அமெரிக்காவில் காதலி உயிரோடு இருப்பதாக கருதி கல்லறையை உடைத்த காதலனனின் செயல் பரபரப்பை ஏற்படுத்தியுள்ளது.

அமெரிக்காவில் கர்ப்பிணி பெண் ஒருவர் இறந்த காரணத்தினால், அவரது குடும்பத்தினர் La Entrada பகுதியில் உள்ள கல்லறையில் அடக்கம் செய்துள்ளனர்.

கல்லறையில் அடக்கம் செய்த பகுதிக்கு சென்ற அப்பெண்ணின் காதலன், கல்லறையில் புதைக்கப்பட்ட பெண் சத்தமிடுவதாக கூறியுள்ளார். இதனால் அவர் பெண்ணின் குடும்பதாரிடம் சென்று உங்கள் பெண் உயிரோடு இருப்பதாகவும், தொடர்ந்து சத்தமிடுவதாகவும் கூறியுள்ளார்.

இதனால் மகள் உயிரோடு இருப்பதாக கருதி பெற்றோர்கள் மற்றும் அங்கிருந்த சிலர் கல்லறையை உடைத்தனர். சவப்பெட்டியில் இருந்த பெண்ணை எடுத்து அருகில் உள்ள மருத்துவமனையில் அனுமதித்தனர்.

ஆனால் மருத்துவர்கள் அவர் மாரடைப்பு காரணமாக இறந்துள்ளார் என தெரிவித்தனர். மேலும் இது காதலனுடைய கற்பனை என்றும் மருத்துவர்கள் கூறினர். அதன் பின் அப்பெண்ணின் குடும்பத்தினர் மீண்டும் இறுதிசடங்கு செய்து உடலை அடக்கம் செய்தனர்.

அமெரிக்கா நாட்டில் விமான பயணத்தின்போது ஏற்பட்ட விபத்தில் காதலியை காப்பாற்றி விட்டு காதலன் உயிரிழந்துள்ள சம்பவம் சோகத்தை ஏற்படுத்தியுள்ளது.

லூசியானா மாகாணத்தில் உள்ள நியூ ஓர்லீன்ஸ் நகரில் ரெஜினால்ட் ஹிரால்ட் என்ற நபர் வசித்து வந்துள்ளார். இவருக்கு பிரியன்னா என்ற காதலி ஒருவரும் இருந்துள்ளார்.

ரெஜினால்டிற்கு 25 வயது ஆன நிலையிலும் அவர் இதுவரை விமானத்தில் பயணம் செய்தது இல்லை.

இந்நிலையில், இரு தினங்களுக்கு முன்னர் ரெஜினால்ட் தனது பிறந்த நாளை கொண்டாடியுள்ளார்.

ரெஜினால்டின் பிறந்த நாள் பரிசாக அவரை சிறிய ரக விமானத்தில் பயணிக்க வைக்க அவரது காதலி திட்டமிட்டுள்ளார்.

இதனை தொடர்ந்து விமானம் மற்றும் விமானி ஒருவரை ஏற்பாடு செய்த பிரியன்னா, ரெஜினால்ட்டை ஏற்றிக்கொண்டு பறந்துள்ளார்.

நகர் முழுவதையும் சுற்றி வந்தபோது காலநிலை மோசமடைந்து கடுமையான மழை பெய்துள்ளது. நிலைமையை உணர்ந்த அவர்கள் மூவரும் விமான ஓடுதளத்திற்கு திரும்பியுள்ளனர்.

அப்போது, திடீரென விமானத்தின் மூக்கு பகுதியை மின்னல் ஒன்று தாக்கியுள்ளது. இதனால் விமானம் தள்ளாடியவாரு தரையை நோக்கி சென்றுள்ளது.

விமானத்திற்குள் இருந்த ரெஜினால்ட் உடனடியாக விமானத்தின் கதவினை காலால் பல முறை உதைத்து திறந்துள்ளார்.

அப்போது, விமானம் ஒரு ஏரியில் விழுவதற்கு சில வினாடிகள் முன்னாள் தனது காதலியை அவர் விமானத்திலிருந்து வெளியே தள்ளி விட்டுள்ளார்.

