தூக்கில் தொங்கிய ஆசிரியை

பொள்ளாச்சி அருகே காதலுக்கு பெற்றோர் எதிர்ப்பு தெரிவித்ததால், தனியார் பள்ளி ஆசிரியை தூக்கு போட்டு தற்கொலை செய்துகொண்டுள்ளார். நாமக்கல் மாவட்டத்தை சேர்ந்த பூபாலன் என்பவருடைய மகள் பிரதீபா (25). இவர் கோவையில் உள்ள தனியார் பள்ளியிக்கு சொந்தமான விடுதியில் தங்கி ஆசிரியையாக பணிபுரிந்து வருகிறார்.

இவர் கடந்த 5 வருடங்களாக வேற்று சமூகத்தை சேர்ந்த இளைஞரை காதலித்து வந்துள்ளார். இதற்கு பெற்றோர் கடும் எதிர்ப்பு தெரிவித்துள்ளனர். ஆனால் பிரதீபா அவரை திருமணம் செய்து வைக்குமாறு தன்னுடைய பெற்றோரிடம் தொடர்ந்து வலியுறுத்தி வந்துள்ளார்.

இதனை ஏற்க மறுத்து அவருடைய பெற்றோர் வேகமாக மாப்பிள்ளை தேட ஆரம்பித்துள்ளனர். இதனால் சில நாட்களாகவே மனமுடைந்து காணப்பட்ட பிரதீபா, ஆள் இல்லாத சமயம் பார்த்து பள்ளி விடுதியில் தூக்கு போட்டு தற்கொலை செய்துகொண்டுள்ளார்.

இதனை பார்த்து அதிர்ச்சியடைந்த சக ஆசிரியைகள் பொலிஸாருக்கு தகவல் கொடுத்துள்ளனர். அதன்பேரில் சம்பவ இடத்திற்கு வந்த பொலிஸார், பிரதீபாவின் உடலை கைப்பற்றி பிரேத பரிசோதனைக்கு அனுப்பி வைத்தனர். மேலும் இந்த சம்பவம் தொடர்பாக விசாரணை மேற்கொண்டு வருகின்றனர்.

இருவரின் உயிரைப் பறித்த ஒற்றைப் புகைப்படம்

இந்தியாவின் உத்தரபிரதேச மாநிலத்தில் மொபைல் போனில் இருந்த இளம்பெண்ணின் புகைப்படத்தால் இரண்டு உயிரிழப்பு ஏற்பட்டுள்ள சம்பவம் வெளிச்சத்துக்கு வந்துள்ளது. உத்தரபிரதேசத்தின் மீரட் பகுதியை சேர்ந்தவர் 30 வயதான சுபம் குமார். இவர் தமது பயன்படுத்திய மொபைலை விற்பனை செய்துள்ளார். இச்சம்பவமே அப்பகுதியில் நடந்த தற்கொலைக்கும் கொலைக்கும் காரணமாக அமைந்துள்ளது.

தனது மொபைலை விற்பனை செய்வதற்கு முன்னர் சுபம் குமார் அதில் இருந்த தமது காதலியுடன் எடுத்துக்கொண்ட புகைப்படங்களை அழிக்க மறந்ததாக கூறப்படுகிறது. இந்த நிலையில் சுபம் குமாரிடம் இருந்து மொபைலை வாங்கிய அனூஜ் பிரஜாபதி என்பவர், குறித்த புகைப்படங்களை சமூக வலைத்தளங்களில் பதிவேற்றி பலரது கவனத்தை ஈர்த்துள்ளார்.

இதனிடையே சுபம் குமாரின் முன்னாள் காதலி தமது புகைப்படங்கள் வைரலானதை அடுத்து, அருகாமையில் உள்ள ஆற்றில் குழந்தையுடன் குதித்து தற்கொலை செய்து கொண்டுள்ளார். குழந்தையை அப்பகுதி மக்கள் காப்பாற்றியுள்ளனர், ஆனால் அப்பெண் பரிதாபமாக மரணமடைந்தார்.

தற்கொலை தொடர்பில் விசாரணை மேற்கொண்ட பொலிசாருக்கு அதிர்ச்சி காத்திருந்தது. காதலியுடனான புகைப்படங்கள் வைரலானதும், சுபம் குமார் அனூஜ் பிரஜாபதியை சந்தித்து கேள்வி எழுப்பியுள்ளார். இதில் இருவரும் வாக்குவாதத்தில் ஏற்படவே, இறுதியில் சுபம் குமார் அனூஜை கொலை செய்துள்ளார்.

