இந்தோனேசியாவின் சுமத்ரா தீவிலுள்ள சிறையை உடைத்து 200 க்கும் அதிகமான கைதிகள் தப்பியுள்ளனர்.

பெகன்பரு எனும் அந்த சிறையின் பக்க வாசல் ஒன்றின் ஊடாக பல கைதிகள் தப்பிச்செல்வது தொலைக்காட்சி ஒன்றில் ஒளிபரப்பப்பட்டுள்ளது. எனினும், தப்பிச்சென்ற கைதிகளில் சிலர் பொலிஸாரால் மீண்டும் பிடிக்கப்பட்டுள்ளனர்.

300 கைதிகளுக்கு மாத்திரம் இட வசதியுள்ள அந்த சிறையில் 1900 பேர் வரை தடுத்து வைக்கப்பட்டிருந்ததாகவும், அங்கு 6 சிறைக்காவலாளிகள் மாத்திரமே பணியில் இருந்ததாகவும் அந்நாட்டின் நீதி அமைச்சின் பிராந்திய அதிகாரி ஒருவர் தெரிவித்துள்ளார்.

சிறைக்காவலர்கள் தம்மை மோசமாக நடத்தியதாக கைதிகள் ஊடகங்களுக்கு கருத்து வெளியிட்டுள்ளனர். இந்த சம்பவத்தையடுத்து, நூற்றுக்கணக்கான பொலிஸாரும் இராணுவத்தினரும் சிறைச்சாலையின் பாதுகாப்புக் கடமையில் ஈடுபடுத்தப்பட்டுள்ளனர்.

தப்பியவர்களைத் தேடும் பொருட்டு நகரெங்கும் சோதனைச்சாவடிகள் அமைக்கப்பட்டுள்ளன.

வடகொரியாவின் அணு ஆயுத தளங்களை வேரோடு அழிக்க சக்தி வாய்ந்த அணு ஆயுதங்கள் மற்றும் ஏவுகணைகளை தயார் செய்யும் பணியில் ஜப்பான் ஈடுபட்டுள்ளது.

வடகொரியா உலக நாடுகளை அச்சுறுத்தும் வண்ணம் தொடர்ந்து அணு ஆயுத சோதனைகளை நடத்தி வருகிறது.
இதற்கு ஜப்பான், அமெரிக்கா உள்ளிட்ட உலக நாடுகள் கண்டனம் தெரிவித்தாலும் அதற்கு அந்நாடு செவி சாய்க்கவில்லை.

அதுமட்டுமில்லாமல், ஜப்பான் கடலுக்குள் வடகொரியா ஒரு முறை ஏவுகணைகளை செலுத்தி தாங்கள் சக்தி வாய்ந்தவர்கள் என்பதை அந்நாட்டுக்கு காட்டியது.

இனியும் இதையெல்லாம் பொறுக்க முடியாது என வடகொரியாவின் அணு ஆயுத தளங்களை அழிக்க ஜப்பான் முடிவு செய்துள்ளது.

இதுகுறித்து ஜப்பான் அதிகாரிகள் கூறுகையில், அமெரிக்காவில் தயாரான சக்தி வாய்ந்த ஆயுதங்களை நாங்கள் வாங்கவுள்ளோம்.

Tomahawk ஏவுகணை என்னும் பயங்கர ஏவுகணையை வட கொரியா அணு ஆயுத தளங்களை தகர்க்க பயன்படுத்தவுள்ளோம் என அவர்கள் கூறியுள்ளனர்.

சிரியாவின் விமான தளத்தின் மீது தாக்குதல் நடத்த டொனால்டு டிரம்ப் இந்த Tomahawk ஏவுகணை தான் பயன்படுத்தினார். மேலும், எங்களுக்கு ஆயுதங்களை தர அமெரிக்கா தயாராக இருப்பதாகவும் ஜப்பான் அதிகாரிகள் கூறியுள்ளார்கள்.

வட கொரியா மீண்டும் அணு ஆயுத சோதனையை எந்நேரத்திலும் நடத்தலாம் மற்றும் தங்கள் மீதும் தாக்குதல் நடத்தலாம் என்பதால் தான் ஜப்பான் இதை செய்ய முடிவெடுத்துள்ளதாக தெரிகிறது.

ஜப்பான் பிரதமர் ஷின்ஜோ அபே மற்றும் அமெரிக்கா ஜனாதிபதி டிரம்ப் ஆகியோர் வட கொரியாவின் அணு ஆயுத மிரட்டல்களை எதிர்கொள்வது குறித்து ஏற்கனவே தீவிர ஆலோசனை நடத்தியுள்ளனர் என்பது குறிப்பிடத்தக்கது.

 
லண்டனில் இருசக்கர வாகனத்தில் கொள்ளையர்கள் அசுர வேகத்தில் வந்து இளம் பெண் ஒருவரின் மொபைல் போனை பிடிங்கிச் சென்ற சம்பவம் பரபரப்பை ஏற்படுத்தியுள்ளது.

