நீர்கொழும்பு இந்து மத்திய கல்லூரியின் வருடாந்த இல்ல விளையாட்டுப் போட்டியின் போது சுகயீனம் காரணமாக மாணவன் ஒருவன் விழுந்து உயிரிழந்துள்ளார்.

குறித்த பாடசாலையில் இடம்பெற்ற இல்ல மெய்வல்லுனர் போட்டியின் போதே குறித்த மாணவன் மயங்கி விழுந்து மரணமடைந்துள்ளதாக தெரிவிக்கப்படுகின்றது.

இதில் உயிரிழந்தவர், அதே பிரதேசத்தை சேர்ந்த 7 ஆம் தரத்தில் கல்வி கற்கும் மாணவன் என்று குறிப்பிடப்பட்டுள்ளது.

விளையாட்டுப்போட்டிகளின் நிகழ்ச்சியை பார்த்துக்கொண்டிருந்த குறித்த மாணவன் திடீரென மயக்கமடைந்து விழுந்துள்ளார்.

மாணவனை உடனடியாக வைத்தியசாலைக்கு கொண்டு சென்ற போதும் அவர் உயிரிழந்துள்ளதாக கூறப்படுகின்றது.

மேலும் இந்த மாணவன் எந்தவித போட்டிகளிலும் கலந்துகொள்ளவில்லை என ஆசிரியர்கள் தெரிவித்துள்ளமை குறிப்பிடத்தக்கது.

மன்னாரில் இடம்பெற்ற மோட்டார் சைக்கிள் விபத்தில் நான்கு பேர் படுகாயமடைந்துள்ளனர். மன்னாரிலில் இருந்து வவுனியா நோக்கி சென்றுகொண்டிருந்த மோட்டார் சைக்கிளே இவ்வாறு விபத்துக்குள்ளாகியுள்ளது.

இரண்டு மோட்டார் சைக்கிள்கள் வேகமாக பயணித்துக்கொண்டிருந்த போது ஒரு மோட்டார் சைக்கிள் வழிமாறுவதற்கு முற்பட்ட வேளையிலேயே குறித்த விபத்து இடம்பெற்றுள்ளது.

இதேவேளை படுகாயமடைந்த நான்கு இளைஞர்களும் முருங்கன் வைத்தியசாலையில் அனுமதிக்கப்பட்டுள்ளனர்.

இச்சம்பவம் தொடர்பிலான மேலதிக விசாரணைகளை முருங்கன் பொலிஸார் மேற்கொண்டு வருகின்றனர்.

கிளிநொச்சி ஜெயந்திரநகரைச் சேர்ந்த 17 மாணவி ஒருவர் கிளிநொச்சி மாவட்ட வைத்தியசாலையில் அனுமதிக்கப்பட்டு மரணமடைந்துள்ளார்.

இவரது மரணத்திற்கு டெங்கு அல்லது எலிக்காச்சல் காரணமாக இருக்கலாம் என சந்தேகிப்பப்படுகின்ற போதும் டெங்கு காச்சலுக்கான வாய்பே அதிகமுள்ளது என i வைத்தியசாலை தகவல்கள் தெரிவிகின்றன.

மாணவியின் மரணத்திற்கான காரணத்தை அறிந்துகொள்வதற்காக மாதிரிகள் பரிசோதனைக்காக கொழும்புக்கு அனுப்பட்டுள்ளது எனவும் வைத்தியசாலை தகவல்கள் மேலும் தெரிவித்துள்ளன.

குறித்த மாணவி காய்ச்சல் கடந்த ஞாயிற்றுக் கிழமை கிசிச்சை பெற்றுள்ளார். பின்னர் சுகமடைந்த நிலையில் மீண்டும் கால், கை குத்து காரணமாக நேற்று வியாழக்கிழமை வைத்தியசாயைலில் அனுமதிக்கப்பட்ட நிலையில் இன்று வெள்ளிக்கிழமை அதிகாலை மரணமடைந்துள்ளார்.

டெங்கு காய்ச்சல் ஒரு நோயாளிக்கு மூன்று நிலைகளில் தாக்குகின்றது எனவும், அதில் ஒரு நிலை காய்ச்சல் ஏற்பட்டு பின்னர் அது சுகமடைந்த நிலையில் உடலில் டெங்கு தொற்று தீவிரமடைவது. எனவே காய்ச்சல் ஏற்பட்டு சிகிச்சை பெற்ற பின்னர் உடல் வழமைக்கு மாறாகவும், கை,கால் குத்து வலி போன்ற அறிகுறிகள் தொடர்ந்தும் காணப்பட்டால் உடனடியாக அரச மருத்துவமனையை நாடி உரிய பரிசோதனையை மேற்கொள்ளுமாறு மருத்துவர்கள் மக்களிடம் கேட்டுக்கொள்கின்றனர்.

