தமிழ்நாட்டின் திருச்சியில் நாளை திருமணம் நடக்கவிருந்த நிலையில், 100 சவரன் நகையை வரதட்சணையாக கேட்டு திருமணத்தை நிறுத்திய மணமகனின் செயல் பரபரப்பை ஏற்படுத்தியுள்ளது.

பியூர் செம் புராடக்ட்ஸ் நிறுவனத்தின் கொள்முதல் பிரிவு அதிகாரியாக இருப்பவர் மகேந்திரன்.

இவருக்கும் ஆசிரியை சுகந்தி என்பவருக்கும் கடந்த ஜூன் மாதம் 17-ம் திகதி திருமண நிச்சயதார்த்தம் நடந்தது.

மாப்பிள்ளை வீட்டாருக்கு வரதட்சணையாக 50 சவரன் நகையும், 5 லட்சம் ரூபாய் ரொக்கமும் கொடுக்க முடிவு செய்யப்பட்டது.

இந்நிலையில் கடந்த மாதம் 22-ஆம் திகதி இரு வீட்டாரும் பெண்ணுக்கு முகூர்த்தப்பட்டு எடுக்க கடைக்கு சென்றனர்.

அப்போது தங்களது பெண்ணுக்கு 30 ஆயிரம் ரூபாயில் புடவை எடுத்துதர வேண்டும் என பெண் வீட்டார் கேட்க மாப்பிள்ளை வீட்டாரோ 20 ஆயிரத்துக்கு எடுப்போம் என கூறினர்.

இதனால் இரு தரப்புக்கும் மனக்கசப்பு ஏற்பட்ட நிலையில் 22 ஆயிரம் ரூபாய் மதிப்பில் முகூர்த்தப் பட்டு வாங்கினர்.

இந்நிலையில் திருமணத்துக்கு இரு நாட்களுக்கு முன்னர் மாப்பிள்ளை வீட்டார் தங்களுக்கு 100 சவரன் நகை வேண்டும் என தடாலடியாக கூறினார்.

ஆனால் ஏற்கனவே பேசியது 50 சவரன் தானே என பெண் வீட்டார் பேசிய நிலையில், மாப்பிள்ளை வீட்டார் திருமணத்தை நிறுத்தினர்.

இதனால் அதிர்ச்சியடைந்த பெண் வீட்டார் இது குறித்து பொலிசில் புகார் அளித்த நிலையில் மாப்பிள்ளை மகேந்திரன் கைது செய்யப்பட்டார்.

தலைமைறைவாக உள்ள அவர் குடும்பத்தார் தேடப்பட்டு வருகிறார்கள்.

இது குறித்து பொலிசார் கூறுகையில், 100 சவரன் வரதட்சணை கேட்ட மணமகன் வீட்டாரால் மட்டும் திருமணம் நின்று போகவில்லை, பட்டுச் சேலையில் கறார் காட்டி மனக்கசப்பை ஆரம்பித்து வைத்த பெண் வீட்டாரின் பிடிவாதமும் ஒரு காரணம் என கூறியுள்ளனர்.

பிரபல எழுத்தாளர் ரீட்டா ஜிதேந்திரா நேரலை நிகழ்ச்சியில் பேசிக்கொண்டிருக்கும் போதே உயிரிழந்துள்ள சம்பவம் பெரும் சோகத்தை ஏற்படுத்தியுள்ளது.

ஜம்மு காஷ்மீர் மாநில கலை, கலாச்சார மற்றும் மொழிகள் துறை முன்னாள் செயலாளரும், எழுத்தாளருமான ரீட்டா ஜிதேந்திரா தூர்தர்ஷன் தொலைக்காட்சியில், நேரலையாக ஒளிபரப்பாகும் ‘குட் மார்னிங் ஜம்மு காஷ்மீர்’ நிகழ்ச்சியில் பங்கேற்றார்.

காலை 8.30 மணிக்கு ஆரம்பமான நிகழ்ச்சியில் நன்றாக பேசிக்கொண்டிருந்த ரீட்டாவிற்கு திடீரென மூச்சு திணறல் ஏற்பட்டது.

மேலே பார்த்தபடியே மூச்சு விட திணறிய ரீட்டா அடுத்த சில வினாடிகளில் உயிரிழந்தார். தூர்தர்ஷன் தொலைக்காட்சி வரலாற்றில் நேரலையில் ஒருவர் இறப்பது இதுவே முதல்முறையாகும்.

இந்த சம்பவமானது பார்வையாளர்கள் மத்தியில் பெரும் சோகத்தை ஏற்படுத்தியுள்ளது.

