வவுனியா இளைஞன் இந்தியாவில் கைது : காரணம் என்ன?

இளைஞன் கைது

ச ட்டவிரோ தமான முறையில் இந்தியாவுக்குள் நுழைய முற்பட்ட இலங்கை பிரஜை ஒருவரை இராமேஸ்வரம் பொலிஸார் இன்று கைது செய்துள்ளனர்.

தமிழக ஊடகங்கள் வெளியிட்டுள்ள செய்தியில் இந்த விடயம் தெரிவிக்கப்பட்டுள்ளது. வவுனியாவைச் சேர்ந்த 24 வயதுடைய அருண்ராஜன் என்ற இளைஞனே இவ்வாறு கைது செய்யப்பட்டுள்ளார்.

இதேவேளை, கைதுசெய்யப்பட்ட இளைஞனிடம் இராமேஸ்வரம் பொலிஸார் தொடர்ந்து விசாரணைகளை முன்னெடுத்து வருவதாக அந்த செய்தியில் மேலும் தெரிவிக்கப்பட்டுள்ளது.

வவுனியா மாவட்ட அரச விதை உற்பத்தி பண்ணையில் புலனாய்வு விசாரணைகள்!!

வவுனியா மாவட்ட அரச விதை உற்பத்தி பண்ணை

வவுனியா மாவட்ட அரச விதை உற்பத்தி பண்ணையில் புலனாய்வு விசாரணைகள் இடம்பெற்று வருவதாக வவுனியா பிரதி மாகாண விவசாயப் பணிப்பாளர் அ.சகிலாபானு தெரிவித்தார். தகவல் அறிவும் உரிமைச்சட்டத்தின் மூலம் கேட்கப்பட்ட கேள்விக்கு பதிலளிக்கும் போதே மேற்கண்டவாறு தெரிவித்தார்.

2010ம் ஆண்டிலிருந்து 2019ம் ஆண்டு ஆடி மாதம் வரையிலான காலப்பகுதியில் வவுனியா அரசினர் விதை உற்பத்தி பன்ணைக்கு வருடாந்த முற்பணக்கணக்குகள் மூலம் செலவு செய்யப்பட்ட பணத்தின் பெறுமதி, பண்ணை மூலம் பெறப்பட்ட பணம், வருடாந்தம் பெறப்பட்ட வருமானத்தின் முற்பணக்கணக்கின் மூலம் வைப்பிடப்பட்ட பணம் வருடாந்த லாபம் அல்லது நஸ்டம் ,

2010ம் ஆண்டிலிருந்து 2019 ஆடி மாதம் வரை அரசினர் விதை உற்பத்தி பண்ணையில் நெற் செய்கை பண்ணப்பட்ட விஸ்தீரணம் இன ரீதியாக அறுவடை செய்யப்பட்ட விஸ்தீரணம் பெறப்பட்ட ஈரநிறை,பெறப்பட்ட விதை நெல் அளவு, சராசரி விளைச்சல் பயிரழிவு விஸ்தீரணம்,

இவ்வருட ஆரம்பத்திலிருந்து 6 மாத காலப்பகுதி காலத்தில் அரச விதை உற்பத்திப் பண்ணையில் நடைபெற்ற உற்பத்தி தொடர்பான நடவடிக்கையும் அதில் ஈட்டிய வருமானம் தொடர்பாகவும்,

இவ்வருட ஆரம்பத்திலிருந்து 6மாத காலப்பகுதிக்குள் அரச விதை உற்பத்திப்பண்ணைக்கு உற்பத்தி பொருட்டு கொள்வனவு செய்யப்பட்ட ரூபா.500க்கு மேற்பட்ட கொள்வனவு சிட்டைகள் தொடர்பாக கடந்த 29.07.2019 தொடக்கம் ஆரம்ப கட்ட புலனாய்வு விசாரணைகள் இடம்பெற்றுகின்றன.

எனவே 2016ம் ஆண்டின் 12 ஆம் இலக்க தகவலுக்கான உரிமைச்சட்டம் சரம் 4 இற்கு அமைவாக புலனாய்வு விசாரணைகள் முடிவுறும் வரையில் கோரப்பட்ட தகவலுக்கான பதிலை வழங்க முடியாது என வவுனியா பிரதி மாகாண விவசாயப் பணிப்பாளர் அ.சகிலாபானு மேலும் தெரிவித்திருந்தார்.

