வவுனியா பாரதிபுரம் விக்ஸ் காட்டுப்பகுதியில் வசிக்கும் மக்கள் தமது காணிகளில் தாம் வாழ்வதற்கு அனுமதி வழங்கவேண்டும் எனக்கோரி வவுனியா மாவட்ட செயலகத்தின் முன்பாக இன்று(22.02.2017) காலை 10.30 மணிக்கு ஆரம்பமாக இப் போராட்டமானது தற்போதும் நடைபெற்றுக்கொண்டிருக்கின்றது.

வவுனியா பாரதிபுரம் விக்ஸ் காட்டுப்பகுதியில் கடந்த 5 தொடக்கம் 6 வருடங்களாக வசிக்கும் சுமார் 40 குடும்பங்கள் தாம் தொடர்ந்தும் வனத்துறையினரால் தொந்தரவுக்குள்ளாவதாகவும் தாம் வாழும் காணியை தமக்கு வழங்குவதற்கான வாக்குறுதி வழங்கியபோதிலும் இதுவரை எதுவித நடவடிக்கையும் மேற்கொள்ளவில்லை எனவும் தெரிவித்தே இம் மக்கள் ஆர்ப்பாட்டத்தில் ஈடுபட்டனர்.

தொடர்ந்து தமது நிரந்தர காணிக்கு போராடும் 30பொதுமக்களுக்கு தமிழ் விருட்சம் அமைப்பினரால் இரவு உணவு வழங்கப்பட்டமை குறிப்பிடத்தக்கது.

 
வவுனியா வளாகத்தை வன்னிப் பல்கலைக்கழகமாக மாற்றக் கோரி துண்டுப்பிரசுரங்கள் விநியோகம் செய்யப்பட்டுள்ளன. வவுனியா பல்கலைக்கழக மாணவர்களே குறித்த துண்டுப்பிரசுரங்களை விநியோகம் செய்து வருகின்றனர்.

எமது கோரிக்கைகளை ஏற்று வவுனியா வளாகத்தை வன்னிப் பல்கலைக்கழகமாக மாற்ற அரசு நடவடிக்கை எடுக்க வேண்டும்.

வன்னி பல்கலைக்கழகமே எமக்கு அவசியம் என்பதை வலியுறுத்தி எதிர்வரும் 28ஆம் திகதி மாபெரும் ஊர்வலம் ஒன்றினை நடத்தவுள்ளதாகவும் அனைவரும் அணி திரண்டு வர வேண்டும் எனவும் குறித்த துண்டு பிரசுரத்தினூடாக கோரிக்கை விடுக்கப்பட்டுள்ளது.

இதேவேளை வவுனியா வளாக ஆசிரியர்கள், மாணவர்கள், ஊழியர்கள்,பொது அமைப்புகள், பொது மக்கள் ஆகியோர் ஒன்றிணைந்து குறித்த போராட்டத்தினை முன்னெடுக்கவுள்ளமை குறிப்பிடத்தக்கது.

 
வவுனியா நகரசபையினரால் நகரசபையின் எல்லைக்குட்பட்ட பகுதிகளில் வீதி விளக்குகள் பொருத்தப்பட்டு வருகின்றது.

வவுனியா நகர்புறங்களில் ஏற்கனவே வீதி விளக்குகள் பொருத்தப்பட்ட நிலையில் இன்று புறநகர்ப்பகுதிகளாகிய தாண்டிக்குளம், கோவில்குளம், பூந்தோட்டம் மற்றும் ஓயார் சின்னக்குளம் போன்ற பகுதிகளில் வீதி விளக்குகள் பொருத்தும் நடவடிக்கையில் நகரசபை ஊழியர்கள் ஈடுபட்டுள்ளனர்.
இச்செயற்பாடு குறித்து கருத்து தெரிவித்த நகரசபை செயலாளர் த.தயாபரன்,

பொது மக்களின் வேண்டுகோளுக்கிணங்க பல சிரமத்திற்கு மத்தியில் நகரசபை வீதி விளக்குகளை பொருத்தும் நடவடிக்கையை முன்னெடுத்து வருகின்றது.

மின்சாரத்தை மிச்சப்படுத்தும் நோக்கில் பொதுமக்கள் தங்கள் ஒத்துழைப்பை வழங்கவேண்டும். தங்கள் வீடுகளுக்கு முன் மின் கம்பத்தில் பொருத்தப்பட்டுள்ள தெரு விளக்குகளை வீணாக எரிய விடாது காலக்கிரமத்தில் அணைக்க வேண்டும் இதன் காரணமாக மின்சாரத்தையும் கட்டணத்தையும் சேமிக்க முடியும் என்பதோடு நகர அபிவிருத்தியில் பொது மக்களின் ஒத்துழைப்பு அவசியம் எனக் குறிப்பிட்டார்.

