வவுனியா செட்டிகுளம் பிரதேச செயலகத்தில் நேற்று (11.10.2016) மாலை ஏற்பட்ட மின் ஒழுக்கு காரணமாக கணனிகள் சேதமாகியுள்ளதாக பிரதேச செயலாளர் தெரிவித்தார். இச்சம்பவம் குறித்து மேலும் தெரியவருகையில்..

நேற்று மாலை 6 மணியளவில் செட்டிகுளம் பகுதியில் ஏற்பட்ட மின்சாரம் கூடிக்குறைதல் காரணமாக செட்டிகுளம் பிரதேச செயலகத்திலுள்ள கணணி மற்றும் மின்விசிறி, சில மின்குமிழ்கள் சேதமடைந்துள்ளதாகவும் பிரதேச செயலாளர் தெரிவித்துள்ளார்.

செட்டிகுளம் பகுதியில் மின்சாரம் சீரின்மை காரணமாகவே இச்சம்பவங்கள் இடம்பெற்றுள்ளதாகவும் இதை அதிகாரிகள் சீர் செய்துதருமாறும் தெரிவித்துள்ளார்.

பாரிய சேதம் இடம்பெற்றிருக்க வாய்ப்புக்கள் இருந்தும் உடனடியாக பிரதேச செயலகத்தின் காவல் கடமையிலுள்ள ஊழியர்கள் பொலிசார் மற்றும் பிரதேசசெயலக உத்தியோகத்தர்களுக்கு தகவல் வழங்கியதையடுத்து சம்பவ இடத்திற்குச் சென்ற பொலிசார் நிலைமையினை கட்டுப்பாட்டிற்குள் கொண்டு வந்துள்ளதாகவும் சம்பவ இடத்திற்குச் சென்ற பிரதேச செயலாளர் பாபா பயூன் தெரிவித்துள்ளார்.

 
இன்று (12.10.2016) அதிகாலை 5.30 மணியளவில் கூமாங்குளம் இரண்டாம் ஒழுங்கையில் அமைந்துள்ள வீடு ஒன்றின் முற்றத்தில் முதலை ஒன்று பிடிக்கப்பட்டுள்ளது.

பிடிபட்ட முதலையை கிராமவாசிகள் கட்டிவைத்துள்ளனர். அத்துடன் பொலிஸார் மற்றும் வனவிலங்கு பாதுகாப்பு பிரிவினருக்கு அறிவித்ததையடுத்து அவர்கள் வரும்வரை முதலையை கட்டி வைத்து கிராமத்தவர்கள் காவல் காத்து நின்றுள்ளார்.

அதேவேளை கடந்த 05.10.2016 காலை 7.30 மணியளவில் வவுனியா சிதம்பரபுரம் பகுதியிலுள்ள குளத்திலிருந்த முதலை ஒன்று வீட்டிற்குள் நுழைந்த சம்பவம் ஒன்று இடம்பெற்றுள்ளது.

பொலிசார் சம்பவ இடத்திற்குச் சென்றதுடன் வவுனியா வனஜீவராசிகள் பாதுகாப்பு அதிகாரிகளுக்கு தகவல் வழங்கப்பட்டு சம்பவ இடத்திற்குச் சென்ற அதிகாரிகள் முதலையினை பிடித்து கட்டி பொதுமக்கள் அற்ற காட்டுப்பகுதியில் விடுவித்தும் குறிப்பிடத்தக்கது.

 
வவுனியா கூமாங்குளம் பகுதியில் விஷேட தேவைக்குட்பட்டோருக்கான வதிவிட இல்லம் மற்றும் தொழிநுட்பப்பயிற்சி நிலையம் என்பன நேற்று காலை 9.30 மணிக்கு நிலையத்தின் இயக்குநர் சி.ஜெகதீஸ்வரன் தலைமையில் திறந்துவைக்கப்பட்டது.

இந்நிகழ்வில் வன்னி நாடாளுமன்ற உறுப்பினர் சிவசக்தி ஆனந்தன், வவுனியா பிரதேச செயலாளர் கா.உதயராஜா, வரோட் நிறுவனத்தின உதவி இயக்குநர் அருட்பணி கிறிஸ்ரி ஜோன், வைத்தியர் மதிவதனன், பண்டாரிக்குளம் பொலிஸ் நிலைய பொறுப்பதிகாரி, மற்றும் சமயத்தலைவர்கள், பொதுமக்கள், விஷேட தேவைக்குட்பட்டோர் என பலரும் கலந்து கலந்து கொண்டதுடன் வதிவிட இல்லத்தினை அதிதிகள் திறந்து வைத்தனர்.

வவுனியா செட்டிகுளம் பிரதேச செயலகத்தில் இன்று (11.10.2016) மாலை 6 மணியளவில் ஏற்பட்ட திடீர் தீ விபத்தில் பிரதேச செயலகத்தின் மேல்மாடி பகுதியில் சேதம் ஏற்பட்டுள்ளதாக பிரதேச மக்கள் தெரிவிக்கின்றனர்.

