தமிழகத்தில் தகாத உறவுக்கு கணவன் இடையூராக இருந்ததால், அவரை கொலை செய்தேன் என்று மனைவி கூறியிருக்கும் சம்பவம் அதிர்ச்சியை ஏற்படுத்தியுள்ளது.

திண்டுக்கல் மாவட்டம் பூதகுடியைச் சேர்ந்தவர் வடிவேல். இவருக்கு செல்லம்மாள் என்ற மனைவி உள்ளார். இந்நிலையில் திருமணம் முடிந்த சில மாதங்களிலே வடிவேல் சென்னைக்கு வேலைக்காக சென்றுள்ளார்.
அப்போது வடிவேலுவின் சம்பளம் போதுமானதாக இல்லாத காரணத்தினால், செல்லம்மாள் கூலி வேலைக்கு சென்றுள்ளார்.

வேலைக்கு சென்ற இடத்தில் செல்லம்மாளுக்கு கலையரசன் என்பவர் அறிமுகமாகியுள்ளார். முதலில் நண்பர்களாக பழகிய இவர்களின் நட்பு, நாளைடைவில் தகாத உறவு வைக்கும் அளவிற்கு மாறியுள்ளது.

இந்த தகவல் வடிவேலுவுக்கு தெரியவர உடனே, அவர் மனைவியான செல்லம்மாளுடன் தகராறில் ஈடுபட்டுள்ளார்.

தன்னுடைய தகாத உறவுக்கு கணவன் இடையூராக இருப்பதால், அவரை தீர்த்து கட்ட வேண்டும் என்று செல்லம்மாள் முடிவு செய்துள்ளார். இதற்காக கலையரசனையும் உதவிக்கு அழைத்துள்ளார்.

அதன் பின் வடிவேலுவுக்கு மது குடிக்கும் பழக்கம் உள்ளது என்பதால், செல்லம்மாள் அவருக்கு மது வாங்கிக் கொடுத்துள்ளார். மது போதையில் தள்ளாடிக் கொண்டிருந்த போது, உடனடியாக கலையரசனை வீட்டிற்கு அழைத்துள்ளார்.

வீட்டிற்கு வந்த அவர் போதையில் இருந்த வடிவேலுவை கம்பியால் தாக்கியுள்ளார். செல்லம்மாளும் கம்பியால் தாக்கியுள்ளார்.

இதனால் பரிதாபமாக இறந்த வடிவேலுவை ஒரு சாக்கு பையில் போட்டு, அதை நான்கு வழிச்சாலை வழியே செல்லும் ஓடையில் வீசியுள்ளனர்.

இதைத் தொடர்ந்து மறுநாள் காலை ஒன்றும் தெரியாதது போல், காவல்நிலையத்திற்கு சென்று, கணவனை காணவில்லை என்று புகார் அளித்துள்ளார்.

இந்த சம்பவம் நடந்து ஒன்றரை ஆண்டுகள் ஆகிய நிலையில், செல்லம்மாளுக்கும், கலையரசனுக்கும் இடையே விரிசல் ஏற்பட்டுள்ளது.

இதனால் இருவரும் முன்பு போல் இல்லாத காரணத்தினால், கணவரை கொலை செய்த குற்றத்தை ஒப்புக் கொள்வதற்காக காவல்நிலையத்திற்கு சென்று என் கணவனை நான் தான் கொன்றேன் என்று கூறியுள்ளார்.

இதையடுத்து அவர் தந்த தகவல் அடிப்படையில் நான்குவழிச்சாலை ஓடைக்கு சென்ற பொலிசார் அந்த சாக்குப்படையை மீட்டு பார்த்த போது, அதில் வடிவேலுவின் எலும்புக் கூட்டை பார்த்துள்ளனர்.

இதைத் தொடர்ந்து நடத்தப்பட்ட விசாரணையில் கலையரசன் மற்றும் செல்லம்மாளை பொலிசார் கைது செய்துள்ளனர்.

இந்தியாவில் சிறையில் இருந்த காதலனுக்காக போதை பொருள் கடத்திய மாணவியை பொலிசார் கைது செய்துள்ளனர்.

மேற்கு வங்கம் பராசத் நகரின் நாபரா பகுதியில் வசித்து வருபவர் சுஷ்மிதா மலாகர் (22). கல்லூரி மாணவியான இவர் போகிராத் சர்கார் என்ற நபரை காதலித்து வந்துள்ளார்.

