யாழ்.இளவாலை பகுதியில் பற்றை ஒன்றுக்குள் இருந்து அழுகிய நிலையில் சடலம் ஒன்றை இளவாலை பொலிஸார் மீட்டுள்ளனர்.

இவ்வாறு சடலமாக மீட்கப்பட்டவர் கம்பஹா மாவட்டத்தை சேர்ந்த சுதுகல தேவகே குணசேன என அடையாளம் காணப்பட்டுள்ளார்.

பற்றைக்குள் அழுகிய நிலையில் சடலம் ஒன்று காணப்படுவதை அவதானித்த பொதுமக்கள், இளவாலை பொலிஸாருக்கு தகவல் வழங்கினர். இதனையடுத்து சம்பவ இடத்திற்கு வந்த பொலிஸார் விசாரணைகளை மேற்கொண்டனர்.

தொடர்ந்து மல்லாகம் நீதிவான் நீதிமன்றம் பதில் நீதிவான் தம்பிமுத்து மரண விராசணைகளை மேற்கொண்ட பின்னர் சடலம் யாழ்.போதனா வைத்தியசாலைக்கு எடுத்துச் செல்லப்பட்டுள்ளது.

சடலத்தின் சட்டை பையில் இருந்து தொலைபேசி இலக்கம் ஒன்று மீட்கப்பட்டு, அந்த தொலைபேசி இலக்கத்துடன் தொடர்பு கொண்டபோது சடலமாக மீட்கப்பட்ட நபர் கம்பஹா மாவட்டத்தை சேர்ந்த சுதுகல தேவகே குணசேன என அடையாளம் காணப் பட்டுள்ளதுடன் இந்த நபர் ஊர் ஊராக திரிபவர் எனவும் அடையாளம் காணப்பட்டுள்ளார்.

கடந்த சனிக்கிழமை சாவகச்சேரி சங்கத்தானை பகுதியில் பாரிய வாகன விபத்து ஒன்று இடம்பெற்ற நிலையில் 11 பேர் உயிரிழந்தனர்.

வேன் ஒன்றும் அரச பேரூந்து ஒன்றும் நேருக்கு நேர் மோதிக்கொண்டமையினால் இந்த விபத்து இடம்பெற்றிருந்தது. இதில் தென் பகுதியில் இருந்து சுற்றுலா வந்த பெருன்பான்மையின மக்கள் 11 பேர் உயிரிழந்தனர்.

இந்நிலையில், குறித்த விபத்தில் உயிரிழந்தவர்களின் ஆத்மா சாந்தியடைய வேண்டி அப்பகுதி மக்களால் இன்று மாலை அஞ்சலி செலுத்தப்பட்டது.

விபத்து இடம்பெற்ற பகுதியில் 11 மெழுகுவர்தி ஏற்றி மலர் தூவி பொது மக்கள் அஞ்சலி செலுத்தியிருந்தனர். மேலும், உயிரிழந்தவர்களுக்கு அஞ்சலி செலுத்தும் முகமாக கண்ணீர் அஞ்சலி துண்டு பிரசுரங்களும் விநியோகிக்கப்பட்டன.

யாழ்ப்பாணம் காங்கேசன்துறை வழித்தட பயணிகள் சிற்றூர்தி உரிமையாளர்களின், வரையறுக்கப்பட்ட நிறுவன ஊழியர்களினால் இந்த துண்டு பிரசுரங்கள் வழங்கி வைக்கப்பட்டமை குறிப்பிடத்தக்கது.

கல்விப் பொதுத்தராதர உயர்தரப் பரீட்சை பெறுபேறுகள் எதிர்வரும் ஜனவரி மாத நடுப்பகுதியில் வெளியிடப்பட உள்ளது.

எதிர்வரும் மாதத்தின் இரண்டாம் வாரமளவில் பரீட்சை பெறுபேறுகளை வெளியிட முடியும் என பரீட்சைகள் ஆணையாளர் டபிள்யு.ஜே.எம். புஸ்பகுமார கொழும்பு ஊடகமொன்றுக்குத் தெரிவித்துள்ளார்.

அவர் மேலும் கூறுகையில், கடந்த ஆகஸ்ட் மாதம் நடைபெற்ற உயர்தரப் பரீட்சையில் தொழில்நுட்பப் பிரிவில் 30000 மாணவ மாணவியர் தோற்றியிருந்தனர்.

இவர்களின் செய்முறை பரீட்சைக்காக மேலதிக நேரமொன்றை ஒதுக்க நேரிட்டிருந்தது. செய்முறைப் பரீட்சையின் புள்ளிகள் எழுத்துப் பரீட்சையின் புள்ளிகளுடன் சேர்க்கப்பட உள்ளது.

