மும்பை எல்பின்ஸ்டோன் ரயில் நிலைய மேம்பாலத்தில் ஏற்பட்ட விபத்தில் சிக்கி உயிருக்குப் போராடிய பெண்ணிடம் நபர் ஒருவர் தகாத முறையில் நடந்து கொண்ட சம்பவம் மும்பையில் அதிர்ச்சியை ஏற்படுத்தியுள்ளது.

மும்பை எல்பின்ஸ்டோன் புறநகர் ரயில் நிலைய நடைபாதை மேம்பாலத்தில் ஏற்பட்ட நெரிசலில் சிக்கி 23 பேர் உயிரிழந்ததுடன் 30க்கும் மேற்பட்டவர்கள் காயமடைந்து சிகிச்சை பெற்று வருகின்றனர்.

மகாராஷ்டிரா மாநிலம் மும்பை எல்பின்ஸ்டோன் புறநகர் ரயில் நிலைய நடைபாதை மேம்பாலத்தில் கடந்த வெள்ளியன்று வதந்தியால் திடீரென்று கூட்ட நெரிசல் ஏற்பட்டது.

இந்த நெரிசலில் சிக்கி உயிருக்கு போராடிய இளம் பெண்ணை காப்பாற்ற முயலாமல் நபர் ஒருவர் பாலியல் தொல்லை கொடுத்த சம்பவம் மக்களிடையே பெரும் அதிர்ச்சியை ஏற்படுத்தியுள்ளது.

இதனிடையே குறித்த பெண் அடுத்த சில நிமிடங்களிலேயே உயிரிழந்துள்ளதாக தெரிவிக்கப்படுகின்றது. குறித்த புகைப்படம் தற்போது இணையத்தளங்களில் பரவிவருகின்றது.

இந்நிலையில், சனநெரிசலில் சிக்கி உயிருக்குப் போராடிய பெண்களிடமிருந்து பணப்பை, நகைகள் ஆகியவற்றையும் சிலர் திருடி சென்றுள்ளமை குறிப்பிடத்தக்கது.

திருநங்கைகள் என்றாலே பாலியல் தொழில் செய்வதும், பிச்சை எடுப்பதும் தான் இவர்களது தொழில் என்ற சாயம் பூசப்பட்டுள்ள நிலையில், மூன்றாவது பாலினத்தவர்களான எங்களாலும் சாதிக்கமுடியும் என கூறியுள்ளார் அஞ்சலி அமீர்.

இனி இந்திய சினிமா ரசிகர்கள் மத்தியில் ஜொலிக்கப்படும் பிரபலமாக மாறவிருக்கிறார் அஞ்சலி. மலையாள சூப்பர் ஸ்டார் மம்முட்டி படத்தில் ஹீரோயினாக நடித்து வருகிறார். அதுமட்டுமின்றி தமிழிலும் ராம் இயக்கத்தில் அறிமுகமாகவிருக்கிறார்.

கேரளா கோழிக்கோட்டில் பிறந்த இவர் சிறுவயதிலேயே தாயை இழந்தவர். அதன்பின்னர் தனது வாழ்க்கையில் நடந்தவற்றை விவரிக்கிறார் அஞ்சலி.

நான் பத்தாம் வகுப்பை நிறைவு செய்த பின்னர் தான் எனது உடலில் ஏற்படும் மாற்றங்களை உணர ஆரம்பித்தேன். நான் ஆணாக பிறந்தாலும், பெண்கள் போன்று இருப்பது, பெண்களுக்கு ஆதரவாக குரல் கொடுப்பது போன்றவற்றில் எனக்கு அதிக ஈடுபாடு இருந்தது.

நான் திருநங்கை என்பதால், எனது தந்தை என்னை ஏற்றுக்கொள்ளவில்லை. இதனை வீட்டை விட்டு வெளியேறினேன். அதன்பின்னர் கோயம்புத்தூர் மற்றும் பெங்களூரில் இருக்கும் திருநங்கை இனத்தவர்களுடன் வாழ்ந்து வந்தேன்.

