யாழ்ப்பாணம் – மன்னாருக்கு இடையில் சேவையில் ஈடுபடும் தனியார் பயணிகள் பேருந்தை நபர் ஒருவர் களவாடிச் சென்ற சம்பவம் ஒன்று இடம்பெற்றுள்ளது.

இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது. குறித்த சம்பவம் தொடர்பில் மேலும் தெரியவருவதாவது,

“யாழ்ப்பாணம் – மன்னாருக்கு இடையில் சேவையில் ஈடுபடும் தனியார் பேருந்து நேற்றைய தினம் வழமை போன்று சேவையில் ஈடுபட்டிருந்த நிலையில், யாழ்பாணத்திற்கு பயணிகளை ஏற்றி வந்திருந்தது.

இந்நிலையில், பயணிகளை இறக்கி விட்டு, நகரை அண்மித்த பகுதியில் பேருந்தை நிறுத்தி விட்டு சாரதியும், நடத்துனரும் உணவருந்த சென்று விட்டனர். இதனை சாதகமாக பயன்படுத்திக்கொண்ட யாழ்.பொம்மை வெளி பகுதியை சேர்ந்த இளைஞர் ஒருவர் பேருந்தை திறப்பு இன்றி இயக்கி, அதனை களவாடிச் சென்றுளார்.

எனினும், குறித்து பேருந்தை சிறிது தூரம் ஓட்டிச் சென்ற போது பேருந்து சகதிக்குள் சிக்கிக்கொண்ட நிலையில், தொடர்ந்து செல்ல முடியாது மாட்டிக்கொண்டது.

இதன்போது அந்த வழியாக வந்த மற்றுமொரு தனியார் பேருந்தின் சாரதி, களவாடிச் சென்ற பேருந்தினை அவதானித்ததுடன், பேருந்தின் சாரதி வேறு ஒருவராக இருப்பதனையும் கண்டுள்ளனர்.

இதன் காரணமாக சந்தேகம் கொண்டு, பேருந்தின் சாரதிக்கு தொலை பேசி ஊடாக தொடர்பு கொண்டனர். இந்நிலையில், பேருந்து களவாடிச் சென்றமை தெரியவந்துள்ளது.

இதனையடுத்து சம்பவ இடத்திற்கு சென்று குறித்த நபரை பிடித்து பொலிஸாரிடம் ஒப்படைத்துள்ளனர்”. இந்நிலையில், சம்பவம் தொடர்பில் பொலிஸார் மேலதிக விசாரணைகளை முன்னெடுத்துள்ளனர்.

 
மட்டக்களப்பு, நாவலடியில் இன்று காலை கரைவலை தொழிலில் ஈடுபட்ட அனைத்து மீனவர்களின் வலைகளிலும் பாம்புகள் மட்டுமே பிடிபட்டுள்ளன.

அண்மைக்காலமாக கடல் கொந்தளிப்பு காரணமாக மீனவர்கள் பாரிய துன்பங்களுக்கு மத்தியில் தங்களது வாழ்கையினை கொண்டு செல்கின்ற நிலையில் இன்றும் மீன்கள் பிடிபடாமை பாரிய ஏமாற்றத்தை கொடுத்துள்ளது.

இந்த நிலையில் அரசாங்கமும் தங்களுக்கு எந்தவிதமான உதவிகளையும் வழங்குவது இல்லை என்று மீன்பிடி தொழிலை ஜீவனோபாயமாக கொண்ட மீனவர்கள் கவலை வெளியிட்டுள்ளனர்.

அத்துடன் இவ்வாறு அதிகளவிலான பாம்புகள் ஏன் பிடிபடுகின்றன என்பது தொடர்பாக அதிகாரிகள் நடவடிக்கை எடுக்க வேண்டும் என கோரிக்கை விடுத்துள்ளனர்.

தமிழகம் மற்றும் இலங்கையில் சுனாமி அனர்த்தம் ஏற்படலாம் என அண்மைக்கால பல தகவல்கள் வெளியாகி உள்ளன.

இந்த நிலையில் பெருந்தொகை பாம்புகள் கடற்கரையை அண்மித்த பகுதியில் பிடிபட்டுள்ளன. இது ஆபத்தின் வெளிப்பாடாக இருக்கலாம் என அச்சம் வெளியிடப்பட்டுள்ளது.

2004ஆம் ஆண்டு ஏற்பட்ட சுனாமி பேரனர்த்தத்தின் போதும் இவ்வாறு பெருந்தொகை பாம்புகள் கரைக்கு வந்திருந்திருந்தமை குறிப்பிடத்தக்கது.

