பீகாரில் குழந்தை பிறந்த நான்கு மணிநேரத்தில் கையில் குழந்தையுடன் இளம்பெண் ஒருவர் தேர்வு எழுதிய சம்பவம் நடந்துள்ளது.

பீகாரை சேர்ந்த பெண் பபிதா குமாரி, கடந்த ஒரு வருடத்திற்கு முன்பாக இவருக்கு திருமணம் ஆன நிலையில் கர்ப்பமாகியுள்ளார். நிறைமாத கர்ப்பிணியான பபிதா, படிப்பையும் கைவிடவில்லை, படிப்பு மேல் கொண்ட ஆர்வத்தால் தினமும் கல்லூரிக்கு சென்று வந்துள்ளார்.

இந்நிலையில் கடந்த சில நாட்களுக்கு முன் தேர்வு ஆரம்பமான நிலையில், தேர்வு தினத்தன்று காலை பபிதாவுக்கு குழந்தை பிறந்துள்ளது. குழந்தை பிறந்த நான்கு மணிநேரத்தில் தேர்வறைக்கு வந்த பபிதா, கைக்குழந்தையுடன் தேர்வு எழுதியுள்ளார்.

அவரது பாட்டி குழந்தையை பார்த்துக் கொள்ள, பபிதா தேர்வு எழுதினார், அவரது கணவர் தேர்வறைக்கு வெளியே காத்துக் கொண்டிருந்துள்ளார்.

குழந்தை பிறந்து முழுமையாக குணமாகாத நிலையில், பபிதாவின் ஆர்வத்தை கண்டு பலரும் ஆச்சரியத்தில் மூழ்கிப்போயினர்.

வவுனியா மாவட்ட உள்ளூராட்சித் தேர்தல் தொடர்பான முழு விபரங்களும் தொகுதி வாரியாக..

இந்தியாவின் அருணாச்சலப் பிரதேசத்தில் உள்ள ஒரு கிராமத்தில் உள்ள மக்கள் அனைவரும், ராணுவத்தினரால் கோடீஸ்வரர்கள் ஆகியுள்ளனர்.

அருணாச்சலப்பிரதேச மாநிலத்தில் உள்ள கிராமம் போம்ஜா, இந்திய- சீன எல்லையில் அமைந்துள்ள இந்த கிராமத்தில், கடந்த 5 ஆண்டுகளுக்கு முன்னர் ராணுவ அமைவிடம் உருவாக்க, சுமார் 200 ஏக்கர் நிலம் இந்திய ராணுவத்தினரால் வாங்கப்பட்டது. சீனாவின் எல்லை மீறலை முறியடிக்க இந்த நிலத்தில் ராணுவ வீரர்கள் குவிக்கப்பட்டனர்.

இந்நிலையில் 5 ஆண்டுகள் கழித்து தற்போது அந்த நிலத்திற்கு என்ன விலையோ, அந்த தொகையை நில உரிமையாளர்களிடம் அரசு கொடுத்துள்ளது. இதற்காகப் பெரிய விழா நடத்தி, அருணாச்சலப்பிரதேச முதல்வர் பேமா கான்து அனைவருக்கும் நிலத்திற்கான பணத்தை கொடுத்தார்.

அக்கிராமத்தில் உள்ள 31 குடும்பங்களுக்கு சுமார் 40.8 கோடி ரூபாய் கொடுக்கப்பட்டுள்ளது, இதில் ஒரு குடும்பம் அதிகமாக 6.73 கோடி பெற்றுள்ளது, மற்றொரு குடும்பம் 2.45 கோடி பெற்றுள்ளது. இதர 29 குடும்பங்கள் 1.09 கோடியை பெற்றது. இதன் மூலம், இந்தியாவிலேயே பணக்கார கிராமம் என்ற பெருமையை ‘போம்ஜா’ கிராமம் பெற்றுள்ளது, அந்த கிராமத்தில் மட்டுமே அதிக கோடீஸ்வரர்கள் இருக்கிறார்கள்.

மேலும், முறையான தகவல்கள் கிடைத்தப் பின்னர், அந்தக் கிராமம் ஆசியாவிலேயே பணக்கார கிராமமா என்றும் அறிவிக்கப்படும்.

வவுனியா மாவட்ட உள்ளூராட்சித் தேர்தல் தொடர்பான முழு விபரங்களும் தொகுதி வாரியாக..

இந்திய மாநிலம் கர்நாடகாவில் கூண்டிலிருந்து புறாவை வெளியே விட்டதால், 2 வயது குழந்தையைக் பக்கத்து வீட்டு சிறுவனே கொலை செய்த சம்பவம் வெளிச்சத்திற்கு வந்துள்ளது.