அவர் அவ்வாறு தெரிவித்திருந்த போதிலும் தகவல் அறிவும் உரிமைச்சட்டம் பிரிவு 04 இல் “இச்சட்டமானது வேறு சட்டங்களுடன் முரண்படுமாயின் இச்சட்டமானது மேலோங்கி நிற்கும்” என்பதேயே குறிப்பிடுகின்றது. எனவே வவுனியா பிரதி மாகாண விவசாயப் பணிப்பாளர் தகவலை வழங்க மறுக்க முடியாது.

குறித்த தகவல் அறியும் உரிமைச்சட்டத்தின் மூலம் கேட்கப்பட்ட வினாவிற்கு தவறாக வவுனியா பிரதி மாகாண விவசாயப் பணிப்பாளர் தகவல் வழங்கியுள்ளமையினால் அவர் மீது தகவல் அறியும் உரிமைச்சட்டத்தின் குறித்தளிக்கப்பட்ட அலுவலருக்கான மேல்முறையீடு மேற்கொள்ளப்பட்டுள்ளமை குறிப்பிடத்தக்கது.

வவுனியாவில் கிறிஸ்தவ சபையைச் சேர்ந்த 3 குடும்பத்தினரால் கிராமத்தினை விட்டு வெளியேரும் நிலையில் 89 குடும்பங்கள்!!

வவுனியா செட்டிக்குளம்..

வவுனியா செட்டிக்குளம் பிரதேச செயலாளர் பிரிவுக்குட்பட்ட கங்கன்குளம் கிராமத்தில் இந்துக்களுக்கு கிறிஸ்தவர்களுமாக 100 குடும்பங்கள் இக்கிராமத்தில் 2001ம் ஆண்டிலிருந்து ஒற்றுமையாக வாழ்ந்து வந்துள்ளனர். அத்துடன் அவர்களுக்கிடையே எவ்வித சமய வேறுபாடோ அல்லது மதத்துவேசமோ இருந்தது இல்லை.

அக்கிராமத்தில் புதிதாக குடியேறிய குடும்பம் ஒன்று அவர்களின் குடியிருப்புக்காக வழங்கப்பட்ட காணியில் கிறிஸ்தவ சபை ஒன்றினை அமைத்து மற்ற சமயங்களை தவறான முறையில் பேசியும் அக்கிராமத்தில் உள்ள மக்களுக்கு வேதனையளிக்கும் முறையில் நடந்து கொள்கின்றனர் என தெரிவித்து அக் கிராம மக்கள் பல்வேறு தரப்பினருக்கு மகஜர் மற்றும் முறைபாடுகளை மேற்கொண்டுள்ளனர்.

இவ்விடயம் தொடர்பாக பொதுமக்களினால் பல்வேறு இடங்களுக்கு வழங்கப்பட்ட மகஜரில் தெரிவிக்கப்பட்டுள்ளதாவது, எமது கிராமத்தில் 100 குடும்பங்களைச் சேர்ந்தவர்கள் மிகவும் ஒற்றுமையாக வாழ்ந்து வருகின்றோம். இங்கு கிறிஸ்தவ சபையை சேர்ந்த11 குடும்பங்கள் வாழ்ந்து வருகின்றனர். இதில் 09 குடும்பங்கள் துடரிக்குளத்தில் உள்ள ஆலயத்திற்கு சென்று வருகின்றனர். மிகுதி 3 குடும்பங்கள் எமது கங்கன்குளம் கிராமத்தில் அத்துமீறி சபை ஒன்றினை அமைத்து வழிபாட்டில் ஈடுபட்டு வருகின்றனர்.

இச் செயல் இங்கு வசிக்கும் எங்களுக்கு மிக வேதனையாகவுள்ளது. இவர்கள் பகல் மற்றும் இரவு வேளைகளிலும் சத்தமிடுவதினால் எமது கிராமத்தில் எவ்வித அசம்பாவிதங்கள் நடந்தாலும் எமக்கு தெரிவதில்லை. எனவே இவ் ஆலயத்தினை வேறு இடத்திற்கு மாற்றமாறும்,

இச் சபைக்கு வேறு கிராமத்திலிருந்தே மக்கள் வருகின்றனர். அவர்கள் ஞாயிற்றுக் கிழமைகளில் நாள் முழுவதும் சத்தம் இடுவது எமது கிராமத்திற்கு அமைதியை சீர்குழைப்பது போல் உள்ளது. அத்துடன் புதிய சபை ஒன்றை அமைத்து சட்டவிரோதமாக இருப்பினும் இவர்களுக்கு அதிகாரிகள் எவ்வித நடவடிக்கையும் மேற்கொண்டதாக தெரியவில்லை.