முல்லைத்தீவு கடற்பரப்பில் மாற்றங்கள் ஏற்பட்டுள்ளதாகக் கரையோரப் பகுதி மக்கள் குறிப்பிட்டனர். கடற்பரப்பின் நீரோட்டத்தில் வித்தியாசம் தென்படுவதாக மீனவர்கள் தெரிவித்தனர்.

இதேவேளை, அச்சம் காரணமாக முல்லைத்தீவு நகர்ப்புறம், கள்ளப்பாடு, சிலாவத்தை, தீர்த்தக்கரை உள்ளிட்ட பகுதிகளைச் சேர்ந்தவர்கள், இரவு வேளையில் முள்ளியவளை பகுதியில் இருக்கும் உறவினர்களின் வீடுகளுக்குச் சென்று தங்கிவிட்டு காலையில் தமது வீடுகளுக்கு திரும்புகின்றனர்.

சமூக வலைத்தளங்களில் சுனாமி குறித்து தகவல்கள் பகிரப்படுவதால் தாம் அவ்வாறு செய்வதாக மக்கள் கூறினர்.

எவ்வாறாயினும், கடலின் மாற்றம் சுனாமிக்கான அறிகுறி இல்லை எனவும் மழைக்காலங்களில் இவ்வாறான நிலை ஏற்படும் எனவும் கடற்றொழில் நீரியல் வள திணைக்களத்தின் பணிப்பாளர் தெரிவித்துள்ளார்.

14 வயதுச் சிறு­மியை கடத்திச் சென்று வீடொன்றில் வைத்து துஷ்­பி­ர­யோ­கத்­துக்கு உட்­ப­டுத்­திய இரு­வ­ருக்கு தலா 18, 27 வருடங்கள் கடூ­ழிய சிறைத் ­தண்­டனை விதித்து கல்­முனை மேல்­நீ­தி­மன்ற நீதி­பதி நவ­ரட்ண மார­சிங்க தீர்ப்­ப­ளித்தார்.

கடந்த புதன்­கி­ழமை மன்றில் ஆஜர்­ப­டுத்­தப்­பட்ட போதே மேற்படி தீர்ப்பை வழங்­கினார்.

திருக்­கோவில் பிர­தே­சத்தை சேர்ந்த சிறு­மியை கடந்த 2015 ஏப்ரல் மாதம் 21 ஆம் திகதி மோட்டார் சைக்­கிளில் கடத்திச் சென்று அட்­டா­ளைச்­சேனை சம்­பு­நகர் பிர­தே­சத்தில் உள்ள வீடொன்றில் அடைத்து வைத்து இருவர் துஷ்­பி­ர­யோ­கத்­துக்கு உட்­ப­டுத்­தி­யுள்­ளனர்.

இச் ­சம்­பவம் தொடர்­பாக அப்­போது விசா­ரணை மேற்­கொண்ட அக்­க­ரைப்­பற்று பொலிஸார் சந்­தேக நபர்கள் இரு­வ­ரையும் கைது செய்து அக்­க­ரைப்­பற்று நீதவான் நீதி­மன்­றத்தில் ஆஜர்­ப­டுத்தி வழக்கு தொடர்ந்­தனர்.

அதன்­ பின்னர் சட்­டமா அதிபரினால் இவ்­வ­ருடம் பெப்­ர­வரி மாதம் 21ஆம் திகதி கல்­முனை மேல் நீதி­மன்­றத்தில் வழக்கு தொட­ரப்­பட்டு கடந்த ஜூலை மாதம் 17 ஆம் திகதி விசாரணைக்கு உட்­ப­டுத்­தப்­பட்­டதை தொடர்ந்து தீர்ப்பு வழங்கப்­பட்­டது.

குற்­றத்தை ஒப்­புக்­கொண்ட எதி­ரி­களில் 1ஆம் எதி­ரிக்கு 18 வருட கடூ­ழிய சிறைத் தண்­ட­னையும் 20 ஆயிரம் ரூபா தண்டப்பணமும் 2 ஆம் எதி­ரிக்கு 27 வருட கடூ­ழிய சிறைத்­தண்ட­னையும் 40 ஆயிரம் ரூபா தண்­ட­ப் ப­ணமும் 4 இலட்சம் ரூபா நஷ்­ட­ஈடு வழங்குமாறும் நீதிபதி உத்தரவிட்டார்.

தண்டனை வழங்கப்பட்ட இருவரும் அட்டாளைச் சேனை சம்பு நகர் பிரதேசத்தைச் சேர்ந்தவர்களாவர்.