ஆனால் போகிராத் சர்காரை புர்த்வான் நகரில் பிஜ்பூர் பகுதியில் நடந்த கொலை வழக்கில் குற்றவாளியாக நிரூபிக்கப்பட்டதால், அவர் சர்கார் டம்டம் மத்திய சிறைச்சாலையில் அடைக்கப்பட்டார்.

இந்நிலையில் சுஷ்மிதா சிறையில் இருக்கும் காதலனை பார்ப்பதற்காக சென்றுள்ளார். அப்போது காதலனுக்கு தேவைப்பட்டது என்று கூறி ஹெராயின் என்ற போதை பொருளை கடத்தி கொண்டு சென்றுள்ளார்.

இதை கண்டுபிடித்த பொலிசார் அவர் மேல் வழக்கு பதிவு செய்து விசாரணை நடத்தி வருகின்றனர்.

தமிழகத்தில் திருமணமான இரண்டே வாரத்தில் மனைவியை நண்பர்கள் பாலியல் துஷ்பிரயோகம் செய்வதற்கு விட்டு வந்த கணவனின் செயல் அதிர்ச்சியை ஏற்படுத்தியுள்ளது.

திருவாரூர் மாவட்டம் திருத்துறைப்பூண்டி அருகே உள்ள செட்டிமூலையைச் சேர்ந்தவர் வீரசாமி. விவசாய கூலியான இவருக்கு நீலாவதி என்ற மனைவியும், குமாரி (24) என்ற மகளும் உள்ளனர்.

இந்நிலையில் வீரசாமி தன்னுடைய மகளான குமாரியை திருத்துறைப்பூண்டி அருகே தலைக்காடு கிராமத்தைச் சேர்ந்த ராஜா என்பவருக்கு கடந்த 25-ஆம் திகதி திருமணம் செய்து வைத்துள்ளார்.

இதையடுத்து நேற்று பிறந்த வீட்டில் விருந்து முடிந்து, குமார் புகுந்த வீட்டிற்கு திரும்பியுள்ளார். அப்போது குமாரியின் நகையை வாங்கு அடகு வைத்து ராஜா மது அருந்தியுள்ளார்.

அதன் பின் இரவு 11 மணிக்கு குமாரியை, அருகிலிருக்கும் தன்னுடைய நண்பர்களின் வீட்டிற்கு அழைத்துச் சென்று அங்கேயே விட்டு விட்டு வந்துள்ளார்.

இதனால் அந்த நண்பர்களால் குமாரி பாலியல் வன்கொடுமைக்குள்ளாக்கப்பட்டார். இதைத் தொடர்ந்து 2 மணிக்கு வீடு திரும்பிய குமாரியை, ராஜா கண்மூடித்தனமாக அடித்துள்ளார்.

இந்த தகவல் குமாரியின் வீட்டிற்கு தெரியவர, அவர்கள் அதிர்ச்சியடைந்து பொலிசாரிடம் புகார் அளித்ததால், தலைமறைவாக உள்ள குமாரியின் கணவர் மற்றும் அவரது நண்பர்களை பொலிசார் தேடி வருகின்றனர்.

தமிழகத்தில் 25 ஆண்டுகளுக்கு முன்னர் தந்தை கொல்லப்பட்டதற்கு பழிக்கு பழியாக அவரது மகன் கொலையாளியை நண்பர்களுடன் சேர்ந்து வெட்டிப் படுகொலை செய்துள்ளார்.

நாமக்கல்- சேந்தமங்கலம் சாலையில் உள்ள தாதம்பட்டிமேடு பகுதியை சேர்ந்தவர் நல்லசாமி(வயது 50), மரம் வெட்டும் தொழிலாளியான இவர் கடந்த 10ம் திகதி சடலமாக கண்டெடுக்கப்பட்டார்.

இதனை தொடர்ந்து இவரது மகன் சுரேஷ் பொலிசில் புகார் அளிக்க, தனிப்படை அமைத்து குற்றவாளியை தேடி வந்தனர்.

விசாரணையில் தமிழ்செல்வன் மற்றும் அவரது நண்பர்கள் குமார், வினோத்குமார், முருகேந்திரன் ஆகியோரை கைது செய்தனர். இவர்களிடம் நடத்திய விசாரணையில் குற்றத்தை ஒப்புக் கொண்டனர்.

