நேர்ந்த விபரீதம்

தமிழகத்தில் மனைவியின் வட்ஸ் அப்பை பார்த்து அதிர்ச்சியடைந்த கணவன் தனது மகனுடன் சேர்ந்து தற்கொலை செய்து கொண்ட சம்பவம் அதிர்வலைகளை ஏற்படுத்தியுள்ளது. கோவையை சேர்ந்தவர் அர்ஜூன். இவர் சொந்தமாக டெயிலர் கடை நடத்தி வந்தார். இவரது மனைவி அலமேலு. இவர்களுக்கு 9 ஆம் வகுப்பு படிக்கிற வயதில் மகன் இருக்கும் நிலையில் அலமேலு வீட்டில் இருக்கும் நேரத்தில் வாட்ஸ் ஆப்பில் நண்பர்களுடன் சாட்டிங் செய்து வந்ததாக கூறப்படுகின்றது.

இந்நிலையில் புதன்கிழமை அலமேலு வேலைக்கு சென்றுவிட்டு வீடு திரும்பிய போது வீட்டுக்குள் அர்ஜுனனும், அவரது 13 வயது மகனும் தூக்கில் தொங்கிய நிலையில் சடலமாக கிடந்தனர். தகவல் அறிந்து விரைந்து வந்த பொலிசார் இருவரது சடலங்களையும் மீட்டு பிணகூறாய்வுக்கு அனுப்பி வைத்தனர். வீட்டில் இருந்து தேனில் கலந்த சாணிப்பவுடர் மற்றும் அர்ஜுனன் கைப்பட எழுதிய தற்கொலை கடிதம் போன்றவற்றை கைப்பற்றினர்.

முதலில் தனது மகனுக்கு சாணிப்பவுடரை தேனில் கலந்து சாப்பிடக்கொடுத்து விட்டு, உயிர் பிழைத்துக் கொள்ளக்கூடாது என்று இருவரும் தூக்கு போட்டு தற்கொலை செய்திருக்கலாம் என்று பொலிசார் தெரிவித்தனர். மேலும் அந்த கடிதத்தில் எழுதியிருந்த வரிகள் தந்தை மகன் தற்கொலைக்காண காரணத்தை விவரிப்பதாக இருந்தது.

தனியார் நிறுவனம் ஒன்றில் பணிக்கு சென்று வரும் மனைவி அலமேலுவுக்கு, வாட்ஸ் ஆப்பில் நிறைய நண்பர்கள் இருந்ததாகவும் அதில் ஒரு ஆண் நண்பருடன் அலமேலு நீண்ட நேரம் சாட்டிங்கில் ஈடுபட்டு வந்ததை கண்டு அர்ஜுனன் கண்டித்துள்ளார். ஆனால் அலமேலு கணவனின் பேச்சை கேட்கவில்லை என்று கூறப்படுகின்றது.

சம்பவத்தன்று இரவு அலமேலு அந்த நபருடன் சாட்டிங்கில் ஈடுபட்ட வாட்ஸ் ஆப் பதிவுகளை வாசித்து பார்த்த அர்ஜூனன் கடும் அதிர்ச்சி அடைந்துள்ளார். தடம் மாறி பயணித்த தனது மனைவியே ஒப்புதல் வாக்குமூலம் அளித்தது போல அந்த வாட்ஸ் ஆப் உரையாடல்கள் இருந்ததாக கூறப்படுகின்றது. இதனால் விரக்தி அடைந்து அர்ஜுனன் உயிரை மாய்த்துக் கொண்டதாக காவல்துறையினர் தெரிவித்தனர். சம்பவம் தொடர்ந்து பொலிசார் தீவிர விசாரணை மேற்கொண்டு வருகின்றனர்.

இறந்த நண்பனின் உடலுடன்..

தஞ்சாவூர் மாவட்டத்தில் காதல் தோல்வியால் தற்கொலை செய்துகொண்ட இளைஞரின் உடலை, அவருடைய நண்பர்கள் அனைவரும் சேர்ந்து கண்ணீருடன் கிரிக்கெட் மைதானத்தை சுற்றிவந்துள்ள சோக சம்பவம் நடந்துள்ளது.

தஞ்சாவூர் மாவட்டத்தை சேர்ந்த அழகப்பன் (27) கிரிக்கெட் விளையாடுவதில் அதிக ஆர்வம் கொண்டவர். அரண்மனை அருகே உள்ள பீட்டர் பள்ளி மைதானத்தில் தினமும், காலை மற்றும் மாலை என இரண்டு வேளைகளிலும் விளையாடும் பழக்கம் கொண்டவர்.

