வவுனியா மத்திய பேரூந்து கட்டடத் தொகுதியில் நடைபாதையிலிருந்து தொலைபேசிக்கு பயன்படுத்தப்படும் சிம் அட்டையினை விற்பனை செய்து வருகின்றனர்.

சிம் அட்டையை விற்பனை செய்பவர்கள் பெண்களிடம் தவறாக நடந்து கொள்ள எத்தனித்து வருவதை அவதானித்த அப்பகுதியில் விற்பனை நிலையத்தினை நடாத்திவரும் உரிமையாளர்கள் இது தொடர்பாக பொலிசாரின் அவசர தொலைபேசி அழைப்புக்கு முறைப்பாடு மேற்கொண்டதுடன் வவுனியா நகரசபை செயலாளரிடமும் முறையிட்டதையடுத்து இன்று காலை அப்பகுதிக்குச் சென்ற பொலிசார், நகரசபை உத்தியோகத்தர்கள் பேரூந்து நிலைய கட்டடத் தொகுதியிலுள்ள நடைபாதையில் இன்று முதல் தொலைபேசி சிம் அட்டையினை விற்பனை செய்வதற்கு தடைவிதித்ததுடன்,

பொலிசார் தொலைபேசி சிம் அட்டை விற்பனை செய்த சில இளைஞர்களை பொலிஸ் நிலையத்திற்கு அழைத்து வாக்குமூலம் பெற்றுக்கொள்ளப்பட்டு விடுவிக்கப்பட்டுள்ளனர்.

இச்சம்பவம் தொடர்பாக வவுனியா நகரசபை செயலாளர் திரு.ஆர் தயாபரனிடம் தொடர்பு கொண்டபோது, நடைபாதையில் வியாபாரம் மேற்கொள்வது வவுனியா நகரில் முற்றாக தடை செய்துள்ளதாகவும் குறிப்பாக பேரூந்து நிலைய கட்டடத் தொகுதியிலிருந்து பொதுமக்கள் பயணம் மேற்கொள்ளும் நடைபாதையில் தொலைபேசி சிம் அட்டையினை விற்பனை செய்து வருவது இன்றிலிருந்து முற்றாகத் தடை செய்துள்ளதாகவும் மீறி செயற்படுபவர்கள் மீது நடவடிக்கை மேற்கொள்ளப்படும் என்ற மேலும் தெரிவித்தார்.

வவுனியா, செட்டிகுளம் பகுதியில் இருக்கைப் பட்டி அணியாது வேகமாக டிப்பர் வாகனத்தை செலுத்திய சாரதி ஒருவர் வீதித் தடுப்பில் வாகனத்தை கட்டுப்படுத்த முடியாமையால் ஏற்பட்ட விபத்தில் மரணந்துள்ளதாக பறயனாலங்குளம் பொலிசார் தெரிவித்துள்ளனர்.

இன்று காலை 6.30 மணியளவில் இடம்பெற்ற இச் சம்பவம் தொடர்பில் மேலும் தெரியவருவதாவது,

முருங்கன் பகுதியில் இருந்து பூனாவ பகுதியை நோக்கி பயணித்த டிப்பர் வாகனம் வாகனம் வவுனியா, செட்டிகுளம், பெரியகட்டுப் பகுதியில் வேகமாக பயணித்த போது வீதியில் போடப்பட்டிருந்த வேகத் தடையில் வாகனத்தை கட்டுப்படுத்த முடியாமையால் டிப்பர் வாகனம் வேகத்தடையைத் தாண்டி பாய்ந்தபோது சாரதி டிப்பர் வாகனத்தில் முன் கண்ணாடி வழியாக தூக்கி வீசப்பட்டு சம்பவ இடத்திலேயே மரணமடைந்துள்ளார்.

வாகனத்தை செலுத்திய சாரதி இருக்கைப் பட்டி அணியவில்லை. இதன்காரணமாகவே அவர் தூக்கி வீசப்பட்டிருக்கிறார் என விசாரணைகளை மேற்கொண்டு வரும் பொலிசார் தெரிவித்துள்ளனர்.

குறித்த விபத்தில் முருங்கனைச் சேர்ந்த பிலிப்பு ஜேசுராஜா (வயது 55) என்பவரே மணமடைந்தவாராவார்.

இது தொடர்பான மேலதிக விசாரணைகளை பறயனாலங்குளம் பொலிசார் மேற்கொண்டு வருகின்றனர்.

 
வவுனியாவில் தைப்பொங்கலை முன்னிட்டு வியாபாரம் களைகட்டியதையடுத்து நகரின் மத்திய பகுதியில் பொங்கல் பொருட்கள் கொள்வனவில் பொதுமக்கள் ஈடுபட்டு வருவதைக் காணக்கூடியதாக உள்ளது. பொலிஸாரும் பாதுகாப்பில் ஈடுபட்டுவருகின்றனர்.

தைப்பொங்கல் திருநாள் நாளைய தினம் (14.01) உலகளாவிய ரீதியில் கொண்டாடப்படவுள்ள நிலையில் வவுனியாவில் தைப்பொங்கல் பண்டிகை களைக்கட்ட ஆரம்பித்துள்ளதை காணக்கூடியதாகவுள்ளது.

தனது தந்தையாரை மீண்டும் காண்பதற்கு தான் மிகவும் ஆர்வமாக உள்ளேன் என்று 12 வயது சிறுவன் கண்ணீர் மல்க பாடிய கவிதை எல்லோர் மனத்தினையும் நெகிழ வைத்திருந்தது.

காணாமல் போனோரின் உறவினர்களால் வவுனியாவில் ஏற்பாடு செய்யப்பட்ட நிகழ்வில் இந்த சம்பவம் இடம்பெற்றுள்ளது.