அதாவது தமிழ் செல்வனின் தந்தையை நல்லசாமி 25 ஆண்டுகளுக்கு முன்பு அவரது நண்பர் பூபதியுடன் சேர்ந்து கொலை செய்துள்ளார். இதற்காக இருவரும் 9 ஆண்டுகள் சிறைத்தண்டனையும் அனுபவித்துள்ளனர்.

கடந்த சில ஆண்டுகளுக்கு முன் பூபதி கொல்லப்பட்ட நிலையில், தற்போது நல்லசாமியும் இறந்துள்ளார். மகனை பார்க்க வரும் போது நல்லசாமியை தீர்த்துக்கட்ட முடிவு செய்ததாக வாக்குமூலம் அளித்துள்ளனர்.

மேலும் சம்பவ தினத்தன்று டாஸ்மாக் கடையில் நல்லசாமியை பார்த்த குமார், தமிழ்செல்வனுக்கு தகவல் அளித்துள்ளார். நண்பர்களுடன் விரைந்து தமிழ்செல்வன் நல்லசாமிக்கு மது வாங்கி கொடுத்து மயக்கமடைய செய்துள்ளார்.

அடுத்து பரமத்திரோட்டில் உள்ள லொறி பட்டறைக்கு அழைத்து சென்று சரமாரியாக வெட்டிக் கொலை செய்துள்ளார்.

ஏற்கனவே தமிழ்செல்வன் மீது வழக்குகள் நிலுவையில் உள்ள நிலையில் சேலம் மத்திய சிறையில் அடைக்கப்பட்டுள்ளார்.

புதுச்சேரியில் காதலித்து திருமணம் செய்த மனைவி பிரிந்து போனதால் மனமுடைந்த கணவர் தீக்குளித்து உயிரிழந்துள்ளார்.

திருச்செந்தூரைச் சேர்ந்தவர் அக்ஷயதேவ்(வயது 28), புதுச்சேரியில் பணியாற்றி வருகிறார்.

பிறப்பில் பெண்ணாக இருந்த அக்ஷயதேவ், நாளடைவில் ஆணாக மாறினார், இவருக்கும் வடலூரை சேர்ந்த ராஜேஸ்வரி என்பவருக்கும் பழக்கம் ஏற்பட்டது.

நாளடைவில் காதலாக மாறவே, இருவரும் சேர்ந்து வாழ முடிவு செய்தனர், தான் முழுமையான ஆணாக மாறியதும் குடும்ப வாழ்க்கையை தொடங்க முடிவு செய்தனர்.

இதன்படி கடந்த 2015ம் ஆண்டு டிசம்பர் 30ம் திகதி அறுவை சிகிச்சை செய்து கொண்டார், இதனை தொடர்ந்து 2016ம் ஆண்டு யூன் 6ம் திகதி பெரியவர்கள் முன்னிலையில் இருவருக்கும் திருமணம் நடந்தது.

புதுமண தம்பதிகள் சந்தோஷமாக வாழ்ந்த நிலையில், கடந்த 6 மாதங்களுக்கு முன்பிலிருந்தே ராஜேஸ்வரிக்கு மனமாற்றம் ஏற்பட்டது.

தினமும் சண்டை போட்டு பிரிந்து செல்ல வழி தேடியுள்ளார், நாட்கள் செல்ல செல்ல சண்டை அதிகமாகி பிரிந்தும் சென்றுள்ளார்.

அக்ஷய்தேவ், உறவினர்கள் சமாதானம் செய்து வைத்தும் ராஜேஸ்வரி மனம் மாறவில்லை, இதனால் மனமுடைந்த அக்ஷய்தேவ், கடந்த 8ம் திகதி ராஜேஸ்வரியிடம் கடைசியாக பேச முடிவு செய்தார்.

அங்கே, மீண்டும் சேர்ந்து வாழலாம் என கெஞ்சியுள்ளார், ஆனால் ராஜேஸ்வரியின் மனம் மாறவில்லை, இதனால் தான் கொண்டு வந்த பெட்ரோலை ஊற்றி தீவைத்துக் கொண்டார்.