அங்கு வாழ்ந்து வந்தபோது, எனது வாழ்வில் பல்வேறு இன்னல்களை சந்தித்தேன். நடனம் ஆடும் வாய்ப்பு, பாலியல் தொழில் வாய்ப்புகளே அதிக வந்து என்னை மனதளவில் காயப்படுத்தின, ஆனால் இவற்றையெல்லாம் கண்டு மனம் தளராமல், எனது வாழ்வில் நான் என்ன செய்ய வேண்டும் என்பதில் தெளிவாக இருந்தேன்.

நடிப்பு என்பது எனக்கு பிடித்தமான ஒன்று. சிறுவயதில் இருந்தே அதன் மீது எனக்கு ஈடுபாடு அதிகம். இதனால் மொடலிங் மற்றும் தொலைக்காட்சி நிகழ்ச்சிகளில் கால்பதித்தேன். ஆனால் நான் திருநங்கை என்ற காரணத்தால், ஆரம்பத்தில் ஒப்பந்தம் செய்த நிறுவனங்கள் என்னை நிராகரித்தன.

அதன்பின்னர் தான், நடிகர் மம்முட்டியின் உதவியுடன் சினிமாவிற்குள் நுழைந்துள்ளேன். நான் நடிப்பதற்கு அவர் என்னை பல வகைகளில் ஊக்கப்படுத்தியுள்ளார். சினிமா துறையில் சாதிப்பேன் என்ற நம்பிக்கை எனக்கு உள்ளது.

அதுமட்டுமின்றி, நான் இப்போது ஒரு கலைஞர், இதனால் என்னை திருநங்கை என்று அழைக்க முடியாது. ஏனெனில் ஆண் கலைஞர், பெண் கலைஞர் என்று அழைப்பதில்லை. மாறாக கலைஞர் என்றுதானே அழைப்பார்கள். அதுபோன்று நானும் இப்போது ஒரு கலைஞர் ஆவேன் என கூறுகிறார் அஞ்சலி.

 
தமிழகத்தில் கோவில் திருவிழா ஒன்றில் சாட்டை அடி வாங்கினால் பேய் ஓடிவிடும் என்று நம்பப்படுவதால், அடி வாங்கிய பெண்கள் சிலர் அலறி அடித்து ஓடியுள்ளனர்.

திருச்சி மாவட்டம், முசிறி அருகே உள்ள தாத்தையங்கார்பேட்டைக்கு அடுத்து உள்ளது வெள்ளாளப்பட்டி கிராமம். இங்கு இருக்கும் அச்சப்பன் கோயிலில் பெண்களுக்கு பேய் விரட்டும் விநோத திருவிழா நடைபெற்றது.

இதையடுத்து அக்கோவிலில் உள்ள மற்ற தெய்வங்களுக்கு சிறப்பு வழிபாடும், பூஜைகளும் நடைபெற்றன. அதன் பின் பெண்களைச் சாட்டையால் அடித்து பேய்களை விரட்டும் நிகழ்ச்சி நடைபெற்றது.

இதில் சுமார் 2000-க்கும் மேற்பட்டோர் நீண்ட வரிசையில் அமர்ந்து சாட்டையடி பெற்றனர். அப்போது பூசாரி கையில் மிக நீளமான சாட்டையை சுழற்ற ஆரம்பித்தார்.

அருகில் இருந்த பூசாரிகள் மட்டை போன்று நீளமான குச்சியை கையில் வைத்திருந்தனர். அடுத்த சில நிமிடங்களில், தலைவிரிகோலமாக நீண்ட வரிசையில் மண்டியிட்ட பெண்கள் கைகளைத் தலைக்கு மேல் உயர்த்திப் பிடித்தபடி அமர்ந்தனர்.

பூசாரி, வேகமாகச் சாட்டையை சுழற்றி அடிக்க, ஒரு சில பெண்கள் நான்கு, ஐந்து முறை சாட்டையால் அடி வாங்கினர். சிலர் ஒரு அடியிலேயே பதறியடித்து ஓடினர்.

