யாழ்ப்பாணம் – நெல்லியடி பொலிஸ் பிரிவுக்கு உட்பட்ட முள்ளிவெளி என்னும் இடத்தில் காதலனுடன் இருந்த இளம் பெண்ணை மூன்று பேர் சேர்ந்து கூட்டுப் பாலியல் வல்லுறவுக்கு உட்படுத்திய வழக்கில் இரண்டு எதிரிகளுக்கு தலா பத்து ஆண்டுகள் கடூழியச்சிறைத் தண்டனை விதிக்கப்பட்டுள்ளது.

குறித்த வழக்கு யாழ்.மேல் நீதிமன்றில் இன்று விசாரணைகளுக்காக எடுத்துக்கொள்ளப்பட்டது. இதன்போதே நீதிபதி இளஞ்செழியன் இந்த தீர்ப்பை வழங்கியுள்ளார்.

இந்த வழக்கில் மூன்றாம் எதிரியான நபர் ஆரம்பத்தில் இருந்தே கைதாகாமல் தலைமறைவாக இருந்ததையடுத்து, அவர் இல்லாமலேயே கைது செய்யப்பட்ட இரண்டு எதிரிகளுக்கு எதிராக வழக்கு விசாரணை நடத்தப்பட்டது. இது குறித்து மேலும் தெரியவருவதாவது,

இந்த சம்பவம் 2014ஆம் ஆண்டு பங்குனி மாதம் 7 ஆம் திகதி நடைபெற்றுள்ளது. சம்பவ தினத்தன்று 18 வயதுடைய பெண் ஒருவர் தனது காதலனுடன் ஒதுக்குப் புறமாக இருந்த வேளையில் அங்கு வந்த மூன்று பேர் காதலனைத் தாக்கிவிட்டு அந்தப் பெண்ணை கூட்டுப் பாலியல் வல்லுறவுக்கு உட்படுத்தியிருந்தனர்.

சம்பவம் பற்றி அறிந்த 3 இராணுவத்தினர் பாதிக்கப்பட்ட பெண்ணை உடனடியாக வைத்தியசாலைக்கு சிகிச்சைக்காக அனுப்பி வைத்திருந்தனர்.

சம்பவ இடத்தில் கண்டெடுக்கப்பட்ட தேசிய அடையாள அட்டை ஒன்றின் உதவியுடன் பொலிஸார் துரிதமாக செயற்பட்டு இரண்டு பேரை கைது செய்திருந்தனர்.

சம்பவத்துடன் தொடர்புடைய மேலும் ஒருவர் தலைமறைவாகி விட்டார். இந்த சம்பவம் தொடர்பில் பாலேந்திரன் பிரபாகரன், சண்முகதாஸ் ரஜிதன், சிறிகணேஸ் சுதாகரன் என்ற மூவருக்கும் எதிரா இளம் பெண்ணை கூட்டுப் பாலியல் வல்லுறவு புரிந்ததாக குற்றம் சுமத்தி சட்டமா அதிபரினால் யாழ் மேல் நீதிமன்றத்தில் வழக்கு தாக்கல் செய்யப்பட்டது.

யாழ்.மேல் நீதிமன்ற நீதிபதி இளஞ்செழியன் முன்னிலையில் இந்த வழக்கு விசாரணைக்கு எடுத்துக் கொள்ளப்பட்டது.

இந்த வழக்கின் மூன்றாம் எதிரி கைதாகாமல் தலைமறைவாகி இருந்ததனால், அவர் இல்லாமல் ஏனைய இரண்டு எதிரிகளுக்கு எதிராக விசாரணைகள் நடைபெற்றன.

விசாரணைகளின் போது, பாதிக்கப்பட்ட பெண்ணும், அவருடைய தாய் தந்தையரும் மற்றும் காதலன் என கூறப்பட்டவரும் நீதிமன்றத்தில் முன்னிலையாகி இருந்தனர்.

குற்றம் சுமத்தப்பட்ட இரண்டு எதிரிகளும் தாமாகவே முன்வந்து நீதிமன்றத்தில் குற்றத்தை ஒப்புக்கொண்டனர்.

இதனையடுத்து, இரண்டு எதிரிகளையும் கூட்டுப் பாலியல் குற்றம் புரிந்தமைக்கான குற்றவாளிகள் என தீர்ப்பளித்த நீதிபதி இளஞ்செழியன் குற்றவாளிகளாக காணப்பட்ட இரண்டு எதிரிகளுக்கும் தலா பத்து ஆண்டுகள் கடூழிய சிறைத்தண்டனை விதித்தார்.

