் கல்வியிலும் விளையாட்டு துறையிலும் அதிகம் ஆர்வம் கொண்டவனாக காணப்பட்டான். பாடசாலையில் அனைத்து ஆசியரியர்களின் கவனத்தை ஈர்த்தவனே லசித் மாலிங்க.

இந்நிலையில் தாய் தந்தை இருவரும் வீட்டில் அடிக்கடி முர ண்படுவது வழக்கமாக காணப்பட்டுள்ளது. இருவருக்குமிடையில் முர ண்பாடுகள் அதிகரித்து செல்கையில தாய்க்கு பிரிதொரு நபருடன் தகாத உறவு காணப்படுகின்றமையை தந்தை உணர்ந்துக்கொண்டுள்ளார். சிறிது காலம் செல்கையில் தாய் தகாத உறவு வைத்திருந்த நபரை மறுமணம் செய்துக்கொள்வதாக தெரிவித்து விட்டு அவரோடு சென்று விட்டார்.

தாய் சென்றவுடன் தாய் அன்பிற்காக ஏங்கிக்கொண்டிருந்த லசித் மாலிங்க கல்வி மீது காணப்பட்ட அக்கறையை குறைத்துக்கொண்டுள்ளார். கல்வியில் வீழ்ச்சியை கண்டு ஆசிரியர்கள் லசித் மாலிங்கவின் தந்தையிடம் தெரிவித்துள்ளனர்.

இந்நிலையில் லசித் மாலிங்கவின் தந்தை சிறிது காலம் சென்றதும் ஏற்கனவே விவாகம் புரிந்து ஒரு பிள்ளையுடன் தனிமையில் வாழ்ந்து வந்த பெண் ஒருவரை திருமணம் செய்கின்றார். குறித்த பெண்ணின் மகனையும் அழைத்துக்கொண்டு லசித் மாலிங்கவின் தந்தையுடன் வசிப்பதற்கு தீர்மானம் மேற்கொள்கின்றார்.

இவர்களின் வாழ்க்கையும் மகிழ்ச்சியாக சென்றுக்கொண்டிருந்த வேளை லசித்த மாலிங்க மீது தந்தைக்கும் அக்கறை குறைவடைந்துள்ளது. மாலிங்க பெற்றோரின் அன்பிலிருந்து புறக்கணிக்கப்பட்டான். சிறு வயது என்பதால் அடுத்த கட்டத்தை நோக்கி சிந்திப்பதற்கும் அவனால் முடியவில்லை.

காலம் கடந்தது… லசித் மாலிங்கவிற்கு 13 வயது ஆனது.. கடந்த மாதம் 9 ஆம் திகதியே எதிர்பாராத அந்த சம்பவம் நடந்தது. லசித் மாளிங்க தாய் தந்தையரை பிரிந்து தனிமையில் உறங்கிக்கொண்டிருக்கின்றான். தந்தை அவரது அறையில் உறங்கிக்கொண்டிருந்தார் இரண்டாவது மனைவியும் அவருக்கு முதல் திருமணத்தில் பிறந்த மகனும் பிரிதொரு அறையில் உறங்கிக்கொண்டிருக்கின்றனர்.

ஆழ்ந்த நித்திரையிலிருந்த லசித் மாலிங்க தன்னை காப்பாற்றுமாறு கத றுகிறான்… திடுக்கிட்டு விழிந்தெழுந்த தந்தையும் அவரது இரண்டாவது மனைவியும் பார்க்கையில் லசித் மாலிங்க தீ யினால் எரி ந்துக்கொண்டிருந்தான். வைத்தியசாலைக்கு கொண்டு சென்ற போதும் பலனளிக்கவில்லை.

அன்று அதிகாலை இரண்டு மணிக்கு காவல் துறைக்கு லசித் மாலிங்கவின் தந்தை முறைப் பாடளித்துள்ளார். காவல் துறை மேற்கொண்ட விசாரணைகளை தொடர்ந்து உயி ரிழந்த லசித் மாலிங்கவின் தந்தை தனது இரண்டாவது மனைவி மீதே சந்தேகம் என தெரிவித்துள்ளார்.

அதற்கிணங்க காவல் துறையினர் இரண்டாவது மனைவியை கைது செய்துள்ளனர். தொடர்ந்து முன்னெடுக்கப்பட்ட விசாரணைகளுக்கமைய தந்தையும் தற்பொழுது கைது செய்யப்பட்டுள்ளார்.

ஆனால் லசித் மாலிங்க எதற்காக தீ க்கிரையாகி உயிரி ழந்தான், அவனை ஏன் கொ லை செய்யவேண்டும், யார் இதனை செய்திருப்பார்கள் போன்ற விடயங்களை அறிந்துக்கொள்ள காவல் துறையினர் தொடர்ந்து விசாணைகளை மேற்கொண்டு வருகின்றனர்.

பெண் பலி

குருணாகல்-தேவாலயம் வீதியில் இடம்பெற்ற வாகன விபத்தில் பெண் ஒருவர் உயிரிழந்துள்ளார். இந்த விபத்து நேற்று இடம்பெற்றதாக காவல் துறை தெரிவிக்கின்றது.

முச்சக்கர வண்டி தடம் புரண்டதால் விபத்து ஏற்ப்பட்டதாக காவல் துறை ஊடக பேச்சாளர் ருவன் குணசேகர தெரிவித்தார். விபத்தில் முச்சக்கர வண்டி தடம் புரண்டதில் அதில் பயணம் செய்த 68 வயதுடைய எஸ்வாத்துவ பிரதேஷத்தை சேர்ந்த பெண் ஒருவர் உயிரிழந்துள்ளார்.

விபத்து தொடர்பில் முச்சக்கர வண்டியின் சாரதி கைது செய்யப்பட்டுள்ளதாக காவல் துறை தெரிவிக்கின்றது.