இது குறித்து பெண் ஒருவர் கூறுகையில், ஆண்டுதோறும் இங்கு சாட்டை அடி திருவிழா நடைபெறும். இந்த கோவிலுக்கு வந்து சாட்டையால் அடிவாங்கினால் திருமணத்தடை அகலும், குழந்தை பாக்கியம் கிடைக்கும், வேலைவாய்ப்பு, கல்வியில் சிறந்து விளங்க முடியும், கடன் பிரச்னை அகலும், தொழில் வளர்ச்சி அடைய முடியும், விவசாயம் செழிக்கும்.

அதுமட்டுமின்றி பேய் பிடித்தவர்கள், பில்லி சூனியத்தால் பாதிக்கப்பட்டவர்கள் சாட்டையடி வாங்கினால் சரியாகிவிடும் என்ற நம்பிக்கை உள்ளது. அதன் காரணமாகவே சாட்டையால் அடிவாங்குவது கூறியுள்ளார்.

சென்னை முகப்பேறு பகுதியில் உள்ள கழிவுநீர் கால்வாயில், தலை, கை, கால்கள் வெட்டி அகற்றப்பட்ட மனித உடல் பாகத்தினை கண்டெடுத்த துப்புரவு பணியாளர்கள் இதுகுறித்து பொலிசாருக்கு தகவல் தெரிவித்தனர்.

அந்த பாகங்களை பிரேத பரிசோதனை செய்ததில், மர்மநபர்கள் அவரை கொன்று, உடல் உறுப்புகளை துண்டு, துண்டாக வெட்டி பல்வேறு இடங்களில் வீசி உள்ளனர். இதனால் கொலையானவர் யார்? என்பது குறித்த விசாரணையில் சில தகவல்கள் வெளியாகின.

முகப்பேர் மேற்கு 3வது பிளக் பகுதியில் உள்ள தையல் கடையும், எதிரே உள்ள இறைச்சி கடையும் கடந்த 26ம் திகதி முதல் பூட்டிக்கிடப்பது தெரிந்தது. இது பொலிசாருக்கு சந்தேகத்தை ஏற்படுத்தியதால் தீவிரமாக விசாரித்தனர்.

அப்போது தையல் கடையில் வேலை செய்துவந்த தையல்காரர் பாபுவும், இறைச்சி கடையில் வேலை செய்துவந்த ரசூலும் காணாமல்போனது தெரிந்தது.

அந்த தையல் கடைக்கு எதிரில் உள்ள இறைச்சி கடையில் வேலை பார்க்கும் ஊழியரான பல்லாவரத்தை சேர்ந்த முகமது ரசூல் (22) என்பவர்தான் பாபுவை வெட்டிக்கொலை செய்து, உடலை துண்டு, துண்டாக வெட்டி கால்வாயில் வீசியது தெரியவந்தது.

இதையடுத்து தலைமறைவான முகமது ரசூலை பொலிசார் பொலிசார் கண்டுபிடித்தனர், அப்போது பாபுவை கொலை செய்ததை அவர் ஒப்புக்கொண்டார்.

பின்னர் பொலிசாரிடம் அவர் அளித்துள்ள வாக்குமூலம் வருமாறு..

நானும், தையல்காரர் பாபுவும் நட்புடன் பழகிவந்தோம். எனது கடையின் உரிமையாளர் வெங்கடேஷ் என்னை நம்பி கடையின் முழுபொறுப்பையும் ஒப்படைத்து இருந்தார். இரவு 8 மணிக்கு வியாபாரம் முடிந்து கடையை மூடிய பின்பு கடையின் மாடியில் தங்கிக்கொள்வேன். தினமும் பாபு வேலை முடிந்து கடைக்கு வருவார். நாங்கள் இருவரும் கடையில் மது வாங்கி வந்து அருந்துவோம்.

அப்போது பாபு என்னிடம் அடிக்கடி பணம் கேட்டு தொல்லை தருவார். அப்படித்தான் கடந்த 25ம் திகதி இரவு போதையுடன் கடைக்கு வந்து பணம் கேட்டு தொல்லை கொடுத்தார். அன்று காலையில் இருந்தே அவர் என்னிடம் தகராறில் ஈடுபட்டார். நானும் பலமுறை அவரிடம் பொறுமையாக பேசியும் கேட்கவில்லை.

