அதிக சீனியைக் கொண்ட குளிர்பானங்களை விடவும், பியர் வகைகள் உடலுக்கு நன்மையளிக்கும் என நிதி அமைச்சர் மங்கள சமரவீர தெரிவித்துள்ளார். நாடாளுமன்றில் நேற்று உரையாற்றிய போது அவர் இதனைத் தெரிவித்துள்ளார்.

அவர் மேலும் கூறுகையில், சீனி சேர்க்கப்பட்ட குளிர் பானங்களை அருந்துவதனை விடவும், பியர் அருந்துவது நல்லது.

அநேக நாடுகளில் நூற்றுக்கு 80 வீதமானவர்கள் பியர் அருந்துகின்றார்கள். குறைந்தளவானவர்களே அல்கஹோல் செறிவு கூடிய மதுபானம் அருந்துகின்றனர்.

எனினும், இலங்கையில் 84 வீதமானவர்கள் அல்கஹோல் செறிவு அதிகமான மதுபானம் அருந்துகின்றனர்.
பியர் கொஞ்சம் அருந்துவதனை நான் பிழையாக கருதவில்லை. குளிர்பானத்திற்கு சீனி சேர்க்கும் போது உற்பத்தியாளர் மீது வரி அறவீடு செய்யப்படுகின்றது.
அவ்வாறு அன்றி சீனிக்கு வரி அறவீடு செய்யப்படாது. ஒரு சிறிய மென்பான போத்தலில் 100 கிராம் சீனி சேர்க்கப்படுகின்றது என மங்கள சமரவீர சுட்டிக்காட்டியுள்ளார்.

சீனிக்கு வரி விதிக்கப்பட்டுள்ளதாக ஜே.வி.பியின் நாடாளுமன்ற உறுப்பினர் சுனில் ஹந்துனெத்தி கூறிய போது அதற்கு பதிலளிக்கும் வகையில் அவர் இதனைத் தெரிவித்துள்ளார்.

 
திருகோணமலை – சேறுநுவர, உடப்புக்கேணி பகுதியில் உழவு இயந்திரம் தடம் புரண்டதில் சில்லுக்குள் சிக்குண்டு இளைஞரொருவர் பலியாகியுள்ளார். குறித்த சம்பவம் நேற்று மாலை 5.30 மணியளவில் இடம்பெற்றுள்ளதாக சேறுநுவர பொலிஸார் கூறியுள்ளனர்.

உழவு இயந்திரத்தை கழுவுவதற்காக தண்ணீர் காணப்பட்ட இடத்திற்குள் இறக்கியுள்ள நிலையில், உழவு இயந்திரம் புரண்ட போது சில்லுக்குள் சிக்குண்டடு இளைஞன் உயிரிழந்ததாக தெரியவருகின்றது.

சம்பவத்தில் ஈச்சிலம்பற்று – விநாயகபுரம் பகுதியை சேர்ந்த சிறிகாந் சுரேன் (18வயது) எனும் இளைஞரே உயிரிழந்துள்ளதாக தெரிவிக்கப்படுகிறது.

அத்துடன் உயிரிழந்த இளைஞர் இந்த ஆண்டு க.பொ.த உயர்தரப் பரீட்சை எழுதிவிட்டு, பரீட்சை முடிவுகளுக்காக காத்திருந்தவர் எனவும், இலக்கியம் மற்றும் தொழில்துறைகளில் சிறந்த ஆர்வம் உள்ளவர் எனவும் உறவினர்கள் தெரிவித்துள்ளனர்.

இதேவேளை, உயிரிழந்த இளைஞனின் சடலம் ஈச்சிலம்பற்று பிரதேச வைத்தியசாலையின் பிரேத அறையில் வைக்கப்பட்டுள்ளதுடன், விசாரணைகளை சேறுநுவர பொலிஸார் மேற்கொண்டு வருகின்றனர்.

தொலைத்தொடர்பாடல் கோபுரங்களுடன் இணைக்கப்படும் அனைத்து தொலைபேசி அழைப்புகளுக்கும் 2 ரூபா வரையில் புதிய வரி அறிவிடப்படவுள்ளதாக தெரிவிக்கப்படுகின்றது.

