மதுரை மாவட்டத்தில் கணவனின் இறப்பினை தாங்கி கொள்ள முடியாத மனைவியும் உயிரிழந்துள்ளார்.

பொட்டப்பட்டியை சேர்ந்த விஸ்வநாதன்( 65), பரணி(60) தம்பதியினருக்கு இரண்டு மகன்கள் உள்ளனர், இவர்கள் இருவரும் வெளிநாட்டில் வேலை செய்து வருகின்றனர்.

பொட்டப்பட்டியில் உள்ள வீட்டில் கணவன்- மனைவி இருவரும் வசித்து வந்துள்ளனர், இந்நிலையில் நேற்று விஸ்வநாதனுக்கு திடீரென மாரடைப்பு ஏற்பட்டு இறந்தார். கணவர் இறந்த செய்தி கேட்டு அதிர்ச்சியடைந்த பரணி திடீரென மயங்கி விழுந்துள்ளார்.

பரணியை மருத்துவமனையில் அனுமதித்தும் சிகிச்சை பலனின்றி உயிரிழந்தார். அடுத்தடுத்து கணவன், மனைவி இருவரும் உயிரிழந்ததால் அப்பகுதி மக்கள் சோகத்தில் மூழ்கியுள்ளனர்.

2018 ஆம் ஆண்டு செவ்வாய் கிரகத்திற்கு செல்லவுள்ள நாசாவின் இன்சைட் விண்கலத்தில் தங்கள் பெயர்கள் அடங்கிய சிலிக்கான் சிப்பை அனுப்ப 1 இலட்சம் இந்தியர்கள் பதிவு செய்துள்ளனர்.

செவ்வாய் கிரகத்தின் தட்பவெட்ப நிலை, காலநிலை மாற்றம், தண்ணீர் போன்றவை குறித்து ஆய்வு செய்வதற்காக இந்தியா மங்கல்யான் என்ற செயற்கைக்கோளை அனுப்பியுள்ளது.

இதேபோன்று நாசாவில் இருந்து செவ்வாய் கிரகத்தின் சூழல் குறித்து ஆய்வு செய்ய மேலும்மொரு விண்கலம் அனுப்பப்படவுள்ளது.

அந்த விண்கலத்தில் மனிதர்களின் பெயர்களை சிலிக்கான் சிப்பில், தலைமுடியை விட சிறிய அளவில் எழுதி, அதனை செவ்வாய் கிரகத்திற்கு அனுப்புவர்.

அதற்காக பல நாடுகளைச் சேர்ந்த மக்கள் தங்கள் பெயர்களை இணையம் மூலம் பதிவு செய்து வருகின்றனர்.

உலகம் முழுவதுமிலிருந்து 24 இலட்சம் பேர் இதுவரை பதிவு செய்துள்ளனர். இந்தியாவிலிருந்து மாத்திரம் 1 இலட்சம் பேர் தமது பெயர்களைப் பதிவு செய்துள்ளனர். இந்தியா இந்த வரிசையில் அமெரிக்கா மற்றும் சீனாவிற்கு அடுத்து மூன்றாவது இடத்தில் உள்ளது.

பல்வேறு செயற்கைக்கோள்களை பல பில்லியன் டொலர்களில் உருவாக்கி செவ்வாயில் நாசா ஆய்வு செய்து வரும் நிலையில், மனிதர்களை அங்கு குடியேறச் செய்யும் திட்டம் நாசாவின் முக்கிய கனவுகளில் ஒன்றாக இருந்து வருகிறது

திருமணத்துக்கு முந்தைய நாள் இரவு மணமகளுக்கு தீக்காயம் ஏற்பட்ட காரணத்தால் அவர் மருத்துவமனையில் அனுமதிக்கப்பட்டதையடுத்து, மருத்துவ அறையில் வைத்து மணமகளுக்கு மணமகன் தாலி கட்டியுள்ளார்.

சவுதியை சேர்ந்த Shahnawaz Alam என்பவர் மெக்கானிக்கல் இன்ஜினியராக பணியாற்றி வருகிறார். இவருக்கும் ஹைதராபாத்தை சேர்ந்த Heyra Javed என்பவருக்கும் பெரியோர்களால் திருமணம் நிச்சியிக்கப்பட்டிருந்தது.

அதன்படி திருமணம் கொல்கத்தாவில் உள்ள மண்டபம் ஒன்றில் நடைபெறுவதாக இருந்தது. இந்நிலையில் திருமணத்திற்கு முந்தைய நாள் இரவு வீட்டில் சிறிய தீவிபத்து ஏற்பட்டதில் மணப்பெண் காயமடைந்துள்ளார்.