பிரித்தானியாவின் லண்டனில் உள்ள Langham வீதியில் கடந்த வியாழக்கிழமை பிறபகல் 2 மணி அளவில் நான்கு பேர் முகமுடி அணிந்து கொண்டு இருசக்கர வாகனத்தில் சுத்தியலுடன் அசுரவேகத்தில் வந்துள்ளனர்.

அதில் இருசக்கர வாகனத்தின் பின்னால் இருந்த நபர் ஒருவர் கையில் சுத்தியலை வைத்துக் கொண்டு, அங்கும் இங்குமாக பொதுமக்களை மிரட்டிய படி சென்றுள்ளார்.

இதனால் அங்கிருந்த பொதுமக்கள் சிலர் அலறி அடித்துக் கொண்டு ஓடியுள்ளனர். அப்போது இளம் பெண் ஒருவரின் ஐபோன்னை பிடிங்கிச் சென்று தப்பியுள்ளனர். தற்போது அந்த கொள்ளையர்களின் புகைப்படம் வெளியாகியுள்ளது.

மேலும் இது குறிந்து அங்கிருந்த நபர் ஒருவர்க் கூறுகையில், முதலில் அவர்கள் இருசக்கர வாகனத்தில் அசுர வேகத்தில் வந்ததாகவும், இதைக் கண்டு ஏதோ போட்டி அல்லது விளையாட்டிற்கு இருக்கும் என்றும் எண்ணியதாகவும், அதன் பின் வண்டியின் பின்னர் இருந்த நபர் சுத்தியலை எடுத்த பின்னரே அவர்கள் கொள்ளையர்கள் என்பதை அறிந்ததாக கூறியுள்ளார்.

அவர்கள் அங்கிருந்த மக்களை சுத்தியலை வைத்து மிரட்டிய படி சென்றதாகவும், அங்கிருந்த பெண் ஒருவரின் ஐபோனை பிடிங்கியவுடன் தான் தன்னுடைய போனை பையில் வைத்து மறைத்துவிட்டதாகவும், அதன் பின் அவர்கள் அங்கிருந்து தப்பிவிட்டதாகவும் கூறியுள்ளார்.

இது தொடர்பாக பொலிசார் தொடர்ந்து விசாரணை மேற்கொண்டு வருகின்றனர். பட்டப்பகலில் கொள்ளையர்கள் இந்த துணிச்சல் செயலில் ஈடுபட்டிருப்பது பரபரப்பை ஏற்படுத்தியுள்ளது.

சாட் நாட்டின் இராணுவத் முகாம்கள் மீது பயங்கரவாதிகள் நடத்திய தாக்குதலில் 9 பேர் கொல்லப்பட்டனர். இந்நிலையில் அதற்குப் பதிலடியாக அந்நாட்டு இராணுவத்தினர் நடத்திய தாக்குதலில் நாற்பது பயங்கரவாதிகள் கொல்லப்பட்டுள்ளனர்.

இது குறித்து சாட் நாட்டின் இராணுவத் தரப்பினர் வெளியிட்டுள்ள செய்தியில், அதிகாலையில் பயங்கரவாதிகள் இராணுவ முகாம் மீது நடத்திய தாக்குதலில் ஒன்பது பேர் கொல்லப்பட்டனர். எனினும் இராணுவத்தினரின் அதிரடித் தாக்குதலின் போது, நாற்பது பயங்கரவாதிகள் கொல்லப்பட்டனர்.

குறிப்பாக, நைஜீரியா, கமரூன், சாட் மற்றும் நைகர் உள்ளிட்ட பகுதிகளால் சூழப்பட்ட சாட் ஏரி போகோ ஹரம்களின் இலக்காகி வருகிறது.

இந்நிலையில் கடந்த இரண்டு ஆண்டுகளாக பல்வேறு பயங்கரவாதிகள் வெளியேற்றப்பட்டு வரும் நிலையில் ஐ.எஸ். சார்பிலும் அச்சுறுத்தலை சாட் எதிர்நோக்கி வருவதாக அவர் குறிப்பிட்டுள்ளதாக தெரியவருகிறது.

இதேவேளை, கடந்த எட்டு ஆண்டுகளாக நீடிக்கும் பிரச்சினையில் இதுவரை மொத்தம் 20,000 பொதுமக்கள் கொல்லப்பட்டுள்ளனர். மேலும் 26 லட்சத்திற்கும் அதிகமானோர் தங்களது இருப்பிடங்களை இழந்துள்ளனர்.

இதனால் அந்நாட்டில் அமைதியற்ற சூழ்நிலை நிலவிவருகிறது. அடிக்கடி நிகழும் இந்தத் தாக்குதல்களால் மக்களின் இயல்பு வாழ்க்கை தொடர்ந்தும் பாதிக்கப்படுவதாகவும், இதற்க தீர்வினை அரசாங்கம் பெற்றுக் கொடுக்க வேண்டும் என்றும் அந்நாட்டு மக்கள் தெரிவித்துள்ளனர்.