கர்நாடக மாநிலம் பெங்களூருவில் சோழதேவன்லாளியைச் சேர்ந்தவர்கள் பசவராஜ் வெங்கம்மா தம்பதியினரின் 2 வயது மகன் வெங்கடேஷ். இவர்களுடைய பக்கத்து வீட்டில் டீ வியாபாரம் செய்துவருபவருடைய மகன் ரமேஷ். கடந்த வாரம் ரமேஷ், 300 ரூபாய் கொடுத்து மூன்று புறாக்களை வாங்கி வந்து தனது கூட்டில் அடைத்து வளர்த்து வந்துள்ளான். இந்த நிலையில் வெங்கடேஷ், புறாவை பார்க்க அடிக்கடி வந்தாதகவும், புறாவை தொடக்கூடாது என்று ரமேஷ் கண்டித்தாகவும் கூறப்படுகிறது.

இதனிடையே புதனன்று ரமேஷ் இல்லாத போது வெங்கடேஷ் மற்றும் அவனுடைய மூத்த சகோதரரும், கூண்டை திறந்து புறாவை பறக்க விட்டுள்ளனர். வீடு திரும்பிய ரமேஷ், கூண்டில் புறா இல்லாததைக் கண்டு அதிர்ச்சியடைந்து வெங்கடேசிடம் விசாரிக்க, தவறை ஒப்புக் கொண்டுள்ளான்.

பின்னர் இருவரும் புறாவை தேடி சென்றுள்ளனர். ஒரு இடத்தில் புறாவை கண்டுபிடிக்க, அதை கையில் பிடித்த ரமேஷ் மகிழ்ச்சியடைந்தான். இதைக் கண்டு பொறாமை கொண்ட வெங்கடேஷ் மீண்டும், ரமேஷ் கையை தட்டி விட்டு, புறாவை பறக்க விட்டுள்ளான்.

இதனால் ஆத்திரமடைந்த ரமேஷ், வெங்கடேஷின் கழுத்தை நெரித்து கொன்றுள்ளதாக கூறப்படுகிறது. இதனிடையே வெகு நேரம் ஆகியும் வெங்கடேஷ் வீடு திரும்பாததால், அவனது பெற்றோர்கள் அவனை தேடிச் சென்றுள்ளனர். அங்கு சுய நினைவை இழந்த நிலையில் தரையில் கிடந்த சிறுவனை மீட்டு உடனடியாக மருத்துவமனைக்கு எடுத்துச் சென்றனர்.

வெங்கடேசை பரிசோதித்த மருத்துவர்கள், அவன் ஏற்கனவே இறந்து விட்டதாக கூறினர். இதனால், அதிர்ச்சியடைந்த வெங்கடேஷின் பெற்றோர்கள், ரமேஷின் தந்தை மீது பொலிசாரிடம் புகார் அளித்தனர்.

விசாரணையில், ரமேஷின் பெற்றோர்களுக்கு இந்த சம்பவத்தில் தொடர்பு இல்லை என்பதும், கொலைக்கு காரணம் ரமேஷ் தான் என்பதையும் கண்டுபிடித்தனர்.

புறாவுக்காக 2 வயது சிறுவன் கொலை செய்யப்பட்ட சம்பவம் பெங்களூரு பகுதியில் பரபரப்பை ஏற்படுத்தியுள்ளது.

வவுனியா மாவட்ட உள்ளூராட்சித் தேர்தல் தொடர்பான முழு விபரங்களும் தொகுதி வாரியாக..

தமிழகத்தில் மீன் குழம்பு வைக்கவில்லை என்ற தகராறில் மனைவி தீக்குளித்து உயிரிழந்துள்ள சம்பவம் பரபரப்பை ஏற்படுத்தியுள்ளது.

திருச்சி கே.கே.நகர் உஸ்மான் அலி நகர் 2வது குறுக்கு தெருவை சேர்ந்தவர் சுரேஷ், சொந்தமாக 2 லாரிகள் வைத்து தொழில் செய்து வருகிறார். இவரது மனைவி சத்யா, பிள்ளைகள் ராகுல் மற்றும் உதயா, இவர்களுடன் சுரேஷின் தாயும் வசித்து வருகிறார்.

இந்நிலையில் நேற்று முன்தினம் சுரேஷ் மீன் வாங்கி கொடுத்துவிட்டு, மதியம் சமைத்து வைக்கும்படி கூறியுள்ளார். பிள்ளைகள் பள்ளிக்கு சென்றுவிட அவரது தாயும், மனைவியும் வீட்டில் இருந்துள்ளனர்.