கிளிநொச்சி மாவட்டதத்தில் தற்போது டெங்கு தொற்று வேகமாக பரவி வருவதனால் மக்கள் நுளம்பு பெருக்கம் ஏற்படாத வகையில் சுற்றுச் சூழலை வைத்திருப்பதோடு உடனடியான உரிய சிகிகை பெற்றுக்கொள்ளுமாறும் கேட்டுக்கொள்கின்றனர். மாவட்ட சுகாதார துறையினர் வேண்டு கோள் விடுத்துள்ளமை குறிப்பிடத்தக்கது.

இளம் தாய் ஒருவரின் தவறினால் பிறந்து 14நாள் ஆண்சிசுவொன்று உயிரிழந்த சம்பவம் ஒன்று யாழ்ப்பாணத்தில் பதிவாகியுள்ளது. சிசுவிற்கு வழங்கிய மருந்து வில்லையே உயிரிழப்பிற்கு காரணம் என தெரிவிக்கப்பட்டுள்ளது.

யாழ். நல்லிணக்க புரத்தில் இந்த சம்பவம் இடம்பெற்றுள்ளது. குறித்த பகுதியில் வசிக்கும் 23 வயதான பெண் ஒருவருக்கு கடந்த மாதம் 31ஆம் திகதி ஆண் குழந்தையொன்று பிறந்ததுள்ளது.

குழந்தை சுகதேகியாகவே இருந்துள்ளதாக தெரிவிக்கப்படுகின்றது. எனினும், குழந்த 8 மாதத்தில் பிறந்த காரணத்தினால் குழந்தைக்கென சில மாத்திரை வழங்கப்பட்டுள்ளன.

இதேவேளை, தாயாருக்கும் குருதி அழுத்தம் இருந்தமையினால் அவருக்கும் மாத்திரை வழங்கப்பட்டிருந்தன. இந்த நிலையில் கடந்த 13ம் திகதி மாலை குழந்தைக்கு தாயார் மருந்து கொடுத்துள்ளார்.

எனினும், மறு நாள் அதிகாலை 3 மணியளவில் குழந்தை மூச்சு விட சிரமப்படுவதனை தயார் அவதானித்துள்ளார். இதனையடுத்து, சிசுவை தாயார் தெல்லிப்பழை வைத்தியசாலையில் அனுமதித்துள்ளார்.

சிசு மேலதிக சிகிச்கைளுக்காக யாழ். போதனா வைத்தியசாலைக்கு மாற்றப்பட்டபோதும் சிகிச்சை பலனின்றி உயிரிழந்துள்ளதாக தெரிவிக்கப்படுகின்றது.

இதேவேளை, குழந்தை தொடர்ச்சியாக அழுதுகொண்டிருந்தமையால் பதற்றமடைந்த அந்த இளம் தாய், குழந்தைக்கு கொடுக்கவேண்டிய மாத்திரைக்கு பதிலாக, தனக்கு வழங்கிய மாத்திரையை வழங்கியிருப்பதாக விசாரணைகளின் மூலம் கண்டறியப்பட்டுள்ளது.

ஒற்றைக் கண்ணுடன் ஆட்டுக்குட்டி ஒன்று பிறந்துள்ள சம்பவம் ஒன்று கேகாலை பகுதியில் பதிவாகியுள்ளது.

கேகாலை – கருந்தப்பனை என்ற இடத்தில் இந்த ஆட்டுக்குட்டி நேற்று பிறந்துள்ளதாக தெரிவிக்கப்படுகின்றது.

குறித்த பகுதியில் உள்ள ஆடு ஒன்று இரண்டு ஆட்டுக் குட்டிகளை ஈன்றுள்ள போதிலும், அதில் ஒரு ஆட்டுக்குட்டி ஒற்றைக்கண்ணுடன் பிறந்துள்ளதாக தெரிவிக்கப்படுகின்றது.

எவ்வாறாயினும், இந்த ஒற்றைக்கண் ஆட்டுக்குட்டி பார்ப்பதற்கு வேற்றுக் கிரகவாசியை போல தோற்றமளிப்பதாக தெரிவிக்கப்படுகின்றது.