பிரியன்னா ஏரியில் விழுந்த அதே நேரத்தில் விமானமும் விழுந்து மூழ்கியுள்ளது.

இச்சம்பவத்தில் விமானத்திற்குள் சிக்கிய ரெஜினால்ட் மற்றும் விமானி ஆகிய இருவரும் பலியாயினர். பிரியன்னா அதிர்ஷ்டவசமாக உயிர் பிழைத்துள்ளார்.

விமான விபத்தில் தனது காதலியை காப்பாற்றிவிட்டு காதலன் உயிரிழந்துள்ள சம்பவம் அப்பகுதியில் பெரும் சோகத்தை ஏற்படுத்தியுள்ளது.

உலகின் மிக காரமான உணவான mampus என்ற உணவை சாப்பிட்ட இந்தோனேசிய நபரொருவர் சில நிமிடங்கள் செவி கேட்க முடியாமல் அவதிக்கு உள்ளாகியுள்ளார்.

இந்தோனேசியாவில் பென் சுமாடிவிரியா என்பவர் உலகின் மிக காரமான உணவான mampus என்ற உணவை ருசி பார்த்துள்ளார்.

Mampus அல்லது death noodles எனப்படும் இந்த உணவு தற்போது உலக அளவில் மிகவும் காரமான உணவாக கருதப்படுகிறது.

இந்தோனேசியாவின் ஜக்கார்த்தாவில் மட்டும் கிடைக்கும் இந்த கார உணவு Birds eye மிளகாய் எனப்படும் கார வகை மிளகாயில் இருந்து தயாரிக்கப்படுகிறது.

இந்த உணவை பென் சுமாடிவிரியா சுவைக்கும் முன்னதாக தனது மேல்சட்டையை கழற்றியுள்ளார். பின்னர் ஒரு சில கவளங்கள் எடுத்து சுவைத்த அவருக்கு கட்டுப்படுத்த முடியாத அளவுக்கு வியர்வை கொட்டியதாகவும், கண்கள் இருளடைந்து மயக்க நிலையில் சில நிமிடங்கள் இருந்ததாகவும் பின்னர் தெரிவித்துள்ளார்.

சில கவளங்கள் சாப்பிட்டு முடித்ததும் அவர் வாய் நிறைய ஐஸ் கட்டிகளை அள்ளிப்போட்டுள்ளார். பின்னர் குளிர்ந்த நீரை கோப்பை கணக்கில் குடித்துள்ளார். ஆனால் இவை ஒன்றும் அந்த கார உணவு தந்த தாக்கத்தை குறைக்கவில்லை என்று கூறிய பென், உடனடியா தண்ணீர் குழாயின் அடியில் தனது தலையை வைத்துக்கொண்டு தன்னால் எதையும் கேட்க முடியவில்லை என அலறியுள்ளார்.

பல மணி நேரங்கள் இதனால் அவஸ்தைக்குள்ளான அவர் இதுவரை உலகின் பல்வேறு வகையான கார உணவு வகைகளை சுவைத்துள்ளதாகவும், ஆனால் இதுபோன்ற கார உணவை வாழ்க்கையில் சுவைத்ததே இல்லை எனவும் தெரிவித்துள்ளார்.

அமெரிக்காவில் வசித்துவரும் தம்பதியினர் திருமணமாகி கடந்த 52 வருடங்களாக ஒரே நிறத்தில் உடையணிந்து வருவது ஆச்சர்யத்தை ஏற்படுத்தியுள்ளது.

புளோரிடா மாகாணத்தைச் சேர்ந்தவர்கள் பிரான் மற்றும் எட் கார்கீலா. இவர்களுக்குத் திருமணமாகி 52 வருடங்கள் கடந்துவிட்டது. இந்த நிலையில், தம்பதியினர் இருவரும் கடந்த 52 ஆண்டுகளாக தினமும் ஒரேநிறத்தில் உடையணிந்து வருகின்றனர்.

