உத்தர பிரதேசத்தில் இணை நீதிபதியாக பணியாற்றி வரும் 3 மாத கர்ப்பிணி மனைவியை கருக்கலைப்பு செய்ய மறுத்ததற்காக கொலை செய்ததாக பொலிசாரிடம் அவர் கணவர் தெரிவித்துள்ளார்.

உத்தர பிரதேசத்தின் கான்பூர் நகரில் சர்கியூட் ஹவுஸ் காலனியில் கணவர் மனு அபிஷேக் உடன் வசித்து வந்தவர் பிரதீபா கவுதம். இவர் கான்பூர் நகரில் இணை நீதிபதி பணியில் இருந்துள்ளார்.

இந்த வருடம் ஜனவரியில் இரு குடும்பத்தினரின் விருப்பத்திற்கு எதிராக இவர்களது திருமணம் நடந்துள்ளது. தற்போது பிரதீபா 3 மாத கர்ப்பிணியாக இருந்துள்ளார். இந்நிலையில் நேற்று டெல்லியில் இருந்து கணவர் அபிஷேக் கான்பூர் வந்துள்ளார். அங்கு தனது மனைவி வீட்டில் தூக்கில் தொங்கிய நிலையில் இருந்துள்ளார் என அவர் பொலிசில் புகார் தெரிவித்துள்ளார்.

இதனிடையே பிரதீபாவின் பிரேத பரிசோதனை அறிக்கையில் அவர் கொலை செய்யப்பட்டது உறுதியாகியுள்ளது. அவரது கைகள் மற்றும் கால்களில் காயத்திற்கான அடையாளங்கள் இருந்துள்ளன. அவர் தடியால் தாக்கப்பட்டு இருக்கலாம் என கருதப்படுகிறது.

அவரை கயிற்றால் இறுக்கி கொன்று விட்டு பின்னர் மின் விசிறியில் தொங்க விட்டிருக்கலாம் எனவும் பொலிஸார் சந்தேகிக்கின்றனர்.

இதனிடையே பிரதீபாவின் கணவர் மனு அபிஷேக்கின் தொலைபேசி அழைப்புகள் மற்றும் வாட்ஸ்அப் பதிவுகளை ஆராய்ந்த பொலிஸார் சந்தேகத்தின் அடிப்படையில் அபிஷேக்கை கைது செய்துள்ளனர்.

அபிஷேக் மற்றும் அவரது பெற்றோர் ஆகியோரிடமும் பிரதீபாவின் வீட்டு பணியாளரிடமும் விசாரணை நடந்து வருகிறது. கர்ப்பிணியான மனைவியை கருக்கலைப்பு செய்யும்படி அபிஷேக் கூறி வந்துள்ளார். அதற்கு அவர் மறுத்துள்ளார். இதனால் சமீபத்தில் இருவருக்கு இடையே அடிக்கடி சண்டை ஏற்பட்டுள்ளது என விசாரணையில் தெரிய வந்துள்ளது.

அபிஷேக் விசாரணை அதிகாரிகளிடம் கூறும்பொழுது, கடந்த 2 நாட்களுக்கு முன் டெல்லி சென்ற பிரதீபா அதன்பின் கான்பூருக்கு திரும்பியுள்ளார்.

ஆனால் பிரதீபாவிடம் இருந்து தொலைபேசி அழைப்பு எதுவும் வரவில்லை. அது சுவிட்ச் ஆப் செய்யப்பட்டு இருந்தது. அவரை தொடர்பு கொள்ள முடியாத நிலையில் டெல்லியில் இருந்து கான்பூர் சென்றேன். அங்கு வீட்டில் அவரது உடல் தூக்கில் தொங்கிய நிலையில் இருந்தது என கூறியுள்ளார்.

ஐதராபாத்தில் ஒரு சிறுமியின் வாழ்க்கையை சீரழிக்க சகோதரனுக்கு உதவியுள்ள சகோதரியின் செயல் அதிர்ச்சியை ஏற்படுத்தியுள்ளது.

ஐதராபாத், ஜரினகவை சேர்ந்தவர் அஜித் குமார் (19). இவர் அந்த பகுதியை சேர்ந்த சிறுமி ஒருவரை 2 வருடமாக பின் தொடர்ந்து வந்துள்ளார்.