எனவே சட்டவிரோதமாக நிர்மாணிக்கப்பட்ட கட்டிடத்தை அகற்றி இச்சபையின் செயற்பாடுகளையும் நிறுத்தி எமது கிராமத்தின் அமைதியினை மீண்டும் பெற்றுத்தருமாறு அனைத்து அதிகாரிகள் மற்றும் இவ்விடயம் சார்ந்த அமைப்புகளிடம் வேண்டுகோள் விடுக்கின்றோம் என தெரிவிக்கப்பட்டுள்ளது.

இவ் சபை விடயம் பிணக்கு மற்றும் தவறு மத்தியஸ்த சபைக்கு சென்ற சமயத்தில், செட்டிக்குளம் பிரதேச செயலாளருடன் கலந்துரையாடியதன் பிரகாரமும் மத்தியஸ்த சபையின் கருத்தாய்வின் படியும் மத வழிபாட்டினை தடை செய்ய முடியாது என்றும் ஆனால் பாரிய சமூக பிரச்சனை உருவாகாத வண்ணம் ஊரோடு இணங்கி வாழ வேண்டும் என்ற நியதியின்படி கங்கன்குளத்தில் வசிப்பவர்கள் மட்டும் தற்போது இவ் வளவுக்குள் ஆராதனையில் ஈடுபட இணக்கம் காணப்படுபட்டுள்ளது.

எனினும் தற்போதும் இச் சபைக்கு வேறு கிராமத்திலிருந்தே மக்கள் வருவதாகவும் கிராமத்தின் அமைதியினை சீர்குழைப்பதாகவும் தெரிவிக்கின்றனர். உடனடியாக இச் சபை கட்டடிடத்தினை அகற்றுமாறும் அகற்றாத பட்சத்தில் பொலிஸ் மூலம் அகற்றப்படும் என கிராம சேவையாளர் தெரிவித்திருந்த போதிலும் சபை கட்டிடம் அகற்றப்படவில்லை.

இவ்விடயம் தொடர்பாக கங்கங்குளம் கிராம சேவையாளரிடம் வினவிய போது, நான் குறித்த கிராம சேவையாளர் பிரிவினை கடமையேற்று 5 மாதங்களே ஆகின்றன. இவ்விடயம் தொடர்பாக நான் அறிந்துள்ளேன்.இவ்விடயம் தொடர்பாக உயர் அதிகாரிகளின் உத்தரவினை பெற்று தான் ஊடகங்களுக்கு கருத்து தெரிவிக்க முடியுமென தெரிவித்தார்.

வவுனியாவில் வறுமைக்கோட்டிற்குட்பட்ட குடும்பங்களுக்கு உதவிகள் வழங்கி வைப்பு!!

உதவிகள் வழங்கி வைப்பு

வவுனியா இராசேந்திரகுளம் கிராம சேவையாளர் பிரிவுக்குட்பட்ட பாரதிபுரம், இராசேந்திரகுளம் பகுதிகளை சேர்ந்த நான்கு குடும்பங்களுக்கு இன்று (09.09.2019) உதவிகள் வழங்கி வைக்கப்பட்டன.

பிள்ளைகளினால் கைவிடப்பட்ட நிலையில் அரசாங்கத்தினால் வழங்கப்படும் மாதாந்த 5000 ரூபா ஒய்வூதிய உதவிப் பணத்தில் தங்களது வாழ்க்கையினை நாடாத்தி வரும் இரு குடும்பத்தினர் உட்பட நான்கு குடும்பத்தினருக்கு இவ் உதவித்திட்டம் வழங்கி வைக்கப்பட்டது.

உதவி வழங்கி வைக்கப்பட்ட சமயத்தில் பிள்ளைகளின்றி தனிமையில் வாழும் குறித்த தாய், தந்தைகள் கண்ணீர் மல்கி கிராம சேவையாளர் உட்பட ஜேர்மன் நாட்டிலிருந்து இலங்கைக்கு வந்த நடராஜா சிவகுமார் ஆகியோருக்கு நன்றி தெரிவித்தமை அங்கிருந்த அனைவரது மனங்களையும் சோகத்தில் ஆழ்த்தியிருந்தது.

ஊடகவியலாளர் பா.கதீஷனின் வேண்டுகோளிக்கிணங்க ஜேர்மன் நாட்டிலிருந்து இலங்கைக்கு வருகைதந்த நடராஜா சிவகுமாரின் நிதியில் ஒர் குடும்பத்தினருக்கு 5000 ரூபா பெறுமதியான அத்தியாவசிய பொருட்கள் அடங்கிய பொதி ஒன்றும் சிறு பணம் வீதம் (மொத்தமாக ரூபா20000 மற்றும் சிறு தொகை பணம்) நான்கு குடும்பங்களுக்கு வழங்கி வைக்கப்பட்டது.

