அதிர்ச்சி சம்பவம்

தமிழகத்தில் மனைவியை கொலை செய்த ராணுவ வீரர் உட்பட இருவரை பொலிசார் கைது செய்துள்ளனர். கிருஷ்ணகிரியை சேர்ந்தவர் ராஜேஷ். ராணுவத்தில் பணியாற்றி வருகிறார். இவரது மனைவி கவுதமி (29). தம்பதிக்கு இரண்டு குழந்தைகள் உள்ளனர்.

இந்நிலையில் கடந்த வாரம் கவுதமி தனது வீட்டில் சடலமாக கிடந்தார். சம்பவம் குறித்து தகவலறிந்து வந்த பொலிசார் கவுதமி சடலத்தை கைப்பற்றிய நிலையில் அவர் கொலை செய்யப்பட்டதை கண்டுப்பிடித்தனர்.

இதனிடையில் விடுமுறையில் ஊருக்கு வந்த ராஜேஷை பொலிசார் தேடி வந்த நிலையில் அவர் தலைமறைவானது தெரியவந்தது. கர்நாடக மாநிலத்தில் தனது காதலி கலைவாணி (30) வீட்டில் பதுங்கியிருந்த ராஜேஷை பொலிசார் கைது செய்தனர்.

விசாரணையில் கவுதமியை கொன்றதை ராஜேஷ் ஒப்பு கொண்டார். இதற்கு உறுதுணையாக இருந்த கலைவாணியும் கைது செய்யப்பட்டார். அதாவது, கணவரை பிரிந்து வாழ்ந்து வரும் கலைவாணிக்கும் ராஜேஷுக்கு வாட்ஸ் அப் மூலம் பழக்கம் ஏற்பட்டது.

இதையடுத்து கலைவாணியை திருமணம் செய்து கொள்ள ராஜேஷ் முடிவு செய்துள்ளார். இந்நிலையில் விடுமுறையில் ஊருக்கு வந்த ராஜேஷிடம் இது குறித்து அறிந்த அவர் மனைவி கவுதமி சண்டை போட்டுள்ளார். இதனால் கோபமடைந்த ராஜேஷ் மனைவியை கொலை செய்தது தெரியவந்துள்ளது.

அதிர்ச்சி சம்பவம்

திருமணமான 9 மாதத்தில் இந்தியாவை சேர்ந்த இளம்பெண் அமெரிக்காவில் மர்மமான முறையில் இறந்துள்ள நிலையில் கணவர் மற்றும் அவர் குடும்பத்தார் தான் அப்பெண்ணை கொலை செய்துவிட்டதாக புகார் எழுந்துள்ளது.

தெலுங்கானா மாநிலத்தை சேர்ந்தவர் சந்தியா. இவருக்கும் ஸ்ரீகாந்த் என்பவருக்கு கடந்த 9 மாதங்களுக்கு முன்னர் திருமணம் நடைபெற்றது. அமெரிக்காவில் சாப்ட்வேர் இன்ஜினியராக பணிபுரியும் ஸ்ரீகாந்த் திருமணத்துக்கு பின்னர் மனைவியை அழைத்து கொண்டு அங்கு சென்றுள்ளார்.

இந்நிலையில் நேற்று ஸ்ரீகாந்தின் தந்தை ராஜேஷ்வரராவ், சந்தியாவின் தந்தை மகேந்தருக்கு போன் செய்து உங்கள் மகள் சந்தியா இறந்துவிட்டதாக கூறியுள்ளார். சந்தியா அமெரிக்காவின் Tennessee மாகாணத்தில் உள்ள அடுக்குமாடி குடியிருப்பில் வசித்து வந்த நிலையில் கழுத்தில் ஆழமான வெட்டு காயத்துடன் சடலமாக கிடந்துள்ளார்.

இந்நிலையில் ஸ்ரீகாந்த் மற்றும் அவர் குடும்பத்தார் வரதட்சணை கேட்டு கொடுமை செய்து சந்தியாவை கொன்றுவிட்டதாக அவர் குடும்பத்தார் தெரிவித்துள்ளார். இது குறித்து அவரின் தந்தை மகேந்தர் கூறுகையில், திருமணமான முதல் 6 மாதம் சந்தியாவுக்கு கணவர் குடும்பத்தினரால் பிரச்சனை எதுவும் வரவில்லை.

