திருகோணமலையில் திருமங்களாய் காட்டுப் பகுதியிலுள்ள அழிவடைந்த சிவாலயத்தில் இருந்து ஆயிரம் ஆண்டுகளுக்கு முற்பட்ட கல்வெட்டுக்களை கண்டுபிடிக்கப்பட்டுள்ளன.

திருகோணமலை மாவட்டத்திற்கு உட்பட்ட கிளிவெட்டிப் பிரதேசத்தில் பிரதான வீதியிலிருந்து சுமார் 8 கிலோமீற்றர் தொலைவில் உள்ள லிங்கபுரம் என்ற காட்டுப்பிரதேசத்தில் இந்த ஆலயம் அமைந்துள்ளது.

செறிவான தமிழ்க் குடியிருப்புக்களைக் கொண்ட இப்பிரதேசத்தில் இருந்து 1964 இன் பின்னர் மக்கள் படிப்படியாக வேறு இடங்களுக்கு சென்று குடியேறியதால் ஏறத்தாழ ஏழு மைல் சுற்று வட்டம் தற்போது பெருங்காடாகவே காணப்படுகிறது.

திருகோணமலையில் திருமங்களாய் சிவன் ஆலயத்தில் ,தொல்லியல் பேராசிரியர் ப. புஸ்பரட்ணம் தலைமையிலான ஆய்வுக் குழுவினர் அண்மையில் நடத்திய ஆய்வுகளின் போது இந்த கல்வெட்டுக்கள் கண்டுபிடிக்கப்பட்டுள்ளன.

சிவனொளிபாத மலை பருவகாலம்நிறைவடையவுள்ளதனால் இரவு நேரங்களில் சிவனொளிபாத மலை உச்சிக்கு யாத்திரிகள் செல்வது தடை செய்யப்பட்டுள்ளதாக சிவனொளிபதமலை தலைமை விகாராதிதி பெங்கமுவே தம்பதெனிய தேரர் தெரிவித்துள்ளார்.

மேலும் எதிர்வரும் 11 ம் திகதி சினொளிபதமலை யாத்திரிக காலம் நிறைவுபெறுவது குறித்து, நல்லத்தண்ணி பௌத்த மத்திய நிலையத்தில், அரச திணைக்கள அதிகரிகளுடன் இடம்பெற்ற கலந்துரையாடலின்போதே அவர் இதனை தெரிவித்துள்ளார்.

அன்மைகாலமாக குறித்த பகுதியில் மூவின மக்களின் ஒற்றுமைக்கும் பங்கம் விளைவிக்கும், சமாதானத்தை சீர்குழைக்கும் வகையிலும் வகையில் சில சம்பவங்கள் இடம்பெற்றதையடுத்தே பருவகால நிறைவடைந்தகாலப்பகுதியில் யாத்திரிகளுக்கு மலையேர தடைவித்திக்கப்பட்டுள்ளதாக தெரிவித்துள்ளார்.

இருப்பினும் பகல் வேலைகளில் யாத்திரிகள் மலையேரமுடியும் எனவும், அவ்வாறு மலையேருவோர் நல்லத்தண்ணி பொலிஸ் நிலையத்திற்கு அறிவித்தல் வழங்கிய பின்னரே மலைக்கு செல்லமுடியும் என தெரிவிக்கப்பட்டுள்ளமை குறிப்பிடத்தக்கது.

வத்தளை கெரவலபிடிய சமகி மாவத்த பகுதியில் தந்தையின் கொலை தொடர்பில் சந்தேகத்தின் பெயரில் தாய் மற்றும் மகள் பொலிஸாரினால் கைது செய்யப்பட்டுள்ளனர்.

கொலை செய்யப்பட்ட நபரை 10 நாட்களாக காணவில்லை என பொலிஸில் முறைப்பாடு செய்யப்பட்டுள்ளதை தொடர்ந்து, குறித்த முறைப்பாட்டினை விசாரணை செய்ய பொலிஸார் அவர்களின் வீட்டிற்கு சென்றவேளை அவ்வீட்டிலிருந்து சடலமாக காணமல்போன நபர் மீட்கப்பட்டுள்ளதாக தெரிவிக்கப்படுகின்றது.

குறித்த சம்பவத்தில் 65 வயதுடைய நபரே கொலை செய்யப்பட்டுள்ளமை கண்டறியப்பட்டுள்ளதோடு, கொலை செய்தமைக்கான காரணம் இன்னும் கண்டயறிப்படவில்லை எனவும் அதுகுறித்து, பொலிஸார் மேலதிக விசாரணைகளை மேற்கொண்டுவருகின்றமை குறிப்பிடத்தக்கது.

