8 நோயாளர்களுக்கு H1N1 நோய் தொற்று (பன்றிக்காய்ச்சல்) இனம்காணப்பட்டுள்ளதாக, பிபிலை வைத்தியசாலை தகவல்கள் தெரிவிக்கின்றன.

பிபிலை வைத்திய ஆய்வு பீடத்தில் மேற்கொள்ளப்பட்ட பரிசோதனைமூலம் குறித்த 8 நோய் தொற்றாளர்களும் இனங்காணப்பட்டுள்ளதாக வைத்தியசாலையின் பிரதம வைத்திய பரிசோதகர் தெரிவித்துள்ளார்.

இந்நிலையில் குறித்த நோய் தொற்றுடையவர்களாக சந்தேகிக்கப்படும் 28 இலிருந்து 30 வரையான நோயாளர்கள் தொடர்ச்சியான சிகிச்சைக்கு உட்பட்டு வருவதாக குறித்த வைத்தியசாலை செய்திகள் தெரிவிக்கின்றன.

அத்தோடு நோய்க்கான அறிகுறியாக தொடர்ச்சியான இருமல், தலைவலி, வயிற்றோட்டம், உடம்புவலி மற்றும் தொண்டை வலி என்பன தொடர்ச்சியாக நான்கு நாட்களுக்கு நீடிக்கும் பட்சத்தில் உடனடியாக வைத்தியரை நாடும் படி அறிவுறுத்தப்பட்டுள்ளனர்.

பன்றிக்காய்ச்சல் தாக்குதலுக்கு உள்ளாக்கப்படுபவர்களில் கர்ப்பிணி பெண்கள், 2 வயதிற்குட்பட்ட குழந்தைகள், 65 வயதிற்கு மேற்பட்டவர்கள், நீண்டகாலமாக புற்று நோய், நீரிழிவு நோய், மற்றும் எய்ட்ஸ் தொற்றுக்குள்ளானவர்கள் H1N1 நோய் தொற்றை வேகமாக பெறக்கூடியவர்களாக, இனம்காணப்பட்டுள்ளனர் என்பது குறிப்பிடத்தக்கது.

தூக்கில் தொங்கிய நிலையில் மட்டக்களப்பு வாழைச்சேனை பகுதியில் இளம் குடும்பஸ்தர் ஒருவர் சடலமாக மீட்கப்பட்டுள்ளார்.

குறித்த குடும்பஸ்தரின் சடலம் இன்று புதன்கிழமை காலை மீட்கப்பட்டதாக பொலிஸார் தெரிவித்துள்ளனர்.

சடலமாக மீட்கப்பட்டவர் அதே பிரதேசத்தினை சேர்ந்தவர் 22 வயதுடையவர் என்றும் (விநாயகம் தனா பிரியன்) , ஒரு பிள்ளையின் தந்தை எனவும் பொலிஸார் தெரிவித்துள்ளனர்.

மேலும் குறித்த இடத்தில் அவரது மோட்டார் சைக்கிள் மற்றும் கைத்தொலைபேசி என்பன கண்டுபிடிக்கப்பட்டுள்ளதாகவும், சடலமாக மீட்கப்பட்டவரின் கால்களில் இரத்த கறை காணப்படுவதாகவும் பொலிஸார் கூறியுள்ளனர்.

குறித்த சம்பவம் கொலையா, தற்கொலையா என்ற ரீதியில் வாழைச்சேனை பொலிஸார் மேலதிக விசாரணைகளை மேற்கொண்டுவருகின்றனர்.

யாழ். குப்பிளானில் பின்புறமாக வந்த மோட்டார் சைக்கிள் மோதியதில் படுகாயமடைந்த வயோதிபப் பெண் சிகிச்சை பலனின்றி இன்று யாழ்.போதனா வைத்தியசாலையில் உயிரிழந்துள்ளார்.

கடந்த 05ம் திகதி பிற்பகல் 06.30 மணியளவில் யாழ். குப்பிளான் சந்திக்கருகாமையில் மோட்டார்ச் சைக்கிளில் வேகமாக வந்த நபரொருவர் வீதியின் ஓரமாக வீடு நோக்கிச் சென்று கொண்டிருந்த வயோதிபப் பெண்மணியை மோதியிருந்தார்.

குறித்த வயோதிபப் பெண்மணி பின்தலையில் படுகாயமடைந்த நிலையில் யாழ்.போதனா வைத்தியசாலையின் அவசரப்பிரிவில் அனுமதிக்கப்பட்டிருந்தார்.

இந்தச் சம்பவத்தில் படுகாயமடைந்த வயோதிபப் பெண்மணியின் நிலைமை யாழ்.போதனா வைத்தியசாலையில் அனுமதிக்கப்பட்டிருந்த நாள் முதல் கவலைக்கிடமாகியிருந்த நிலையிலேயே இன்றைய தினம் உயிரிழந்துள்ளதாக வைத்தியசாலை வட்டாரங்கள் தெரிவித்துள்ளன.

வருடத்தின் இதுவரையான காலப்பகுதியில் டெங்கு காய்ச்சலால் பீடிக்கப்பட்ட 8697 பேர் பதிவாகியுள்ளதாக சுகாதார அமைச்சு தெரிவித்தது.

டெங்கு காய்ச்சலால் பீடிக்கப்பட்டவர்களில் 50 வீதமானோர் மேல் மாகாணத்தில் அடையாளம் காணப்பட்டுள்ளதாக தேசிய டெங்கு ஒழிப்பு செயற்றிட்டத்தின் சமூக வைத்திய நிபுணர் பிரசீலா சமரவீர குறிப்பிட்டார்.