அந்த சிறுமிக்கு அவரின் சகோதரி நல்ல பழக்கம் என்பதால் அஜித் குமாரின் தொடர் தொல்லைகளை சிறுமி பெரிதாக எடுத்துக் கொள்ளவில்லை.

இந்த நிலையில் சில தினங்களுக்கு முன்பு வீட்டில் யாருமில்லை என்று சிறுமியை அஜித் குமாரின் சகோதரி அழைத்துள்ளார்.

சிறுமியும் அதை நம்பி அவரது வீட்டிற்கு செல்ல, அங்கிருந்த அஜித் குமார் சிறுமியை பாலியல் பலாத்காரம் செய்துள்ளார்.

பின்னர் சிறுமியை அழைத்து வந்து அஜித் குமாரும், அவருடைய சகோதரியும் அவரது வீட்டில் விட்டுள்ளனர்.

மேலும், இது குறித்து வெளியே சென்னால் சிறுமியின் சகோதரனை கொன்றுவிடுவோம் என்று சிறுமியின் குடும்பத்தாருக்கு மிரட்டல் விடுத்துள்ளனர்.

இருப்பினும் அஜித் குமார் மீது சிறுமியின் பெற்றோர் பொலிசில் புகார் கொடுத்துள்ளனர்.

இந்த சம்பவம் தொடர்பாக வழக்குப் பதிவு செய்துள்ள பொலிசார், தலைமறைவாக உள்ள அஜித் குமாரை தேடி வருகின்றனர்.

தமிழக முதலமைச்சர் ஜெயலலிதாவின் திடீர் உடல் நலக்குறைவில் பல்வேறு சந்தேகங்கள் இருப்பதால், அதுகுறித்து, சி.பி.ஐ விசாரிக்க வேண்டும் என கோரிக்கை விடுக்கப்பட்டுள்ளது.

ராஜ்யசபா எம்.பியும், சமீபத்தில் அ.தி.மு.கவிலிருந்து நீக்கப்பட்டவருமான சசிகலா புஷ்பா இந்த கோரிக்கையினை விடுத்துள்ளார்.

டெல்லியில் வைத்து நேற்று ஊடகங்களுக்கு கருத்து தெரிவித்த அவர் இவ்வாறு குறிப்பிட்டுள்ளார். மீண்டும் தமிழக முதல்வராக ஜெயலலிதாவே வந்து ஆட்சி செய்ய வேண்டும்.

அதை தான் அனைத்து மக்களும் விரும்புகிறார்கள். ஆனால், எனக்கு கொலை மிரட்டல் விடுத்த நபரான சசிகலா நடராஜன், அ.தி.மு.கவின் துணை பொதுச்செயலாளராக ஆக வேண்டுமென பேசிவருகிறார்.

அ.தி.மு.கவையும், தமிழக ஆட்சியையும் கைப்பற்ற சசிகலா நடராஜன் மற்றும் அவரது குழு சதி செய்து, செயல்பட்டு வருகிறது.

சசிகலா நடராஜன் கோஷ்டி கோடிகணக்கில் பணம் வைத்துள்ளது, இது குறித்து சி.பி.ஐ விரிவான விசாரணை நடத்த வேண்டும் எனவும் அவர் வலியுறுத்தியுள்ளார்.

ஒரு நோயாளிக்கு அருகே யாரும் இருக்க வேண்டும் என்று கட்டாயம் கிடையாது. வைத்தியர்கள்தான் நோயாளிக்கு பொறுப்பு. ஆனால் சசிகலா கோஷ்டியோ, தானாகவே போய் முதல்வரிடம் உட்கார்ந்து கொண்டு இருக்கிறார்கள்.

பெரிய, பெரிய தலைவர்கள் எல்லாம், அப்பல்லோ மருத்துவமனைக்கு வந்தபோதும் ஜெயலலிதாவை பார்க்க அனுமதிக்கப்படவில்லை. ஸ்டாலின், ராகுல் காந்தி என அனைவருமே அப்படியே திருப்பியனுப்பப்பட்டுள்ளனர்.

எனவே, அ.தி.மு.கவில் இருக்கும் இரண்டாம் கட்ட தலைவர்கள் உடனடியாக வெளிவர வேண்டும். கட்சியை காப்பாற்ற முன்வர வேண்டும். என்னிடம் சில தலைவர்கள் பேசிக்கொண்டிருக்கிறார்கள். .