இச் செயற்றிட்டத்தில் ஊடகவியலாளர் பா.கதீஷன், இராசேந்திரகுளம் கிராம சேவையாளர் ப.பிரதீப், ஜேர்மன் நாட்டிலிருந்து இலங்கைக்கு வருகைதந்த நடராஜா சிவகுமார் மற்றும் அவரது உறவினர்கள் கலந்து கொண்டிருந்தனர்.

ஜேர்மன் நாட்டில் வசிக்கும் நடராஜா சிவகுமார் மாதாந்தம் வறுமைக்கோட்டிற்குட்பட்ட குடும்பங்களுக்கு இவ்வாறான பல உதவித்திட்டங்களை வழங்கி வருகின்றமை குறிப்பிடத்தக்கது.

வவுனியா செட்டிக்குளம் மகா வித்தியாலயத்தில் கட்டடத் திறப்புவிழா!!

கட்டடத் திறப்புவிழா

பண்பு, அறிவு, வலு நிறைந்த பிள்ளைகள் சமூகம் ஒன்றை நாட்டுக்கு உருவாக்கும் நோக்கில் கல்வி அமைச்சின் “அருகில் உள்ள பாடசாலை சிறந்த பாடசாலை” தேசிய வேலைத் திட்டத்தின் கீழ் வவுனியா செட்டிக்குளம் மகா வித்தியாலயத்தில் புதிதாக நிர்மாணிக்கப்பட்ட அதிபர் விடுதி ,ஆசிரியர் விடுதி, என்பன இன்றையதினம் உத்தியோகபூர்வமாக திறந்துவைக்கப்பட்டது.

பாடசாலை அதிபர் திரு.பொன்னம்பலம் தலைமையில் நடைபெற்ற இந் நிகழ்வில் பிரதம விருந்தினராக வன்னி மாவட்ட கௌரவ பாராளுமன்ற உறுப்பினர் சாள்ஸ் நிர்மலநாதன் கலந்து கொண்டு அதிபர் விடுதி, ஆசிரியர் விடுதியினை நாடா வெட்டித் திறந்துவைத்தார்.

இந் நிகழ்வில் தொழினுட்ப உத்தியோகத்தர்கள் ஆசிரியர்கள் மாணவர்கள் பெற்றோர்கள் எனப் பலரும் கலந்து கொண்டிருந்தமை குறிப்பிடத்தக்கது.

வவுனியா அல் இக்பால் ம.வி ஜோன்கீல்ஸ் நடத்திய ஆங்கில மொழி நாடகப் போட்டியில் முதலிடம்!!

நாடகப் போட்டியில் முதலிடம்

வடமாகாணத்திற்குட்பட்ட தெரிவு செய்யப்பட்ட பாடசாலைகளுக்கிடையில் நடைபெற்ற ஆங்கில மொழி நாடகப் போட்டியில் வவுனியா அல் இக்பால் மகாவித்தியாலயம் முதலாமிடத்தை பெற்றுக் கொண்டுள்ளது.

குறித்த பாடசாலையில் இன்று இடம்பெற்ற நிகழ்வு ஒன்றின் போது வெற்றி பெற்ற மாணவர்களுக்கான வெற்றிக் கேடயம் மற்றும் சான்றிதழ் என்பன பாடசாலையின் அதிபர் ஏ.கே.உபைத் அவர்களால் வழங்கி வைக்கப்பட்டது.

கல்வித் திணைக்களத்தின் அனுசரணையுடன் ஜோன்கீல்ஸ் நிறுவனம் மாணவர்களின் ஆங்கில மொழியறிவை விருத்தி செய்யும் நோக்கில் வடமாகாணத்திற்குட்பட்ட தெரிவு செய்யப்பட்ட பாடசாலைகளில் விசேட கல்வி செயற்திட்டம் ஓன்றை முன்னெடுத்துள்ளது.

குறித்த மாணவர்கள் மத்தியில் ஆங்கில மொழியிலான நாடகப் போட்டியை நடத்தியது. இதில் வடமாகாணத்திற்கு உட்பட்ட பல பாடசாலைகள் பங்குபற்றின.

