நில்வளா கங்கையில் பாரிய முதலையொன்று சிக்கியுள்ளது. தற்போது நிலவும் சீரற்ற காலநிலையை அடுத்து நில்வளா கங்கையின் நீர்மட்டம் அதிகரித்துள்ளது. இதனையடுத்து கங்கையிலிருந்து பாரிய முதலையொன்று கிராமத்திற்குள் பிரவேசித்துள்ளது.

மாத்தறை, வெல்கொட பிரசேத்தில் வைத்து குறித்து முதலை வனிவிலக்கு அதிகாரிகளால் பிடிக்கப்பட்டுள்ளது.

கிட்டத்தட்ட 18 அடியுடனான இந்த முதலை இதுவரை கண்டுபிடிக்கப்பட்ட முதலைகளில் மிக்பெரியதென வனவிலங்கு அதிகாரிகள் தெரிவித்துள்ளனர்.

இன்று அதிகாலை வெளிப்பகுதிக்கு வந்துள்ள இந்த முதலை அந்த பகுதி மக்கள் மற்றும் வனவிலங்கு அதிகாரிகளின் பாரிய முயற்சியில் நில்வளா கங்களையில் விடுவிக்கப்பட்டுள்ளது.

மூன்று பாதங்களை கொண்டுள்ள இந்த முதலை, பிறப்பில் இருந்தே அவ்வாறான நிலைமையை கொண்டுள்ளதாக கண்டுபிடிக்கப்பட்டுள்ளது.

மாத்தறை பொலிஸ் அதிகாரிகள், மிரஸ்ஸ வனவிலங்கு அதிகாரிகள் மற்றும் கலமெடிய வனவிலங்கு அதிகாரிகள் அதிகாரிகளின் உதவியுடன் இந்த முதலை நில்வளா கங்ககையில் விடுவிக்கப்பட்டுள்ளதாக தெரிவிக்கப்படுகின்றது.

மூட நம்பிக்கைகள் என்ற பெயரில் அன்றாடம் பல கொடுமைகள் நடைபெற்று கொண்டே இருக்கின்றன. இலங்கையிலும் போலிச் சாமியார்களுக்கு பஞ்சமில்லை.

பேயை விரட்டுகின்றேன் என்ற பெயரில் ஒரு இளம்பெண்னை நாயைப்போன்று நடத்தும் காணொளி தற்போது வைரலாகி உள்ளது. குறித்த காணொளியில் யுவதி ஒருவருக்கு நிலத்தில் இருக்கும் நீரை நாயை போன்று அருந்த உத்தரவிடப்படுகின்றது.

இவ்வாறான செயல்கள் மதங்களிடையேயும் மக்களிடையேயும் நம்பிக்கை இருந்தாலும் அதன் மூலம் மக்களை ஏமாற்றிப்பிழைப்பவர்கள் இருக்கத்தான் செய்கின்றார்கள். மதங்கள் மனிதனை நல்வழிப்படுத்துவதற்காகவே தவிர ஏமாற்றுவதற்காக அல்ல.

மக்களிடையே விழிப்புணர்வு ஏற்படா விட்டால் இவ்வாறான செயல்கள் தொடர்ந்த வண்ணமே இருக்கும் என்பதில் மட்டும் எவ்வித ஐயமும் இல்லை.

வாழைச்சேனை பகுதியில் இளம் யுவதி ஒருவர் ஞாயிற்றுக்கிழமை தீக்குளித்து தற்கொலை செய்து கொண்டுள்ளதாக பொலிஸார் தெரிவித்துள்ளனர்.

வாழைச்சேனை துர்க்கை அம்மன் ஆலய வீதியைச் சேர்ந்த அற்புதராஜா பிரசாந்தி (வயது 25) என்ற இளம் யுவதியே இவ்வாறு தற்கொலை செய்து கொண்டுள்ளதாக தெரியவருகிறது.

இவர் வீட்டில் எவரும் இல்லாத சந்தர்ப்பத்தில் தனது உடம்பின் மேல் பெற்றோல் ஊற்றி தீ வைத்துக் கொண்டுள்ளார்.

இதேவேளை இவரது கூச்சல் சத்தம் கேட்டு அயலவர்கள் வீட்டுக்கு வந்து அவரைக் காப்பாற்றி வாழைச்சேனை ஆதார வைத்தியசாலையில் அனுமதித்தனர்.

