வடமாகாணசபையின் அதிகார மையத்தை மாங்குளத்தில் நிறுவு என்ற கோசத்துடன் சமூக விழிப்புணர்வுக்கான மக்கள் அமைப்பின் ஒருங்கிணைப்பாளர் நா.தேவகிருஸ்ணன் தலைமையில் நடைபெற்றது.

மாங்குளம் வடமாகாணத்தின் மத்திய பகுதியில் அமைந்துள்ளமையினாலும் ஏனைய மாவட்டங்களில் இருந்து இலகுவாக வந்து செல்லக்கூடிய பகுதியாக காணப்படுவதாலும் வடமாகாணத்தின் வளங்கள் எல்லாப் பிரதேசங்களுக்கும் சமமாக வழங்கப்பட வேண்டும் என்ற அடிப்படையிலும் மாங்குளத்தை பிரதான நகராமாக அபிவிருத்தி செய்தல் வேண்டும்.

இனப் பிரச்சனைக்கு அடிப்படை காரணங்களாக அமைந்துள்ள அரசியல் தீர்வு, அதிகாரப் பகிர்வு போன்ற விடயங்களுக்கு தீர்வை காணாது காலம் தாழ்த்துவது தொடர்பாக எமது எதிர்ப்பைத் தெரிவித்துக் கொள்கிறோம்.

யுத்தத்தில் பாதிக்கப்பட்ட பெண்தலைமைத்துவ குடும்பங்களுக்கும் அங்கவீனமானவர்களின் குடும்பங்களுக்கும் வாழ்க்கையை முன்னேற்ற தேவையான திட்டங்கள் வகுக்கப்பட வேண்டும், யுத்த காலத்தில் காணாமல் ஆக்கப்பட்டோருக்கு நீதி உடன் வழங்கப்பட வேண்டும். யுத்தத்திற்கு முன்பும் பின்பும் ஆக்கிரமிக்கப்பட்டுள்ள மக்களின் காணிகளை உடனடியாக அந்த மக்களிடம் கையளிப்பதோடு வாழ்வாதார உதவிகள் செய்துக் கொடுக்கப்பட வேண்டும்

என்ற பிரதான மே தின பிரகடனத்துடன் வவுனியா மன்னார் முல்லைத்தீவு மாவட்டங்களை சேர்ந்த விவசாயிகள் தொழிலாளர்கள் மற்றும் மீனவர்களின் பரட்சிகர மேதினமானது மங்குளத்தின் தேசிய இளைஞர் சேவைகள் மன்றத்திற்கு முன்பாக 2.30 மணிக்கு பேரணி தொடங்கப்பட்டு மாங்குளம் மகாவித்தியாலயத்தின் மைதானத்தில் மாலை 3.00 மணிக்கு பொதுக் கூட்டம் ஆரம்பமாகி நடைபெற்றது.

பேரணியில் சென்றவர்கள் ஆளும் தேசிய கூட்டரசே பலவந்தமாக காணாமல் ஆக்கப்பட்டவர்களுக்கு பதில் கூறு!
அரசியல் கைதிகளை விடுதலை செய்!
வட மாகாணத்தின் தலைநகரமான மாங்குளத்தில் மாகாணசபையின் அதிகார மையத்தை நிறுவு!
பெண்களின் வாழ்க்கையை சிதைக்கும் நுண்கடன் கம்பனிகளை உடனே இழுத்து மூடு!
மலையக மக்களுக்கான காணி உரிமையை வழங்கு!
போன்ற கோசங்களை எழுப்பியவாறு சென்றனர்
தமிழ் சிங்கள முஸ்லிம் மக்கள் கொட்டும் மழையிலும் இணைநது இவ் ஆர்ப்பாட்டத்தை மேற்கொண்டிருந்தனர்.

