இந்திய அரசியல் வரலாற்றில் தற்போது காணப்படும் மிகப்பெரியபுள்ளி ஜெயலலிதா இவர் கடந்த சில வாரங்களாக அப்பலோ மருத்துவமனையில் சிகிச்சை பெற்றுவருகின்றார்.

இந்த நேரத்தில் இவரது உடல்நிலை குறித்து பல்வேறு வதந்திகள் வெளிவந்தன. அதே போல் அவர் நிகழ்த்திய நிறைய சாதனைகளும் இந்த நேரத்தில் தான் வெளிவருகின்றது.

1995 செப்டம்பர் மாதம் 7ம் திகதி தான் அவ்வாறான ஓர்நிகழ்வும் இடம்பெற்றது. யாரும் எதிர்பாராத வகையில் சிறப்பாக தனது வளர்ப்புமகன் சுதாகரனுக்கு திருமணத்தை நிகழ்த்திவைத்தார்.

50 ஏக்கர் நிலப்பரப்பு கொண்ட மைதானத்தில் சுமார் ஒரு லட்சத்து ஐம்பதாயிரம் பேர் இந்த திருமண நிகழ்ச்சியில் கலந்துக்கொண்டனர்.

முதல்வர் ஜெயலலிதாவின் “போயஸ்” இல்லத்தில் இருந்து, திருமணம் நடந்த மைதானம் வரையிலான பாதையில் சீரியல் செட் அலங்காரங்கள், கட் – அவுட்கள், சாலை நெடுக அலங்கார வரவேற்பு மேடைகள் என திருமண விழா கலைகட்டியது.

இந்த நிகழ்வு ஜெயலலிதாவின் பெயரை கின்னஸ் புத்தகத்திலும் இடம்பெறச்செய்ததாம்.

இந்தியாவில் மத சம்பிரதாயத்தின் வழக்கப்படி தொடர்ந்து 68 நாட்கள் உண்ணாவிரதம் இருந்த சிறுமி பரிதாபமாக உயிரிழந்துள்ளார்.

ஜைன மத வழக்கப்படி, இவ்வுலகில் வாழ விரும்பாத முதியோர்கள் அன்னம், தண்ணீர் அருந்தாமல் உண்ணாநிலையை கடைபிடித்தும், தவக்கோலம் பூண்டும் ’சவ்மாஸா’ அல்லது ‘சந்த்தாரா’ எனப்படும் ஜீவசமாதி நிலையை அடைவதுண்டு.

இதற்கு சட்டம் அனுமதி அளிக்காத நிலையில், இதன்படி உலக வாழ்வை துறக்க 13 வயது சிறுமி முடிவு செய்தார்.

அதன்படி, திருமண பெண் போல அலங்காரம் செய்து கொண்டு தங்கமுலாம் பூசப்பட்ட ரதத்தில் அமர்ந்து ஊர்வலமாக வந்து உண்ணாவிரதத்தில் ஈடுபட்டார்.

68 நாள் உண்ணாவிரதத்தை தெலுங்கானா அமைச்சர் பத்மா ராப் கவுட் முன்னிலையில் முடித்துக் கொண்டார்.

இதனையடுத்து மருத்துவமனையில் அனுமதிக்கப்பட்ட நிலையில், சிகிச்சை பலனின்றி உயிரிழந்துள்ளார்.

’பால தபஸ்வி’ (குழந்தை தவயோகி) என்ற பட்டத்துடன் மரணம் அடைந்த ஆராதனாவின் இறுதி ஊர்வலத்தில் 500-க்கும் அதிகமானவர்கள் பங்கேற்றுள்ளனர்.

மேலும், தந்தையின் நகைக்கடையை பிரபலப்படுத்தவே ஆராதனா இந்த விஷப்பரீட்சையீல் ஈடுபட்டதாக சில ஊடகங்களில் செய்தி வெளியாகிவரும் நிலையில், சிறுமியின் மரணம் குறித்து பொலிசார் வழக்குப்பதிவு செய்து உரிய விசாரணை நடத்த வேண்டும் என குழந்தைகள் நல ஆர்வலர்கள் குரல் எழுப்பி வருகின்றனர்.

சென்னையில் பள்ளிச்சிறுமி ஒருவர் மாடியில் இருந்து தவறி விழுந்து உயிரிழந்துள்ள சம்பவம் பெரும் சோகத்தை ஏற்படுத்தியுள்ளது.

இளங்கோ- சிலம்பரசி தம்பதியின் 9 வயது மகள் லோகமித்ரா. இவர் சென்னை மேற்கு மாம்பலம் தம்பையா தெருவில் செயல்பட்டு வரும் பள்ளியில் 4ம் வகுப்பு படித்து வந்தார்.

இந்த நிலையில் அந்த சிறுமி நேற்று பிற்பகலில் 4வது மாடியில் இருந்து கீழே விழுந்ததாகக் கூறப்படுகிறது.

இதனையடுத்து அவருக்கு வடபழனியில் உள்ள சிம்ஸ் மருத்துவமனையில் சிகிச்சை அளிக்கப்பட்டது, ஆனால் சிகிச்சை பலனில்லாமல் சிறுமி மரணமடைந்துள்ளார்.

ஆனால் சிறுமி லோகமித்ராவின் மரணத்தில் மர்மம் இருப்பதாக உறவினர்கள் குற்றம் சாட்டியுள்ளனர்.

மேலும், பெற்றோர்களிடம் கூட தெரிவிக்காமல் சிறுமியின் உடல் பிரேத பரிசோதனைக்கு அனுப்பப்பட்டதாகவும் அவர்கள் புகார் தெரிவித்தனர்.

இந்நிலையில் இச்சம்பவம் தொடர்பாக வழக்கு பதிவு செய்துள்ள பொலிசார் பள்ளி முதல்வர் அமல்ராஜ், பள்ளி மேலாளர் பார்த்திபன், கண்காணிப்பாளர், உடற்கல்வி ஆசிரியர் ஆகியோரிடம் விசாரணை நடத்தி வருகின்றனர்.

உடல்நலக்குறைவு காரணமாக சென்னை அப்பல்லா மருத்துமனையில் முதல்வர் ஜெயலலிதா சிகிச்சை பெற்று வருகிறார்.

இன்று அப்பல்லோ நிர்வாகம் வெளியிட்டுள்ள அறிவிப்பில், முதல்வருக்கு மருத்துவர்கள் குழு தீவிர சிகிச்சை அளித்து வருகிறது.

சுவாச சிகிச்சையை மருத்துவர்கள் கவனமாக கண்காணித்து வருகின்றனர். நுரையீரல் அடைப்பை போக்கும் சிகிச்சை தொடர்ந்து நடைபெற்று வருகிறது. ஊட்டச்சத்தும், பிசியோதெரபி சிகிச்சையும் அளிக்கப்பட்டு வருகிறது என்று தெரிவிக்கப்பட்டுள்ளது.