கொட்டாவை ருக்மல்கம பிரதேசத்தில் பெண்ணொருவர் அவரது வீட்டில் வைத்து துப்பாக்கிச் சூடு நடத்தி கொலை செய்யப்பட்ட சம்பவம் ஒன்று இடம்பெற்றுள்ளது.

தலைக்கவசம் அணிந்து வந்த இரண்டு பேர் நேற்று முன்தினம் இரவு (30.11) குறித்த துப்பாக்கிச் சூட்டை நடத்தி விட்டு சென்றதாக தெரிவிக்கப்பட்டுள்ளது.

வீட்டினுள் புகுந்த சந்தேகநபர்கள் இருவரும் இரண்டு துப்பாக்கிகளைக் கொண்டு உயிரிழந்த பெண்ணை தேடி வந்துள்ளனர். அந்த சந்தர்ப்பத்தில் கொலையுண்ட பெண் தனது தாயை நோக்கி ஓடியுள்ளார்.

அந்த தருணத்தில் ஒரு துப்பாக்கிதாரி பெண்ணை நோக்கி துப்பாக்கிப் பிரயோகம் மேற்கொண்டுள்ள போது அவர் கீழே விழுந்துள்ளார்.

அதன்போது, மற்றைய துப்பாக்கிதாரி பெண்ணின் மீது 14 தடவைகள் துப்பாக்கிச் சூடு நடத்தியுள்ளதாக பொலிஸாரின் ஆரம்ப விசாரணையின் போது தெரியவந்துள்ளது.

சம்பவத்தில் உயிரிழந்த பெண் ருக்மலே மகளிர் விடுதி பாதையில் வசித்த மஞ்சுளா சந்துனி (42) என்ற இரண்டு பெண்களின் தாய் என தெரிவிக்கப்பட்டுள்ளது.

உயிரிழந்த பெண் அத்துருகிரிய பிரதேசத்தில் சிகையலங்கார நிலையம் ஒன்றை நடத்தி வந்துள்ளார்.

கடந்த ஜனவரி 17 ஆம் திகதி குறித்த பெண்ணின் சிகையலங்கார நிலையத்தில் அத்துருகிரிய பண்டா எனப்படும் டனில் பண்டார என்பவர் கொலை செய்யப்பட்டமைக்கு உடந்தையாக இருந்ததாக குற்றம்சுமத்தப்பட்ட நிலையில் மூன்று மாதங்கள் விளக்கமறியலில் தடுத்துவைக்கப்பட்டிருந்த பின்னர் அவர் விடுவிக்கப்பட்டிருந்தார்.

உயிரிழந்த பெண் விளக்கமறியலில் இருந்து விடுதலையாகி வந்தபின்னர் பல இடங்களில் தலைமறைவாகியிருந்த நிலையில் அண்மையில் பிள்ளைகளும் கணவரும் தங்கியிருந்த வீட்டுக் சென்றிருந்த போது இந்த அசம்பாவிதம் இடம்பெற்றுள்ளது.

சீரற்ற காலநிலை காலநிலை காரணமாக அனர்த்தங்களில் சிக்கி உயிரிழந்தவர்களின் எண்ணிக்கை 13 ஆக அதிகரித்துள்ளது.

5 காணாமல் போய் இருப்பதாக பொலிஸ் நிலையங்களில் முறைப்பாடு தெரிவிக்கப்பட்டுள்ளது. மேலும் 56 பேர் வரை படுகாயம் அடைந்துள்ளனர்.

மீட்டியாகொட மற்றும் அம்பலன்கொட கடற்கரை பகுதியில் மீனவர்கள் நான்கு பேரின் சடலங்கள் கரையொதுங்கியுள்ளன.

மீட்டியாகொட தெல்வத்தை பகுதியை சேர்ந்த 55 மற்றும் 58 வயதுகளைச் சேர்ந்த இருவரின் சடலங்கள் அவை என அடையாளம் காணப்பட்டுள்ளது.

இதேவேளை, அம்பலன்கொட ஊருவத்தை பகுதியில் வசித்த 39 வயதான ஒருவரும், அங்குறல பகுதியைச் சேர்ந்த 67 வயதான ஒருவரதும் சடலங்கள் மீட்கப்பட்டுள்ளன.

குறித்த சடலங்கள் பலப்பிட்டிய மருத்துவமனை பிரேத அறையில் வைக்கப்பட்டுள்ளன. மரண விசாரணைகள் இன்று இன்று இடம்பெறும் என அறிவிக்கப்பட்டுள்ளது.