2018ஆம் ஆண்டிற்கான புதிய வரவு செலவுத் திட்டத்தை சமர்ப்பித்து நிதி அமைச்சர் மங்கள சமரவீர இதனை குறிப்பிட்டுள்ளார்.

கையடக்க தொலைபேசி கோபுர திட்டங்களை ஊக்கப்படுத்தாமல் இருப்பதற்காக இந்த நடவடிக்கை மேற்கொள்ளப்படுவதாக அமைச்சர் கூறியுள்ளார்.

இதேவேளை பொலீத்தின் உற்பத்தியை ஊக்கப்படுத்த கூடாதென்பதற்காக நடவடிக்கை மேற்கொள்ளப்படவுள்ளதாக அமைச்சர் கூறியுள்ளார்.

அதற்காக ஒரு கிலோ பொலத்தீனுக்கு 10 ரூபாய் வரி அறிவிடப்படவுள்ளதாக வரவு செலவுத்திட்டத்தில் முன்மொழியப்பட்டுள்ளது.

கடும் மழை பெய்யுமாயின் கொழும்பு நகரமும், நாடாளுமன்றமும் வெள்ளத்தில் மூழ்கும் பேராபத்து காணப்படுவதாக மாநகர சபை மற்றும் மேல் மாகாண அபிவிருத்தி அமைச்சர் பாட்டலி சம்பிக்க ரணவக்க எச்சரிக்கை விடுத்துள்ளார்.

2018ஆம் ஆண்டிற்கான வரவு செலவுத் திட்டத்தின் மீதான நேற்றைய விவாதத்தில் கலந்து கொண்டு கருத்து தெரிவிக்கும் போதே அவர் இந்த அபாய எச்சரிக்கையை விடுத்துள்ளார்.

தொடர்ந்தும் தெரிவிக்கையில், 100 ஆண்டுகளுக்கு முன்பு பிரித்தானியர்களால் கட்டப்பட்ட அம்பத்தளை மற்றும் நாகலகம் வீதி அணைக்கட்டுக்கள் ஆகிய ஆபத்தில் காணப்படுகின்றன.

குறித்த அணைக்கட்டுகளே கொழும்பு மற்றும் களனி ஆகிய பகுதிகளை பாதுகாத்து வருகின்றன.
இந்த நிலையில் அந்த அணைகள் இரண்டும் பாதிப்பை எதிர்நோக்கியுள்ளன. இன்னுமொரு கடுமையான மழையை எதிர்கொள்ளும் நிலை ஏற்பட்டால், தப்பிக்க முடியாது.

இது தொடர்பில் உடனடி கவனம் செலுத்தப்படாவிட்டால், கொழும்பு நகரமும், நாடாளுமன்றமும் வௌ்ளத்தில் மூழ்கும் என குறிப்பிட்டுள்ளார்.

இறக்குமதி செய்யப்படுகின்ற அத்தியவசிய உணவுப் பொருட்கள் சிலவற்றின் விஷேட பண்ட வரி குறைக்கப்பட்ட போதிலும் அவற்றின் பிரதிபலன் நுகர்வோருக்கு கிடைப்பதற்கு இன்னும் சில நாட்களாகலாம் என்று தெரிவிக்கப்படுகிறது.

கடந்த 08ம் திகதி நள்ளிரவு முதல் அமுலுக்கு வரும் வகையில் நிதியமைச்சர மங்கள சமரவீரவினால் இவற்றின் விலைகள் குறைக்கப்பட்டன.

எவ்வாறாயினும் அது தொடர்பான வர்த்தமானி அறிவித்தல் இதுவரை வௌியிடப்படவில்லை என்பதுடன், அடுத்த வாரமளவில் வர்த்தமானி வௌியிடப்படும் என்று தெரிவிக்கப்படுகிறது.

விலை குறைக்கப்பட்ட அத்தியவசிப் பொருட்களுக்காக புதிய விலை நிர்ணயிப்பதற்குறிய அரம்ப கட்ட பேச்சுவார்த்தை தற்சமயம் ஆரம்பிக்கப்பட்டுள்ளதுடன், நுகர்வோர் சபையினால் விலைகள் குறித்து இறுதித் தீர்மானம் எடுக்கப்பட உள்ளது.