இந்த நிலையில் எஸ்.எம்.ஹெச்.எஸ். மருத்துவமனையில் பணிபுரியும் டாக்டர் சலீம் தக் கூறுகையில், இதயத்துடிப்பு திடீரென தாறுமாறாக துடித்திருக்கலாம். அதனால் தான் மாரடைப்பு ஏற்பட்டு இறந்திருப்பார் என தெரிவித்துள்ளார்.

குழந்தைகளைக் கொலை செய்த வழக்கில் சிறையில் உள்ள அபிராமி, தினம் தினம் தூங்காமல் செத்துக்கொண்டிருக்கிறேன் என தன்னை சந்தித்த வழக்கறிஞரிடம் தெரிவித்துள்ளார்.

குன்றத்தூரை சேர்ந்த அபிராமி கள்ளக்காதலன் சுந்தரத்துடன் சேர்ந்து வாழ தனது இரண்டு குழந்தைகளை கொடூரமாக கொலை செய்தார்.

இதையடுத்து கைது செய்யப்பட்ட அவர் சிறையில் அடைக்கப்பட்டுள்ளார். இந்நிலையில் அபிராமியை சிறைக்கு சென்று அவரின் வழக்கறிஞர் சந்தித்து பேசியுள்ளார்.

இது குறித்து கூறிய வழக்கறிஞர், என்னிடம் சில விடயங்களை அபிராமி பேசினார். அதாவது, நான் விஜய்யை காதலித்துதான் திருமணம் செய்தேன்

3500 ரூபாய் வாடகை வீட்டில் குடியிருந்த நாங்கள் மகிழ்ச்சியாக இருந்தோம். அடிக்கடி குடும்பத்தோடு ஜாலியாக வெளியில் செல்வோம். அப்போது ஒருநாள் சுந்தரம் இருக்கும் பிரியாணி கடைக்கு சென்றோம்.

அவர் என்னை ஸ்பெஷலாக கவனித்தார். அதன்பின்னர் அடிக்கடி பிரியாணி ஆர்டர் செய்தால் வீட்டுக்கே வந்து சுந்தரம் கொடுப்பார்.
இப்படி தான் எங்களுக்குள் பழக்கம் ஏற்பட்டது.

சுந்தரத்தின் பழக்கத்தை என்னால் விடமுடியவில்லை. அவர் சொல்படி நடந்தேன். அவருடன் சேர்ந்து வாழ விருப்பப்பட்டு தான் அந்தத் தவறை செய்துவிட்டேன் என கூறினார்.

குழந்தைகள் கொலையில் சுந்தரத்துக்கு தொடர்புண்டா?’ என்ற கேள்விக்கு, சிறிது நேரம் யோசித்த அபிராமி, இல்லை என்றார்.

அந்தச் சம்பவத்தை என்னால் மறக்க முடியாமல் ஒவ்வொரு நாள் இரவும் தூங்க முடியாமல் தினம் தினம் செத்துக்கொண்டிருக்கிறேன் என கூறியதாக வழக்கறிஞர் தெரிவித்துள்ளார்.

மேலும், அவரின் முகத்தில் பதற்றம் தெரிகிறது. தூங்காமல் அவரின் கண்கள் சிவப்பாக காணப்படுகின்றன.

குழந்தைகளைக் கொலை செய்த எனக்கு மன்னிப்பே கிடையாது என அபிராமி அடிக்கடி கூறியதாகவும் வழக்கறிஞர் கூறியுள்ளார்.

தமிழ்நாட்டின் கடலூரில் டிராக்டர் ஓட்டுனர் தனது முதலாளியை கொலை செய்தது குறித்து பரபரப்பு வாக்குமூலம் அளித்துள்ளார்.

புதுமாம்பட்டு கிராமத்தை சேர்ந்த முருகன் (31). என்பவர் டிராக்டர் வைத்துள்ளார். இந்த டிராக்டரில் சக்திவேல் (24) என்பவர் ஓட்டுனராக வேலை பார்த்தார்.

முருகனும் அடிக்கடி டிராக்டரை ஓட்டிய நிலையில் ஒருமுறை மணல் கடத்தியுள்ளார். அப்போது பொலிசார் முருகனை கைது செய்தனர். பின்னர் ஜாமீனில் வெளியில் வந்த அவர் அங்குள்ள பாலத்தின் கீழ் சடலமாக கிடந்தார்.

இது குறித்து பொலிசார் விசாரித்த நிலையில் முருகனின் ஓட்டுனர் சக்திவேல் மீது சந்தேகம் உள்ளதாக முருகனின் மனைவி வளர்செல்வி கூறினார்.

இதையடுத்து பொலிசார் சக்திவேலிடம் விசாரித்த போது, முருகனை தான் கொலை செய்ததாக அவர் ஒப்பு கொண்டார். அவர் அளித்துள்ள வாக்குமூலத்தில், முருகன் என்னிடம் நன்றாக பழகினார்.