குறித்த போட்டியில் வவுனியா அல் இக்பால் மகாவித்தியாலயம் முதலாமிடத்தை பெற்றதுடன், நடைபெற்ற நாடகங்களில் சிறந்த நடிகராகவும் அல் இக்பால் மகாவித்தியாலயத்தைச் சேர்ந்த ரி.எம்.சபீக் தெரிவு செய்யப்பட்டு வெற்றிக் கேடயத்தை பெற்றுக் கொண்டார். இந்நிகழ்வில் பாடசாலை ஆசிரியர்கள், மாணவர்கள் எனப் பலரும் கலந்து கொண்டனர்.

இலங்கையில் பல மில்லியன் ஆண்டுகளின் பின்னர் கண்டுபிடிக்கப்பட்ட அதிசய குளம்!!

அதிசய குளம்

பலங்கொட பகுதியில் வரலாற்று சிறப்புமிக்க சுண்ணாம்பு குளம் ஒன்று கண்டுபிடிக்கப்பட்டுள்ளதாக அறிவிக்கப்பட்டுள்ளது. ரக்வக்க காட்டுப் பகுதியில் இந்த குளம் கண்டுபிடிக்கப்பட்டுள்ளது. எனினும் பொதுமக்கள் அங்கு செல்ல தடை விதிக்கப்பட்டுள்ளது.

குளத்தினை பார்வையிடக் கூடிய வகையில் பாதுகாப்பு நடவடிக்கைகள் முன்னெடுக்கும் வரையில் எவரும் அங்கு செல்ல கூடாது என பாதுகாப்புத் திணைக்களம் பொது மக்களிடம் கோரிக்கை விடுத்துள்ளது. எச்சரிக்கையை மீறி காட்டுக்குள் நுழைவோரை உடன் கைது செய்ய நடவடிக்கை எடுக்கப்பட்டுள்ளதாக அறிவிக்கப்பட்டுள்ளது.

இந்த சுண்ணாப்பு குளம் தொடர்பான தகவல்கள் வெளியாகி உள்ள நிலையில், அதனை பார்வையிட பெருமளவு மக்கள் ஆர்வம் காட்டுகின்றனர். ஆனாலும் அனுமதியின்றி நுழைவதனால் பாரிய சுற்றுசூழல் பாதிப்பு ஏற்படும் என தெரிவிக்கப்பட்டுள்ளது.

குறித்த பிரதேசம் முழுவதும் சுண்ணாம்பு கற்கள் உள்ளதாகவும், அந்த பகுதிகளில் மேலும் சில சுண்ணாம்பு குளங்கள் தோன்ற ஆரம்பித்துள்ளன. அனுமதியின்றி அங்கு நுழைந்து புகைப்படங்கள் மற்றும் தகவல்களை சமூக வலைத்தளங்ளில் வெளியிடுவதாக குறிப்பிடப்படுகின்றது.

இதன் காரணமாக மில்லியன் கணக்கான வருடங்கள் பழமையானதென கருதப்படும் இந்த சுண்ணாம்பு குளத்திற்கு பாரிய பாதிப்புகள் ஏற்படுவதாக தெரிவிக்கப்படுகின்றது.

யாழில் சஜித்துடன் கூட்டமைப்பு இரகசிய சந்திப்பு!!

இரகசிய சந்திப்பு

யாழிற்கு விஜயம் மேற்கொண்டுள்ள அமைச்சர் சஜித் பிரேமதாசவுடன் தமிழ் தேசியக் கூட்டமைப்பினர் இரகசிய சந்திப்பொன்றை மேற்கொண்டுள்ளனர். யாழில் உள்ள தனியார் ஹோட்டலில் இன்று இந்தச் சந்திப்பு இடம்பெற்றுள்ளது.

இதன் போது, நாடாளுமன்ற உறுப்பினர்களான மாவை சேனாதிராஜா, த.சித்தார்த்தன், ஈ.சரவணபவன், எம்.ஏ.சுமந்திரன், இராஜாங்க அமைச்சர் எரான் விக்ரமரத்தின, யாழ்.மாநகர முதல்வர் இம்மானுவேல் ஆர்னோல்ட் ஆகியோர் கலந்து கொண்டிருந்தனர்.

இச்சந்தப்பு எதற்காக நடைபெற்றது எனவும், என்ன விடயங்கள் தொடர்பில் கலந்துரையாடப்படதெனவும் இதுவரை எந்தவொரு தகவல்களும் வெளியாகவில்லை என்பது குறிப்பிடத்தக்கது.

வவுனியா சைவப்பிரகாச ஆரம்பப் பாடசாலையில் கற்றல் வள நிலைய திறப்புவிழா!!

