போக்குவரத்து விதி மீறல்களில் ஈடுபடும் சாரதிகளுக்கு 25000 ரூபா அபராதம் விதிப்பது குறித்து இன்றைய தினம் முக்கிய பேச்சுவார்த்தை நடத்தப்படவுள்ளது.

வரவு செலவுத் திட்டத்தில் போக்குவரத்து விதி மீறல்களில் ஈடுபடும் சாரதிகளுக்கு 25000 ரூபா அபராதம் விதிக்க பரிந்துரை செய்யப்பட்டிருந்தது.இந்த பரிந்துரை குறித்து இன்று தீர்மானம் மிக்கதோர் பேச்சுவார்த்தை நடத்தப்படவுள்ளது.

இந்தப் பேச்சுவார்த்தையின் பின்னர் 25000 ரூபா அபராதத்தை நடைமுறைப்படுத்தும் காலம் பற்றி நிர்ணயம் செய்யப்படவுள்ளதாக வீதிப் போக்குவரத்து குறித்த தேசிய சபையின் தலைவர் கலாநிதி சிசிர கோதாகொட தெரிவித்துள்ளார்.

25000 ரூபா அபராதத்தை குறைப்பதற்கோ அல்லது ரத்து செய்வதற்கோ அரசாங்கம் தீர்மானிக்கவில்லை என அவர் குறிப்பிட்டுள்ளார்.

அதிக வேகமாக வாகனத்தைச் செலுத்துதல், குடிபோதையில் வாகனம் செலுத்துதல் உள்ளிட்ட ஏழு வீதிப் போக்குவரத்து விதி மீறல்களுக்கு இவ்வாறு 25000 ரூபா அபராதம் விதிக்க பரிந்துரை செய்யப்பட்டது.

இந்த 25000 ரூபா அபராதத்திற்கு தனியார் பஸ் உரிமையாளர் சங்கம் உள்ளிட்ட பல்வேறு தரப்புக்கள் கடும் எதிர்ப்பை வெளியிட்டிருந்தனர்.

இதனைத் தொடர்ந்து, இந்த விடயம் குறித்து ஆராய்வதற்காக ஜனாதிபதி குழு ஒன்றை நியமித்திருந்தார்.

நிதி அமைச்சு, போக்குவரத்து அமைச்சு ஆகியனவற்றின் செயலாளர்கள், மோட்டார் போக்குவரத்து பொலிஸ் பிரிவு, தனியார் பஸ் உரிமையாளர் சங்கப் பிரதிநிதிகள், போக்குவரத்து சங்கங்களின் பிரரதிநிதிகள் உள்ளிட்டவர்கள் இந்தக் குழுவில் அங்கம் வகிக்கின்றனர்.

இந்தக் குழு இன்றைய தினம் கூடி, 25000 ரூபா அபராதம் தொடர்பில் முக்கிய தீர்மானத்தை எடுக்கவுள்ளது.

வயிற்றுக்குள் பஞ்சை வைத்து தைத்து அறுவை சிகிச்சை மேற்கொண்ட மகப்பேற்று விசேட நிபுணத்துவ வைத்தியர் ஒருவரிடம், இரண்டு பிள்ளைகளின் தாய் 10 கோடி ரூபா நட்டஈடு கோரி வழக்குத் தாக்கல் செய்துள்ளார். கொழும்பு மாவட்ட நீதிமன்றில் நேற்று இந்த மனு தாக்கல் செய்யப்பட்டுள்ளது.

மகப்பேற்றுக்காக கொழும்பின் பிரபல தனியார் வைத்தியசாலை ஒன்றில் சிகிச்சை பெற்றுக் கொண்ட எம்.சீ.ரீ.டி பெரேரா என்ற 23 வயதான இரண்டு பிள்ளைகளின் தாயே சட்டத்தரணியின் ஊடாக வழக்குத் தாக்கல் செய்துள்ளார்.

சிசேரியன் அறுவை சிகிச்சை மூலம் இரண்டாவது குழந்தையை ஈன்றெடுத்த குறித்த தாய், கடந்த சில மாதங்களாக கடுமையான வயிற்றுவலி உள்ளிட்ட நோய்களினால் பாதிக்கப்பட்டிருந்தார்.

