மனைவியை கொலை செய்துவிட்டு மகளுக்கு போன் செய்த தந்தை

தமிழகத்தில் மனைவியின் நடத்தையில் சந்தேகப்பட்ட கணவன் அவரை கொலை செய்துவிட்டு, மகளுக்கு போன் செய்து தெரிவித்த சம்பவம் அதிர்ச்சியை ஏற்படுத்தியுள்ளது. கிருஷ்ணகிரி மாவட்டம் ஊத்தங்கரையை அடுத்த கேத்துநாய்க்கம்பட்டியை சேர்ந்தவர் ரவி. இவருக்கு காமாட்சி என்ற மனைவி உள்ளார்.

ரவி கூலித் தொழில் செய்து வரும் நிலையில், காமாட்சிக்கும் ஊத்தங்கரையை சேர்ந்த முருகன் என்பவருக்கும் இடையே பழக்கம் ஏற்பட்டுள்ளது. இவர்களின் பழக்கம் மிகவும் நெருங்கி பழகும் அளவிற்கு இருந்துள்ளது. இது ரவிக்கு தெரிந்ததால், மனைவி காமாட்சியிடம் இது குறித்து பல முறை சண்டை போட்டுள்ளார்.

இந்நிலையில் நேற்று நள்ளிரவு 11 மணிக்கு மகளான அய்யம்மாளை தொடர்பு கொண்ட இவர், காமாட்சியை அரிவாளால் வெட்டி கொலை செய்துவிட்டதாக கூறியுள்ளார்.

இதைக் கேட்டு அதிர்ச்சியடைந்த மகள், தாய் இறந்த நிலையில் கிடந்ததைக்கண்டு அதிர்ச்சியடைந்துள்ளார். பின்னர் அய்யம்மாள் இது குறித்து பொலிசாருக்கு தகவல் தெரிவித்துள்ளார். அதற்கு முன்னரே ரவி தனது மனைவி காமாட்சியை வெட்டி கொன்றதாக காவல்நிலையத்தில் சரண் அடைந்துள்ளார்.

அதன் பின் பொலிசார் மேற்கொண்ட விசாரணையில், மனைவியின் நடத்தை சரியில்லாததால் வெட்டிப் படுகொலை செய்தேன் என கூறியுள்ளார். இதையடுத்து அவரை கைது செய்த பொலிசார், தொடர்ந்து விசாரணை மேற்கொண்டு வருகின்றனர்.

பொலிசாருக்கு காத்திருந்த அதிர்ச்சி

இந்திய வெளியுறவு அதிகாரி போல் போலி ஐ.டி கார்டு தயாரித்து மோசடியில் ஈடுபட்ட பெண்ணை நொய்டாவில் பொலிசார் கைது செய்தனர். டெல்லியைச் சேர்ந்த ஷோயா கான் என்ற பெண் எம்.ஏ அரசியல் அறிவியல் படித்துள்ளார். ஐ.ஏ.எஸ் அதிகாரியாக வேண்டும் என்பது தான் இவரது கனவு, இதற்காக கடந்த 2017-ஆம் ஆண்டு ஐ.ஏ.எஸ் தேர்வு எழுதியுள்ளார்.

ஆனால் அதில் தேர்ச்சி பெறவில்லை. இருப்பினும் அதிகாரி ஆக வேண்டும், பேர் புகழோடு திகழ வேண்டும் என்ற ஆசை அவரை விட்டு போகாத காரணத்தினால் தான் நினைத்ததை அடைய வேண்டும் சில குறுக்க வழிகளை கையாண்டுள்ளார்.

அதன்படி, இவர் தனது இந்திய வெளியுறவுத்துறை அதிகாரி என போலியான ஐ.டி கார்டு ஒன்றை தயாரித்துள்ளார். அத்துடன் போலியான இ-மெயில் ஐ.டி-யை உருவாக்கியுள்ளார். அதுமட்டுமின்றி செல்போன் ஆப் மூலம் தனது குரலை ஆண் குரலாக மாற்றி பேசியுள்ளார்.

