மாரடைப்பு காரணமாக திடீரென மரணமடைந்த கால்பந்து வீரர் Cheick Tioteன் மூன்று வயது மகன் Rafael ’RIP Daddy’ என்ற வாசகத்தை தனது டீ-சர்டில் பொறித்து தந்தைக்கு உருக்கமான அஞ்சலியை செலுத்தியுள்ளான்.

மேற்கு ஆப்பிரிக்க நாடான Ivory Coastல் பிறந்தவர் Cheick Tiote (30), பிரபல கால்பந்து வீரரான இவர் அந்நாட்டு அணிக்காகவும், பல்வேறு உள்ளூர் அணிக்காகவும் கால்பந்து விளையாடி வருகிறார்.

உலக புகழ்பெற்ற பிரித்தானியாவின் Newcastle யுனைடெட் கால்பந்து கிளப்பிலும் Cheick நட்சத்திர வீரராக விளையாடி வருகிறார்.

இந்நிலையில் இரு தினங்களுக்கு முன்னர் சீனாவில் கால்பந்து பயிற்சியில் ஈடுபட்டிருந்த போது திடீரென Cheick மைதானத்தில் சுருண்டு விழுந்தார்.

பின்னர் மருத்துவமனையில் சேர்க்கப்பட்ட அவர் மாரடைப்பால் மரணமடைந்து விட்டதாக மருத்துவர்கள் உறுதி செய்தனர்.

Cheickக்கு மனைவியும், மூன்று பிள்ளைகளும் உள்ளனர். விரைவில் நான்காவது குழந்தைக்கு தந்தையாக இருந்த நிலையில் அவர் மரணமடைந்துள்ளார்.

இந்நிலையில் Cheickவின் கடைசி மகனான Rafael மறைந்த தனது தந்தைக்கு அஞ்சலி செலுத்தும் விதமாக, கால்பந்து விளையாட்டின் போது Cheick அணியும், 24 என்ற எண் கொண்ட டீ-சர்டில் RIP Daddy என்ற வாசகத்தை பொறித்தும் தனது உருக்கமான அஞ்சலியை செலுத்தியுள்ளான்.

24 என்ற எண் கொண்ட டீ-சர்டை Cheick கடந்த ஏழு ஆண்டுகளாக கால்பந்து விளையாடிய போது அணிந்திருந்தார் என்பது குறிப்பிடத்தக்கது.

இதனிடையில் Cheick இறப்பிற்கு பல்வேறு கால்பந்து வீரர்கள் இரங்கல் தெரிவித்துள்ளனர்.

சினிமா, நாவல்களில் வரும் ரத்தம் குடிக்கும் ட்ராகுலா போன்று நிஜமாகவே வாழ்ந்து வரும் ஒரு இத்தாலிய ஜோடி குறித்த தகவல் இணையத்தில் அதிர்ச்சி அலைகளை ஏற்படுத்தியுள்ளது.

திகில் படங்கள் போன்று திகில் சம்பவங்களை விரும்பும் இத்தாலிய காதல் ஜோடி ஒன்று அவர்களுடைய இரத்தத்தை ஒருவருக்கொருவர் பருகும் சம்பவத்தை கேள்விப்பட்டு பலர் ஆச்சரியத்தில் மூழ்கியுள்ளனர்.

கடந்த சில ஆண்டுகளுக்கு முன்பு டென்னிஸ் (30) என்பவருக்கு இலரியா (20) என்ற இளம்பெண் பேஸ்புக் மூலம் அறிமுகமாகியுள்ளார். இவர்கள் இருவருவரும் ஒருவருக்கொருவர் பேஸ்புக்கில் அவர்களுடைய கருத்துக்களை பகிர்ந்து வந்துள்ளனர்.

இதில் ஒருவருக்கொருவர் ஈர்ப்பு ஏற்பட்டு அவர்கள் நாளடைவில் நண்பர்களாகினர். பின்னர் ஒருவருக்கொருவர் காதலர்களாகவும் மாறியுள்ளனர்.