 
மட்டக்களப்பு பாலமீன்மடு பகுதியில் இடம்பெற்ற முச்சக்கர வண்டி விபத்தில் இருவர் படுகாயமடைந்துள்ளனர். குறித்த சம்பவம் நேற்று முன்தினம் (05.05) மாலை இடம்பெற்றுள்ளது.

முச்சக்கர வண்டி வேக கட்டுப்பாட்டை இழந்து மின்சார தூணில் மோதி விபத்துக்குள்ளாகியுள்ளதாக ஆரம்பக்கட்ட விசாரணை மூலம் தெரிய வந்துள்ளது.

இதில் பயணம் செய்த ஒருவரும் சாரதியும் படுகாயமடைந்து மட்டக்களப்பு போதனா வைத்தியசாலையில் அனுமதிக்கப்பட்டுள்ளனர்.

ஓட்டமாவடியில் இருந்து மட்டக்களப்பு பாலமீன்மடுவில் உள்ள வெளிச்சவீட்டினை பார்வையிடச்சென்றவர்களே இவ்வாறு விபத்தில் சிக்கியுள்ளனர்.

இதேவேளை, விபத்து தொடர்பான மேலதிக விசாரணைகளை மட்டக்களப்பு பொலிஸார் மேற்கொண்டுவருகின்றனர்.

இலங்கைக்கு தாங்கள் மீண்டும் திரும்ப வேண்டும் என்று இலங்கையில் இருந்து தமிழகம் சென்று அகதி முகாம்களில் தங்கியுள்ளவர்கள் விண்ணப்பித்திருக்கிறார்கள்.

தமிழகத்தில் , 119 முகாம்களில், 67 ஆயிரம் இலங்கை அகதிகள் தங்க வைக்கப்பட்டுள்ளவர்களில் அதிகளவானவர்கள் சொந்த நாட்டிற்கு திரும்ப வேண்டும் என்று விண்ணப்பித்திருப்பதாக தெரிகிறது.

இதேவேளை, தமிழக காவல்த்துறையினரின் அனுமதியுடன் 30 ஆயிரத்திற்கும் மேற்பட்டோர் வேலை நிமிர்த்தமாக வெவ்வேறு இடங்களில் உள்ளனர்.

கடந்த 2009 மே மாதம், உள்நாட்டு போர் முடிவுக்கு வந்ததும், ஒரே சமயத்தில், 5,000 பேர் இலங்கைக்கு சென்றனர். இந்நிலையிலேயே வேலைவாய்ப்பு தற்போது, இலங்கையில் வசிப்பதற்கு ஏற்ற சூழல் நிலவுவதாலும், அதிகளவில் வேலைவாய்ப்பு கிடைப்பதாலும், தங்கள் சொந்த நாட்டிற்கு செல்ல, அகதிகள் ஆர்வம் காட்டி வருகின்றனர்.

இந்நிலையில், அண்மைய நாட்களாக இலங்கைக்கு செல்வதற்கு அகதி முகாம்களில் தங்க வைக்கப்பட்டிருப்பவர்கள் கவனம் ஆர்வம் காட்டிவருவதாக அகதி முகாம் தகவல்கள் தெரிவிக்கின்றன.

இதேவேளை, 119 முகாம்களில், 67 ஆயிரம் பேர் அகதிகளாக தங்க வைக்கப்பட்டுள்ளனர் என்பது குறிப்பிடத்தக்கது.

புழக்கத்திலுள்ளள 5000 ரூபாய் நாணய தாள் இரத்து செய்யப்படுமா என்பது தொடர்பில் அரசியல் மற்றும் நிதி துறை மட்டத்தில் பேச்சுவார்த்தைகள் மேற்கொள்ளப்பட்டு வருவதாக தெரிவிக்கப்படுகின்றது.

குறித்த நாணயத்தில் சிங்கப்பூர் குடியுரிமை பெற்ற முன்னாள் மத்திய வங்கி ஆளுநர் அர்ஜுன் மகேந்திரன் கையொப்பமிட்டுள்ளமையே இந்த நிலைக்கு காரணமாக கூறப்படுகின்றது.

இரட்டைக் குடியுரிமை பெற்றுக் கொண்ட கீதா குமாரசிங்க, அரசியல் அமைப்பின் அடிப்படையில் இலங்கை நாடாளுமன்றில் அங்கம் வகிக்க முடியாது என மேன்முறையீட்டு நீதிமன்றம் தீர்ப்பு வழங்கியுள்ளது.