இந்நிலையில் சம்பவதினத்தன்று மதியம் குடிபோதையில் வீடு திரும்பிய சுரேஷ், மீன்குழம்பை ருசிக்க வேண்டும் என்ற ஆசையில் வீட்டுக்கு வந்துள்ளார். இதற்கிடையே வாஷிங் மெஷின் பழுதாகிவிட துணிகளை கையால் துவைத்ததால் மீன் குழம்பு வைக்க தாமதமாகியுள்ளது. வீட்டுக்கு வந்ததும் கோபத்தில் சுரேஷ் சண்டையிட, சத்யாவின் கன்னத்தில் அறைந்ததாக தெரிகிறது.

இதனால் மனமுடைந்த சத்யா வீட்டில் இருந்த மண்ணெண்ணையை எடுத்து உடலில் பற்றவைத்துள்ளார். உடனே சுரேஷ் தானும் தீக்குளிக்க போவதாக வம்பு பண்ணியுள்ளார், கடும் ஆத்திரத்தில் இருந்த சத்யா, வீட்டின் கழிவறைக்கு சென்று உடலில் தீ வைத்துக் கொண்டார். தீ முழுவதும் பற்றிய நிலையில் சத்யா வெளியே ஓடி வர, சுரேஷ் காப்பாற்றுவதற்காக சத்யாவை தூக்கியுள்ளார்.

இதில் சுரேஷின் உடலிலும் தீப்பிடித்தது, இருவரின் அலறல் சத்தத்தை கேட்டு சுரேஷ் தாய் கதற அக்கம்பக்கத்தினர் உதவியுள்ளனர். உடனடியாக மருத்துவமனைக்கு கொண்டு சென்று சிகிச்சை அளிக்கப்பட்ட நிலையில், இருவரும் சிகிச்சை பலனின்றி அடுத்தடுத்து உயிரிழந்துள்ளனர்.

வவுனியா மாவட்ட உள்ளூராட்சித் தேர்தல் தொடர்பான முழு விபரங்களும் தொகுதி வாரியாக..

இந்தியாவின் மத்திய பிரதேசத்தில் பெண் ஒருவர், அழுதுகொண்டிருந்த தனது குழந்தையின் கழுத்தை அறுத்து கொலை செய்த சம்பவம் பெரும் அதிர்ச்சியை ஏற்படுத்தியுள்ளது.

மத்திய பிரதேச மாநிலம் தார் மாவட்டத்தில் உள்ள கிராமம் குக்‌ஷி, இங்கு வசிக்கும் அனிதா என்னும் பெண்ணிற்கு, ஒரு வயதில் பெண் குழந்தை இருந்துள்ளது. குழந்தை அடிக்கடி பால் கேட்டு அழுது கொண்டிருந்துள்ளது. இந்நிலையில், நேற்றும் அதே போல பால் கேட்டு அழுதது. குழந்தையின் தொடர் அழுகையால் கோபமடைந்த அனிதா, குழந்தையை சமாதானப்படுத்தியுள்ளார்.

எனினும் குழந்தை தன் அழுகையை நிறுத்தாததால், கோபத்தின் உச்சிக்கு சென்ற அனிதா கழுத்தை கத்தியால் அறுத்துள்ளார். அதன் பின்னர், சத்தமில்லாமல் வீட்டைப் பூட்டிவிட்டு, தனது உறவினர் வீட்டிற்கு சென்றுவிட்டார். குழந்தையை விட்டுவிட்டு அனிதா தனியாக வெளியே சென்றதை பார்த்த அக்கம் பக்கத்தினர், வீட்டை எட்டிப்பார்த்துள்ளனர். அப்போது குழந்தை ரத்த வெள்ளத்தில் இறந்து கிடந்ததைப் பார்த்து அவர்கள் அதிர்ச்சியடைந்துள்ளனர்.

இதனைத் தொடர்ந்து பொலிசாருக்கு தகவல் தெரிவிக்கப்பட்டது. சம்பவ இடத்திற்கு விரைந்து வந்த பொலிசார் குழந்தையின் உடலை மீட்டு மருத்துவமனைக்கு அனுப்பி வைத்தனர். அதன் பின்னர், உள்ளூர்காரர்களின் உதவியுடன் அனிதாவை பொலிசார் கைது செய்து சிறையில் அடைத்தனர்.

வவுனியா மாவட்ட உள்ளூராட்சித் தேர்தல் தொடர்பான முழு விபரங்களும் தொகுதி வாரியாக..

தமிழகத்தில் உயிரை மாய்த்துக்கொண்ட பத்தாம் வகுப்பு மாணவன் தன் பெற்றோருக்கு எழுதிய அந்த இறுதி வரிகள் அனைவரின் நெஞ்சையும் உருக்கும்படியாக அமைந்துள்ளது.