இதனைத்தொடர்ந்து அருகில் உள்ள மருத்துவமனையில் அனுமதிக்கப்பட்டு அவருக்கு சிகிச்சையளிக்கப்பட்டது.

மணப்பெண்ணின் மூக்கில் டியூப் மாற்றப்பட்டிருந்தது. குறித்த நாளில் திருமணம் நடைபெறவேண்டும் என்பதால் மருத்துவமனை நிர்வாகத்தின் உதவியோடு, அங்கிருந்த Conferrence அறையில் 15 உறவினர்கள் முன்னிலையில் இவர்களது திருமணம் நடைபெற்றுள்ளது.

அதன்பின்னர், மணமகளை மருத்துவமனையில் இருக்கவைத்துவிட்டு, மண்டபத்திற்கு சென்ற மணமகன் வந்திருந்த உறவினர் மற்றும் நண்பர்களுக்கு மட்டன் பிரியாணி விருந்து கொடுத்து வழியனுப்பி வைத்துள்ளார்.

சென்னை எழும்பூர் ரயில் நிலையத்தில் கேட்பாரற்று கிடந்த 5.75 லட்சம் தொகையை முதியவர் ஒருவர் நேர்மையாக பொலிசாரிடம் ஒப்படைத்துள்ளார்.

சேலத்தைச் சேர்ந்த தொழிலதிபர் ரவிக்குமார் என்பவர் கடந்த 1ம் திகதி சேலம் விரைவு ரயிலில் சென்னை வந்தபோது அவர் கொண்டுவந்த பையில் 10.75 லட்சம் ரூபாயை பையுடன் தவறவிட்டார்.

இதுகுறித்து எழும்பூர் ரயில்வே பொலிசாரிடம் புகார் அளித்தார், அவர் அளித்த புகாரின் பேரில் ரயில்வே காவல்துறையினர் வழக்குப் பதிவு செய்து விசாரணை நடத்திவந்தனர்.

இந்த நிலையில் கேட்பாரற்றுக் கிடந்த பையில் உள்ள பணத்தை எடுத்த பொய்யாமொழி என்பவர் அதனை பொலிசில் ஒப்படைத்துள்ளார்.

ஆனால் 10.75 லட்சரூபாயில் 5.75 லட்சம் மட்டுமே இருந்த காரணத்தால், ரயில்வே பொலிசார் கண்காணிப்பு கமெராவை ஆய்வு செய்தபோது, மர்மநபர் ஒருவர் அதில் இருந்த பணத்தை எடுத்துச் செல்லும் காட்சி பதிவாகி இருந்தது.

பணத்தைக் கொண்டுவந்து கொடுத்த முதியவர் பொய்யாமொழிக்கு ரயில்வே நிர்வாக ஆர்டிஓ பரிசு ஒன்றையும் வழங்கினார்.

திராவிடக் கொள்கையைப் பின்பற்றும் நான் அடுத்தவரின் பொருளுக்கு ஆசைப்படதாவன், பெரியாரை பின்பற்றும் நான் நேர்மையாக நடக்க வேண்டும் என நினைப்பவன் என பொய்யாமொழி கூறியுள்ளார்.

தற்போது இந்த பணம் உரிமையாளரிடம் ஒப்படைக்கப்பட்டுள்ளது என பொலிசார் தெரிவித்துள்ளனர். பெரியவரின் நேர்மையை பார்த்து நெகிழ்ச்சியடைந்த கோடீஸ்வரர், அவருக்கு பணம் கொடுத்தும் அதனை அவர் வாங்க மறுத்துவிட்டார்.

இந்தியாவிலுள்ள ஹரியானா மாவட்டத்தில் உள்ள பானிபட்டில் உள்ள குரங்கு ஒன்று இருசக்கர வாகனங்களிலிருந்து பெட்ரோலை திருடி குடித்து வருகிறது. இதனால் அப் பகுதி மக்கள் அதிர்ச்சி அடைந்துள்ளனர்.

இந்த குரங்கு வாகன ஓட்டிகளின் இருசக்கர வாகனங்களிலில் எஞ்சினுக்குச் செல்லும் பெட்ரோல் ட்யூபை பிடுங்கி புத்திசாலித்தனமாக பெட்ரோலை திருடி குடிக்கின்றது.

இதனால் வாகன ஓட்டிகள் சில சமயங்களில் பெட்ரோல் இன்றி திண்டாடும் நிலையும் ஏற்பட்டுள்ளதாம்.