அருகிலுள்ள சாக்கடையில் விழ, உடனடியாக பொதுமக்கள் மீட்டு கீழ்ப்பாக்கம் அரசு பொது மருத்துவமனையில் அனுமதித்தனர்.

75 சதவிகித காயங்களுடன் அக்ஷய்தேவ்க்கு சிகிச்சை நடைபெற்று வந்த நிலையில், ஐந்து நாட்களுக்கு பின்னர் மரணமடைந்துள்ளா

தமிழகத்தில் பேருந்து ஒன்று 500 அடி பள்ளத்தில் கவிழ்ந்த விபத்தில், 7 பேர் பலியான சம்பவம் சோகத்தை ஏற்படுத்தியுள்ளது.

ஊட்டியில் சுற்றுலா பேருந்து ஒன்று, 40க்கும் மேற்பட்ட பயணிகளுடன் சென்று கொண்டிருந்தது. உதகை-குன்னூர் இடையே மந்தாடா எனும் இடத்தில், பேருந்து சென்றுகொண்டிருந்தபோது கனமழை பெய்துள்ளது.

இதனால் நிலைதடுமாறிய அந்த பேருந்து 500 அடி ஆழ பள்ளத்தில் கவிழ்ந்தது. பேருந்து முற்றிலும் உடைந்து நொறுங்கியது. இந்த விபத்தில் 7 பேர் பலியாகியதாக கூறப்படுகிறது.

அதனைத் தொடர்ந்து, தகவல் அறிந்த தீயணைப்பு வீரர்கள் சம்பவ இடத்திற்கு விரைந்து வந்து, காயமடைந்தவர்களை மீட்கும் பணியில் ஈடுபட்டுள்ளனர்.

மேலும், இந்த விபத்தில் 25 பேர் காயம் அடைந்ததாக கூறப்படுகிறது. இந்நிலையில், பேருந்து இரண்டாக உடைந்ததால், மரணமடைந்தவர்களின் எண்ணிக்கை மேலும் அதிகரிக்க வாய்ப்புள்ளதாக கூறப்படுகிறது.

இச்சம்பவத்தினால் உதகை-குன்னூர் இடையேயான போக்குவரத்து பாதிக்கப்பட்டுள்ளது. அத்துடன் இந்த கோர சம்பவம் அப்பகுதியில் சோகத்தை ஏற்படுத்தியுள்ளது.

திருநெல்வேலியில் பிரியாணியில் லெக் பீஸ் இல்லாத காரணத்தால் ஹொட்டல் அதிபர் மனைவி கை விரல்களை வெட்டி ரவுடிகள் அட்டகாசம் செய்துள்ளனர்.

ஜாகிர் உசேன் என்பவர் நடத்தி வரும் ஒரு ஹொட்டலில் நேற்று மாலையில் ஏழுபேர் கும்பல், பிரியாணி வாங்கிச் சென்றனர்.

கோபால சமுத்திரத்தில் தாமிரபரணியில் குளித்துவிட்டு, மது அருந்திவிட்டு பிரியாணி சாப்பிட்டுள்ளனர். அதில் சிக்கன் லெக் பீஸ் இல்லை என ஆத்திரமுற்றனர்.

அங்கிருந்து கிளம்பிய கும்பல், சுத்தமல்லி ஹொட்டலுக்கு வந்தனர். அங்கு ஜாகீர் உசேனின் மனைவி பானு இருந்தார். அவரை சரமாரியாக தாக்கிய கும்பல் அவரது தலையிலும் கையிலும் அரிவாளால் வெட்டினர்.

இதில் அவரது இடது கை விரல் துண்டிக்கப்பட்டது. கடைக்குள் இருந்த ஜாகீர் உசேன் மீதும் சரமாரியாக தாக்குதல் நடத்தினர். இதில் அவரது வலது கையின் நான்கு விரல்களை துண்டித்தனர். ‛லெக் பீஸ் வைக்கமாட்டாயா’ என கேட்டு அவரது காலிலும் வெட்டிவிட்டு தப்பிவிட்டனர்.

காயமுற்ற இருவரும் ஆபத்தான நிலையில் நெல்லை அரசு மருத்துவக்கல்லுாரி மருத்துவமனையில் அனுமதிக்கப்பட்டனர். குற்றவாளிகளில் இருவர் கைது செய்யப்பட்டுள்ளனர்.