அறுவை சிகிச்சையின் பின்னர் குறித்த பெண் வயிற்று வலி குறித்து வைத்தியரிடம் கூறிய போதிலும் உரிய பரிசோதனை எதனையும் செய்யாத வலி நிவாரணிகளை மட்டும் வழங்கி வீட்டிற்கு அனுப்பி வைத்தாகத் தெரிவிக்கப்படுகிறது.

சில மாதங்களாக வயிற்று வலி மற்றும் ஏனைய உடல் உபாதைகளினால் அவதியுற்ற குறித்த பெண், வேறு ஒர் வைத்தியசாலையில் சிகிச்சை பெற்றுக் கொண்ட போது, அறுவை சிகிச்சையில் ஒரு தொகுதி பஞ்சு வயிற்றுக்குள் வைத்து வயிற்றை தைத்துள்ளமை கண்டறியப்பட்டது.

கடந்த 2016ம் ஆண்டு ஜனவரி மாதம் 3ம் திகதி குறித்த சிசேரியன் அறுவை சிகிச்சை மேற்கொள்ளப்பட்டுள்ளது.

குடலின் ஒரு பகுதியையும் வெட்டி அகற்ற நேரிட்டதாகவும், சில மாதங்களாக தாய்ப்பால் ஊட்ட முடியாத நிலைமை ஏற்பட்டதாகவும் தெரிவிக்கப்பட்டுள்ளது.

இந்த நிலைமை காரணமாக பெருமளவு செலவிட நேரிட்டதாகவும் உடல் உள ரீதியாக பாதிப்புக்களை எதிர்நோக்க நேரிட்டதாகவும் குறித்த பெண் மனுவில் சுட்டிக்காட்டியுள்ளார். இதற்காக தமக்கு பத்து கோடி ரூபா நட்டஈடு கோரி இந்த வழக்கைத் தாக்கல் செய்துள்ளார்

பாடசாலை மாணவி ஒருவரை திருமணம் செய்ய வைத்த பெற்றோர் பிபில பொலிஸாரினால் கைது செய்யப்பட்டுள்ளனர்.

சட்டவிரோதமான முறையில் 15 வயது சிறுமி அவரின பெற்றோரினால் 20 வயது இளைஞருக்கு இரகசியமாக திருமணம் செய்து வைத்துள்ளனர்.

மொனராகலை மாவட்டத்திலுள்ள பிபில, மெதகம பொலிஸ் பிரிவிற்கு உட்பட்ட பகுதியில் இந்த சம்பவம் பதிவாகியுள்ளது.

மெதக பாடசாலையில் 9ஆம் தரத்தில் கல்வி கற்ற மாணவி ஒருவருக்கே இவ்வாறு திருமணம் செய்து வைக்கப்பட்டுள்ளதாக தெரிவிக்கப்படுகின்றது.

இது தொடர்பில் பிபில பொலிஸ் நிலையத்தின் சிறுவர் மற்றும் பெண்கள் பகுதிக்கு கிடைத்துள்ள நிலையில் அந்த சிறுமி, இளைஞர் பெற்றோரை பொலிஸார் கைது செய்துள்ளனர்.

கைது செய்யப்பட்ட அனைவரையும் பிபில நீதிமன்றத்தில் ஆஜர்படுத்துவதற்கு நடவடிக்கை மேற்கொள்ளப்பட்டுள்ளது

15 வயது பாட­சாலை மாணவி ஏழு மாதக் கர்ப்­ப­மான சம்­பவம் தொடர்பில் கைது செய்­யப்­பட்ட அச்­சி­று­மியின் தாயின் சட்­ட­ரீ­தி­யற்ற கண­வரை இம்­மாதம் 19 ஆம் திகதி வரையில் விளக்­க­ம­றி­யலில் வைக்­கு­மாறு நிக்­க­வெ­ரட்டி நீதிவான் திரு­மதி காஞ்­சனா டி.சில்வா உத்­த­ர­விட்­டுள்ளார்.