 
வவுனியா பூந்தோட்டம் புனர்வாழ்வு நிலையத்தில் புனர்வாழ்வு பெற்று வந்த முன்னாள் விடுதலைப் புலிகள் நான்கு பேர் இன்று (22.02.2017) காலை சமூகத்துடன் இணைத்து வைக்கப்பட்டனர்.

வவுனியா பூந்தோட்டம் புனர்வாழ்வு நிலையப்பணியகத்தில் பூந்தோட்டம் புனர்வாழ்வு நிலையப் பணிப்பாளர் கேணல் ஹமில்டோன் தலைமையில் இடம்பெற்ற நிகழ்வில், புனர்வாழ்வு நிலைய பயிற்சிப் பொறுப்பாளர் கேணல் சித்திரகுணதூங்க, பூந்தோட்டம் புனர்வாழ்வு நிலையப் பொறுப்பதிகாரி பிரியந்த குணசேகர, புனர்வாழ்வு நிலைய பின்னாய்வு அதிகாரி ஏகன் பெர்ணான்டோ, பூந்தோட்டம் பொலிஸ் நிலைய பொறுப்பதிகாரி, சமயத் தலைவர்கள், முன்னாள் போராளிகளின் குடும்ப உறுப்பினர்கள், படையினர், பொலிசார், விமானப்படையினர் என பலரும் கலந்து கொண்டனர்.

விடுதலைப் புலிகளுடன் தொடர்புகளைப் பேணியதாக குற்றம் சாட்டப்பட்டு கைது செய்யப்பட்ட நிலையில் நீதிமன்ற உத்தரவுக்கமைய ஒருவருட புனர்வாழ்வைப் பூர்த்தி செய்த தேவராஜா ஜெகதீபன் (மட்டக்களப்பு), ரங்கசாமி நந்தகுமார் (மட்டக்களப்பு), யோசப் டின்டாஸ் விவிலியன் (மட்டக்களப்பு), கணேசன் துசாந்தன் (மட்டக்களப்பு) ஆகிய நான்கு பேர் தமது குடும்பத்துடன் இணைத்து வைக்கப்பட்டனர்.

 
வவுனியா பண்டாரிகுளம், தட்சணாங்குளம் இந்து மயானத்தில் சந்தேகத்திற்கிடமான பொருட்கள் புதைக்கப்பட்டுள்ளது என்ற சந்தேகத்தின் பேரில் வவுனியா நீதிமன்ற அனுமதியுடன் குறித்த பகுதி இன்று தோண்டப்பட்ட போதும் பொருட்கள் எவையும் மீட்கப்படவில்லை. இச் சம்பவம் தொடர்பில் மேலும் தெரியவருவதாவது..

கடந்த சில தினங்களுக்கு முன்னர் வவுனியா, பண்டாரிகுளம் தட்சனாங்குளம் இந்து மயானத்தில் சந்தேகத்திற்கு இடமான முறையில் சிலர் நடமாடியிருந்ததுடன், அங்கு மூன்று இடங்களில் குழிகள் வெட்டப்பட்டும் இருந்தன. அக் குழி ஒன்றின் அருகில் இராணுவத் தேவைக்கு பயன்படுத்தப்படும் உரைப்பை ஒன்றும் சிதைவடைந்த நிலையில் காணப்பட்டது.

இதனையடுத்து குறித்த மயானத்தில் விடுதலைப்புலிகளால் புதைத்து வைக்கப்பட்ட ஆயுதங்கள் அல்லது நகைகள் இருக்கலாம் எனக் கருதி பொலிசார் கண்காணிப்பு நடவடிக்கைகளை மேற்கொண்டிருந்தனர். செவ்வாய்கிழமை காலையிலிருந்து மயானத்தைச் சுற்றி பொலிஸ் பாதுகாப்பு பலப்படுத்தப்பட்டிருந்தது.

இதனையடுத்து வவுனியா நீதிமன்றின் அனுமதி பெற்று நீதிமன்ற உத்தியோகத்தர் என்.முருகதாஸ் முன்னிலையில் வவுனியா பிரதேச செயலாளர் கா.உதயராசா, அப்பகுதி கிராம அலுவலர் உமாபதி, வவுனியா பொலிஸ் நிலை பதில் பொறுப்பதிகாரி, வவுனியா குற்றத்தடுப்பு பிரிவு பொலிசார், விசேட அதிரடிப்படையினர், தொல்பொருள் ஆராச்சியாளர்கள் ஆகியோரின் பங்குபற்றுதலுடன் குறித்த பகுதி கனகரக வாகனத்தின் உதவியுடன் தோண்டப்பட்டது. நீண்ட நேரமாக தோண்டப்பட்ட போதும் அப்பகுதியில் இருந்து எவையும் மீட்கப்படவில்லை. அதன் பின்னர் அக்குழிகள் மீண்டும் மூடப்பட்டன.

இதேவேளை, குறித்த சில தினங்களுக்கு முன்னர் அப்பகுதி தோண்டப்பட்டு அங்கு மறைத்து வைக்கப்பட்டிருந்த பொருட்கள் காணாமற்போயிருக்கலாம் என்று சந்தேகிக்கப்படுகின்றது.