அதோடு மட்டுமில்லாமல் பக்கத்து ஊர்களில் நடக்கும் போட்டிகளிலும் பங்கேற்று அதிக கிண்ணங்களை வென்று வந்துள்ளார். இவர் ஒரு பெண்ணை காதலித்து வந்ததாக கூறப்படுகிறது. ஆனால் அவருடைய காதல் தோல்வியில் முடிந்ததால், சில நாட்களாகவே சோகமாக இருந்து வந்துள்ளார்.

கடந்த மூன்று நாட்களுக்கு முன்பு திடீரென அழகப்பன் எலி மருந்தை சாப்பிட்டுள்ளார். இதனையடுத்து வேகமாக மீட்கப்பட்ட அவருக்கு மருத்துவமனையில் தீவிர சிகிச்சை அளிக்கப்பட்டு வந்தது.

இந்த நிலையில் அவர் சிகிச்சை பலனின்றி உயரிழந்துள்ளார். அவருடைய உடலை ஆம்புலன்சில் கொண்டு வரும்போதே ஏராளமான இளைஞர் பட்டாளம் முன்னும், பின்னுமாக இருசக்கர வாகனங்களில் வந்துகொண்டிருந்துள்ளனர்.

கிரிக்கெட் மைதானம் அருகே அம்புலன்ஸ் வந்ததும், மைதானத்திற்குள் விடுமாறு கூறியுள்ளனர். மைதானத்தை மூன்று முறை சுற்றியதும், நடுப்பகுதியில் சிறிது நேரம் நிறுத்தி வைத்து அனைவரும் கண்ணீர் விட்டு அழுதுள்ளனர்.

பின்னர் உடலை ஊர்வலமாக தூக்கிக்கொண்டு இறுதிச்சடங்கினை முடித்துள்ளனர். இந்த சம்பவமானது அப்பகுதியில் பெரும் சோகத்தையும், இளைஞர்களின் செயல் நெகிழ்ச்சியையும் ஏற்படுத்தியுள்ளது.

மாணவி எடுத்த விபரீத முடிவு

திருச்சி மாவட்டம் மணப்பாறையில் மாணவி ஒருவர் பள்ளிக்கு செல்ல பெற்றோர் வற்புறுத்தியதால் தற்கொலை செய்து கொண்டுள்ள சம்பவம் அதிர்ச்சியை ஏற்படுத்தி உள்ளது. திருச்சி மாவட்டம் மணப்பறை பகுதியை சேர்ந்த விவசாயின் மகள் தனபிரியா. இவர் அந்த பகுதியில் உள்ள பள்ளியில் படித்து வந்துள்ளார். இந்நிலையில் 9ஆம் வகுப்பு தற்போது முடிந்ததாக எண்ணிய மாணவி இந்த ஆண்டு துவங்கியதும் 10ஆம் வகுப்பில் சென்று அமர்ந்துள்ளார்.

பின்னர் ஆசிரியர்கள் அவர் தேர்ச்சி பெறவில்லை என்று 9ஆம் வகுப்பிலேயே போகும்படி அறிவுறுத்தி உள்ளனர். இதனை பார்த்த சகமாணவிகள் தனபிரியாவை கிண்டல் செய்ததாக கூறப்படுகின்றது. இதில் மாணவி மிக வருத்தத்துடன் இருந்துள்ளார்.

இந்நிலையில் பண்டிகை தின விடுமுறை என்பதால் ஒருநாள் வீட்டில் இருந்த மாணவி அடுத்தநாள் பள்ளிக்கு செல்ல மறுத்துள்ளார். பெற்றோர் அவரை வற்புறுத்தவே மனம்முடைந்து வருதத்துடன் காணப்பட்ட மாணவி தீவைத்து தற்கொலைக்கு முயன்றுள்ளார்.

அலறல் சத்தம் கேட்டு பெற்றோர் அவரை மீட்டு மருத்துவமனையில் சேர்த்துள்ளனர். ஆனால் சிகிச்சை பலனளிக்காமல் மாணவி பரிதாபமாக உயிரிழந்தார். இதுகுறித்து மாணவியின் தந்தை வழக்கு கொடுத்துள்ள நிலையில், மாணவியின் தற்கொலைக்கு வேறு என்ன காரணம் இருக்கும் என்ற கோணத்தில் பொலிசார் விசாரணை நடத்தி வருகின்றனர்.

3 வயது சிறுமி கொலை

இந்தியாவின் உத்தரப்பிரதேச மாநிலத்தில் கடன் வாங்கிய தகராறில் சிறுமி கொடூரமாக கொலை செய்யப்பட்ட விவகாரம் தொடர்பில் பல திடுக்கிட வைக்கும் தகவல்கள் வெளியாகியுள்ளன. குறித்த விவகாரம் தொடர்பில் ஜாகித் மற்றும் அஸ்லாம் என்பவர்களை பொலிசார் கைது செய்துள்ளனர்.