பொலிசார், இந்த விசாரணை தொடர்பில் சுபம் குமாரை தேடி வந்த நிலையில், அனூஜ் கொலை செய்யப்பட்ட தகவல் வெளிச்சத்துக்கு வந்துள்ளது. இதைத் தொடர்ந்து பொலிசார் சுபம் குமார் மற்றும் அவரது நண்பர்களை கைது செய்துள்ளனர்.

விசித்திர நோய்

இந்தியாவின் கேரள மாநிலத்தில் இளைஞர் ஒருவர் உடல் முழுவதும் படரும் விசித்திர நோயால் அவதிப்பட்டுவருகிறார். கேரளாவின் ஆலப்புழா பகுதியில் குடியிருக்கும் பிரபுலால் என்ற இளைஞரே உலகில் 10 லட்சம் பேரில் ஒருவருக்கு ஏற்படும் இந்த அபூர்வ நோயால் அவதிப்பட்டு வருகிறார்.

முகம், வயிறு மற்று மார்பு என குறிப்பிட்ட பகுதிகளில் மட்டும் முதலில் இந்த நோய் பாதிப்பு ஏற்பட்டுள்ளது. ஆனால் அது தற்போது உடலின் 80 விழுக்காடு பகுதியிலும் வியாபித்து தீரா வலியை அளித்து வருகிறது.

வலது காது முறம் போன்று வளர்ந்து பின்னர் மரம் போன்று இறுக்கமடைந்துள்ளது. அவரது உடலின் பெரும்பகுதி தற்போது மரம் போன்று இறுக்கமாகவே காணப்படுகிறது.

ஆலப்புழா மருத்துவக் கல்லூரியில் பல ஆணடுகள் சிகிச்சை மேற்கொண்டும் எந்த பலனும் இல்லை என தெரியவந்த நிலையில், தற்போது குடியிருப்பில் வைத்தே சிகிச்சை எடுத்துக் கொள்வதாக பிரபுலாலின் பெற்றோர் தெரிவித்துள்ளனர்.

மகனுடன் சேர்ந்து தாய் தற்கொலை

தமிழகத்தில் ரம்மி விளையாட்டிற்கு அடிமையான மகனால், அவருடன் சேர்ந்து தாயும் தற்கொலை செய்து கொண்ட சம்பவம் மிகுந்த சோகத்தை ஏற்படுத்தியுள்ளது.

கடலூர் மாவட்டம் பண்ருட்டியை அடுத்த மேலாப்பாளையத்தைச் சேர்ந்தவர் அருள்வேல். மென் பொறியாளரான இவர் சென்னையில் உள்ள ஐ.டி நிறுவனத்தில் பணியாற்றி வந்துள்ளார். மாதம் ஒரு லட்சம் ரூபாய் சம்பாதித்து வந்த இவருக்கு, ஆன்லைன் விளையாட்டான ரம்மி விளையாட்டின் மீது ஆர்வம் ஏற்பட்டுள்ளது.

இதையடுத்து துவக்கத்தில் சிறியை தொகையை கட்டி விளையாடிய இவர், தொடர்ந்து வெற்றி பெற்றே வந்ததால், அடுத்தடுத்து தோல்வியை சந்தித்து வந்துள்ளார். இதனால் விட்ட பணத்தை பிடிக்க வேண்டும் என்பதற்காக, அதிக பணம் கட்டி விளையாடி வந்துள்ளார்.

ஆனால் ரம்மியோ தன்னுடைய கோர முகத்தை காட்டியுள்ளது. இதனால் தொடர்ந்து தோல்வியை சந்தித்து வந்த அவர், இதற்காக பலரிடம் வட்டிக்கு கடன் வாங்கி விளையாடியுள்ளார்.
திறமையாக விளையாடினால், இழந்த பணத்தை மீட்டு விடலாம் என நினைத்த அவருக்கு தோல்வியே கிடைத்துள்ளது.