நிக்­க­வெ­ரட்­டிய ரம்­ப­பொக்­குன பிர­தே­சத்தைச் சேர்ந்த 33 வய­தான நபர் ஒரு­வரே இவ்­வாறு விளக்­க­ம­றி­யலில் வைக்­கப்­பட்­டுள்ளார்.

பாதிக்­கப்­பட்ட சிறுமி பரி­சோ­த­னைக்­காக வைத்­தி­ய­சா­லையில் அனு­ம­திக்­கப்­பட்­டுள்­ள­தா­கவும் பிர­தே­ச­வா­சிகள் வழங்­கிய தக­வ­லை­ய­டுத்து விசா­ர­ணை­களை மேற்­கொண்ட போது கடந்த ஏழு மாதங்­க­ளாக தாயின் சட்­ட­ரீ­தி­யற்ற கண­வரே சிறு­மி­யுடன் குடும்பம் நடத்­தி­யுள்­ள­தா­கவும் சந்­தேக நப­ரான சிறிய தந்­தையின் வேண்­டு­கோளில் இச்­சம்­ப­வத்தை தாயிடம் சிறு­மி­ம­றைத்­த­தா­கவும் பொலிஸார் நீதி­மன்­றத்தில் தெரி­வித்­தனர்.

சிறு­மியின் சிறிய வய­தி­லேயே தந்தை அவர்­களை விட்டுச் சென்­றுள்­ளதால் அதன் பின்னர் தாய் சட்­ட­ரீ­தி­யற்ற கணவர் ஒரு­வ­ருடன் வாழ்ந்து வரு­வ­துடன் அத்­தாய்க்கு தற்­போது ஏழு வயதில் மற்­றொரு பிள்­ளையும் உள்­ள­தா­கவும் தாய் வீட்டில் இல்லாத நேரம் இச்சிறுமி தனது சிறிய தந்தையினால் வல்லுறவுக்கு உட்படுத்தப்பட்டு வந்துள்ளதாகவும் பொலிஸார் தெரிவித்தனர்.

காத்தான்குடி பொலிஸ் பிரிவுக்குட்பட்ட புதிய காத்தான்குடி, கடற்கரை வீதியில் நேற்றிரவு 9.30 மணியளவில் இடம்பெற்ற வாகன விபத்தில் பெண் ஒருவர் உட்பட 5 பேர் காயமடைந்ததாக பொலிஸார் தெரிவித்தனர்.

இரண்டு மோட்டார் சைக்கிள்கள் ஒன்றுடன் ஒன்று மோதியதிலேயே இவ்விபத்து நிகழ்ந்துள்ளது.

இவ் விபத்தில் ஐந்து பேர் காயமடைந்த நிலையில் காத்தான்குடி ஆதார வைத்தியசாலையில் அனுமதிக்கப்பட்டு, படுகாயமடைந்த 19 வயது இளைஞர் ஒருவர் மேலதிக சிகிச்சைக்காக மட்டக்களப்பு போதனா வைத்தியசாலைக்கு மாற்றப்பட்டார்.

இவ்விபத்து தொடர்பான மேலதிக விசாரணைகளை காத்தான்குடி பொலிஸார் மேற்கொண்டுள்ளனர்.

பேஸ்புக் தொடர்பில் ஒரு கொள்கைத் தீர்மானத்தை எடுக்கவுள்ளதாக, ஊடகத்துறை அமைச்சின் செயலாளர் நிமல் போப்பகே தெரிவித்துள்ளார்.

இது பேஸ்புக்கிற்கு தடை விதிப்பது அல்ல, ஒழுங்குபடுத்தலே என சுட்டிக்காட்டிய அவர், அது குறித்த கலந்துரையாடல்கள் தற்போது இடம்பெற்று வருவதாகவும் கூறியுள்ளார்.

பேஸ்புக் வலைத்தளம் குறித்த பல்வேறு முறைப்பாடுகள் நாளாந்தம் கிடைக்கப்பெற்று வருவதாகவும் அவர் குறிப்பிட்டுள்ளார்.

கொழும்பில் இன்று இடம்பெற்ற நிகழ்வொன்றில் கலந்து கொண்டு கருத்து வௌியிட்ட போதே நிமல் போப்பகே இவ்வாறு தெரிவித்துள்ளார்.