பிரான் மற்றும் எட் கார்கீலா இருவரும் நடனத்தில் மிகுந்த ஆர்வம் கொண்டவர்கள் என்பதால் வார இறுதி கொண்டாட்டங்களில் இணைந்து நடனமாடி குடும்ப உறுப்பினர்களையும் நண்பர்களையும் மகிழ்வித்து வந்துள்ளனர்.

இதன் ஒரு கட்டத்தில் இருவரும் ஒரே நிறத்தில் உடை அணிந்து நடனமாடியதும், அதையே அவர்கள் கோவில் உள்ளிட்ட வெளியிடங்களுக்கும் அணிந்து சென்றுள்ளனர்.

இதனால் பொதுமக்கள் சீக்கிரத்தில் இவர்களை அடையாளம் கண்டு நலம் விசாரிக்கவும் துவங்கியுள்ளனர்.

இந்த நிலையில், பிரான் மற்றும் எட் ஒரே நிறத்தில் ஆடை உடுத்தும் இந்த தகவலை அவர்களது பேரன் தனது டுவிட்டரில் பதிவிட, அந்த செய்தி சமூக வலைதளங்களில் தற்போது வைரலாகப் பரவி வருகிறது.

பிரித்தானியாவில் பொது இடத்தில் வைத்து 14 வயது சிறுமி ஒருவர் இரண்டு பெண்களால் மிக கொடூரமாக தாக்கப்படும் வீடியோ வெளியாகி பரபரப்பை ஏற்படுத்தியுள்ளது.

Birmingham அருகே உள்ள Erdington பூங்காவில் வைத்து இந்த தாக்குதல் சம்பவம் இடம்பெற்றுள்ளது. இதன்போது அருகில் இருந்தவர்கள் தடுக்காமல் சிரித்தபடி வேடிக்கை பார்த்துள்ளது அதிர்ச்சியை ஏற்படுத்தியுள்ளது.

சம்பவ இடத்தில் இருந்த சிறுவன் ஒருவன் குறித்த காட்சியை பதிவு செய்துள்ளான். அதை பாதிக்கப்பட்ட சிறுமியின் பெற்றோர் சமூக வலைத்தளங்களில் பதிவிட்டுள்ளனர்.

குறித்த வீடியோவில், எதிர்பாராதவிதமாக இரண்டு பெண்கள் வந்து, சிறுமியை கீழே தள்ளி கால்களால் உதைத்து மிக கொடூரமாக தாக்குகின்றனர். இதன்போது அருகில் இருந்த பொதுமக்கள் தடுக்காமல் சிரித்தபடி வேடிக்கை பார்க்கின்றனர்.

இதுகுறித்து பாதிக்கப்பட்ட பெண்ணின் சகோதரி கூறுகையில், ஏன்? எதற்காக இப்படி அடித்தார்கள்? என்று தெரியவில்லை. எதுவும் சொல்லாமல் திடீரென தாக்கியுள்ளனர். இந்த வகையான பெண்கள் மிக அருவருப்பானவர்கள், இந்த பெண்கள் தங்களை குறித்து வெட்கப்பட வேண்டும் என கூறியுள்ளார்.

மூத்த சகோதரி கூறுகையில், சம்பவம் குறித்து இன்னும் பொலிசில் புகார் அளிக்கவில்லை. ஆனால் புகார் அளிப்போம், அதற்கு முன்னால் பதிலடி கிடைக்கும் என்ற பயத்தை அவர்களுக்கு காட்ட விரும்புகிறேன் என குறிப்பிட்டுள்ளார்.

இதே போன்று சமீபத்தில் Guiseley நகரத்தில் நடுரோட்டில் சிறுமி ஒருவரை இரண்டு பெண்கள் சேர்ந்து மிக கொடூரமாக தாக்கியது நினைவுக்கூரத்தக்கது.

பிரித்தானியா நாட்டில் பணம் கொடுக்க மறுத்த பெண் ஒருவரை கொடூரமாக பலாத்காரம் செய்துவிட்டு தப்பிய பிச்சைக்காரனை பொலிசார் தீவிரமாக தேடி வருகின்றனர். மேற்கு லண்டனில் உள்ள Islington என்ற பகுதியில் தான் இந்த பயங்கர சம்பவம் நிகழ்ந்துள்ளது.