மேலும் மீட்கப்பட்ட சிறுமியின் உடலை பிரேத பரிசோதனை செய்ததில், குழந்தை கழுத்து நெரிக்கப்பட்டு கொலை செய்யப்பட்டிருப்பதும், உடல் கொடூரமாக சிதைக்கப்பட்டிருப்பதும் தெரியவந்தது.

குழந்தையை கொன்று மூன்று நாட்கள் அஸ்லாமும் ஜாகீத்தும் உடலை வீட்டிலேயை மறைத்து வைத்துள்ளனர். கொளுத்தும் வெயிலால் உடல் அழுக தொடங்கியதும் உடலை மூட்டையாக கட்டி குப்பையில் வீசியுள்ளனர் என்பதும் விசாரணையில் தெரியவந்துள்ளது.

இந்த நிலையில் அஸ்லாம் கடந்த 2014 ஆம் ஆண்டு தனது 4 வயது மகளை துஸ்பிரயோகம் செய்ததும் தற்போது வெளிச்சத்துக்கு வந்துள்ளது. இதுதொடர்பாக டாப்பல் நகர் காவல் நிலையத்தில் அஸ்லாம் மீது வழக்கு நிலுவையில் இருப்பதும் விசாரணையில் தெரியவந்துள்ளது.

மட்டுமின்றி, சொந்த மகளையே அஸ்லாம் துஸ்பிரயோகத்திற்கு உட்படுத்தியதால் அவரது மனைவியும் அவரை விட்டு பிரிந்து சென்றுள்ளதாக கூறப்படுகிறது. இந்நிலையில் சிறுமி பாலியல் பலாத்காரம் செய்யப்பட்டு கொல்லப்பட்டாரா என்பது குறித்து பிரேத பரிசோதனையில் உறுதிப்படுத்தப்படவில்லை.

உத்தரபிரதேசத்தின் அலிகார் மாவட்டத்தில் கடனை திருப்பி செலுத்தாத தம்பதியின் 3 வயது மகளை கடத்திய ஜாகீத் மற்றும் அஸ்லாம் ஆகிய இருவரும், ஆத்திரத்தில் அந்த சிறுமியை கொலை செய்துள்ளனர். குழந்தை மாயமானதை அடுத்து பெற்றோர் பொலிசில் புகார் அளித்தனர். இதனையடுத்து நடந்த விசாரணையிலேயே நாட்டை உலுக்கிய இந்த சம்பவம் அம்பலமானது.

வெறுப்படைந்த கணவன்

தமிழகத்தில் திருமணமான சத்துணவு ஊழியர் வேறு ஆணுடன் சேர்ந்து தற்கொலை செய்து கொண்ட நிலையில் அவர்கள் எழுதி வைத்திருந்த கடிதம் சிக்கியுள்ள்து. தஞ்சாவூர் மாவட்டத்தை சேர்ந்தவர் ஜெயக்குமார். இவருடைய மனைவி கலையரசி (33).

தம்பதிக்கு இரண்டு பிள்ளைகள் உள்ளனர். சத்துணவு அமைப்பாளராக வேலை செய்து வந்த கலையரசிக்கு வடிவேல் (28) என்ற இளைஞருடன் தொடர்பு ஏற்பட்டது. இருவரும் அடிக்கடி ரகசியமாக சந்தித்து வந்த நிலையில் இதை கலையரசியின் கணவர் ஜெயக்குமார் கண்டுபிடித்தார்.

பின்னர் மனைவியை அவர் கண்டித்தும் அவர் காது கொடுத்து கேட்கவில்லை. இதனால் வெறுப்படைந்த ஜெயக்குமார் கலையரசியை விவாகரத்து செய்தார். கடந்த சில நாட்களுக்கு முன்பு கலையரசியும், வடிவேலும் வீட்டை விட்டு வெளியேறிய நிலையில் வீடு திரும்பவில்லை.

இந்நிலையில் அங்குள்ள வயலில் வி‌ஷம் குடித்து வடிவேல் இறந்துகிடந்த நிலையில் அருகில் கலையரசி உயிருக்கு போராடிக்கொண்டு இருந்தார். அக்கம் பக்கத்தினர் கலையரசியை மீட்டு மருத்துவமனைக்கு கொண்டு சென்ற போது வழியிலேயே அவர் உயிரிழந்தார்.

பின்னர் தற்கொலை செய்து கொண்ட கலையரசியின் கையில் இருந்து ஒரு கடிதம் சிக்கியது. அதில் உடல்களை ஒரே இடத்தில் அடக்கம் செய்ய வேண்டும் என எழுதியிருந்தது. சம்பவம் தொடர்பாக பொலிசார் வழக்குப்பதிவு செய்து விசாரித்து வருகின்றனர்.