குழந்தைப் பாக்­கி­யத்தைப் பெற்றுக் கொள்­வ­தற்­காக நாகொல்­லா­கொட பிர­தே­சத்தில் தேவா­லயம் ஒன்­றுக்குச் சென்ற பெண் ஒருவரை அந்த தேவா­ல­யத்­தினுள் நிர்­வா­ண­மாக்கி வல்­லு­ற­வுக்கு உட்­ப­டுத்த முயன்­ற­தாகச் கூறப்­படும் தேவா­லய பூசகர் ஒருவர் பிங்­கி­ரிய பொலி­ஸாரால் கைது செய்­யப்­பட்டு ஹெட்­டி­பொல பொலி­ஸா­ரிடம் ஒப்­ப­டைக்­கப்­பட்­டுள்ளார்.

குறித்த பெண் ஹல்­மில்­லேவ பிர­தேச வீடொன்றில் இடம்­பெற்ற பூஜை ஒன்றில் சந்­தேக நப­ரான பூச­கரைச் சந்­தித்து தனக்கு குழந்தைப் பாக்­கியம் இல்லை எனத் தெரி­வித்­துள்ளார்.

இதன்பின்னர் அவ­ளது உடம்பில் உள்ள திருஷ்­டியை நீக்­கினால் குழந்தைப் பாக்­கியம் கிடைக்கும் என்­றும், நாகொல்­லா­கொட பிர­தே­சத்தில் அமைந்­துள்ள தனது தேவா­ல­யத்­துக்கு குளித்­து­விட்டு சுத்­த­மாக பூஜைப் பொருட்­க­ளுடன் வரு­மாறும் பூசகர் அப்­பெண்­ணிடம் தெரி­வித்­துள்ளார்.

இத­னை­ய­டுத்து குறித்த பெண் தனது கண­வ­ருடன் தேவா­ல­யத்­துக்குச் சென்­றுள்­ள­தோடு பூசகர் அப்­பெண்ணின் கண­வரை வெளியே அமரச் செய்­து­விட்டு அவரை மாத்­திரம் தேவா­லய அறை­யினுள் அழைத்துச் சென்று உடம்பில் எண்ணெய் தேய்க்க வேண்டும் எனக் கூறி பெண்ணின் மேலா­டை­களை கழையச் செய்து எண்ணெய் தேய்த்­துள்ளார்.

அதன்பின்னர் பாய் ஒன்றில் அப்­பெண்ணைப் படுக்க வைத்து உடம்பில் ஏனைய பகு­தி­க­ளுக்கும் எண்ணெய் தேய்க்க ஆயத்­த­மாகி தானும் நிர்­வா­ண­மா­னதால் அச்­ச­ம­டைந்த பெண் அங்­கி­ருந்து வெளியே ஓடி­வந்து பிங்­கி­ரிய பொலிஸ் நிலைத்தில் சம்­பவம் தொடர்பில் முறைப்­பாடு செய்­துள்ளார்.

இந்த முறைப்­பாட்­டை­ய­டுத்து குறித்த தேவா­ல­யத்­திற்கு பொலிஸார் சென்ற போது சந்­தேக நப­ரான பூசாரி அங்­கி­ருந்து தப்பிச் சென்­றுள்­ள­தோடு பின்னர் மறு­நா­ளான நேற்று முன்­தினம் பொலிஸ் நிலை­யத்தில் அவர் சர­ண­டைந்­துள்­ள­தாகத் தெரி­விக்­கப்­ப­டு­கின்­றது.

இச்­சந்­தேக நபரை நீதி­மன்­றத்தில் ஆஜர்­ப­டுத்­து­வ­தற்­காக ஹெட்­டிப்­பொல பொலிஸ் நிலை­யத்தில் பிங்­கி­ரிய பொலி­ஸா­ரினால் ஒப்­ப­டைக்­கப்­பட்­டுள்ளார்.

வீதிகளில் நாய்களை விட்டு செல்பவர்கள் மற்றும் வீதிகளில் திரியவிடுபவர்களுக்கு எதிராக ரூபாய் 25 ஆயிரம் அபராதம் மற்றும் 6 மாத சிறைத் தண்டனையும் விதிப்பதற்கு சட்டத்தை உருவாக்கவுள்ளதாக மாகாண சபை மற்றும் உள்ளுராட்சி மன்ற அமைச்சு தெரிவித்துள்ளது.

கொழும்பில் நேற்று இடம்பெற்ற ஊடக சந்திப்பில் கலந்து கொண்டு உரையாற்றிய அமைச்சர் பைசர் முஸ்தபா மேற்கொண்டவாறு தெரிவித்துள்ளார்.

பொது இடங்களில் நாய்களை கொண்டு வந்து விட்டு செல்லும் நபர்களை இனங்கண்டு கொள்ளுவதற்கு சிசிரிவி கெமராக்களையும் பொருத்துவதற்கு தீர்மானிக்கப்பட்டுள்ளதாக அவர் மேலும் இதன்போது தெரிவித்தமை குறிப்பிடத்தக்கது.