இரண்டு தினங்களுக்கும் முன்னர் Essex சாலையில் சுமார் 50 வயதான பெண் ஒருவர் சாலையில் நடந்துச் சென்றுள்ளார். அப்போது, அடையாளம் தெரியாத பிச்சைக்காரன் அந்த பெண்ணிடம் கை நீட்டி பிச்சை கேட்டுள்ளார்.

பரிதாபம் அடைந்த பெண் அவருக்கு ஒரு நாணயத்தை போட்டுவிட்டு அங்கிருந்து விலக முயன்றுள்ளார். ஆனால், பெண்ணை தடுத்தி நிறுத்திய அந்த பிச்சைக்காரன் மீண்டும் பணம் கேட்டு கையை நீட்டியுள்ளார்.

இதனால் எரிச்சல் அடைந்த அந்த பெண் அங்கிருந்து வேகமாக நடக்க முயன்றுள்ளார். ஆனால், அப்பெண்ணை பின் தொடர்ந்த அந்த பிச்சைக்காரன் ஆட்கள் இல்லாத தனிமையான இடம் பார்த்து அப்பெண் மீது பாய்ந்துள்ளான்.

பிச்சைக்காரனின் செய்கையால் அதிர்ச்சி அடைந்த பெண் கடுமையாக போராடியுள்ளார். ஆனால், முரட்டுத்தனமாக செயல்பட்ட பிச்சைக்காரன் கத்தியை காட்டி மிரட்டி அப்பெண்ணை கொடூரமாக பலாத்காரம் செய்துள்ளான்.

பின்னர், பெண்ணின் பையில் இருந்த பணம் மற்றும் சில பொருட்களை திருடிக்கொண்டு அங்கிருந்து தப்பியுள்ளான்.

இச்சம்பத்திற்கு பிறகு பெண் பொலிசாரிடம் புகார் தெரிவித்துள்ளார். அப்பகுதியில் பொலிசார் விசாரணை செய்தபோது பலாத்காரம் செய்த பிச்சைக்காரனுக்கு 35 வயது இருக்கலாம் என தகவல் கிடைத்துள்ளது.

பொது இடத்தில் பணம் கொடுக்காத பெண்ணை கொடூரமாக பலாத்காரம் செய்த பிச்சைக்காரனை பொலிசார் தீவிரமாக தேடி வருகின்றனர்.

அன்னை தெரசாவுக்கு புனிதர் பட்டம் வழங்கு வதையொட்டி வாடிகன் நகரம் விழாக்கோலம் பூண்டுள்ளது.

நிகழ்ச்சியில் இந்தியாவின் சார்பில் மத்திய வெளியுறவு அமைச்சர் சுஷ்மா சுவராஜ் தலைமையிலான குழு பங்கேற்கிறது. ஐரோப்பாவின் மாசிடோனியாவில் உள்ள ஸ்கோப்ஜே என்ற நகரில் 1910-ம் ஆண்டு ஆகஸ்ட் மாதம் 26-ம் திகதி அன்னை தெரசா பிறந்தார்.

18 வயதில் லொராட்டா சகோதரிகளின் சபையில் சேர்ந்தார். இந்தியாவில் ஏழை பள்ளி குழந்தைகளுக்கு கல்வி போதிக்க விரும்பினார். இதற்காக 1929-ம் ஆண்டு இந்தியா வந்தார். மேற்கு வங்க மாநிலம் டார்ஜி லிங்கில் துறவற பயிற்சியை தொடங்கினார். 1937-ம் ஆண்டு உறுதி மொழி எடுத்து துறவறம் மேற்கொண்டார்.

1950-ம் ஆண்டு கொல்கத்தாவில் புறக்கணிக்கப்பட்ட மக்களுக்காக ‘மி‌ஷனரிங் ஆப் சாரிட்டிஸ்’ என்ற அமைப்பை தொடங்கினார். மறு ஆண்டில் அவர் இந்தியாவின் அதிகாரப்பூர்வ குடிமகள் ஆனார். அன்பு கருணையுடனும், தாயுள்ளத்துடனும் தொண்டு செய்து வந்த அன்னை தெரசா மக்கள் மனதில் இடம் பிடித்தார்.