கற்றல் வள நிலைய திறப்புவிழா

வவுனியா சைவப்பிரகாச ஆரம்ப பாடசாலையில் “அண்மையிலுள்ள பாடசாலை சிறந்த பாடசாலை” எனும் தேசிய வேலைத்திட்டத்தின் கீழ் 17 மில்லியன் ரூபாய் நிதியில் நிர்மாணிக்கப்பட்ட கற்றல் வள நிலைய திறப்புவிழா இன்று (09.09.2019) காலை 8 மணியளவில் இடம்பெற்றது.

பாடசாலையின் அதிபர் தியாகசோதி யுவராஜா அவர்களின் தலைமையில் இடம்பெற்ற இந் நிகழ்வின் பிரதம விருந்தினராக வன்னி மாவட்ட பாராளுமன்ற உறுப்பினர் சி.சிவமோகன் கலந்து கொண்டு சிறப்பித்திருந்ததுடன் கட்டிடத்தினையும் திறந்து வைத்தார்.

இந் நிகழ்வில் வவுனியா தெற்கு வலயக்கல்விப் பணிப்பாளர் வீ.இராதகிருஷ்ணன் மற்றும் வலயக்கல்விப் பணிமனை அதிகாரிகள், உத்தியோகத்தர்கள், ஆசிரியர்கள் மாணவர்கள் என பலரும் கலந்து கொண்டிருந்தனர்.

வவுனியா தமிழ் மத்திய மகா வித்தியாலயத்தில் தொழிநுட்ப ஆய்வுகூடம் திறந்து வைப்பு!!

தொழிநுட்ப ஆய்வுகூடம்

வவுனியா தமிழ் மத்திய மகா வித்தியாலயத்தின் தொழிநுட்ப ஆய்வுகூடம் இன்று (09.09.2019) காலை 10.30 மணியளவில் பாடசாலையின் முதல்வர் தாமோதரம்பிள்ளை அமிர்தலிங்கம் தலைமையில் திறந்து வைக்கப்பட்டது.

தொழிநுட்ப ஆய்வுகூடத்தினை அதிபருடன் இணைந்து பிரதம விருந்தினரும் சிறப்பு விருந்தினரும் திறந்து வைத்ததுடன் பாடசாலை மாணவர்களின் கலை நிகழ்வுகளும் இடம்பெற்றிருந்தன.

இந் நிகழ்வில் பிரதம விருந்தினராக வன்னி மாவட்ட பாராளுமன்ற உறுப்பினர் சி.சிவமோகன் மற்றும் சிறப்பு விருந்தினராக வவுனியா தெற்கு வலயக்கல்வி பணிப்பாளர் முத்து இராதகிருஷ்ணன் மற்றும் வலயக்கல்வி பணிமணை அதிகாரிகள், ஆசிரியர்கள், மாணவர்கள் என பலரும் கலந்து கொண்டிருந்தனர்.

வவுனியாவில் மோட்டார் சைக்கிலை மோதித்தள்ளிய முச்சக்கரவண்டி : ஒருவர் படுகாயம்!!

விபத்து

வவுனியா புகையிரத நிலைய வீதியில் இன்று (09.09.2019) மதியம் 1.15 மணியளவில் இடம்பெற்ற மோட்டார் சைக்கில் – முச்சக்கரவண்டி விபத்தில் ஒருவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார்.

வவுனியா நகரிலிருந்து புகையிரத நிலைய வீதியூடாக குருமன்காடு நோக்கி மோட்டார் சைக்கில் பயணித்துகொண்டிருந்த சமயத்தில் புகையிரத நிலைய வீதியில் அமைந்துள்ள மோட்டார் வாகன விற்பனை நிலையத்திற்கு முன்பாக வீதியின் ஓரமாக நின்று கொண்டிருந்த முச்சக்கரவண்டி வண்டி வீதிக்கு ஏற முற்பட்டது. இதன் போது முச்சக்கரவண்டி மோட்டார் சைக்கிலுடன் மோதி விபத்துக்குள்ளானது.

இவ் விபத்தில் மோட்டார் சைக்கிளை செலுத்திய 45 வயதுடைய நபர் படுகாயமடைந்த நிலையில் வவுனியா மாவட்ட பொது வைத்தியசாலையில் அனுமதிக்கப்பட்டுள்ளார். விபத்து தொடர்பான மேலதிக விசாரணைகளை வவுனியா போக்குவரத்து பொலிஸார் மேற்கொண்டு வருகின்றனர்.

வவுனியா வீரர்கள் முதல் முறையாக ஆணழகன் போட்டியில் சாதனை!!