திருச்சி மாவட்டம் லால்குடியில் வசித்து வரும் ராமதாஸ்- திலகவதி தம்பதியரின் 15 வயது மகன் ரஞ்சித் குமார். திருச்சி சத்திரம் அருகே உள்ள இ.ஆர் பள்ளியில் பத்தாம் வகுப்பு பயின்று வந்த ரஞ்சித், நேற்று மாலை திடீரென தன் வீட்டில் தூக்கில் தொங்கியபடி சடலமாக கிடந்துள்ளார். அதைப் பார்த்து அதிர்ச்சியில் உறைந்த ரஞ்சித்தின் பெற்றோர் சம்பவம் குறித்து உடனடியாக பொலிசாருக்கு தகவல் தெரிவித்த நிலையில், அவர்கள் விசாரணை நடத்தினர்.

அம்மா, நான்தான் உங்க ரஞ்சித் என தொடங்கும் அந்த கடித்ததில், எங்க பள்ளிக்கூடத்தில் என்னை பசங்க எல்லாரும் ஒரு பொண்ணாத்தான் பார்க்கிறாங்க. அதனால்தான் நான் இந்த ஒரு முடிவை எடுத்துட்டேன். அதனால் என்னை மன்னிச்சிடுங்க. என்னோட ஆசை நீங்க இந்த வீட்டை விட்டு போக வேண்டாம். எனது மரணத்துக்கு பிரகாஷ், ஹரிசங்கர், தனுஷ் ஆகியோர்தான் காரணம். எனக்கு நடந்ததுபோன்று வேறு யாருக்கும் நடக்கக் கூடாது. என்னை மன்னிச்சுருங்க, இப்படிக்கு உங்கள் அன்பு மகன் ரஞ்சித்” என எழுதப்பட்டுள்ளது.

மாணவனின் அந்த இறுதி வார்த்தைகள் அனைவரின் நெஞ்சையும் உருக்கியுள்ள நிலையில் சம்பவம் குறித்து தீவிர விசாரணை நடத்தி வருவதாக பொலிசார் தெரிவித்துள்ளனர்.

வவுனியா மாவட்ட உள்ளூராட்சித் தேர்தல் தொடர்பான முழு விபரங்களும் தொகுதி வாரியாக..

சென்னையில் குடிபோதையால் மாடியில் இருந்து விழுந்த நபரால் படுகாயமடைந்த சிறுமி தன்யஸ்ரீ தீவிர சிகிச்சை பெற்று குணமடைந்து வருகிறார்.

சென்னை தண்டையார்பேட்டையில் தன்யஸ்ரீ என்னும் 4 வயது சிறுமி ஒருவர், தனது தாத்தாவுடன் சாலையில் நடந்து சென்றுள்ளார். அப்போது, அருகில் இருந்த வீட்டின் 2வது மாடியில் குடிபோதையில் நபர் ஒருவர், சிறுமியின் மீது விழுந்துள்ளார். இதனால் பலத்த காயமடைந்த தன்யஸ்ரீ, அப்போலோ மருத்துவமனையில் அனுமதிக்கப்பட்டார்.

தன்யஸ்ரீக்கு மூளையில் வீக்கமும், தண்டுவடம் மற்றும் காலில் எலும்பு முறிவு ஏற்பட்டிருப்பதாக மருத்துவமனை நிர்வாகம் தெரிவித்தது. சிறுமியின் மருத்துவ சிகிச்சைக்கு பணமில்லாமல், சிறுமியின் பெற்றோர் தவித்த நிலையில் பல்வேறு தரப்பில் இருந்தும் உதவிகள் குவிந்தன.

இந்நிலையில் சிறுமி தன்யஸ்ரீயின் உடல்நிலையில் நல்ல முன்னேற்றம் ஏற்பட்டுள்ளதாகவும், சிறுமி தற்போது சாதாரண வார்டுக்கு மாற்றப்பட்டிருப்பதாகவும் அவளின் தந்தை ஸ்ரீதர் தெரிவித்துள்ளார்.

மேலும் அவர், ‘சிகிச்சைக்கு உதவிய அரசு, ஊடகங்கள் மற்றும் நல்லுள்ளங்கள் அனைவருக்கும் நன்றி, இதைத் தவிர என்ன சொல்வதென்று எனக்கு தெரியவில்லை. தன்யஸ்ரீ விரைவில் குணமடைய உங்கள் அனைவரின் பிரார்த்தனைகளும் தேவை’ என தெரிவித்துள்ளார்.

வவுனியா மாவட்ட உள்ளூராட்சித் தேர்தல் தொடர்பான முழு விபரங்களும் தொகுதி வாரியாக..