இவரது கணவர் வங்கியில் வேலை செய்து, அங்கிருந்து வெளியேறியவர் என்பதால் இவருக்கு போலியான் ஐ.டி.கார்டு போன்றவைகளை ஷோயா தயாரித்து கொடுத்துள்ளார். அதன் பின் ஒரு அரசு அதிகாரி போலவே ஷோயா வலம்வர தொடங்கியுள்ளார். 18 மாதங்கள் ஒரு அரசு அதிகாரி போல் வலம் வந்துள்ளார். இவரின் இந்த திருட்டுத்தனத்தை அறியாமல் இவருக்கு பொலிஸ் பாதுகாப்பு வேறு போடப்பட்டுள்ளது.

இந்நிலையில் கடந்த வாரம் ஷோயா உத்தரப் பிரதேசம் மீரட்டில் நடந்த பிரதமர் மோடி நிகழ்ச்சியில் கலந்துகொண்டுள்ளார். அங்கும் ஒரு அதிகாரி போல் வலம்வர, இவரை பிரதமரின் பாதுகாப்பு அதிகாரி என அனைவரும் நினைத்துள்ளனர். பல காவல் அதிகாரிகளும் இவருக்கு சல்யூட் அடித்துள்ளனர்.

இதையடுட்த்து நொய்டாவின் கவுதம் புத்த நகர் எஸ்.எஸ்.பி வைபாவ் கிருஷ்ணாவை செல்போனில் தொடர்பு கொண்ட இவர் தனக்கு பாதுகாப்பு கொடுக்கும் பொலிசாரை அனுப்பிவைக்க தாமதப்படுத்தியதாக திட்டியுள்ளார். அதன் பின்னரே இவர் மீது சந்தேகம் வந்துள்ளது. இதனால் அவரது வீட்டை சோதனை செய்து போது பொலிசாருக்கு அதிர்ச்சி தகவல்கள் கிடைத்துள்ளன.

இதைத் தொடர்ந்து நடத்திய விசாரணையில், அவர் உண்மையான அதிகாரியே இல்லை போலியான ஐ.டி. கார்டை தயாரித்து 18 மாதங்களாக மோசடியில் ஈடுபட்டிருப்பது தெரியவந்துள்ளது.

இதையடுத்து அவர் தங்கியிருந்த 3 படுக்கையறைகள் கொண்ட வீட்டை காவல்துறையினர் முடக்கியுள்ளனர். அத்துடன் 2 சொகுசுக் கார்கள், 2 லேப்டாப்கள், 2 போலி ஐ.டி கார்டுகள், 2 வாக்கி டாக்கிகள், 4 ஸ்மார்ட்போன்கள் மற்றும் 2 போலி துப்பாக்கிகளை பறிமுதல் செய்துள்ளனர். அவரது கணவரையும் பொலிசார் கைது செய்து விசாரணை மேற்கொண்டு வருகின்றனர்.

இவர் கோ டாடி என்ற இணையதளத்தில் பணம் செலுத்தி போலியான இணைய தளம் ஒன்றையும் உருவாக்கியிருப்பது தெரியவந்துள்ளது. அத்துடன் அரசியல் பிரபலங்கள் பலருடன் புகைப்படம் எடுத்துக்கொண்டிருப்பதும் கண்டுபிடிக்கப்பட்டுள்ளது. மேலும் இவர் போலியான ஐ.டி கார்டு தயாரித்து மோசடியில் ஈடுபடும் நபர் தான் என்றும், இவருக்கு வெளிநாட்டில் இருக்கும் ஏஜென்சிகளுக்கு எந்த தொடர்பும் இல்லை எனவும் தெரியவந்துள்ளது.

ஆட்டோ ஓட்டுநர் செய்த செயல்

கோடை காலம் தொடங்கி சுட்டெரிக்கும் வெயில் தொடர்ந்து அதிகரித்த வண்ணம் உள்ளது. இந்நிலையில் வெயிலிலிருந்து தப்பித்துக்கொள்ள ஆட்டோ ஓட்டுநர் ஒருவர் ரிக்ஷாவின் மேற்பகுதியில் அழகான சிறிய தோட்டம் அமைத்து வளர்த்து வருகிறார்.