எழுத்துப் பரீட்சைக்கு 75 புள்ளிகளும் செய்முறைப் பரீட்சைக்கு 25 புள்ளிகளும் வழங்கப்பட உள்ளன. இம்முறை உயர்தரப் பரீட்சைக்காக மூன்று லட்சத்திற்கும் அதிகமான பரீட்சார்த்திகள் தோற்றியிருந்தனர் என பரீட்சைகள் ஆணையாளர் தெரிவித்துள்ளார்.

எதிர்வரும் மார்ச் மாதத்தில் இலங்கைக்கு ஏற்பட கூடும் என எதிர்பார்க்கப்படும் கடும் வறட்சியை எதிர்கொள்வது தொடர்பில் ஜனாதிபதி மைத்திரிபால சிறிசேன மற்றும் பிரதமர் ரணில் விக்ரமசிங்க நேற்று கலந்துரையாடியுள்ளதுடன் விஷேட செயலணி ஒன்றை ஸ்தாபிக்க தீர்மானிக்கப்பட்டுள்ளது.

ஜனவரி மாத்தில் இருந்து ஏற்பட போகும் வறட்சி குறித்து நாட்டின் அனைத்து பிரதேசங்களுக்குமாக தேவையான அனைத்து ஏற்பாடுகளையும் முன்னெடுக்க இதன் போது தீர்மானிக்கப்பட்டுள்ளது.

குறிப்பாக மின் தடை ஏற்படாதிருக்கவும் , குடிநீர் விநியோகிப்பது மற்றும் விவசாயிகளுக்கு ஒத்துழைப்புகளை வழங்குவது உள்ளிட்ட பாதிக்கப்பட்ட மக்களுக்கு போதியளவு நிவாரணங்கள் வழங்குவது தொடர்பாகவும் திட்டமிடப்பட்டது.

தமிழ்த்தேசியக் கூட்டமைப்பு மாவீரா்களையும், மண்ணையும், தமிழ் மக்களையும் மதிப்பவா்களாக இருந்தால் 31 ஆம் திகதி பாராளுமன்ற பதவியை இராஜினாமா செய்யவேண்டும் ஈரோஸ் பகிரங்கமா வேண்டுகோள் விடுக்கிறது.

தமிழ்த்தேசியக் கூட்டமைப்பு விடுதலைப் போராட்டத்தை மதிக்கிற சக்தியாக இருந்தால், தமிழ் மக்களையும் தமிழ் மண்ணையும் மதிக்கிறவா்களாக இருந்தால், இந்த மண்ணுக்காக தங்கள் உயிர்களை விட்ட ஆயிரக்கணக்காக இளைஞா் யுவதிகள் கணம் பண்ணுகின்றவா்களாக இருந்தால், இலட்சக்கணகாக கொல்லப்பட்ட தமிழ் மக்களை நேசிக்கின்றவா்களாக இருந்தால், நேர்மையானவா்களாக இருந்தால் நீங்கள் அனைவரும் இந்த 31 ஆம் திகதி பாராளுமன்ற உறுப்பினா் பதவிகளை இராஜினாம் செய்ய வேண்டும். இதனை செய்வார்களா? என அதன் செயலாளா் நாயகம் இ. பிரபாகரன் கேள்வி எழுப்பி உள்ளார்

இன்று (19) கிளிநொச்சியில் இடமபெற்ற ஊடகவியலாளா் சந்திப்பின்போதே அவர் இவ்வாறு கேள்வி எழுப்பி உள்ளார்

பிரமதாச காலத்தில் கூறினோம் போரை நிறுத்துங்கள் தீர்வை முன்வையுங்கள் இல்லையெனில் பாராளுமன்ற உறுப்பினா் பதவியை இராஜனாம் செய்துவிடுவோம் என்று, ஆனால் பிரமதாச அவ்வாறு செய்ய, நாங்கள் ஈரோஸின் 13 பாராளுமன்ற உறுப்பினா்களும் பதவிகளை இராஜினாமம் செய்து பாராளுமன்றத்தை விட்டு வெளியேறினோம். ஆனால் தமிழ்த் தேசியக் கூட்டமைப்பு அதனை செய்யுமா? எனக் கேள்வி எழுப்பிய அவா், தமிழ் மக்கள் 2009 இற்கு பின்னா் நல்ல தலைமையின்றி காணப்படுகின்றனா். எனவே அரசியல் ரீதியில் தமிழ் மக்ளுக்கான நல்ல தலைமையை உருவாக்க வடக்கு கிழக்கு மலையக தமிழ் மக்கள் அணிதிரள வேண்டும் என ஈழவா் ஜனநாயக முன்னணி (ஈரோஸ்) அழைப்பு விடுத்துள்ளது.