மேலும், எதிரிகள் இருவரும் தலா பத்து இலட்சம் ரூபாவை நட்டஈடாகச் செலுத்த வேண்டும் என்றும், தவறினால் பத்து ஆண்டுகள் கடூழியச் சிறைத் தண்டனை அனுபவிக்க வேண்டும் எனவும் நீதிபதி தீர்ப்பளித்தார்.

அத்துடன் நீதிமன்றுக்கு தலா பத்தாயிரம் ரூபா தண்டப் பணம் செலுத்த வேண்டும் என்றும் தவறினால், 6 மாதம் சிறைத்தண்டனை அனுபவிக்க வேண்டும் என்றும் நீதிபதி தனது தீர்ப்பில் தெரிவித்துள்ளார்.

நீதிபதி இளஞ்செழியன் தனது தீர்ப்பின்போது குற்றவாளிகளாக காணப்பட்ட இரண்டு எதிரிகளையும் நோக்கி,

யாழ்ப்பாண கலாச்சாரத்தை சீரழிக்கும் வகையில் நடத்தப்பட்ட குழு பாலியல் வல்லுறவு குற்றமானது, மிகப் பாரதூரமான குற்றச்சாட்டாகும்.

எதிர்வரும் காலங்களில் எவரும் இத்தகைய குற்றச் செயல்களைச் செய்வதற்குக் கூட எத்தனிக்கக் கூடாது என்ற வகையில் இந்தக் குற்றச்சாட்டுக்கு அதிக பட்ச தண்டனை வழங்கப்படுகின்றது.

தன்னுடைய காதலனுடன் ஒதுக்குப்புறமாக நின்ற பொழுது காதலனைத் தாக்கிய 3 எதிரிகளும் 18 வயது நிரம்பிய பெண்ணை குழு பாலியல் வல்லுறவு செய்துள்ளமை மிகமோசமான குற்றச் செயலாகும்.

இந்தச் சம்பவத்தின் பின்னர் காதலனும் அந்தப்பெண்ணைக் கைவிட்டு, வேறொரு பெண்ணைத் திருமணம் செய்துள்ளமையும் அந்தப் பெண்ணைப் பாதித்துள்ளது.

ஆகவே பாதிக்கப்பட்ட அந்த இளம் பெண்ணின் எதிர்காலத்தை இந்த நீதிமன்றம் கவனத்திற் கொண்டு, அவருக்கு இழைக்கப்பட்ட குற்றச் செயலுக்கு குற்றவாளிகள் இருவரும் நட்டஈடாக தலா பத்து இலட்சம் செலுத்த வேண்டும் என தீர்ப்பளிக்கின்றது.

நட்டஈடாகிய பத்து இலட்சம் ரூபாவைச் செலுத்தத் தவறினால் மேலும் பத்து வருடம் கடூழியச் சிறைத் தண்டனை அனுபவிக்க வேண்டும் என்றும் இந்த மன்று தீர்ப்பளிக்கின்றது.

அத்துடன் எதிரிகள் இருவரும் தலா பத்தாயிரம் ரூபா தண்டப்பணம் செலுத்த வேண்டும். தவறினால் 6 மாதம் சிறைத் தண்டனை அனுபவிக்க வேண்டும் என்று நீதிபதி இளஞ்செழியன் தெரிவித்தார்.

இந்தக் குற்றச் செயல் இடம்பெற்றதையடுத்து, துரிதமாக செயற்பட்டு பாதிக்கப்பட்ட பெண்ணை உடனடியாக வைத்தியசாலைக்கு அனுப்பி வைத்த 3 இராணுவ உத்தியோகத்தர்களான ரத்நாயக்க, அஜித் சாகர, திலிப் குமார ஆகிய மூவரையும் அவர்களுடைய துரிதமான செயற்பாட்டுக்காக நீதிபதி இளஞ்செழியன் பாராட்டினார்.

சம்பவ இடத்தில் கண்டெடுக்கப்பட்ட அடையாள அட்டையின் துணையுடன் 24 மணித்தியாலம், 48 மணித்தியாலத்துக்குள் இரண்டு எதிரிகளையும் கைது செய்திருந்த பொலிஸாரையும் பாராட்டியதுடன், இந்த வழக்கை துரிதமாக விசாரணை செய்த மாவட்ட நீதவானுக்கும் நீதிபதி இளஞ்செழியன் தனது பாராட்டுக்களைத் தெரிவித்தார்.

இந்த வழக்கில் தலைமறைவாகியுள்ள மூன்றாவது எதிரிக்கான விசாரணையை நீதிபதி எதிர்வரும் மே மாதம் 16 ஆம் திகதிக்கு ஒத்தி வைத்தார்.