இவர்கள் இருவரும் அவர்களுக்கு இடையே உள்ள நெருக்கத்தையும், நேசத்தையும் பரிமாற்றிக் கொள்வதற்கு ஏற்ற வழியாக டெனிஸ் ஆல்பர்ட்டோ மற்றும் அவரது பெண் தோழி தெரிவு செய்தது ஒருவரது ரத்தத்தை மற்றவர் குடிப்பதுதான்.

ஆனால் கதைகளில் வருவதைப் போல் நேரடியாகக் கழுத்தில் கடித்து ரத்தத்தை உறிஞ்சுவதற்கு பதில் சிரிஞ்சுகளையும், ஊசிகளையும் இவர்கள் பயன்படுத்தியுள்ளனர்.

மேலும் இவர்கள் இருவரும் பார்ப்பதற்கு Vampire போன்று காட்சியளிப்பதற்காக, அவர்களுடைய பற்களை பல் மருத்துவர்களை கொண்டு கூர்மையாக்கியுள்ளனர்.

மட்டுமின்றி வேம்பயர் போன்று காட்சியளிப்பதற்கு ஏதுவான ஆடைகளையே தெரிவு செய்து அவர்கள் அணிந்து வருகின்றனர் என்பது குறிப்பிடத்தக்கது.

லண்டனில் கடந்த மூன்றாம் திகதி நடத்தப்பட்ட பயங்கரவாத தாக்குதலில் உயிரிழந்த அவுஸ்திரேலிய நாட்டு பிரஜையை லண்டன் பொலிஸார் அடையாளம் கண்டுள்ளனர்.

லண்டனில் நடத்தப்பட்ட பயங்கவாத தாக்குதலில் தற்போது வரையில் 8 பேர் பலியானதுடன், 48 பேர் தொடர்ந்தும் வைத்தியசாலையில் சிகிச்சைப் பெற்று வருகின்றனர்.

இந்த நிலையில், தீவிரவாதிகளால் கொல்லப்பட்ட அவுஸ்திரேலிய நாட்டு பிரஜையான Kirsty Boden என்ற பெண்ணின் பெயரை புகைப்படத்துடன் லண்டன் பொலிஸார் வெளியிட்டுள்ளனர்.

Kirsty Boden என்ற 28 வயதுடைய குறித்த அவுஸ்திரேலிய நாட்டு பெண், லண்டன் நகரில் தொழில் புரிந்து வந்துள்ளார் என தெரியவந்துள்ளது.

இந்நிலையில், Kirsty Boden இன் மரணம் தொடர்பில் அவரது குடும்பத்தினர் பின்வருமாறு கருத்து தெரிவித்துள்ளனர்,

“குடும்பத்தினர், நண்பர்கள் மற்றும் காதலனால் நேசிக்கப்பட்டவர். மக்களை நேசிப்பதில் மிகவும் பிரியமானவர். அளவுக் கடந்த அன்பு கொண்டவர்.

தாதியாக பணிபுரிந்த Kirsty Boden, தாக்குதல் நடந்த போது மக்களுக்கு உதவும் நோக்குடன் ஓடினார். எனினும், துரதிஷ்டவசமாக அவர் தன் வாழ்க்கையை இழந்துள்ளார்.

Kirsty Boden இன் தைரியமான செயல்களுக்கு நாம் பெருமிதம் கொள்கிறோம். சுயநலமின்றி, அக்கறையுடன் ஒரு கதாநாயகி போல் அவர் செற்பட்டுள்ளார்.

இது எங்களுக்கு பெருமையாகவே உள்ளது” என அவரின் குடும்ப உறுப்பினர்கள் கருத்து தெரிவித்துள்ளனர்.