ஆணழகன் போட்டியில் சாதனை

யாழ்ப்பாணம் துரையப்பா விளையாட்டரங்கில் மாகாண விளையாட்டுப் போட்டிகள் கடந்த 7ம், 8ம் திகதிகளில் இடம்பெற்றது. இப் போட்டியில் வவுனியாவைச் சேர்ந்தவர்கள் பதக்கங்களை வெற்றிபெற்றுள்ளனர்.

குறித்த விளையாட்டு நிகழ்வில் ஆணழகன் போட்டியில் முதல் முறையாக வவுனியா மாவட்டத்தை பிரதிநிதித்துவம் செய்து (Body Building) 50-55 எடைப் பிரிவில் பிரதீபன் வெள்ளிப் பதக்கம்,

55 -60 kg எடைப் பிரிவில் ஸ்ரீவீரகன் வெண்கல பதக்கம் பெற்று மாவட்டங்களின் அடிப்படையில் 2ஆம் இடத்தையும் பெற்றுள்ளனர் என்பது குறிப்பிடத்தக்கது.

கிளிநொச்சியில் உ யிருக்கு போ ராடிய தமிழ் குடும்பத்தை காப்பாற்றிய இராணுவத்தினர்!!

காப்பாற்றிய இராணுவத்தினர்..

கிளிநொச்சியில் சேற்றில் புதையுண்ட நிலையில் உயிருக்கு போ ராடிய மூன்று பேரை இராணுவத்தினர் காப்பாற்றியுள்ளனர்.

நேற்று முன்தினம் பூநகாி- அரசபுறக்குளத்தில் நீராட சென்றிருந்த போது இந்த அனர்த்தம் ஏற்பட்டதாக இராணுவம் வெளியிட்டுள்ள அறிக்கையில் குறிப்பிடப்பட்டுள்ளது.

சேற்றில் புதையுண்டு மயக்கமடைந்திருந்த தாய் மற்றும் இரு பிள்ளைகளும் காப்பாற்றப்பட்டு பூநகரி ஆதார வைத்தியசாலையில் அனுமதிக்கப்பட்டனர். பின்னர் மேலதிக அவர்கள் யாழ். போதனா வைத்தியசாலைக்கு மாற்றப்பட்டுள்னளர்.

பூநகரி நான்காம் கட்டை பகுதியைச் சேர்ந்தவர்களே இந்த அனர்த்தத்திற்கு முகங்கொடுத்துள்ளனர்.

இலங்கையில் வேகமாக பரவும் ஆபத்து!!

மலேரியா..

இலங்கையில் மலேரியா நோய் வேகமாக பரவும் ஆ பத்து ஏற்பட்டுள்ளதாக மலேரியா கட்டுப்பாட்டு பிரிவு தெரிவித்துள்ளது. வெளிநாடு மற்றும் தம்பதிவ யாத்திரைக்கு சென்று நாடு திரும்புவோரினால் மலேரியா நோய்த் தொற்று மீண்டும் வேகமாக பரவி வருவதாக சுட்டிக்காட்டப்பட்டுள்ளது.

தம்பதிவ சென்று மீண்டும் இலங்கைக்கு திரும்பியவர்களில் 5 பேர் கண்டி உட்பட பகுதிகளில் அடையாளம் காணப்பட்டுள்ளனர். உலக சுகாதார அமைப்பினால் 2016ஆம் ஆண்டு, மலேரியா முழுமையாக அகற்றப்பட்ட நாடாக இலங்கை பிரகனப்படுத்தப்பட்டுள்ளது.

உலக சுகாதார அமைப்பு சுட்டிக்காட்டிய தகவலுக்கமைய மலேரியா பாரியளவு அதிகரித்த நாடுகளில் இந்தியா முன்னிலை வகிக்கிறது. இதன் காரணமாக இந்தியாவின் தம்பதிவ யாத்திரைக்கு வருடாந்தம் 5 இலட்சம் பேர் சென்று வருகின்றனர். இதன் காரணமாக இலங்கையில் மலேரியா வேகமாக பரவுவதற்கான வாய்ப்புகள் உள்ளதாக வைத்தியர் A.P.D.ஹேரத் தெரிவித்துள்ளார்.

தம்பதிவ சென்று மீண்டும் இலங்கை வந்தவர்கள் அல்லது மலேரியா தொற்றுள்ள நாடுகளுக்கு சென்று இலங்கை திரும்புவோருக்கு இரத்த பரிசோதனை ஒன்றை மேற்கொள்ள வேண்டும் என வைத்தியர் கேட்டுக்கொண்டுள்ளார்.

யாழில் வீட்டுக்குள் புகுந்து அச்சுறுத்திய கும்பல்!!