நாட்டில் உள்ள அனைத்து தமிழ் கட்சிகளும் ஒன்று சோ்ந்தாலும் தமிழ் மக்களுக்கான தீர்வை பெற்றுகொள்ள முடியாது, காரணம் கடந்த காலங்களில் இந்தக் கட்சிகள் எல்லாம் ஒன்று சோ்ந்தது தங்களின் சுயநலனுக்காக எனவே தான் நாம் கோருகின்றோம் தமிழ் மக்களுக்கு நல்ல தீர்வு கிடைக்க வேண்டும் என்றால் வடக்கு கிழக்கு மலையக தமிழ் மக்கள் அனைவரும் ஓரணியில் நல்ல தலைமைத்துவத்தை ஏற்படுத்த அணிதிரள வேண்டும்.

தற்போது தமிழ் மக்கள் நல்ல தலைமைத்துவம் இன்றி வெற்றிடத்திற்குள் வாழ்ந்துகொண்டிருக்கின்றார்கள். ஒரு நல்ல தலைமைத்துவத்தை ஏற்படுத்துவது தான் ஈரோஸின் முதலாவது நோக்கம். எனவே தான் நாங்கள் இச் சந்தா்ப்பத்தில் சீரழிந்து போயுள்ள சமூகத்தை கட்டியெழுப்புவதற்கு பொதுமக்கள், புத்திஜீவிகள் மட்டுமல்ல மாற்று அரசியல் தரப்புக்களையும் அழைக்கின்றோம், ஒன்றிணைந்து செயற்பட வாருங்கள் என்று. நாங்களும் உங்கள் அனைவரிடமும் இணைந்து செயற்பட தயாராக இருக்கின்றோம்.

தமிழ் மக்கள் தற்போதுள்ள தங்களின் பிரதிநிதிகளால் தொடா்ந்தும் ஏமாற்றப்பட்டு வருகின்றார்கள். தமிழ் மக்களின் வாக்குகளை மத்திய அரசிடம் கோடிக்கணக்கான பணத்திற்கு விற்கின்றார்கள். தமிழ் மக்களின் தற்போதைய தலைமை தொடா்பில் குழந்தை பிள்ளைகளுக்கு கூட தெரியும் அவா்களால் எதுவும் செய்ய முடியாது. அவா்களால் தமிழ் மக்களுக்கு நல்ல தீர்வை பெற்றுக்கொடுக்க முடியாது. தமிழ்த்தேசியக் கூட்டமைப்பு தோ்தல் காலங்களில் மட்டுமே தீ்ர்வை பெற்றுத் தருவோம் என பேசுவார்கள் பின்னா் அதனை கைவிட்டுவிடுவார்கள். கடந்த வருடமும் சொன்னார்கள், இந்த வருட இறுதிக்குள் தீர்வை பெற்றுதராவிட்டால் நாங்கள் பதவி விலகிவிடுவோம் என்று. ஆனால் அவ்வாறு செய்வார்களா? இல்லை ஆனால் ஈரோஸால் அப்படி சொல்ல முடியும் அதற்கு அந்த தகுதி இருக்கிறது. ஈரோஸ் ஐக்கிய இலங்கைக்குள் சமஸ்டி முறையிலான தீர்வையே வலியுறுத்துகிறது எனவும் அவர் தெரிவித்தார்.

அம்பாறை – கரங்காவ பிரதேசத்தில் திடீரென வீதியை கடந்த காட்டு யானையை பார்த்து பயந்து மோட்டார் சைக்கிள் செலுத்துனர் ஒருவர் கெப் வாகனத்தில் மோதி விபத்துக்குள்ளாகியுள்ளார்.

குறித்த சம்பவம், நேற்று (19) மாலை இடம்பெற்றுள்ளதாக பொலிஸார் குறிப்பிட்டுள்ளார். மேலும், விபத்தில் காயமமைந்துள்ளவர் 35 வயதான அதே பிரதேசத்தை சேர்ந்தவர் என தெரிவிக்கப்பட்டுள்ளது.

தனது மோட்டார் சைக்கிளில் பயணித்து கொண்டிருந்த போது மோட்டார் சைக்கிளினை கட்டுப்படுத்த முடியாத நிலையில் முன்னாள் வந்த கெப் வண்டியில் மோதியுள்ளதாகவும் கூறப்பட்டுள்ளது.

இதேவேளை, காயமடைந்துள்ளவரின் நிலை கவலைக்கிடமாக இல்லை எனவும் பொலிஸார் தெரிவித்துள்ளமை குறிப்பிடத்தக்கது.