 
மியன்மாரில் காணாமற்போயிருந்த இராணுவ விமானத்தின் பாகங்களும் அதில் பயணித்தவர்களின் சடலங்களும் அந்தமான் கடலில் கண்டுபிடிக்கப்பட்டுள்ளன.

விமானத்தின் சில பாகங்களும் ஒரு குழந்தை உட்பட மூவரின் சடலங்களும் அவர்களின் பயணப் பொதிகளும் பாதுகாப்புக் கவசங்களும் கண்டுபிடிக்கப்பட்டுள்ளதாக இராணுவத்தினர் குறிப்பிட்டுள்ளனர்.

மியன்மாரின் தெற்கு கடலோரப் பகுதி நகரான மெய்க்கில் இருந்து மியன்மாரின் மிகப்பெரிய நகரான யாங்கூனுக்கு 116 பயணிகளுடன் புறப்பட்ட இராணுவ விமானம் ஒன்று நேற்று முன்தினம் (07) காணாமற்போனது.

அந்த விமானத்தில் பயணித்தவர்களில் 105 பேர் கடலோரப் பகுதியில் வசிக்கும் இராணுவக் குடும்பங்களைச் சேர்ந்தவர்கள் என இராணுவத் தகவல்கள் வெளியாகியிருந்தன.

அந்தமான் கடற்பகுதியில் மேற்கு தவேய் நகரை நெருங்கிப் பறந்து கொண்டிருந்தபோதே விமானத்துடன் இருந்த ரேடார் தொடர்பு திடீரென துண்டிக்கப்பட்டு மாயமானது.

அதன்பிறகு அந்த விமானம் எங்கே சென்றது என்பதும், அதில் இருந்தவர்களின் கதி என்ன ஆனது என்பது பற்றியும் உடனடியாக எந்தத் தகவலும் தெரியவரவில்லை.

மாயமான விமானத்தைத் தேடும் பணியில் கப்பல்களும் இராணுவ விமானங்களும் தீவிரமாக ஈடுபடுத்தப்பட்டன.

இந்நிலையில், அந்தமான் கடற்பகுதியில் குறித்த விமானத்தின் உடைந்த பாகங்கள் கண்டுபிடிக்கப்பட்டுள்ளதுடன், சடலங்களும் கண்டுபிடிக்கப்பட்டுள்ளதாக மியன்மார் இராணுவம் தகவல் வெளியிட்டுள்ளது.

நேற்று காலை தேடுதல் பணியில் விமானங்களும் கப்பல்களும் ஈடுபட்டிருந்த போதே அவற்றைக் கண்டுபிடித்துள்ளன.

பிரித்தானிய பொதுத் தேர்தலில் இதுவரை வெளியான பெறுபேறுகளின் படி, தொழிற் கட்சி 195 ஆசனங்களையும், கன்சவேட்டிவ் கட்சி 190 ஆசனங்களையும் பெற்றுள்ளதாக பிரித்தானிய ஊடகங்கள் இந்த செய்தியை வெளியிட்டுள்ளன.

மேலும் தேர்தலுக்கு முன்னர் நடத்தப்பட்ட கருத்துக்கணிப்புகளுக்கு அமைய கன்சவேட்டிவ் கட்சி 314 ஆசனங்களையும், தொழிற் கட்சி 266 ஆசனங்களையும் மற்றும் லிப் டெம்ஸ் 14 ஆசனங்களையும் பெற்றுக்கொள்ளும் என தெரிவிக்கப்பட்டிருந்தது.

இதேவேளை, தற்போது ஆட்சியில் உள்ள கன்சவேட்டிவ் கட்சியினர் தங்களுடைய பெரும்பான்மையை தக்கவைத்துக்கொள்வதில் தோல்வி அடைவார்கள் என்று வாக்களிப்பிறகு பிறகு நடந்த கருத்துக் கணிப்பில் சொல்லப்பட்டதை, பொது தேர்தலின் ஆரம்பகட்ட முடிவுகள் காட்டுகின்றன.