ஏர் இந்தியா விமானத்தின் விமானஓட்டுநர் ஒருவர் தனது பணிநேரம் முடிந்துவிட்டது எனக்கூறி பாதியிலேயே சென்றுவிட்ட காரணத்தால்,விமான பயணிகள் பெரும் திண்டாட்டத்தற்கு ஆளாகியுள்ளனர்.

லக்னோவில் இருந்து ஜெய்ப்பூர் வழியாக டெல்லிக்கு செல்ல வேண்டிய ஏர் இந்தியா விமானம், ஜெய்ப்பூருக்கு சரியாக இரவு 9 மணிக்கு செல்ல வேண்டிய நேரத்தை தாண்டி நள்ளிரவு 1.30 மணிக்கு சென்று இருக்கிறது.

மேலும் ஜெய்ப்பூரில் இருந்துடெல்லி புறப்படுவதிலும் காலதாமதம் ஏற்பட்டு இருக்கிறது. 1.30 மணிக்குஜெய்ப்பூர் வந்த விமானம் அங்கிருந்து கிளம்பாமல் அப்படியே நின்றுள்ளது.

ஏனெனில் விமானி 2 மணியுடன் தனதுபணிநேரம் முடிவடைந்துவிட்டது என்ற கூறி விமானத்தை விட்டு இறங்கி சென்றுவிட்டார். அந்த விமானத்தை அப்போது உடனடியாக இயக்குவதற்கும் எந்த விமானியும் அப்போதைய பணி நேரத்தில்இல்லை.

இந்த நிலையில் அந்த விமானத்தின் பயணிகள் அனைவரும் பாதியில் இறக்கி விடப்பட்டனர். அதுமட்டும் இல்லாமல் பயணிகளிடம் ”உங்களுக்கு பணம் அளிக்கப்டும் பேருந்தின் மூலம் டெல்லிக்கு சென்றுவிடுங்கள் என்று நிறுவனம்கூறியுள்ளது.

இதனைத்தொடர்ந்து, 48 பயணிகளும் பேருந்துமூலம் ஜெய்ப்பூரில் இருந்து டெல்லிக்கு அனுப்பப்பட்டனர்.

 
மனைவியின் நடத்தையில் சந்தேகம் ஏற்பட்டதையடுத்து அவரை கத்தியால் குத்தி கொலை செய்த கணவரின் செயல் அதிர்ச்சியை ஏற்படுத்தியுள்ளது.

பஞ்சாப் மாநிலத்தின் ஜலந்தர் நகரத்தை சேர்ந்தவர் சஞ்சய் குமார். இவர் மனைவி ஷோபா சர்மா (44). தம்பதிக்கு காஜல் (19), கிரண் (18) மற்றும் ஆஷிமா (17) என்ற மூன்று மகள்கள் உள்ளனர். இவர்களில் ஆஷிமா மட்டும் பெற்றோருடன் வாடகை வீட்டில் வசித்து வந்தார்.

குடிப்பழக்கம் கொண்ட சஞ்சய்குமார் தினமும் குடித்துவிட்டு வந்து ஷோபாவின் நடத்தையில் சந்தேகப்பட்டு அவருடன் தகராறு செய்து வந்துள்ளார்.

இந்நிலையில், நேற்றும் கணவன், மனைவிக்கு இடையே சண்டை ஏற்பட்டுள்ளது. இதில் ஆத்திரமடைந்த சஞ்சய்குமார் ஷோபாவை இரண்டு கத்தியை கொண்டு உடல் முழுவதும் குத்தியுள்ளார்.

இதை தடுக்க முயன்ற ஆஷிமா கையிலும் கத்தியால் குத்தியுள்ளார். வலியால் துடித்த ஷோபாவின் அலறல் சத்தம் கேட்ட அக்கம்பக்கத்தினர் அவரை மீட்டு மருத்துவமனைக்கு கொண்டு சென்றனர்.

ஷோபாவை பரிசோதித்த மருத்துவர்கள் அவர் ஏற்கனவே இறந்து விட்டதாக தெரிவித்தனர். காயமடைந்த ஆஷிமாவுக்கு கையில் கட்டு போடப்பட்டுள்ளது.

சம்பவத்தை தொடர்ந்து சஞ்சய்குமார் ஜலந்தர் காவல் நிலையத்துக்கு சென்று சரணடைந்தார். பொலிசார் அவரிடம் விசாரணை நடத்தி வருகிறார்கள்.