மேலும் சம்பவ இடத்திற்கு விரைந்த 50ற்கும் மேற்பட்ட செட்டிகுள பொலிஸார் பொதுமக்களின் உதவியுடன் தீயை கட்டுப்பாட்டுக்குள் கொண்டுவந்துள்ளனர்.

அத்துடன் மேல்மாடி பகுதியில் இருந்த சில ஆவணங்கள் எரிந்துள்ளதாகவும் மின்னொழுக்கே இதற்கு காரணமாக இருக்குமெனவும் தெரிவிக்கப்படுகின்றது.

மேலதிக விசாரணைகளை செட்டிகுளம் பொலிஸார் மேற்கொண்டுவருகின்றனர்.

 
வவுனியா பூந்தோட்டம் மகாறம்பைக்குளம் பிரதான வீதியில் இன்று (11.10.2016) பிற்பகல் 5.40 மணியளவில் ஏற்ப்பட்ட முச்சக்கரவண்டி விபத்தில் ஒருவர் படுகாயமடைந்துள்ளார். இச் சம்பவம் தொடர்பாக மேலும் தெரியவருவதாவது..

மகாறம்பைக்குளத்திலிருந்து பூந்தோட்டம் நோக்கி பயணித்த முச்சக்கரவண்டி பூந்தோட்டத்திலிருந்து மகாறம்பைக்குளம் நோக்கி பயணித்த மோட்டார் சைக்கிலிலுக்கு வழிவிட்ட சமயத்தில் வீதியினை விட்டு விலகி மின்கம்பத்துடன் மோதுண்டு விபத்துக்குள்ளானது. இவ் விபத்தில் முச்சக்கரவண்டியின் சாரதி படுகாயமடைந்துள்ளார்.

வவுனியா தெற்கு கல்வி வலய ஆரம்பக்கல்விப்பிரிவின் சிறுர்வர் தினநிகழ்வுகள் ஆரம்பக்கல்வி உதவிக்கல்விப்பணிப்பாளர் திருமதி CSM தேவசேனா தலைமையில் இறம்பைக்குளம் மகளீர் .வித்தியாலயத்தில்  நேற்று (10.10.2016)  நடைபெற்றது .

இந்நிகழ்வின் பிரதம விருந்தினராக வலயக்கல்விப்பணிப்பாளார் திரு.முத்து.இராதாகருஸ்ணன் அவர்களும் சிறப்பு விருந்தினராக திரு.M.P.நடராஜ் அவர்களும் நிகழ்வில் கலந்துகொண்டடு சிறப்பித்தனர்.

புலமைப்பரிசில் பரீட்சையில் மாவட்ட நிலையில் முதல் பத்து இடங்களையும் பெற்ற மாணவ,மாணவிகளுக்கு வலயக்கல்விப்பணிப்பாளர் திரு. முத்து.இராதாகிருஸ்ணன்,கோட்டக்கல்விப்பணிப்பாளர் திரு.M.P நடராஜ் ஆகியோர்களால் வெற்றிக்கேடயங்களும் வழங்கி மதிப்பளிக்கப்பட்டது.

மேற்படி  நிகழ்வில்  ஆரம்பகல்வி  மாணவ மாணவிகளின் பொம்மலாட்டம்,பேச்சு,நடனம் பாட்டு போன்ற கலைநிகழ்வுகளும் விழாவை அங்கரித்தன.

படங்கள் :  தம்பிபிள்ளை சுதன்

 
கொழும்பில் இடம்பெறவிருந்த கலந்துரையாடல் ஒன்றில் கலந்துகொள்வதற்காக சென்றுகொண்டிருக்கும்போது இன்று (11.10.2016) அதிகாலை 4.30 மணியளவில் மகோ பிரதேசத்தில் பயணித்துக்கொண்டிருந்த வவுனியாவைச் சேர்ந்த பிரபல பெண் வைத்திய அதிகாரியான கௌரி மனோகரி நந்தகுமார் மற்றும் அவரது பெறாமகளான சிவதுர்க்கா சத்தியநாதன்(19), ஆகியோர் பயணித்த வாகனம் இன்று அதிகாலை கொழும்பு நோக்கி பயணித்துக்கொண்டிருந்தவேளை மகோ பிரதேசத்தில் நிறுத்திவைக்கப்பட்டிருந்த கனரக வாகனொமொன்றுடன் மோதி விபத்துக்குள்ளானது.

இவ் விபத்தில் இரண்டு பிள்ளைகளின் தாயாராகிய வவுனியா பொது வைத்தியசாலையின் டாக்டர் திருமதி கௌரிதேவி நந்தகுமார் (49) என்பவரும், அவருடைய சகோதரியின் மகளாகிய சிவதுர்க்கா சத்தியநாதன்(19) ஆகிய இருவருமே முதலில் இறந்தவர்கள் என தெரிவிக்கப்பட்டுள்ளது,

மாகோ வைத்தியசாலையில் பொலிசாரினால் கையளிக்கப்பட்டுள்ள இவர்கள் இருவரினதும் சடலங்களை குருணாகலை வைத்தியசாலைக்கு மருத்துவ பரிசோதனைக்கு அனுப்பி வைக்கப்படுவதற்கு நடவடிக்கை எடுக்கப்பட்டிருப்பதாக வைத்தியசாலை வட்டாரங்கள் தெரிவித்தன.