கொல்கத்தாவில் ஆட்டோ ரிக்ஷா ஓட்டும் நபர் பிஜோய் பால். இவர் மரங்களை பாதுகாப்பது குறித்த விழிப்புணர்வை மக்களிடையே ஏற்படுத்த வேண்டும் என்பதற்காக “மரங்களை பாதுகாத்து உயிர்களைக் காப்பாற்றுங்கள் என்ற பொன்மொழியை தன்னுடைய ஆட்டோவில் பின் பக்கமாக எழுதி வைத்தும், ஆட்டோவின் மேற்புறத்தில், அசந்து போகும் அளவிற்கு சிறிய செடிகளை வளர்த்து அழகிய பூந்தோட்டமாக வைத்துள்ளார்.

இது குறித்து அவர் தெரிவிக்கும் போது, “எங்கு சென்றாலும் மிகவும் குளிர்ச்சியாக உள்ளது என்றும், எவ்வளவு வெயில் அடித்தாலும் அதிலிருந்து மிக எளிதாக தப்பித்துக்கொள்ள முடியும்.. அதேவேளையில் மக்களுக்கு நல்ல விழிப்புணர்வு ஏற்படும் என நம்பிக்கை தெரிவிக்கிறார்.

மேலும் இதை ஒரு விளம்பரமாக கருதாமல் பசுமை ஆர்வலர்கள் உருவாக வேண்டும் என்பதற்காகவும், நாட்டில் மரங்களை அழிக்காமல் ஒவ்வொருவரும் மரத்தை பேணிக்காக்க வேண்டும் என்பதை உணர்த்தும் வகையில் இந்த முயற்சியை மேற்கொண்டு உள்ளேன்” என அவர் தெரிவித்து உள்ளார்.

நெகிழ்ச்சி சம்பவம்

இந்தியாவின் தெலுங்கானா மாநிலத்தில் 8 ஆண்டுகளுக்கு முன்பு காணாமல் போன மகன், பேஸ்புக்கின் உதவியோடு நேற்று தாயிடம் ஒப்படைக்கப்பட்டார்.தெலுங்கானா மாநிலத்தில் கடந்த 2011ஆம் ஆண்டு 8 வயதான தனது மகன் தினேஷ் ஜனா காணாமல் போனதாக, சுசானா குஷாய்குடா என்ற பெண் பொலிசில் புகார் கொடுத்தார்.

அதனைத் தொடர்ந்து பொலிசார் அந்த சிறுவனை தேடும் பணியில் தீவிரமாக ஈடுபட்டனர். ஆனால், சிறுவன் கிடைக்கவில்லை. இந்நிலையில், சுசானா தனது பேஸ்புக் கணக்கில் மகன் தினேஷ் ஜனாவை பல பெயர்களைக் கொண்டு தேடியுள்ளார்.

அப்போது தனது மகனின் புகைப்படத்தை பார்த்த அவர், அளவுகடந்த மகிழ்ச்சி அடைந்தார். பின்னர் உடனடியாக சைபர் பிரிவு பொலிசாருக்கு இது குறித்து தெரியப்படுத்தினார். இதனைத் தொடர்ந்து தினேஷின் பேஸ்புக் கணக்கின் ஐ.பி எண்ணைக் கொண்டு, பஞ்சாப்பின் அம்ரித்சார் மாவட்டத்தில் உள்ள ரனகலா கிராமத்தில் சுசானாவின் மகன் வசிப்பது தெரிய வந்துள்ளது.

இந்நிலையில் பொலிசார் ஒரு குழுவாக பஞ்சாப் சென்று தினேஷை மீட்டு வந்தனர். பின்னர் நேற்றைய தினம் சுசானாவிடம் அவரது மகன் தினேஷ் ஒப்படைக்கப்பட்டார்.