தங்கள் அதிருப்தியை கூறுகிறார்கள். இனியாவது அவர்கள் தைரியமாக வெளிப்படையாக வெளியே வந்து பேச வேண்டும் எனவும் அவர் குறிப்பிட்டுள்ளார்.

இதேவேளை, தமிழகம் சார்பில் அனுப்பபடும் கடிதத்தில் இருக்கும் முதல்வரின் கையெழுத்தின் உண்மை தன்மையை மத்திய அரசு உறுதி செய்ய வேண்டும் எனவும் அவர் சுட்டிக்காட்டியுள்ளார்.

முதல்வர் கையெழுத்தில்லாமல் உள்ளாட்சி வேட்பாளர் பட்டியல் வெளியானால், அதை தேர்தல் ஆணையம் பரிசீலிக்க கூடாது எனவும் அவர் வலியுறுத்தியுள்ளார்.

எவ்வாறாயினும், முதல்வர் ஜெயலலிதாவுக்கு திடீரென உடல் நலம் சரியில்லாமல் போனதன் பின்னணியில் சதி இருக்கலாம் என சந்தேகிக்கிப்பதாக அவர் கூறியுள்ளார்.

எனவே, இதற்கு என்ன காரணம் என்பது பற்றி சி.பி.ஐ விசாரிக்க வேண்டும் என சசிகலா புஷ்பா மேலும் தெரிவித்துள்ளார்.

தமிழக முதலமைச்சர் ஜெயலலிதா உடல்நிலை குறித்து சமூக வலைதளங்களில் வதந்தி பரப்பிய இருவரை குற்றப்பிரிவு பொலிஸார் கைது செய்துள்ளனர்.

முதலமைச்சர் ஜெயலலிதா கடந்த மாதம் 22ஆம் திகதி திடீர் உடல் நலக்குறைவு காரணமாக சென்னை அப்பல்லோ மருத்துவமனையில் அனுமதிக்கப்பட்டுள்ளார்.

இந்நிலையில், முதலமைச்சருக்கு அளிக்கப்படும் சிகிச்சை பற்றிய விபரங்களை அப்பல்லோ மருத்துவமனை அவ்வவ்போது அறிக்கை மூலமாக தெரிவித்து வருகிறது.

எனினும், அவரது உடல்நிலை தொடர்பாக வதந்தி பரப்பப்பட்டு வருகிறது. இது குறித்து அ.தி.மு.க தரப்பில் பொலிஸ் நிலையத்தில் முறைப்பாடு செய்யப்பட்டது.

இந்நிலையில், முதல்வர் ஜெயலலிதா உடல்நிலை குறித்து சமூக வலைதளங்களில் வதந்தி பரப்பிய இருவரை பொலிஸார் கைது செய்துள்ளனர்.

பேஸ்புக்கில் முதல்வர் உடல்நிலை குறித்து வதந்தி பரப்பியதாக, அ.தி.மு.க. தொழில்நுட்ப பிரிவு செயலாளர் ராமச்சந்திரன் அளித்த முறைப்பாட்டின் பேரில் நாமக்கல்லை சேர்ந்த சதீஷ் குமார் என்பவர் கைது செய்யப்பட்டுள்ளார்.

மேலும் ,நுங்கம்பாக்கத்தை சேர்ந்த ராஜ்கமால் செய்த முறைப்பாட்டின் அடிப்படையில் மதுரையை சேர்ந்த மாடசாமி என்பவரையும் சென்னை மத்திய குற்றப்பிரிவு பொலிஸார் கைது செய்துள்ளனர். இவர்கள் மீது பல்வேறு பிரிவுகளின் கீழ் பொலிஸார் வழக்குப்பதிவு செய்து விசாரணை நடத்தி வருகின்றனர்.

இதேவேளை, குறித்த விடயம் தொடர்பில் பிரான்ஸ் நாட்டில் வசிக்கும் தமிழச்சி என்பவர் மீதும் குற்றப்பிரிவு பொலிஸ் தரப்பில் வழக்கு பதிவு செய்யப்பட்டுள்ளமை குறிப்பிடத்தக்கது.