நிகழ்வில் சமூக விழப்புணர்வுக்கான மக்கள் அமைப்பின் ஒருங்கிணைப்பாளர் நா.தேவகிருஸ்ணன், செயலாளர் ரி.தேவசாந்தன், வவுனியா மாவட்ட அமைப்பாளர்; அயூப்கான், வவுனியா மாவட்ட ஊடக பேச்சாளர் எஸ்.சதீஸ்குமார் பொது அமைப்புக்கள் மற்றும் பொது மக்கள் என பலரும் கலந்துகொண்டிருந்தனர்.

 
சென்னை பாரிமுனை பகுதியில் ஏற்பட்ட பாரிய வாகன விபத்தில் இலங்கை பெண் ஒருவர் பலியாகியுள்ளார்.

குறித்த பெண் பயணித்த கெப் ரக வாகம் ஒன்று 20 அடி பள்ளத்தில் வீழ்ந்து இந்த விபத்து நேற்று மாலை இடம்பெற்றுள்ளது.

குடும்பத்தினருடன் சுற்றுலா பயணம் மேற்கொண்ட இலங்கை பெண் ஒருவரே இவ்வாறு பலியாகியுள்ளார்.

விபத்தில் கார் சாரதி உள்ளிட்ட 4 பேர் படுகாயமடைந்துள்ளனர். சம்பவத்தில் காயமடைந்த நால்வரும் ராஜிவ் காந்தி மருத்தவமனையில் அனுமதிக்கப்பட்டுள்ளனர்.

தி-நகருக்கு சொப்பிங் சென்று திரும்பி வந்த நிலையிலேயே இந்த விபத்து இடம்பெற்றுள்ளதாக பொலிஸார் கூறியுள்ளனர்.

குறித்த வாகனம் கட்டுப்பாட்டை இழந்து வேகமாக வந்துள்ளதுடன் தடுப்பு சுவர்களை உடைத்துக்கொண்டு குறித்த கார் 20 அடி பள்ளத்தில் விழுந்துள்ளது என பொலிஸார் கூறியுள்ளனர்.

இந்த விபத்தில் 54 வயதான சித்தி ரித்வியா என்பவரே உயிரிழந்துள்ளார். அத்துடன், 34 வயதான மொஹமட் ஆசாத் ரபாட், மொஹமட் அஜ்மல் மற்றும் ஜிமா நஸாட் அம்ஜல் ஆகியோர் காயமடைந்தனர்.

சம்பவம் தொடர்பில் மேலதிக விசாரணைகளை பொலிஸார் முன்னெடுத்து வருகின்றனர். மேலும், இவர்கள் மே 3 ஆம் திகதி இலங்கைக்கு திரும்பிசெல்லவிருந்தமை குறிப்பிடத்தக்கது.

 
கொழும்பு – காலிமுகத்திடலில் முன்னெடுக்கப்பட்டு வரும் மஹிந்த ஆதரவாளர்களின் மேதினக்கூட்டத்திற்கு அதிகளவிலான மக்கள் படையெடுத்துள்ளனர்.

மே 1ஆம் திகதி உலக தொழிலாளர் தினத்தை முன்னிட்டு பல பாகங்களிலும் கூட்டங்கள் நடத்தப்படுகின்றன.

அந்த வகையில் கூட்டு எதிர்க்கட்சியான மஹிந்தவின் ஆதரவாளர்களால் காலி முகத்திடலிலும், ஸ்ரீ லங்கா சுதந்திரக்கட்சியால் கண்டியிலும் கூட்டங்கள் நடத்தப்படுகின்றன.

இதில் காலி முகத்திடலில் திரண்டுள்ள பெருமளவிலான மக்கள் கோசங்களை எழுப்பிக்கொண்டு தமது ஆதரவினை வெளிப்படுத்தியுள்ளனர்.

காலி முகத்திடலில், மணல் தெரியாதவாறும், கடல் தெரியாதவாறும் மக்கள் கூட்டம் எவ்வாறு திரளப் போகிறது என்பதை பார்த்துக்கொள்ளுமாறு ரோஹித அபேகுணவர்தன அண்மையில் சவால் விட்டிருந்தார்.

எனினும் அவர் குறிப்பிட்டதைப்போன்று அலைகடலென மக்கள் திரண்டதை காணக்கூடியதாக உள்ளது.