திடீரென என் வீட்டுக்கு வந்து வேலை பற்றி சொல்லுவார். நான் இல்லாத நேரத்திலும் என் வீட்டுக்கு அவர் வருவதாக தெரியவந்த போதும் நான் அவரை சந்தேகப்படவில்லை.

ஆனால் அதை முருகன் தவறாக பயன்படுத்தி கொண்டார். எனது மனைவியிடம் ஆசை வார்த்தை கூறி அவர் கையில் போட்டு கொண்டதால் அவர்களுக்குள் தவறான நட்பு ஏற்பட்டது.

இதையடுத்து இருவரையும் நான் கண்டித்தும் அவர்கள் கூடாநட்பை விடவில்லை. இதனால் ஆத்திரமடைந்த நான் முருகனை கொல்ல முடிவெடுத்தேன்.

அதன்படி அவரை மின்சாரம் பாய்ச்சி கொலை செய்துவிட்டு தப்பியோடி விட்டேன் என கூறியுள்ளார். விசாரணை முடிந்ததும் சக்திவேல் நீதிமன்றத்தில் ஆஜர்படுத்தப்பட்டு பின்னர் சிறையில் அடைக்கப்பட்டார்.

தமிழகத்தில் காதலன் பிறந்த நாளை கொண்டாட பெண் ஒருவர் இளைஞரை ஏமாற்றி இருசக்கர வாகனத்தை திருடிச் சென்ற சம்பவம் பரபரப்பை ஏற்படுத்தியுள்ளது.

சென்னை மணலியை சேர்ந்தவர் தினேஷ் (24). இவர் நேற்று காலை ஏழு கிணறு பகுதியில் தன்னுடைய இரு சக்கர வாகனத்தில் சென்று கொண்டிருந்த போது, அங்கிருந்த பெண் ஒருவர் அவரிடம் லிப்ட் கேட்டுள்ளார்.

இதனால் தினேஷ் இருசக்கர வாகனத்தை நிறுத்திய போது, அந்த பெண் தான் இதே பகுதியில் தான் வசிப்பதாகவும், தன்னுடைய தாயின் உடல் நிலை சரியில்லாத காரணத்தினால், அவரை மருத்துவமனைக்கு அழைத்துச் செல்ல வண்டி வேண்டும் என்று கேட்டுள்ளார்.

ஆனால் தினேஷ் தன்னுடைய வண்டியை கொடுப்பதற்கு தயக்கம் காட்டியுள்ளார். உடனே அந்த பெண் தன்னுடைய மொபைல் நம்பரை கொடுத்துள்ளார். அதை தினேஷ் சோதித்து பார்த்த போது, அந்த பெண்ணின் போனில் ரிங் அடித்துள்ளது.

இதையடுத்து அப்பெண்ணிற்கு தனது இருசக்கர வாகனத்தை தினேஷ் கொடுத்து அனுப்பியுள்ளார். வண்டியை வாங்கிச் சென்ற பெண் அரைமணி நேரத்தில் வருவதாக கூறிவிட்டு சென்றவர், வெகு நேரமாகியும் வராததால், அச்சமடைந்த தினேஷ் அந்த மொபைல் நம்பருக்கு கால் செய்துள்ளார். அது சுவிட்ச் ஆப் செய்யப்பட்டிருந்தது.

அதன் பின் தான் ஏமாற்றப்பட்டதை உணர்ந்த அவர், அருகில் இருக்கும் காவல்நிலையத்தில் இது குறித்து புகார் அளித்துள்ளார். காவல்துறையினர் அந்த நம்பரை ட்ராக் செய்து பார்த்தபோது, அது தடா எல்லைப்பகுதியில் இருந்துள்ளது.

திரும்பவும் சில மணி நேரங்களுக்குப் பிறகு சென்னை எல்லைக்குள் வந்துள்ளது. உடனே வாகன சோதனையில் ஈடுபட்ட காவல்துறையினர், இளைஞர் ஒருவருடன் வந்த அப்பெண்ணை பிடித்தனர்.

அவரிடம் பொலிசார் விசாரணை நடத்திய போது, தன்னுடைய காதலனுக்கு பிறந்த நாள் என்றும், அவருடன் தடா செல்ல திட்டமிட்டிருந்தேன். ஆனால் தங்களிடம் வண்டி ஏதும் இல்லாத காரணத்தினால் தினேஷை ஏமாற்றி வண்டியை பெற்றுச்சென்றதாக கூறியுள்ளார்.

பின்னர் தினேஷ் கேட்டுக்கொண்டதற்கு இணங்க அப்பெண் மற்றும் அவரது காதலனை பொலிசார் எச்சரித்து அனுப்பியுள்ளனர்.