ஒரு லட்சம் ரூபாய் சம்பளம் கிடைத்த வந்த வேலையும் பறிபோனது. செய்வதறியாது திகைத்த அருள்வேல், சென்னையில் இருந்து சொந்த ஊருக்கு திரும்பிச் சென்றுவிட்டார். ஆனால், கடன் கொடுத்த நபர்கள் வீட்டிற்கு வந்து, பணத்தை திரும்பத் தர வேண்டுமென நெருக்கடி கொடுத்து வந்ததாக இச்சம்பவம் அருள்வேலையும், தாய் ராஜலட்சுமியையும் மிகுந்த மன வேதனைக்கு ஆளாக்கியுள்ளது.

இதனால் இருவரும் விட்டில் யாரும் இல்லாத நேரத்தில் விஷம் குடித்து தற்கொலை செய்து கொண்டனர். இதை எல்லாம் தாய் ராஜலட்சுமி தற்கொலை செய்து கொள்வதற்கு முன் கடிதம் ஒன்றில் எழுதி வைத்துள்ளார். இது தொடர்பான விசாரணை தொடர்ந்து நடைபெற்று வருகிறது.

மனைவியின் தலையை துண்டாக வெட்டிய கணவன்

மேற்கு வங்க மாநிலத்தில் மனைவியின் தலையை துண்டாக வெட்டிய கணவன், அதனை பொலிஸ் நிலையத்திற்கு எடுத்து சென்றுள்ள அதிர்ச்சி சம்பவம் நடந்துள்ளது.

மேற்கு வங்க மாநிலத்தை சேர்ந்த அபிஜித் தாஸ் (30) என்பவர் நேற்றைக்கு முன்தினம், பொலிஸ் நிலையத்திற்கு சென்றுள்ளார். அங்கிருந்த பொலிஸாரிடம், காவல் ஆய்வாளரை பார்க்க வேண்டும் எனக்கூறியுள்ளார். அபிஜித் தாஸை மனநலம் பாதிக்கப்பட்டவராக நினைத்த அந்த பொலிஸார் , என்ன காரணம் என கேட்டுள்ளார்.

அப்பொழுது அபிஜித் தாஸ், தான் கொண்டு வந்திருந்த கைப்பையிலிருந்து மனைவியின் தலையை வெளியில் எடுத்துள்ளார். நான் என்னுடைய மனைவியை கொலை செய்துவிட்டேன். அவருடைய தலையை காவல் ஆய்வாளரிடம் ஒப்படைக்க வேண்டும் என கூலாக பதில் கூறியுள்ளார்.

இதனை பார்த்து அதிர்ச்சியடைந்த அந்த பொலிஸார், வேகமாக காவல் ஆய்வாளருக்கு தகவல் கொடுத்துள்ளார். மேலும் அபிஜித் தாஸ் வீட்டிற்கு சென்று அவருடைய மனைவி அம்பாவின் உடலை கைப்பற்றி பிரேத பரிசோதனைக்கு அனுப்பி வைத்துள்ளனர்.

பின்னர் அபிஜித் தாஸ் குறித்து மேற்கொள்ளப்பட்ட விசாரணையில், கணவன் – மனைவி இருவரும் மகிழ்ச்சியாக இருந்ததாகவே பலரும் பதிலளித்துள்ளனர். அபிஜித் தாஸிடம் விசாரணை மேற்கொள்கையில், வரதட்சணை தான் காரணாம் என முதலில் கூறியவர், அதன்பிறகு உண்மையை ஒப்புக்கொண்டுள்ளார்.

பக்கத்து வீட்டை சேர்ந்த நபருடன் அம்பாவிற்கு தொடர்பு இருந்ததாகவும், அதனை தட்டிக்கேட்டபோது ஏற்பட்ட வாக்குவாதத்தில், கை கால்களை கட்டிப்போட்டு தலையை வெட்டியதாகவும் தெரிவித்துள்ளார்.

நேர்ந்த பரிதாபம்

இந்தியாவின் மத்தியப் பிரதேச மாநிலத்தில், சிறுவன் ஒருவன் தொடர்ந்து 6 மணிநேரம் பப்ஜி என்ற வீடியோ கேமை விளையாடிய நிலையில், திடீர் நெஞ்சு வலியால் உயிரிழந்த சம்பவம் அதிர்ச்சியை ஏற்படுத்தியுள்ளது.

மத்திய பிரதேச மாநிலம் நீமூச் நகரைச் சேர்ந்தவர் ஹருன் ரஷீத் குரேஷி. இவரது 16 வயது மகனான ஃபர்கான் குரேஷிக்கு, மொபைல் போனில் வீடியோ கேம் விளையாடுவது மிகவும் பிடிக்கும்.