வவுனியாவினை பிறப்பிடமாக கொண்ட இந்த 12 வயதான சிறுவன் , கடந்தகாலத்தில் இடம்பெற்ற யுத்தத்தின் காரணமாக தனது தந்தையை இழந்து தாயின் அரவணைப்பில் வாழ்ந்து வருகின்றார்.

மேலும் தந்தையின் இழப்பால் தவிக்கும் தாய் மற்றும் தனது ஏக்கத்தினை வெளிப்படுத்துவதற்காக அந்த சிறுவன் பாடிய கவிதை, அங்கிருந்த அனைவரையும் சோகத்தில் ஆழ்த்தியதுடன், இறுதியில் அந்த கடவுளுக்கு கருணை இருந்தால் எமக்கு உதவ வேண்டும் என கூறி சோகத்தினை தாங்கிக்கொள்ள இயலாமல் கதறி அழுகின்றான்.

இவ்வாறு யுத்தம் நிறைவடைந்து இன்றும் கூட தமது நெஞ்சில் யுத்த வடுக்களை மக்கள் சுமந்து வருகின்றார்கள் என்பதற்கு இது உதாரணமாகியுள்ளமை குறிப்பிடத்தக்கது.

வவுனியா நகரை மேம்படுத்தும் நோக்கில் பிரம்ரன் மாநகசபை ‘சகோதர இரட்டை நகர உடன்படிக்கை’ ஒன்றை உருவாக்க முயற்சிகளை மேற்கொண்டு வருகின்றது.

இந்த உடன்படிக்கை தொடர்பாகப் பிரம்டன் பாராளுமன்ற மாநாகரசபை உறுப்பினர்களும் பொதுமக்களும் கடந்த ஜனவரி 10 ஆம் திகதி முதல்வரை வரவேற்றுக் கலந்துரையாடினர்.

பிரம்ரன் மாநகரசபைக்குச் சென்றிருந்த முதலமைச்சர் முதலில் ரொரன்ரோ பெரும்பாகப் பாராளுமன்ற உறுப்பினர்கள் மற்றும் பிரம்ரன் உதவி நகரபிதா உட்பட நகரசபை உறுப்பினர்களுடன் சந்திப்பொன்றை நடத்தினார்.

தாயக அரசியல் பொருளாதார நிலவரம் உட்படப் புலம்பெயர் தமிழ் மக்களின் தாயகம் சார்ந்த ஈடுபாடுகள் குறித்தும் உரையாடப்பட்டன.

அத்துடன், பொதுமக்கள் முன்னிலையில் வரவேற்பு நிகழ்ச்சி நடைபெற்றது. பிரம்ரன் நகரில் வாழும் 20.000 தமிழர்களின் சார்பில் வடமாகாண முதலமைச்சரை வரவேற்பதில் பிரம்ரன் நகரம் மிகுந்த மகிழ்ச்சியை அடைவதாகப் பிரம்ரன் உதவி நகர பிதா மார்ட்டின் மெடிரொஸ் தெரிவித்துள்ளார்.

இதேவேளை, மார்ட்டின் மெடிரொஸ் தனதுரையின் போது பிரம்ரன் நகரில் வாழும் தமிழ் மக்கள் சுயதொழில் முயற்சிகளில் ஈடுபடுவதிலும் பொதுச் சேவைகளில் ஈடுபடுவதிலும்

மற்றும் சிவில் சமூக செயற்பாடுகளிலும் மிகுந்த பங்களிப்பை வழங்கி வருவதைச் சுட்டிக்காட்டினார்.

இரட்டை நகர உடன்படிக்கைகளுக்கான முதல் கட்ட நடவடிக்கைகளையும் அதன் இலக்குகளையும் பொறிமுறைகளையும் விளக்கமாக முன்வைத்தார்.

பின்னர் முதல்வர் விக்னேஸ்வரனின் கருத்துக்களைப் பகிருமாறு கேட்டுக் கொண்டார்.

முதல்வர் தனது பேச்சில் புலம் பெயர் மக்களுக்கும் தாயகத்துக்குமான உயிர்த்துடிப்பான உறவை இந்த இரட்டை நகர உடன்படிக்கை ஊடாக உத்தியோக பூர்வமாக்கி ஒருவருக்கொருவர் பெற்றுக் கொள்வதன் நன்மைகளை விளக்கினார்.

முதல்வருக்கு பிரம்ரன் தமிழ்ச் சங்கம் சார்பில் நினைவுப் பரிசு வழங்கப்பட்டது.

அத்துடன் பிராம்ரன் தமிழ்ச் சங்கம் சார்பில் மாங்குளத்தில் முன்னெடுக்கப்பட்டுவரும் உயிரிழை – முள்ளந்தண்டு பாதிக்கப்பட்டோர்களின் அமையத்துக்கான பயிற்சி நிலைய கட்டிடமும் முதலமைச்சரிடம் கையளிக்கப்பட்டது.

வடமாகாண சபை சார்பில் வடமாகாண சின்னம் பொறிக்கப்பட்ட நினைவுப் பரிசை முதலமைச்சர் துணை மேயர் மார்ட்டின் மெடிரொஸிடம் வழங்கினார்.

ஏறக்குறைய 300க்கு மேற்பட்ட பொதுமக்கள் நிகழ்வில் கலந்து கொண்டனர். மேலும், பலரும் அவருடன் நெருங்கி உரையாடும் வாய்ப்பையும் அங்கு பெற்றனர். அமலிதன் சேவியர் நிறைவுரையும், சுஜி ராஜன் நன்றியுரையும் வழங்கியமை குறிப்பிடத்தக்கது.