இதேவேளை இவர்களின் வாகன சாரதியான சிவநாதன் படுகாயமடைந்த நிலையில் குருநாகல் வைத்தியசாலையில் அனுமதிக்கப்பட்டுள்ளார்.

 
வவுனியாவில் இன்று (11.10.2016) காலை சர்வதேச சிறுவர் தினத்தில் சிறுவர்களுக்கு எதிராக இடம்பெறும் வன்முறைகளை நிறுத்துமாறு கோரி பெண்கள் அமைப்புக்களினால் ஆர்ப்பாட்டம் இடம்பெற்றது. இது தொடர்பாக மேலும் தெரியவருகையில்,

சிறுவர்கள் தினத்தில் சிறுவர்களுக்கு எதிரான வன்முறைகளை நிறுத்துமாறும், வித்தியா, ஹரிஸ்ணவி போன்ற மாணவிகளுக்கு நீதியான விசாரணைகள் இடம்பெற்று குற்றவாளிகளுக்கு தண்டனை பெற்றுக்கொடுக்குமாறு கோரி இன்று (11.10.2016) காலை வவுனியா தபாலகத்திற்கு முன்பாக ஆரம்பமாகி வவுனியா மாவட்ட செயலகத்தினை சென்றடைந்து அரசாங்க அதிபர் றோகண புஸ்பகுமாரிடம் மகஜர் ஒன்றும் கையளிக்கப்பட்டது.

இதில் பெண்கள் அமைப்புக்களை சேர்ந்த பலர் கலந்து கொண்டனர்.

கொழும்பில் இடம்பெறவிருந்த கலந்துரையாடல் ஒன்றில் கலந்துகொள்வதற்காக சென்றுகொண்டிருக்கும்போது இன்று (11.10.2016) அதிகாலை 4.30 மணியளவில் மகோ பிரதேசத்தில் பயணித்துக்கொண்டிருந்த வவுனியாவைச் சேர்ந்த பிரபல பெண் வைத்திய அதிகாரியான கௌரி மனோகரி நந்தகுமார் மற்றும் அவரது பெறாமகளான சிவதுர்க்கா சத்தியநாதன்(19), ஆகியோர் பயணித்த வாகனம் இன்று அதிகாலை கொழும்பு நோக்கி பயணித்துக்கொண்டிருந்தவேளை மகோ பிரதேசத்தில் நிறுத்திவைக்கப்பட்டிருந்த கனரக வாகனொமொன்றுடன் மோதி விபத்துக்குள்ளானது.

இவ் விபத்தில் இரண்டு பிள்ளைகளின் தாயாராகிய வவுனியா பொது வைத்தியசாலையின் டாக்டர் திருமதி கௌரிதேவி நந்தகுமார் (49) என்பவரும், அவருடைய சகோதரியின் மகளாகிய சிவதுர்க்கா சத்தியநாதன்(19) ஆகிய இருவருமே முதலில் இறந்தவர்கள் என தெரிவிக்கப்பட்டுள்ளது,

மாகோ வைத்தியசாலையில் பொலிசாரினால் கையளிக்கப்பட்டுள்ள இவர்கள் இருவரினதும் சடலங்களை குருணாகலை வைத்தியசாலைக்கு மருத்துவ பரிசோதனைக்கு அனுப்பி வைக்கப்படுவதற்கு நடவடிக்கை எடுக்கப்பட்டிருப்பதாக வைத்தியசாலை வட்டாரங்கள் தெரிவித்தன.

இதேவேளை இவர்களின் வாகன சாரதியான சிவநாதன் படுகாயமடைந்த நிலையில் குருநாகல் வைத்தியசாலையில் அனுமதிக்கப்பட்டுள்ளார்.

இது தொடர்பான முழுமையான செய்திக்கு வவுனியா நெற் இணையத்துடன் இணைந்திருங்கள்.

 
2016ம் ஆண்டுக்கான இலங்கை துடுப்பாட்ட சங்கத்தினால் நடாத்தப்பட்ட டிவிசன் 3 போட்டியின் இரண்டாம் கட்டப்போட்டியில் வவுனியா யுனிபைட் கழகம் மாகாணமட்ட ரீதியில் சம்பியன் பட்டத்தினை வென்றது.

கடந்த (08.10.2016) தம்புள்ளை சர்வதேச கிரிக்கேட் மைதானத்தில் நடைபெற்ற இறுதிப்போட்டியில் முல்லைத்தீவு மாவட்ட அணியினரான St Judes இனை 7 விக்கட்டுக்களால் வவுனியா யுனிபைட் கழகம் வெற்றி பெற்றமை குறிப்பிடத்தக்கது.