தூக்கில் தொங்கிய மாணவி

கடலூரில் உள்ள பள்ளியில் 8ம் வகுப்பு மாணவி, ஆண் மாணவர்களின் கழிவறையில் தூக்கில் தொங்கிய நிலையில் சடலமாக மீட்கப்பட்டுள்ள சம்பவம் பரபரப்பை ஏற்படுத்தியுள்ளது.கடலூரை சேர்ந்த ஏழுமலை (39) என்பவரின் இரண்டாவது மகள் துர்கா தேவி (13). இவர் அதேபகுதியில் உள்ள ஊராட்சி ஒன்றிய நடுநிலை பள்ளியில் 8ம் வகுப்பு படித்து வந்தார்.

வீட்டின் அருகே பள்ளி இருந்ததால், தினமும் அதிகாலை பள்ளி திறக்கும் பொறுப்பு தேவிக்கு கொடுக்கப்பட்டிருந்தது. நேற்று காலை 8.30 மணிக்கு வீட்டில் பெற்றோர்களிடம் கூறிவிட்டு தேவி கிளம்பியுள்ளார். வழக்கம் போல பள்ளிக்கு வந்த சில மாணவர்கள் கழிவறையை திறந்துள்ளனர். அப்போது துப்பட்டாவால் தூக்கில் தொங்கியபடியே தேவி கிடப்பதை பார்த்து அலறியுள்ளனர்.

இந்த சத்தம் கேட்டு ஓடிவந்த தலைமையாசிரியை பொலிஸாருக்கு தகவல் கொடுத்துள்ளார். அதன்பேரில் சம்பவ இடத்திற்கு வந்த பொலிஸார் தேவியின் உடலை கைப்பற்றி பிரேத பரிசோதனைக்காக அனுப்பி வைத்தனர்.

இதற்கிடையில் பள்ளிக்கு விரைந்த மாணவியின் பெற்றோர் மற்றும் உறவினர்கள் தலைமையாசிரியரிடம் விசாரித்த போது முன்னுக்கு பின் முரணாக பதிலளித்துள்ளனர்.

இதனால் சந்தேகமடைந்த உறவினர்கள் மாணவின் தற்கொலையில் சந்தேகம் இருப்பதாக கூறி உடலை வாங்க மறுத்து போராட்டத்தில் ஈடுபட ஆரம்பித்துள்ளனர். இதனை தடுக்கும் விதமாக பேச்சு வார்த்தை கூட நடத்தாமல் பொலிஸார் தடியடி நடத்தியுள்ளனர். இதில் சிலருக்கு லேசான காயங்கள் ஏற்பட்டுள்ளது.மேலும் போராட்டத்தில் ஈடுபட்டதாக கூறி 10 பேரை கைது செய்து பொலிஸார் சிறையில் வைத்துள்ளனர்.

பெண் எடுத்த சோகமுடிவு

சென்னையில் திருமணம் முடிந்த 6 மாதத்தில் இளம்பெண் தூக்குபோட்டு தற்கொலை செய்துள்ள சம்பவம் பரபரப்பை ஏற்படுத்தியுள்ளது.

சென்னையை சேர்ந்த மாரியப்பன் என்பவர் கடந்த 6 மாதத்திற்கு முன்னதாக விக்னேஷ்வரி என்பவரை திருமணம் செய்துள்ளார். திருமணம் முடிந்த சில நாட்களிலே, உறவினர்களுடன் பேச கூடாது என்றும் பண்டிகை காலங்களில் பணம் நகை கேட்டும் மாரியப்பன் தொடர் தொல்லை கொடுத்ததாக தெரிகிறது.

இதனால் மனஉளைச்சலில் இருந்த விக்னேஷ்வரி வீட்டில் ஆளில்லாத சமயம் பார்த்து தூக்குபோட்டு தற்கொலை செய்துள்ளார். இந்த சம்பவம் அறிந்து வந்த பொலிஸார் விக்னேஷ்வரியின் உடலை கைப்பற்றி பிரேத பரிசோதனைக்கு அனுப்பி வைத்தனர்.  மேலும், தற்கொலை செய்துகொள்வதற்கு முன் விக்னேஷ்வரி எழுதி வைத்திருந்த கடிதத்தை கைப்பற்றி மாரியப்பனிடம் விசாரணை மேற்கொண்டு வருகின்றனர்.