கொழும்பு, கம்பஹா, யாழ்ப்பாணம், மட்டக்களப்பு, கல்முனை, காலி, மாத்தறை மற்றும் இரத்தினபுரி ஆகிய பகுதிகளில் டெங்கு காய்ச்சல் பரவும் அபாயம் அதிகரித்துள்ளதாகவும் அவர் சுட்டிக்காட்டினார்.

சுற்றாடலை சுத்தம் செய்வதற்காக குறிப்பிட்ட காலத்தை ஒதுக்கி வேலைத்திட்டங்கள் முன்னெடுக்கப்பட்டதாகவும், ஆனால் பாடசாலைகள், நிறுவனங்கள் மற்றும் வீடுகள் உள்ளிட்ட இடங்களில் டெங்கு நோய் பரவுதல் தொடர்பில் விசேட விழிப்புணர்வு தேவைப்படுவதாகவும் டொக்டர் பிரசீலா சமரவீர கூறினார்.

பாதுகாப்பு அமைச்சுடன் இணைந்து கொழும்பில் உள்ள 170 பாடசாலைகளில் டெங்கு ஒழிப்பு செயற்றிட்டத்தை மேற்கொண்டதாக அவர் சுட்டிக்காட்டினார்.

டெங்கு ஒழிப்பு செயற்றிட்டம் தொடர்பான சட்டமூலம் தொடர்பில் சமூக வைத்திய நிபுணரிடம் நியூஸ்பெஸ்ட் வினவியது.

இது தொடர்பான சட்டமூலம் சட்ட மா அதிபர் திணைக்களத்திற்கு அனுப்பிவைக்கப்பட்டுள்ளதாக அவர் பதிலளித்தார்.

யாழ்ப்­பா­ணத்தில் தற்­போது உரு­வெ­டுத்­துள்ள புதிய வாள்­வெட்டு கலா­சா­ர­மா­னது நீதி­மன்­றங்­க­ளுக்கும் நீதி­மன்­றங்­களின் தண்­ட­னை­க­ளுக்கும் சவா­லாக அமைந்­துள்ள நிலையில் இத்­த­கைய சமூக விரோத செயல்­களில் ஈடு­ப­டு­வோ­ருக்கு அதி­க­பட்­ச­மாக தண்­ட­னை­களை வழங்­கு­வதன் மூலமே இவற்றைக் கட்­டு­ப­டுத்த முடியும் என யாழ்.மேல் நீதி­மன்ற நீதி­பதி மா.இளஞ்­செ­ழியன் தெரிவித்துள்ளார்.

மேலும் நீதி­மன்­றங்­களால் வழங்­கப்­படும் பிணை­க­ளா­னது சமூ­கத்தின் பாது­காப்பை கருத்தில் கொண்டே இது­வரை யாழ்.மேல் நீதி­மன்றால் வழங்­கப்­பட்டு வந்­த­தா­கவும் அவர் தெரி­வித்­துள்ளார்.

ஒன்­பது மாதங்­க­ளுக்கு முன்பு யாழ்.மாந­கர சபை எல்­லைக்குள் கைக்­குண்டு ஒன்றை வைத்­தி­ருந்த குற்­றச்­சாட்டி கைது செய்­யப்­பட்டு நீதிவான் நீதி­மன்றால் விளக்­க­ம­றி­யலில் வைக்­கப்­பட்­டுள்ள ஒருவருக்கு பிணை வழங்கக் கோரி அவர் தரப்பு சட்­டத்­த­ர­ணியால் யாழ்.மேல் நீதி­மன்றில் முன்­வைக்கப்­பட்ட பிணை விண்­ணப்­பத்தின் போதே அவர் மேற்­கண்ட விட­யத்தை கூறி பிணையை நிராக­ரித்­தி­ருந்தார்.

தொடர்ந்து கருத்து தெரிவித் அவர், தென்­னிந்­திய சினிமா பாணி­யி­லான வாள்­வெட்டுக் குழு மோதல் கலா­சா­ர­மா­னது யாழ்ப்­பா­ணத்தில் உரு­வெ­டுத்து யாழ்ப்­பா­ணத்து இளை­ஞர்­களை சீர­ழித்து வருகின்றது.

கடந்த ஒன்­பது மாத கால­மாக கட்­டு­பாட்­டுக்குள் வைக்­கப்­பட்­டி­ருந்த வாள்­வெட்டு குழு மோதல் கலா­சாரம் இவ்­வ­ரு­டத்தின் தை மாதத்தின் இறுதி பகு­தியில் மீண்டும் புதி­ய­தொரு குழுவால் முன்னெடுக்கப்­பட்­டுள்­ளது.

இன்­றைய யாழ்ப்­பா­ணத்தின் நிலை­யா­னது தெற்கு அர­சியல் மட்­டத்தில் கூட யாழ்ப்­பா­ணத்தின் பாது­காப்பு தொடர்பில் நட­வ­டிக்­கை­களை மேற்­கொள்ளும் அள­வுக்கு மோச­மா­ன­தா­கவும் கேள்விக்குறியாகவும் உள்­ளது.

இந்­நி­லையில் இத்­த­கைய குற்றச் செய்­ல­களை கட்­டு­ப­டுத்த வேண்­டு­மாயின் நீதி­மன்­றங்கள் இக் குற்றங்­களில் ஈடு­ப­டு­கின்­ற­வர்­க­ளுக்கு அதிகபட்ச தண்டனை வழங்க வேண்டும்.

பிணை கோருவது என்பது எதிரியின் உரிமையாக இருப்பினும் அவ் பிணையை வழங்குவதில் நீதிமன்றமானது சமூக அக்கறையை பிரதானமாக கருத்திலெடுத்தே பிணையை வழங்கும் என்றார்.