பின்னர் தான் ஸ்ரீகாந்த் மற்றும் அவருடன் வசிக்கும் அவர் தாய் விஜயா ஆகியோ வரதட்சணை கேட்டு சந்தியாவை கொடுமைப்படுத்த தொடங்கினார்கள். ரூ 1 கோடி வரதட்சணை கேட்பதாக என்னிடம் சந்தியா கூறினார், இதை கொடுக்காவிட்டால் கொலை செய்துவிடுவோம் என்று அவர் மிரட்டப்பட்டுள்ளார் என கூறியுள்ளார்.

இதனிடையில் சந்தியாவின் கணவர் ஸ்ரீகாந்த், மாமனார், மாமியார், உள்ளிட்ட 5 பேர் மீது தெலுங்கானா பொலிசில் புகார் கொடுக்கப்பட்டுள்ளது.

ரியல் ஹீரோ

இந்தியாவில் பன்னாட்டு நிறுவனத்தின் வேலையை உதறிவிட்டு இளம் பொறியாளர் ஒருவர், கிராம மக்களின் குடிநீர் பிரச்னையை தீர்க்க 10 குளங்களை தூர்வாரி புனரமைத்துள்ளது பாராட்டுகளை பெற்றுள்ளது.

உத்தர பிரதேச மாநிலம் கவுதம்புத் நகர் மாவட்டத்திலுள்ள கிரேட்டர் நொய்டாவில் ஏராளமான சிறிய அளவிலான குளங்கள் உள்ளன. இவை முறையாக பராமரிக்கப்படாததால் கழிவுகள் தேங்கும் குட்டைகளாக மாறியுள்ளன.

கிராம மக்களின் குடிநீர் பிரச்னை தீராத ஒன்றாக நீடிக்கவே, அப்பகுதியை சேர்ந்த ராம்வீர் தன்வார் குளங்களை தூர்வார முன்வந்துள்ளார். கிராம மக்களின் ஒத்துழைப்பை பெற்றுக்கொண்ட அவர், சமூக வலைதளங்கள் மூலமாக தன்னார்வலர்கள் பலரை உடன் சேர்த்து கொண்டு வசூலாகும் நிதியைக் கொண்டு கடந்த 2014 ஆம் ஆண்டு குளங்களை தூர்வாரும் பணியை தொடங்கியுள்ளார்.

5 ஆண்டுகளில் 10 குளங்களை தூர்வாரியுள்ள 26 வயதான ராம்வீர், பன்னாட்டு நிறுவனத்தில் லட்சகணக்கணக்கான சம்பளத்தில் வேலை செய்து வந்த நிலையில் அந்த வேலையை விட்டுவிட்டு, முழுமூச்சாக இந்த பணியில் இறங்கியுள்ளார். பணத்தேவைக்காக மாலை நேரங்களில் டியூஷன் நடத்தியபடி சமூக சேவை ஆற்றும் ராம்வீருக்கு பாராட்டுகள் குவிந்து வருகிறது.

சாதித்த இளைஞன்

இந்தியாவின் உத்தரபிரதேச மாநிலத்தில் பார்வையை இழந்த இளைஞர் ஒருவர் தற்போது மாவட்ட ஆட்சியர்களுக்கான தேர்வில் வெற்றிபெற்று சாதித்துள்ளார். உத்தரபிரதேச மாநிலத்தில் அம்ரோஹா பகுதியில் குடியிருக்கும் சதேந்தர் சிங் குடிமுறை அரசுப் பணிக்கான தேர்வில் ஒட்டுமொத்த இந்தியாவில் 714 ஆம் இடத்தை எட்டியுள்ளார்.

சதேந்தரின் வாழ்க்கை கரடு முரடானது என அவரது நண்பர்களே தெரிவிக்கின்றனர். ஆனாலும் உள்ளத் தூய்மை கொண்ட சதேந்தர் அதை எல்லாம் புன்னகையுடன் எதிர்கொண்டு தற்போது சிகரத்தின் உச்சியில் அமர்ந்துள்ளார்.

சதேந்தருக்கு ஒன்றரை வயது இருக்கும்போது நியூமோனியா காச்சல் பிடிபட்டுள்ளது. இதனையடுத்து மருத்துவமனைக்கு கொண்டுசெல்லப்பட்டுள்ளார். விதி அங்கே விளையாடியது. சந்தேந்தருக்கு அளித்த ஊசி மருந்து மாறியதால், அதன் தாக்கம் காரணமாக பார்வை குறைப்பாடு ஏற்பட்டுள்ளது.

அது படிப்படியாக சந்தேந்தரை பார்வை இழந்தவராக மாற்றியுள்ளது. தட்டுத்தடுமாறி கல்லூரியில் இணைந்த சந்தேந்தருக்கு இன்னொரு சவால் காத்திருந்தது. கிராமப்பகுதியில் இருந்து கல்லூரிக்கு சென்றதால் ஆங்கில மொழி பேசுவதிலும், புரிந்துகொள்வதிலும் தடுமாறியுள்ளார்.