அவரது சேவையை போற்றி மத்திய அரசு 1980-ம் ஆண்டு பாரத ரத்னா விருது வழங்கியது. முன்னதாக 1979-ம் ஆண்டு அமைதிக்கான நோபல் பரிசு வழங்கப்பட்டது. உடல் நலக்குறைவால் 1997-ம் ஆண்டு செப்டம்பர் 5-ம் திகதி தனது 87-வது வயதில் அன்னை தெரசா மரணம் அடைந்தார்.

அன்னை தெரசா மறைவுக்குப் பின்பும் பல அற்புதங்கள் நிகழ்த்தினார். கொல்கத்தாவைச் சேர்ந்த மோனிகா பேஸ்ரா என்ற பெண் அன்னை தெரசா உருவம் பதித்த டாலர் அணிந்ததால் அவருக்கு அடிவயிற்றில் ஏற்பட்டிருந்த புற்றுநோய் கட்டி குணம் அடைந்தது. இதை அற்புதம் என போப் ஆண்டவர் 2-ம் ஜான்பால் அங்கீகரித்தார்.

அதன்பின் 2008-ம் ஆண்டு பிரேசில் நாட்டைச் சேர்ந்த ஆண்ட்ரினோ என்பவரது தலையில் இருந்த உயிருக்கு ஆபத்தான மூளைக்கட்டி அவரது குடும்பத்தினர் அன்னை தெரசாவிடம் வேண்டியதால் குணம் அடைந்தார். இந்த அற்புதத்தை போப் பிரான்சிங் அங்கீகரித்து அன்னை தெரசாவுக்கு புனிதர் பட்டம் வழங்குவதாக கடந்த ஆண்டு டிசம்பர் மாதம் 17-ந்தேதி அதிகாரப்பூர்வமாக அறிவித்தார்.

அதன்படி அன்னை தெரசாவுக்கு புனிதர் பட்டம் வழங்கும் விழா இன்று ரோம் நகரில் உள்ள வாடிகன் புனித பீட்டர் சதுக்கத்தில் நடக்கிறது. உள்ளூர் நேரப்படி காலை 10 மணிக்கு (இலங்கை, நேரப்படி பிற்பகல் 1.30 மணிக்கு வழங்கப்படுகிறது. அப்போது கூட்டுப் பிரார்த்தனையும் நடக்கிறது.

இந்த இரு நிகழ்ச்சிகளிலும் 3 இலட்சம் பேர் பங்கேற்கிறார்கள். அவர்கள் வாடிகன் சிட்டியில் குவிந்துள்ளதால் நகரம் விழாக்கோலம் பூண்டுள்ளது.

இந்த நிகழ்ச்சியில் இந்தியாவின் சார்பில் மத்திய வெளியுறவு மந்திரி சுஷ்மா சுவராஜ் தலைமையிலான குழு பங்கேற்கிறது. இதற்காக அவர்கள் ஏற்கனவே வாடிகன் போய்ச் சேர்ந்து விட்டனர்.

மேற்கு வங்காளம் சார்பில் முதலமைச்சர் மம்தா பானர்ஜி தலைமையில் ஒரு குழுவும், டெல்லி மாநில அரசு சார்பில் முதலமைச்சர் அரவிந்த் கெஜ்ரிவால் தலைமையில் ஒரு குழுவும் வாடிகன் சென்றுள்ளது.

கொல்கத்தாவில் இருந்து ‘மி‌ஷனரிங் ஆப் சாரிடிஸ்’ அமைப்பைச் சேர்ந்த 50 கன்னியாஸ்திரிகளும், நாடு முழுவதும் இருந்து பாதிரியர்களும், கிறிஸ்தவர்களும் வாடிகன் சென்றுள்ளனர்.

புனிதர் பட்டம் வழங்கப்படுவதையொட்டி கொல்கத்தாவில் பல்வேறு சிறப்பு நிகழ்ச்சிகளும், பிரார்த்தனைகளும் நடைபெற்று வருகிறது.