இந்நிலையில், கடந்த புதன்கிழமையன்று ஃபர்கான் தொடர்ந்து 6 மணிநேரம் பப்ஜி வீடியோ கேமை விளையாடியுள்ளார். அப்போது திடீரென நெஞ்சைப் பிடித்துக்கொண்டு மயங்கி விழுந்ததாக கூறப்படுகிறது. அதனைத் தொடர்ந்து, உடனடியாக அவர் மருத்துவமனைக்கு கொண்டுசெல்லப்பட்டார். ஆனால், அங்கு அவர் சிகிச்சை பலனின்றி மரணமடைந்துவிட்டதாக மருத்துவர்கள் தெரிவித்துள்ளனர்.

தனது மகனின் இறப்பு குறித்து ஹருன் ரஷீத் குரேஷி கூறுகையில், ஃபர்கான் தனது மதிய உணவை உண்ட பின்பு தொடர்ந்து வீடியோ கேம் விளையாடிக் கொண்டிருந்ததாகவும், மயக்கமடைவதற்கு முன் சுமார் 7 மணியளவில் மிகவும் பதற்றத்துடனும், ஆத்திரத்திலும் இருந்த ஃபர்கான், மற்ற ஆட்டக்காரர்களிடம் மிகவும் கூச்சலிட்டதாகவும் தெரிவித்துள்ளார்.

சிறுவனின் இறப்பு குறித்து வழக்குப்பதிவு செய்துள்ள பொலிசார், இதுதொடர்பாக விசாரணை மேற்கொண்டு வருகின்றனர். இச்சம்பவம் அப்பகுதியில் பரபரப்பை ஏற்படுத்தியுள்ளது.

மனைவியை குத்திக்கொலை செய்த கணவன்

கோவை மாவட்டத்தில் டிக்டாக் ஆப்பில் அதிகமாக வீடியோ வெளியிட்டு வந்த மனைவியை, கணவன் கத்தியால் குத்தி கொலை செய்துள்ள சம்பவம் அதிர்ச்சியை ஏற்படுத்தியுள்ளது.

கோவையை சேர்ந்த கனகராஜ் என்பவர் இரும்பு கட்டுமான வேலை செய்து வருகிறார். இவர் கடந்த 12 வருடங்களுக்கு முன்பு நந்தினி என்பவரை திருமணம் செய்துகொண்டார். இந்த தம்பதியினருக்கு 11 வயதில் காவ்யா என்ற மகளும், 5 வயதில் அஷ்வின் என்கிற மகனும் உள்ளனர்.

கருத்து வேறுபாடு காரணமாக இருவரும் ஒரு வருடத்திற்கும் மேலாக பிரிந்து வாழ்ந்து வருகின்றனர். தனியார் கல்லூரியில் கூலி வேலை செய்து வந்த நந்தினி, டிக்டாக் ஆப்பில் அதிக வீடியோக்களை பதிவிட்டு வந்துள்ளார்.

அதோடு அல்லாமல் செல்போனிலும் யாருடனோ அதிகமாக பேசி வந்துள்ளார். இதனால் கணவன்-மனைவிக்கு இடையில் அடிக்கடி சண்டை ஏற்பட்டு வந்துள்ளது. நீண்ட நேரம் நந்தினியின் செல்போனுக்கு முயற்சித்த போது பிசி என வந்துள்ளது.

இதனால் ஆத்திரமடைந்த கனகராஜ் உடனே மனைவி வேலை செய்து வரும் தனியார் கல்லூரிக்கு சென்று வாக்குவாதத்தில் ஈடுபட ஆரம்பித்துள்ளார். அப்போது திடீரென தான் மறைத்து வைத்திருந்த கத்தியை கொண்டு நந்தினியை சரமாரியாக குத்தியுள்ளார்.

இதில் சரிந்து விழுந்த நந்தினியை அங்கிருந்தவர்கள் வேகமாக மீட்டு மருத்துவமனைக்கு கொண்டு சென்றனர். ஆனால் செல்லும் வழியிலேயே அவர் பரிதாபமாக உயிரிழந்துள்ளார். இந்த சம்பவம் தொடர்பாக வழக்கு பதிவு செய்த பொலிஸார், தற்போது கனகராஜை கைது செய்து விசாரணை மேற்கொண்டு வருகின்றனர்.