யாழில்..

யாழ். மாவட்டத்தில் உள்ள நவாலி அட்டகிரி பகுதியிலுள்ள வீடொன்றுக்குள் புகுந்த கும்பல் ஒன்றை சேர்ந்த நால்வர், வீட்டிலிருந்தவர்களை அ ச்சுறுத்தும் வகையில் வீட்டிலிருந்த உடமைகளை சேதப்படுத்திவிட்டுத் தப்பிச் சென்றுள்ளனர்.

இந்தச் சம்பவம் நேற்று ஞாயிற்றுக்கிழமை மாலை 3.30 மணியளவில் இடம்பெற்றுள்ளது.
வாள்களைக் காண்பித்து குறித்த வீட்டிலிருந்தோரை அச்சுறுத்தி வீட்டிலிருந்த பொருட்கள், தளபாடங்களை சேதப்படுத்தி சென்றுள்ளதாக பாதிக்கப்பட்டவர்கள் தெரிவித்துள்ளனர்.

குறித்த சம்பவம் தொடர்பில் மானிப்பாய் பொலிஸாருக்கு தகவல் வழங்கப்பட்டுள்ள நிலையில் விசாரணைகள் ஆரம்பிக்கப்பட்டுள்ளது.

ஆசிரியர் தா க்கியதில் மாணவர் உ யிரிழப்பு : ஆ த்திரத்தில் பள்ளியைக் கொ ளுத்திய மாணவர்கள்!!

ஆசிரியர் தா க்கியதில்..

பாகிஸ்தானில் உள்ள பள்ளி ஒன்றில், ஆசிரியர் தா க்கியதில் மாணவர் உ யிரிழந்ததைத் தொடர்ந்து சக பள்ளி மாணவர்கள் பள்ளியை தீ யிட்டு கொளுத்திய சம்பவம் பரபரப்பை ஏற்படுத்தியுள்ளது.

பாகிஸ்தானின் லாகூர் நகரில் உள்ள தனியார் பள்ளி ஒன்றில், ஹாஃபிஸ் ஹுனாயின் பிலால் என்ற மாணவர் 10ஆம் வகுப்பு படித்து வந்தார். கடந்த வியாழக்கிழமை அன்று, அவரது ஆசிரியர் முகமது காம்ரான் என்பவர் ஹூனாயின் பிலால் பாடத்தை நினைவில் வைத்துக் கொள்ளவில்லை என்று கூறி, மாணவரை க டுமையாக தா க்கியதாக கூறப்படுகிறது.

பிலாலை சு வற்றில் பலமுறை மோ தி மோ சமாக கா யப்படுத்தியுள்ளார் ஆசிரியர் முகமது காம்ரான். இதனால் நிலைகுலைந்து விழுந்த பிலால் பேச்சு மூச்சு இன்றி கிடந்துள்ளார். அதனைத் தொடர்ந்து உடனடியாக அவர் மருத்துவமனைக்கு கொண்டு செல்லப்பட்டார்.

ஆனால் பாதி வழியிலேயே ஹுனாயின் பிலால் உ யிரிழந்துவிட்டதாக கூறப்படுகிறது. இச்சம்பவத்தினால் பள்ளி மாணவர்கள் கொ ந்தளிப்படைந்தனர். அதன் பின்னர் ஆசிரியருக்கு எதிராக கண்டன ஆ ர்ப்பாட்டத்தில் ஈடுபட்ட மாணவர்கள், ஒரு கட்டத்தில் பள்ளிக்குள் பெ ட்ரோல் கு ண்டுகளை வீ சினர்.

இதில் பள்ளி முழுவதும் தீ ப்பிடித்து எ ரியத்தொடங்கியது. இதுகுறித்து தகவல் அறிந்து சம்பவ இடத்திற்கு விரைந்த தீயணைப்புப் படையினர், சில மணிநேர போ ராட்டத்திற்கு பிறகு தீயை அணைத்தனர்.

மேலும் இச்சம்பவம் தொடர்பாக 3 மாணவர்களை பொலிசார் கைது செய்துள்ளனர். அத்துடன் உ யிரிழந்த மாணவரின் தந்தை அளித்த புகாரின் பேரில், ஆசிரியர் காம்ரான் மீது வழக்குப்பதிவு செய்து பள்ளியின் முதல்வரையும் கைது செய்துள்ளனர். இச்சம்பவம் அப்பகுதி மக்களிடையே பெரும் அ திர்வலைகளை ஏற்படுத்தியுள்ளது என்று தகவல்கள் தெரிவிக்கின்றன.