வவுனியாவில் கடந்த இரு தினங்களில் இருவர் பன்றிக் காய்ச்சல் காரணமாக அதி தீவிர சிகிச்சைப்பிரிவில் அனுமதிக்கப்பட்டு சிகிச்சையளிக்கப்பட்டு வருவதாக வவுனியா பொது வைத்தியசாலைப் பணிப்பாளர் வைத்தியர் கு.அகிலேந்திரன் தெரிவித்துள்ளார். அவர் மேலும் தெரிவிக்கையில்,

அண்மையில் கிளிநொச்சிப் பகுதியில் இனங்காணப்பட்ட பன்றிக் காச்சல் தொற்று இன்று வவுனியாவில் 25 வயதுடைய குழந்தை பிரசவித்த பெண் ஒருவரும், பூவரசன்குளத்தைச் சேர்ந்த 37வயதுடைய பெண் ஒருவரும் இனங்காணப்பட்டுள்ளதாகவும் இன் நோய்த் தொற்று சிறுவர்களுக்கே அதிகம் ஏற்படுவதற்கு வாய்ப்புக்கள் உள்ளதால் சிறுவர்களை தேவையின்றி அழைத்துக் கொண்டு வைத்தியசாலைக்கு வருவதைக் தவிர்த்துக் கொள்ளுமாறும் காய்ச்சல், தடிமன், உடல் சோர்வு ஏற்பட்டால் உடனடியாக அருகிலுள்ள வைத்தியசாலையில் சிகிச்சை பெறுமாறும் வைத்தியசாலைப்பணிப்பாளர் மேலும் தெரிவித்தார்.

 
வவுனியா மாவட்ட பொது வைத்தியசாலையில் நேற்று (21.02.2017) இரவு 10 மணியளவில் இடம்பெற்ற திருட்டுச்சம்பவமொன்று அங்கிருக்கும் சி.சி.ரி.வி கமராவில் பதிவாகியுள்ளது. இச் சம்பவம் தொடர்பாக மேலும் தெரியவருகையில்,

வவுனியா மாவட்ட பொது வைத்தியசாலையின் வைத்தியர்களின் வாகனத்தரிப்பிடத்தில் நேற்று (21.02.2017) இரவு நிறுத்தி வைக்கப்பட்டிருந்த வைத்தியசாலையின் பணிபுரியும் உத்தியோகத்தரின் முச்சக்கரவண்டியினுள் பொருத்தப்பட்டிருக்கும் பொட்டகத்தில் (safty box) இருந்த பெறுமதி வாய்ந்த பொருட்களை களவாடிச் சென்றுள்ளனர்.

இச் சம்பவம் வைத்தியசாலையில் பொருத்தப்பட்டிருக்கும் சி.சி.ரி.வி கமராவில் பதிவாகியுள்ளது.

 
வவுனியா பாரதிபுரம் விக்ஸ் காட்டுப்பகுதியில் வசிக்கும் மக்கள் தமது காணிகளில் தாம் வாழ்வதற்கு ஆனுமதி வழங்கவேண்டும் எனக்கோரி வவுனியா மாவட்ட செயலகத்தின் முகாபாக இன்று(22.02.2.17) ஆர்ப்பாட்டத்தில் ஈடுபட்டனர்.

வவுனியா பாரதிபுரம் விக்ஸ் காட்டுப்பகுதியில் கடந்த 5 தொடக்கம் 6 வருடங்களாக வசிக்கும் சுமார் 40 குடும்பங்கள் தாம் தொடர்ந்தும் வனத்துறையினரால் தொந்தரவுக்குள்ளாவதாகவும் தாம் வாழும் காணியை தமக்கு வழங்குவதற்கான வாக்குறுதி வழங்கியபோதிலும் இதுவரை எதுவித நடவடிக்கையும் மேற்கொள்ளவில்லை எனவும் தெரிவித்தே இம் மக்கள் ஆர்ப்பாட்டத்தில் ஈடுபட்டனர்.

இந் நிலையில் ஆர்ப்பாட்டத்தில் ஈடுபட்டவர்கள் தாம் மின்சார வசதியோ, வீதி வசதியோ, வீட்டுவசதியோ இன்றி வாழ்வதனால் தமது பிள்ளைகளின் எதிர்கலமும் கேள்விக்குள்ளாகி வருவதாக தெரிவத்திருந்தனர்.

இந் நிலையில் தாம் வாழும் காணிளை தமக்கு வழங்க நடவடிக்கை எடுக்க வேண்டும் எனவும் இல்லையேல் தொடர்ந்து போராட்டம் நடத்தவுள்ளதாகவும் அவர்கள் தெரிவித்தனர்.

இதேவேளை ஆர்ப்பாட்டத்தில் ஈடுபட்டவர்களுடன் வட மாகாணசபை உறுப்பினர் செ.மயூரன் கலந்துரையாடியிருந்தனர்.