உருளைக் கிழங்கு ஒரு கிலோ கிராம் மற்றும் பெரிய வெங்காயம் ஒரு கிலோ அகியவற்றுக்கான வரி 39 ரூபாவினால் குறைக்கப்பட்டுள்ளதுடன், ஒரு கிலோ கிராம் பருப்பிற்கான வரி 12 ரூபாவினால் குறைக்கப்பட்டது.

இது தவிர மேலும் சில அத்தியவசியப் பொருட்களின் விலைகளும் குறைக்கப்பட்டுள்ளன.

மாத்தறை – ஹம்பாந்தோட்டை அதிவேக நெடுஞ்சாலையில் பாதுகாப்பற்ற வகையில் வெட்டப்பட்டிருந்த குழியில் விழுந்து சிறுவன் ஒருவர் உயிரிழந்துள்ளார்.

பெலியத்த – கிரிந்த பிரதேசத்தை சேர்ந்த சேஹான் என்ற 12 வயது சிறுவனே இவ்வாறு உயிரிழந்துள்ளார். கடந்த ஒரு மாதத்திற்கு முன்னர் பெலியத்த – கிரிந்த பிரதான வீதிக்கு அருகில் குழி ஆழமாக வெட்டப்பட்டுள்ளது. தற்போது பெய்து வரும் மழையால் அந்த குழி நீரில் மூழ்கியுள்ளதாக பிரதேசவாசிகள் தெரிவிக்கின்றனர்.

குறித்த சிறுவன் தனது பாட்டியுடன் இருந்த வேளை காணாமல்போனதாக தெரிவிக்கப்படுகிறது
இந்நிலையில், சிறுவனை காணாத நிலையில் பாட்டி பிரதேசவாசிகளுடன் இணைந்து அவரை தேடியபோது, சிறுவன் குழியில் சடலமாக காணப்பட்டுள்ளார்.

இதனையடுத்து சிறுவனின் சடலம் மீட்கப்பட்டு, பிரதே பரிசோதனைக்காக ஹம்பாந்தோட்டை பொது மருத்துவமனையில் ஒப்படைக்கப்பட்டுள்ளதாக தெரிவிக்கப்படுகிறது.

அம்பலாந்தோட்டை, கொக்கல்ல பகுதியில் இடம்பெற்ற துப்பாக்கிச் சூட்டு சம்பவத்தில் ஒருவர் கொல்லப்பட்டுள்ளதாக பொலிஸ் ஊடகப் பேச்சாளர் ருவன் வணிகசூரிய கூறியுள்ளார்.

நேற்று இரவு இந்த துப்பாக்கிச் சூட்டு சம்பவம் இடம்பெற்றுள்ளது.

லொறியொன்று பொலிஸாரின் கட்டளையை மீறிச்சென்றதையடுத்து பொலிஸாருக்கும் அந்தக் குழுவுக்கும் இடையில் துப்பாக்கிச் சண்டை இடம்பெற்றுள்ளதாக பொலிஸ் ஊடகப் பேச்சாளர் ருவன் வணிகசூரிய கூறியுள்ளார்.

மலையகத்தின் ஹைபொரஸ்ட் பிரதேசத்தில் பாரிய முட்டை கோஸ் ஒன்று வளர்ந்துள்ளது. இதன் நிறை 12 கிலோ கிராம் என அதன் உரிமையாளர் தெரிவித்துள்ளார்.

ஹைபொரஸ்ட் பகுதியில் மரக்கறி கொள்வனவு செய்ய சென்ற ஆர்.எம்.விஜேகோன் பண்டாவுக்கு அந்த மிகப்பரெிய முட்டை கோஸ் கிடைத்துள்ளது.

பாரிய முட்டை கோஸ் கார்கில்சினால் நடத்தி செல்லப்படும் மரக்கறி நிலையத்திடம் ஒப்படைத்துள்ளார்.

அங்கிருந்து கண்டியை சேர்ந்த ஒருவர் 1200 ரூபாய் கொள்வனவு செய்துள்ளதாக தெரிவிக்கப்படுகின்றது. மிகப் பெரிய முட்டை கோஸினை பார்வையிட்ட மக்கள் பலர் வியப்படைந்துள்ளனர்.