இதனால் பாபு மீது கடும் கோபத்தில் இருந்தேன். அன்று இரவு 11 மணியளவில் மீண்டும் என்னிடம் வந்து பணம் கேட்டு பிரச்சினை செய்ததால் ஆத்திரத்தில் அவரது கழுத்தில் கையால் ஓங்கி குத்தினேன். இதில் அவர் மயங்கி விழுந்தார்.

அவர் இறந்துவிட்டதாக நினைத்து, கடையில் ஆடு வெட்ட வைத்து இருந்த கூர்மையான வெட்டுக்கத்தியால் முதலில் அவரது 2 கைகளையும், பின்னர் அவரது தலையையும், 2 கால்களையும் தனித்தனியாக வெட்டினேன்.

போலீசாரிடம் இருந்து தப்பிக்க வெட்டி எடுத்த உடல் பாகங்களை தனித்தனியாக 6 சாக்குப்பைகளில் கட்டி வெவ்வேறு இடங்களில் வீசினேன். பின்னர் கடையை பூட்டிவிட்டு பல்லாவரத்துக்கு தப்பி வந்துவிட்டேன் என்று கூறியுள்ளார்.

தற்போது, முகமதுகை பொலிசார் கைது செய்துள்ளனர்.

திருச்சி மேலபுலிவார்டு பகுதியைச் சேர்ந்தவர் கவிதா(36). எலக்ட்ரிக் கடை நடத்தி வந்த இவருக்கு, நஷ்டம் ஏற்பட்டதால், தூத்துக்குடியை சேர்ந்த தனது உறவினர் மாரியப்பன் என்பவரை அணுகியுள்ளார்.

அப்போது அவர் சில பூஜைகள் செய்தால் இது எல்லாம் சரியாகிவிடும் என்று கூறி, திருச்சிக்கு சென்று சில பூஜைகள் செய்துள்ளார்.

அதன்பின் மாரியப்பன் செய்து வந்த ஷிப்பிங் தொழிலில் கவிதாவை பங்குதாரராக சேர்த்துக்கொள்வதாகவும் கூறியதால், கவிதா 5 லட்சம் ரூபாய் பணத்தை மாரியப்பனிடம் கொடுத்துள்ளார்.

இதைத் தொடர்ந்து தொழில் மேலும் உச்சமடைய வேண்டும் என்றால் தேக சுத்தி, நிர்வாணபூஜை நடத்த வேண்டும் என்றும் பூஜையின் முடிவில் தன்னுடன் நெருக்கமாக இருக்க வேண்டும் என்று கூறியுள்ளார்.

இதனால் அதிர்ச்சியடைந்த கவிதா, தான் கொடுத்த 5 லட்சம் ரூபாய் பணத்தை திருப்பி தருமாறு கேட்டுள்ளார். பணத்தை தரமறுத்த மாரியப்பன், கவிதாவுக்கு நேரிலும், போன் மூலமும் கொலை மிரட்டல் விடுத்ததால், அவர் பொலிசில் புகார் கொடுத்துள்ளார்.

பொலிசில் புகார் கொடுத்தால், மாரியப்பன் தலைமறைவாகியுள்ளார். தலைமறைவாகிய மாரியப்பனை பிடிப்பதற்கு தனிப்படை அமைக்கப்பட்டது.

இந்நிலையில் மாரியப்பன் திருச்சியில் பதுங்கியிருப்பது பொலிசாருக்கு தெரியவந்ததைத் தொடர்ந்து அவனை கைது செய்தனர்.

விசாரணையில் மாரியப்பன் போலி சாமியார் என்பதும், மதுரை, தூத்துக்குடி, திருநெல்வேலி உள்பட தமிழகம் முழுவதும் பல்வேறு ஊர்களில் இதுபோல மோசடிகளில் ஈடுபட்டு வந்ததும் தெரியவந்துள்ளது.