இதனால் இலங்கை குடியுரிமை அல்லாத அர்ஜுன் மகேந்திரன் கையொப்பமிட்ட 5000 ரூபாய் நாணயத்தாள் செல்லுபடியாகுமா என்பது தொடர்பில் நாடாளுமன்ற உறுப்பினர் பந்துல குணவர்த்தன நாடாளுமன்றத்தில் கேள்வி எழுப்பியிருந்தார்.

இது தொடர்பில் பந்துல குணவர்தனவிடம் வினவிய போது, 5000 ரூபாய் நாணயத்தாள் செல்லுபடியாகுமா என்பது தொடர்பில் ஆராய்வதற்கு உயர் நீதிமன்றம் செல்ல தீர்மானித்துள்ளதாக குறிப்பிட்டுள்ளார்.
-தமிழ்வின்-

களுபோவில போதனா வைத்தியசாலையில் பல வருடங்களாக தங்கியுள்ள 72 வயதுடைய தாய் ஒருவர் தொடர்பில் செய்தி வெளியாகியுள்ளது.

தெனியாய, சியபலாகொடை பிரதேசத்தை சேர்ந்த லதா அபேவிக்ரம என்ற தாயே இவ்வாறு பல வருடங்களாக தங்கி வந்துள்ளார்.

குறித்த தாய் பல பிள்ளைகளை பெற்றிருந்த போதிலும், ஆதரவற்ற நிலையில் வைத்தியசாலையின் வெளி பகுதியில் தங்கி வந்துள்ளார்.

ஒரு கண் பார்வை இழந்து,இரண்டு கால்களும் காயமடைந்து அவதிப்படும் குறித்த தாயாரை அவரது பிள்ளைகள் தனிமையில் விட்டுச் சென்றுள்ளனர் என தெரியவந்துள்ளது.

இந்த தாயாருக்கு, குறித்த பகுதியில் உணவுகள் கிடைத்தால் மாத்திரமே சாப்பிடுவதாக அவர் கூறியுள்ளார்.

மூன்றாம் நாடு ஒன்றில் அடைக்கலம் கோருவதற்காக ஹொங்கொங்கில் தங்கியுள்ள இலங்கையர் நாடு கடத்தப்படலாம் என அச்சம் வெளியிடப்பட்டுள்ளது.

அமெரிக்க ரகசியங்களை வெளியிட்ட புலனாய்வு அதிகாரியான எட்வேட் ஸ்நோவ்டென்னுக்கு தம்முடன் தங்க இடமளித்த இலங்கையர்களே இவ்வாறு நாடு கடத்தப்படவுள்ளதாக தெரியவருகிறது.

இந்த சம்பவத்தில் இலங்கை அரசாங்கம் பின்னணியில் இருந்து செயற்படுவதாக குறித்த இலங்கையர்களின் சட்டத்தரணிகள் குற்றம் சுமத்தியுள்ளனர்

குறித்த அகதிகளில் ஒருவரான இலங்கையின் முன்னாள் இராணுவ வீரர் அஜித் புஸ்பகுமார, இது தொடர்பில் தகவல் அளிக்கையில், எதிர்வரும் திங்கட்கிழழை தமக்கு குடிவரவு திணைக்களத்தின் இறுதி நேர்முக விசாரணை இடம்பெறவுள்ளதாக குறிப்பிட்டுள்ளார்

இந்தநிலையில் உரிய ஆவணங்களை தாம் சமர்ப்பித்துள்ள போதும் தாம் கைதுசெய்யப்பட்டு இலங்கைக்கு நாடு கடத்தப்படும் அபாயத்தை எதிர்நோக்கியுள்ளதாக அவர் அச்சம் வெளியிட்டுள்ளார்

இவருடன் 2010 ஆம் ஆண்டு முதல் தங்கியுள்ள ஏனைய இரண்டு அகதிகளும் அவரின் பிள்ளைகளும் இதேபோன்ற அச்சத்தை வெளியிட்டுள்ளனர்.

இலங்கையில் உயிரச்சுறுத்தல் என்றுக்கூறி சுப்புன் திலின கல்பாத்த அவருடைய மனைவி நதீகா நோனிஸ் மற்றும் ஹொங்கொங்கில் பிறந்த மூன்று பிள்ளைகளே நாடு கடத்தல் நெருக்குடிக்கு முகங்கொடுத்துள்ளனர்.