கவனயீனத்துடன் வாகனம் செலுத்துவதால் தினமும் பல உயிரிழப்புக்களை சந்திக்க நேரிடுகின்றது. கடந்த 24 மணித்தியாலங்களில் சில பகுதிகளில் பதிவான வாகன விபத்துக்களில் 6 பேரின் உயிர்கள் காவுகொள்ளப்பட்டன. உயிரிழர்வர்களில் கர்ப்பிணித் தாயொருவரும் அடங்குகின்றார்.

நேற்றிரவு ஏழு மணியளவில் அவிசாவரள – நீர்கொழும்பு பிரதான வீதியின் அமிதிரிகல எரெந்தெனிய பகுதியில் தனியார் பஸ்ஸூம் வேனும் நேருக்கு நேர் மோதி விபத்துக்குள்ளாகின.

இந்த விபத்தில் மூவர் உயிரிழந்தனர். விபத்துக்குள்ளான வேனில் 9 பேர் பயணித்துள்ளதாக பொலிஸார் தெரிவித்தனர்.

காயமடைந்த ஆறு பேர் அவிசாவளை வைத்தியசாலையில் அனுமதிக்கப்பட்டதுடன், கவலைக்கிடமான நிலையிலிருந்த பெண்கள் இருவர் தேசிய வைத்தியசாலைக்கு மாற்றப்பட்டனர்.

இதேவேளை, நேற்றிரவு கந்தளாய் – திருகோணமலை பிரதான வீதியின் பாலம்போட்டாறு பகுதியில் மற்றுமொரு விபத்து பதிவானது.

திருகோணமலையிலிருந்து கந்தளாய் நோக்கி நெல் அறுவடை இயந்திரத்தை ஏற்றிப் பயணித்த உழவு இயந்திரம், முன்னாள் வந்த சிறிய ரக லொறியுடன் மோதி விபத்துக்குள்ளானது.

சிறியரக லொறியில் பயணித்த 16 பேர் திருகோணமலை வைத்தியசாலையில் அனுமதிக்கப்பட்டுள்ளனர்.

இதேவேளை, இன்று அதிகாலை 3.30 அளவில் ஹிக்கடுவை – திரானகம பகுதியில் இடம்பெற்ற வாகன விபத்தில் இளைஞரொருவர் உயிரிழந்தார்.

காலியிலிருந்து – ஹிக்கடுவை நோக்கிப் பயணித்த முச்சக்கர வண்டி வேகக்கபட்டுப்பாட்டை இழந்து, வீதியை விட்டு விலகி மதில் சுவருடம் மோதி விபத்துக்குள்ளானது.

முச்சக்கரவண்டியில் நால்வர் பயணித்துள்ளதுடன், இதில் காயமடைந்த மூவர் வைத்தியசாலையில் அனுமதிக்கப்பட்டனர்.

இதேவேளை, கஹட்டகஸ்திகிலிய – மெக்கிச்சாவ பகுதியில் இடம்பெற்ற வாகன விபத்தில் 11 வயது சிறுவனொருவன் உயிரிழந்துள்ளார்.

தனது தாயுடன் மோட்டார் சைக்கிளில் பயணித்த சந்தர்ப்பத்தில், பின்னால் வந்த வாகனமொன்று மோதியதில் சிறுவன் உயிரிழந்துள்ளார்

விபத்தில் படுகாயமடைந்த சிறுவனின் தாய் அநுராதபுரம் போதனா வைத்தியசாலையில் அனுமதிக்கப்பட்டார்.

இன்று முற்பகல் இடம்பெற்ற மற்றுமொரு வாகன விபத்தில் பண்டாரவளை – எத்தலபிடிய பகுதியைச் சேர்ந்த கர்ப்பிணித் தாயொருவர் உயிரிழந்தார்.

தனது பிள்ளையுடன் சந்தைக்குச் சென்று வீடு திரும்பிய இவர் காரை நிறுத்துவதற்கு முயன்றபோது அது 150 அடி பள்ளத்தில் வீழ்ந்துள்ளதாக பொலிஸார் தெரிவித்தனர்.

விபத்தில் காயமடைந்த பிள்ளை பண்டாரவளை மாவட்ட வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

இலங்கை கிரிக்கெட் முகாமையாளர் என்ற புதிய பதவியொன்றை இலங்கை கிரிக்கெட் நிறுவனம் அறிமுகப்படுத்தியுள்ளது.

1996 ஆம் ஆண்டு உலகக்கிண்ணத்தை வென்ற இலங்கை அணியின் நம்பிக்கை நட்சத்திரமாக மிளிர்ந்த அசங்க குருசிங்கவுக்கு இந்த புதிய பதவி வழங்கப்பட்டுள்ளது.