பின்னர் மேலதிக சிகிச்சைக்காக மட்டக்களப்பு போதனா வைத்தியசாலைக்கு மாற்றப்பட்ட அவர், சிகிச்சை பலனின்றி இறந்துள்ளதாக உறவினர்கள் தெரிவித்தனர்.

இச் சம்பவம் தொடர்பாக வாழைச்சேனை பொலிஸார் மேலதிக விசாரணைகளை மேற்கொண்டு வருகின்றனர்.

பன்னல – மல்லவத்தை – போபிடிய பகுதியில் கூரிய ஆயுதத்தால் தாக்கப்பட்டு ஒருவர் கொலை செய்யப்பட்டுள்ளார்.

கடும் தாக்குதலுக்கு இலக்கான நிலையில் தம்பதெனிய வைத்தியசாலையில் அனுமதிக்கப்பட்ட இவர், உயிரிழந்துள்ளதாக பொலிஸார் குறிப்பிட்டுள்ளனர்.

சம்பவத்தில் பலியானவர் மல்லவத்தை – போபிடிய பகுதியைச் சேர்ந்த 44 வயதானவர் எனத் தெரியவந்துள்ளது.

இதேவேளை கொலையை செய்திருக்கலாம் என சந்தேகிக்கப்படுபவர் அடையாளம் காணப்பட்டுள்ளதோடு அவரைக் கைதுசெய்வதற்கான நடவடிக்கைகளை பன்னல பொலிஸார் மேற்கொண்டு வருகின்றனர்.

யாழ்ப்பாண பல்கலைக்கழக மாணவர்கள் இரண்டு பேர் இலங்கை பொலிசாரால் சுட்டுப் படுகொலை செய்யப்பட்டதாக கூறப்படும் சம்பவத்தைக் கண்டித்து சென்னையில் ஆர்ப்பாட்டம் ஒன்று முன்னெடுக்கப்பட்டுள்ளது.

புரட்சிகர இளைஞர் முன்னணியினர் அங்குள்ள ஐ.நா. அலுவலகம் முன்பு இந்த முற்றுகைப் போராட்டத்தினை முன்னெடுத்துள்ளனர்.

மணமகள் தேவை என்று பத்திரிகையில் விளம்பரப்படுத்தி யுவதி ஒருவரை ஏமாற்றிய போலி மருத்துவரை பொரளை பொலிஸார் கைது செய்துள்ளனர்.

இந்த நபர் தான் நரம்பியல் மருத்துவர் எனக் கூறி கண்டியில் அரச நிறுவனம் ஒன்றில் பணிப்புரிந்து வரும் யுவதியை ஏமாற்றியுள்ளார். குறிந்த சந்தேக நபர் தென் மாகாணத்தை சேர்ந்தவர் என பொலிஸார் தெரிவித்துள்ளனர்.

இந்த நபர் தன்னை மருத்துவராக காட்டிக்கொண்டு யுவதியின் பெற்றோருடன் பேசி தனது விருப்பத்தை தெரிவித்துள்ளார். இதன் பின்னர் யுவதியை பெண் பார்க்க கார் ஒன்றில் யுவதியின் வீட்டுக்கு சென்றுள்ளார்.

வாடகை காரில் சென்றுள்ள இந்த நபர், அதன் சாரதியிடம் தன்னை டொக்டர் என அடிக்கடி அழைக்குமாறு கூறியுள்ளார்.

குறித்த நபரின் பெயரில் தென் பகுதியில் ஒரு மருத்துவர் இருப்பதால், யுவதியும் அவரது பெற்றோரும் இந்த நபரிடம் ஏமாந்துள்ளனர்.

சந்தேக நபர் யுவதியை சந்திக்க கண்டிக்கு சென்றிருந்த வேளையில் ஒரு லட்சம் ரூபாவுக்கும் மேற்பட்ட தொகையை யுவதியிடம் இருந்து ஏமாற்றி பெற்றுள்ளார்.

சந்தேக நபர் போலி மருத்துவர் என்பதை அறிந்து கொண்ட யுவதி, அந்த நபருடன் தொடர்புகளை துண்டித்ததால், கோபமடைந்த நபர் 10 இலட்சம் ரூபா பணத்தை கேட்டு யுவதியை அச்சுறுத்தியுள்ளார்.

யுவதி இது சம்பந்தமாக பொரள்ளை பொலிஸ் நிலையத்தில் செய்த முறைப்பாட்டுக்கு அமைய சந்தேக நபர் பொரள்ளை பிரதேசத்திற்கு வந்த நேரத்தில், பொலிஸார் அவரை கைது செய்துள்ளனர்.