இதனால் அவருக்கு சக மாணவர்கள் மற்றும் ஆசிரியர்களின் உதவி செய்துள்ளனர். மட்டுமின்றி மென்பொருள் ஒன்றை பயன்படுத்தி சாதாரண மக்கள் வாசிப்பது போன்று அவரும் கல்லூரி பாடங்களை கற்று வந்துள்ளார். பின்னர் டெல்லியில் உள்ள ஜவஹர்லால் நேரு பல்கலைக்கழகத்தில் இணைந்து அங்கும் தமது திறைமையை வெளிப்படுத்தியுள்ளார்.

இதனிடையே சிவில் சர்வீஸ் தேர்வுகளுக்கு தம்மை தயார் செய்துகொண்ட சதேந்தர் மூன்றாவது முயற்சியில் தற்போது வெற்றிபெற்றுள்ளார். சதேந்தரின் இந்த வெற்றியை அவரது உறவினர்கள் மட்டுமின்றி அவரது கிராம மக்களே கொண்டாடி வருகின்றனர்.

அதிர்ச்சி வாக்குமூலம்

பொள்ளாச்சியில் கல்லூரி மாணவியை கொலை செய்ததற்கான காரணத்தை குற்றவாளி சதீஷ்குமார் பொலிசாரிடம் கூறியுள்ளான். திண்டுக்கல் மாவட்டம் ஒட்டன்சத்திரத்தை சேர்ந்த பிரகதி என்கிற 20 வயது மாணவி, கோவையில் உள்ள கல்லூரியில் 2ம் ஆண்டு படித்து வந்தார்.

இவர் கடந்த 5ம் திகதியன்று அவருடைய அம்மாவிற்கு போன் செய்து விடுமுறையில் வீட்டிற்கு வருவதாக தெரிவித்துள்ளார். ஆனால் வீடு வந்த சேராத பிரகதி, நேற்று மாலை சாலையோரம் சடலமாக கண்டெடுக்கப்பட்டார். இந்த சம்பவமானது தமிழகம் முழுவதும் பெரும் பரபரப்பை ஏற்படுத்திய நிலையில்,

இதுகுறித்து வழக்கு பதிவு செய்த பொலிஸார் சிசிடிவி காட்சிகளை கொண்டு, சதீஷ்குமார் என்பவரை கைது செய்தனர். அவரை பற்றி மேற்கொண்ட விசாரணையில், சதீஷ்குமார் பிரகதியின் உறவினர் என்பது தெரியவந்துள்ளது.

இந்த நிலையில் குற்றவாளியிடம் பொலிஸார் விசாரணை மேற்கொண்டு அதனை வெளியிட்டுள்ளனர். அந்த வாக்குமூலத்தில், நானும் பிரகதியும் சிறுவயது முதலே காதலித்து வந்தோம். இருவரும் திருமணம் செய்துகொள்ள விரும்பிய நேரத்தில், என்னுடைய விருப்பம் இல்லாமலேயே என்னுடைய பெற்றோர் வேறு பெண்ணுடன் எனக்கு திருமணம் செய்து வைத்தனர்.

ஆனாலும் தொடர்ந்து பிரகதியுடன் பழகி வந்தேன். எனக்கு குழந்தை பிறந்ததும் பேச்சை வார்த்தையை சிறிது குறைத்துக்கொண்டேன். இந்த நிலையில் தான் அவருக்கு வேறு ஒருவருடன் திருமணம் செய்து வைக்க ஏற்பாடு செய்திருந்தனர். இதனால் அவர் என்னை தொந்தரவு செய்ய மாட்டார் என்று தான் நினைத்திருந்தேன்.

ஆனால் எனக்கு போன் செய்து என்னுடன் தான் வாழ்வேன் என்றும், திருமணத்தில் விருப்பம் இல்லை என்றும் கூறினார். மேலும் அவருடன் பழகிய நாட்களில் பணம், நகை ஆகியவற்றை கொடுத்து அதிக கடனாளியானேன்.

இந்த நிலையில் மீண்டும் என்னிடம் பணம், நகை கேட்டு நச்சரிக்க ஆரம்பித்தார். என்னுடன் தான் வாழ்வேன் என்றும் தொந்தரவு செய்ததாலே, திட்டமிட்டு அவரை அழைத்து வந்து பாலியல் வன்புணர்வு செய்து கொலை செய்தேன் என கூறியுள்ளார்.