தொழிலாளர்கள் மூலம் ஒருமைப்பாட்டுடனான இலங்கையை கட்டியெழுப்புவோம் என ஸ்ரீலங்கா சுதந்திரக்கட்சியின் வன்னி மாவட்ட பாராளுமன்ற உறுப்பினரும் மாவட்ட அபிவிருத்திக்குழு இணைத்தலைவருமான கே.காதர் மஸ்தான் தெரிவித்துள்ளார்.

தொழிலாளர் தினம் தொடர்பாக ஊடகங்களுக்கு அனுப்பியுள்ள வாழ்த்துச்செய்தியிலேயே அவர் இவ்வாறு தெரிவித்துள்ளார். குறித்த செய்தியில் மஸ்தான் எம்.பியினால் மேலும் தெரிவிக்கப்பட்டுள்ளதாவது,

நட்டின் முன்னேற்றத்திற்கு தங்காளால் ஆன அனைத்து ஒத்துழைப்புக்களையும் வழங்கும் தொழிலாளர் வர்க்கத்திற்கே உரித்தான இந்த நாளில் அனைத்து தொழிலார்களும் ஊருமைப்பாட்டுடன் செயற்பட வேண்டும்.

இன்றும் வட கிழக்கில் பட்டதாரிகள் தொடர் போராட்டத்தில் ஈடுபட்டு வருகின்றமை மிகவும் கவலையளிக்கின்றது. நாடு ஒரு பக்கத்தில் வளர்ச்சிப்பாதையில் பயணித்தாலும் இவ்வாறு பட்டதாரிகள் வீதியில் தொழிலொன்றை பெற்றுத்தருமாறு கோரி நிற்பது நல்லாட்சிக்கு ஏதுவானதல்ல.

மேலும் அரசியலில் ஸ்ரீலங்கா சுதந்திரக்கட்சி ஊடக கொண்டாடும் எனது இரண்டாவது தொழிலாளர் தினமாகும் இந்த காலப்பகுதியில் என்னிடம் பணிபுரிகின்ற தொழிலார்களை நான் கௌரவப்படுத்தியுள்ளேன் அதுபோல ஏனைய தலைவர்களும் தங்களிடம் பனி புரியும் தொழிலார்களை கௌரவப்படுத்த வேண்டும் என்பது எனது எதிர்பார்ப்பாகும்.

கடுமையாக யுத்தத்தால் பாதிக்கப்பட்ட வன்னி மாவட்டத்திலுள்ள பட்டதாரிகளுக்கு விரைவாக தொழில்களை பெற்றுக்கொடுக்குமாறு எமது கட்சியின் தலைவர் ஜனாதிபதி மைத்திரிபால சிறிசேன அவர்களிடம் கோரியுள்ளேன் அதற்கு ஜனாதிபதியும் விரைவாக தீர்வொன்றை பெற்றுத்தருவதாக கூறினார்.

இன்று கண்டியில் இடம்பெறும் தொழிலாளர் தினத்திற்கு வன்னி மாவட்டத்திலிருந்து ஸ்ரீலங்கா சுதந்திரக்கட்சியின் ஆதரவாளர்களை 21 பேரூந்துகள் மூலம் அழைத்து செல்கின்றேன் இவ்வாறு நான் கூட்டிச்செல்வது எனது பலத்தை காட்டவல்ல மாறாக இந்த ஆதரவாளர்களை பார்த்தாவது ஜனாதிபதி எமது வன்னி மாவட்டத்துக்கான தொழில், அபிவிருத்திப்பணிகளை மேற்கொள்ள வேண்டும் என்பதே எனது எதிர்பார்ப்பாகும்.

நேர்மையான தொழிலாளர்களால் உருவாக்கப்பட்ட நல்லாட்சியில் அனைத்து தொழிலாளர்களுக்கும் தொழிலாளர் தின வாழ்த்துக்கள். என அவர் மேலும் தெரிவித்துள்ளார்.