1990 ஆம் ஆண்டு காலப்பகுதிகளில் இலங்கை அணியின் நம்பிக்கை நட்சத்திரமாக மிளிர்ந்த அசங்க குருசிங்க 1996 ஆம் ஆண்டு உலகக்கிண்ண போட்டிகளில் இலங்கை அணி, சம்பியனாவதற்கு முக்கிய காரணமாக விளங்கியவர்.

டெஸ்ட் கிரிக்கெட் போட்டிகளில் அதிசிறப்பான ஆற்றல்களை வெளிப்படுத்திய குருசிங்க 41 டெஸ்ட் போட்டிகளிலும் , 147 ஒருநாள் சர்வதேசக் கிரிக்கெட் போட்டிகளிலும் இலங்கை அணிக்காக விளையாடியுள்ளார்.

இன்று கொழும்பில் நடைபெற்ற ஊடகவியலாளர் சந்திப்பில் இலங்கை கிரிக்கெட் நிறுவனத்தின் முகாமையாளராக செயற்படவுள்ளமை தொடர்பில் குருசிங்க கருத்து வெளியிட்டார்.

இலங்கை அணியுடன் மீண்டும் இணைந்து செயற்படவுள்ளமை அதிக மகிழ்ச்சியளிக்கின்றது.இந்த பதவியை எனக்கு தந்தமைக்காக இலங்கை கிரிக்கெட் நிறுவனத்தின் தலைவருக்கு நன்றிகளை தெரிவித்துக் கொள்கின்றேன்.2019 ஆம் ஆண்டு உலகக்கிண்ண போட்டிகளை முன்னிலையாகக் கொண்டு விளையாடி வருகின்ற இளம் இலங்கை அணி, சிறப்பான பெறுபேறுகளை பெற முடியும். இலங்கை கிரிக்கெட் அணிக்கு நான் கடமைப்பட்டிருக்கின்றேன்.
அசங்க குருசிங்கவுக்கு இந்த பதிவி வழங்கப்பட்டமை தொடர்பில இலங்கை கிரிக்கெட் நிறுவனத்தின் தலைவர் திலங்க சுமதிபால கருத்து வெளியிட்டார்.

இலங்கை கிரிக்கெட் நிறுவனத்தை மறுசீரமைக்கும் ஒரு அங்கமாக அசங்க குருசிங்கவுக்கு இந்த முகாமையாளர பதவி வழங்கப்பட்டுள்ளது. எனவே இந்த பதவியின் பொறுப்பினை அசங்க குருசிங்க உணர்ந்து செயற்படுவார் என நினைக்கின்றேன் . இலங்கை கிரிக்கெட் அணியை அசங்க குருசிங்க வலுவான அணியாக கட்டமைப்பார் எனறும் நினைக்கின்றேன்.

கிளி­நொச்சி ஆனை விழுந்தான் பிர­தே­சத்தில் பிறந்த சிசுவை குழி தோண்டி புதைத்த சம்­பவம் ஒன்று இடம்­பெற்­றுள்­ளது. கடந்த 5 நாட்­க­ளுக்கு முன்னர் 22 வய­து­டைய யுவதி ஒருவர் வீட்டில் பிர­ச­வித்த குழந்­தையை வீட்டின் பின்னால் உள்ள மல­சல கூடத்­துக்கு அருகில் குழி­தோண்டி புதைத்­துள்­ள­தாக தெரி­விக்­கப்­ப­டு­கின்­றது.

சம்­ப­வத்­துடன் தொடர்­பு­பட்ட யுவதி மகப்­பேற்றின் பின்னர் ஏற்­பட்ட கடும் இரத்தப் போக்கின் கார­ண­மாக வைத்­தி­ய­சா­லையில் அனு­ம­திக்­கப்­பட்­ட­போது சம்­பவம் தொடர்பில் வைத்­தி­யர்­களின் விசா­ர­ணை­களின் பின்னர் தெரியவந்­துள்­ளது.

இத­னை­ய­டுத்து கிளி­நொச்சி பொலி­ஸா­ருக்கு கிடைத்த தக­வ­லை­ய­டுத்து சம்­பவம் தொடர்­பி­லான விசா­ர­ணை­களை மேற்­கொண்டு வரு­கின்­றனர்.

சம்­ப­வத்­துடன் தொடர்­பு­பட்ட பெண் கொழும்பில் ஆடை­த்தொ­ழிற்­சாலை ஒன்றில் பணி புரிந்து வந்­துள்­ள­தா­கவும் குறை மாதத்தில் பிறந்த குழந்தை இறந்து பிறந்த நிலையில் பிள்­ளையை இவ்­வாறு குழி தோண்டி புதைத்­துள்­ள­தா­கவும் பொலி­ஸாரின் ஆரம்ப கட்ட விசா­ர­ணை­களில் தெரிய வந்­துள்­ளது.